Ka Nupepa Kuokoa, Volume XX, Number 26, 25 June 1881 — Page 4
| This text was transcribed by: | Shayla |
| This work is dedicated to: | Kauluwehi |
Ka Nupepa Kuokoa
KE KILOHANA POOKELA NO KA LAHUI HAWAII.
i H@HA
Na ka makahiki, $2. Eono Mahina, $1. @@@ Kuike ka Pula.
EOMITE HOOPONOPONO.
SAMUELA KAAIKAULA.
HEZEKIA AEA.
PO@ONO. JUNE 25, 1881.
HOIKE KULA HANAI O WAIALUA.
E hoike ana ke Kula Hanai o Waialua i na mea kuai ma ka lua@ini hoole pope i ka po o ka la 13 o lulai. ka uka komo no ia po, he 25 kenets no ke kanaka makua, a he 12 1/2 keneta no ke kamalii. I ka la 14 o lula@ e hoike ai ke Kula ma ia luakini no, a ia po e hoike hou ana me ka uka komo ole.
OH LAND OF THE BLESSED
Royal Songs.
Ka aina maikai, aina ao a laelae,
Ka @ i@ e imi mau nei,
A kali e lohe ke pa nani mai.
Na mele aulii mai o mai.
Ke kau nei na aka, a pouli mai
I kuu noho ana maanei.
E ake no au la e pi luna'e,
@ Malaila e mêle pu ai @
2
Ka aina makai me na puu uli e @
A hea e hoea mai?
Na hale @l@ me na pa makamae,
Na mala n-ala maikai
A mau na hoonani, na hoomaikai e,
A olo i o a ia nei.
E @ke no au la e pii luna'e,
Malaila e mele pu ai
3
Kuu home no nei, kuu kauhale maikai,
Kuu wahi e malu ae ai.
Pua mau kou mau pono, kou mau pomaikai,
A pau no na mo oonei.
Meanei luhi au la, a kaumaha no,
A kali e kena ia'e.
P@ mai, e kuu keiki i kahi ao mau,
E hai a mele pu mai
E KE AKUA OLA.
God of Our Salvation.
Joy & Gladness.
1
E ke Akua ola,
E hoolohe e,
I ka makou pule,
A kokua mai.
2
Hewa pono ole,
Hune, makapo,
Mai a palupalu,
Aloha ia makou.
3
Huna ia makou la
Ma ka malu ou,
I hee ae na ino,
Me na mea makau.
4
Kei ka malu ou la!
P@ mau no makou,
Mai ke ao a po la,
Palekana no.
Hawaii.
Haawina Kula Sabati.
HELU 2. SABATI @@LAI IO, 1881.
KUMUHANA
Ka mea Hoopakele. e puka mai ana. Pauku Baibal. Puk 2;5-15.
5 Iho iho la ke kaikamahine e Parao e auau in a ka muliwai. hele ae la hoi kona mau wahine ma kapa o ka muliwai: a ike hoouna aku la ia i kona wahine e kawe mai.
6 A wehe aku la ia, alaila ike iho la i ke keiki: aia hoi uwe ae la ua keiki la. Aloha aku ia kela ia ia, i aku la. He keiki keia na ka Hebera.
7 Alaila, olelo aku la kona kaikuwahine i ke kaikamahine a Parao. W hele hoi ha wau, e kii aku nou i kekahi wahine Hebera i kahu uana e hanai i ke keiki nau?
8 I mai la ke kaikamahine a Parao ia ia, O hele. A hele aku la ke kaikamahine, a kii aku la i ka makuahine o ua keiki la.
9 I mai la ke kaikamahine a Parao ia ia, E lawe oe i keia keiki a e hanai ia ia na'u, a oa'u no oe e uku aku. Lawe ae la ua wahine la i ke keiki, a hanai iho la.
10 A nui ae au keiki la: a lawe ae la oia ia ia i ke kaikamahine a Parao, a lilo ae la ia i keiki nana Kapa iho oia i kona inoa, o Mose, i iho la ia, No ka mea, ua lawe mai au ia ia mailoko mai o ka wai.
11 la mau la mai, i ko Mose wa kanaka makua, hele aku la ia i kona poe hoahaoau, nana aku ia ia i ko lakou luhi ana; ike aku laia i kekahi kanaka o Aigupita e pepehi ana i ka Hebera, i kekahi o kona poe hoahanau,
12 Aloalo ae la ia, a ike iho la, aole ka@eka, alaila pepehi iho la ia i ka Aigupita a make, a huna ia ia maloko o ke one.
13 A i ke lua o ka la, hele hou aku la no ia, aia hoi, elua kanaka Hebera e haka@a ana; i aku la ia i ka mea nona ka hewa. No ke aha la oe e pepehi aku nei i kou hoa.
14 I mai la kela, Nawai la oe i hooilo ae nei i alii, a i lunakanawai aluna o makou? Ke manao nei anei oe e pepehi mai ia'u e @ike me kou pepehi ana i ka Aigupita? Alaila makau iho la o Mose, i iho la, Oiaio no ua ikeia keia mea.
15 A lohe ae la o Parao ia mea, imi iho la ia e pepehi ia Mose. Mahuka aku la o Mose mai ka maka aku o Parao, a noho ma ka aina ma Midiana: a noho iho ia ia ilalo ma kekahi luawai.
Pauka Gul@. Heb 11;24. Huli a hoopaa.
anao nui. Na ke Akua e opala a hoomakaokau, i poe hoopakele i kona poe kanaka.
Na Heluhelu ia; 1 Puk 1;1-22. 2 Oih 7;1-29. 3 Heb 11;1-29. 4 Eset 4;1-17 5 Dao 1;1-21. 6 1 Naalii 3;1-15. 7 1 Sam 1;1-28.
Mele. "Hea Iesu" Lei Alii, 157.
Pule i hoolohe na haumana i ko lesu leo kahea.
K wehewehe meka ninau ana.
Ma ka Helu I, ua haiia mai na hana i hanaia i mea e emi ai na Iseraela. Heaha ia mau hana? Ua emi anei? Heaha kekahi haha oolea loa no na keiki kane ke hanauia? Ua hooleiia iloko o ka muliwai a make. Pehea na kaikamahine? Ka lahui hea ke pepehi i na kaikamahine a hoola i na kaiki kane? Kina hoomana kii. A pehea Kina hoomana ia lebova? Pehea ma makua Hawaii i ka wa hoomana kii? Pehea lakou i keia wa? Ua pau anei ia hana naaupo?
Pehea na Iseraela? Ua emi anei no ka pepehi ia'ua o na keiki kane?
He mau makua i minamina i ka laua keiki. Oway laua? No keaha ka minamina i ke keiki? I ole e pepehiia e na luna o Parao, pehea laua i hana'i? Ehia malama i hana ia'i? A ike laua e loaa ana ke keiki, alaila hana laua pehea? ahea i waihoia'i ka waa kome? Owai ia muliwai? Nile paha. Owai kai ike i keia hana ana? Owai kona inoa? Miriama.
No keaha ka makau ole o na makua o pau ke keiki i ka ai ia e na ia? Heb 11;23. no ka manaoio paha. Na ke Akua oia e malama.
P 5-8. Ka loaa ana o ke keiki. Pehea ka loaa ana? Ua iho ke kaikamahine a Parao i ke kapa o ka muliwai e auau paha, e hoomana paha i kona akua. Ike oia i ka waa kome iwaena o na kaluha kena oia e aha ia? I ka wehe ia'na heaha maloko? Pehea mai paha. Ua opili paha. Nawai au keiki nei, wahi a ke kaikamahine a Parao? Kena anei oia e pepehi ia oia, e like me ke kauoha a Parao? Aole loa. Menemene aloha nui.
Heaha ke noi ana a ke kaikawahine? Apane ke kaikamahine a Parao pehea? O kii oe, nani ke aloha. Akii aku oia ia wai? Aia paha ka makuawahine ma kahi kokoke e nana mai ana i ka hope o ka waa kome. Mokumokuahua i ka manawa i ke aloha i ke keiki. Heaha kekahi hana a Miriama? Puk 15; 20,21.
P 9 A puka ka makuwahina ilaila, heaha ke kauoha a ke kaikamahine a Parao ia ia no ke keiki? Ua ike anei oia, ka makuwahine no keia no ke keiki? Nawai ke keiki ke laila he keiki alii oia, he hooilina alii? Heaha ka ka makuwahine e ao mai ana i au keiki alii nei? Na mea paha e pili ana i ke Akua, ia Adamu, ia Noa ia Aberahama ma, na wanana no na Iseraela &c.
P 10 Pau ka hanai ana o ka makuwahine ponoi laweia ua keiki nei io wai ia? Laweia i ka hale alii, a aoia ma na mea e pili ana i ka naauao o Aigupita. Oih 7;22, i ka oihana alii, ka oihana kaua. Ma keia mau ao elua ia'na ua lo@a kekahi makaukau no ke alakai ana i na Iseraela mai Aigupita a Kanaka. Owai ka inoa, o ua keiki nei? Nawai i kapa? No keaha? A kauka makua lia Mose, heaha kana i hele ai? Heb 11;24. Ma keaha ia hoole ana? Heaha kona koho ana? Heb 11;25,26.
P 11,12. Heaha kana hana mua mahope iho oia koho ana? Ua pono anei kona pepehi ana i ka Aigupita? Ua ikeia anei?
P 13 14 Heaha ka lua a ka Mose hana? Makemake oia e uwao iwaena o na Hebera elua e hakaka ana. Pehea laua o olelo pakike ai ia ia? Kupanaha? Pale laua na Hebera, a e hookuikahi i na mea kue. Hele mai Iesu e uwao e hoopakele i ka poe hewa i ka hooluhiia, a pehea na kanaka ia ia? Pehea oukou ia ia? Pehea oukou e hana nei i ua kahunapule, a i na kumu ao?
P 15. Imi Parae e aha ia Mose? Pehea Mose i pakele ai? Holo aku i hea? Mahea Midiana? E pili ana ia i ke Kai Ula a hiki aku i ke kaimake. Ehia ona mau mak. ia wa?
Na ninau io ia nei.
Owai ka wahine alii kaaoha e pepehiia na keiki alii a pau? Hookahi nae keiki i hoopakeleia. Owai ia keiki? Ma keaha oia i hoopakeleia'i. A lilo oia i aha mahope? Owai ke keiki alii i imi ia e pepehiia? aole nae i pepehi ia? Ma ke aha oia i hoopakele ia'i? A lilo oia i aha mahope?
Heaha kekahi hana maikai a ke kaikamahine o Mose? a ke kaikamahine hoi a Parao? Owai ka inoa o ia kaikamahine? Ua paiia @namua. E huli iloaa. Pehea e hiki ai i na kaikamahine maanei ke hoohalike me ia mau kaikamahine? Ma keaha oukou na ui e hoohalike ai me Mose? Ma na mea e hia? Noonoo pono ole ke hoohalikeia.
Heaha ko oukou koho ana i keia la? Heaha ka uku ke koho oukou ia lehova me ka malama ana ia i?
Hai paanaau i ka pauku Gula.
Mele. "Owai no Iesu." Lei Alii.
Pule i lilo na haumana a pau no Iesu.
Haawina no lulai 17. Puk 3;1-14.
NA LETA A NA HAUMANA O HALEIWA, WAIALUA.
Waialua, Aperila 18, 1881.
Mea i aloha nui ia. Miss Mary E. Green.
Aloha nui oe:--
Ua loaa ia'u ka hanohano e pene aku ia oe e like me na ninau o ka la 15 lanuari i hale, a eia na ha@@ o kau mau ninao.
1. Owai kou inoa?
O Marietta Kahelahela.
2. E noho ana oe mahea?
Ma Waialua.
3 Heaha kau hana?
Ma ka hale ka hapa nui o ko'u manawa hana, e malama ana ina keiki.
4. Ua mare anei oe?
Ae.
5. Ehai au keiki?
Eha a'u keiki. Ehia e ola nei, Elua i make.
6. He kane aha kau?
He kanaka Hawaii maoli. Owau no hoi kekahi haumana a Mary Green. Ua komo au i ka malama o Aperila la 5, 1889, hemo mai au i ka la 27 o Dec. 1873. Malalo no o ka malu o Mary, noho no au ma Waialua, me ko'u mau makua. I ka makahiki 1877 i ka la 2 lanuari, mare ia au e Rev J N Paikuli me J Kapu Kaianui, hanau ka maua hiapo he kaikamahine, i ka la 20 Dec. 1877. Ua piha iaia ekolu makahiki me na malama keu. Ka lua he keiki kane 2 on a mau makahiki, Hanau i ka la 20 o lanuari 1879. No ke kolu a me ka ha o na keiki. aole i helu ia na makahiki, no ka mea ua hanau laua a make no. No keia manawa he oluolu no ko'u noho ana me ka'u kane a me ka'u mau keiki me ko'u ohana. A maloko o ke aloha o ke Akua i kona malama pono ana i ko'u ohana a pau i keia mai e pahola nei i keia mau malama a oia keia, aole hookahi o ko'u ohana i loaa ia mai. A he oiaio no maloko o ke aloha @ ke Akua ka pakele o na mea a pau.
Owau iho no. MARIETTA K K.
Kapaka Koolauloa, Oahu, Mei 17,1881.
I ke Kahua o ko makou Alemanaka Haleiwa School.
Mary Green. Aloha oe:--
Ma kau Episetole o lanuari 15 o keia M H 1881, i kakau ia, a i hool@haia ma ka nupepa Kuokoa Helu 4 Buke XX, aoao 4. Nona ke poo manao. "Hoolaha in a haumana mua o ke Kula Hanai o Waialua Oahu. A i kuu heluhelu ana i kau. Ua loaa ia'u kau mau manao ninau ano koikoi ahiku, A o ka walu o kou manao e noi mai ana i ko'u moolelo mai ko'u wa i haalele ai i ke kula a hiki i keia wa.
Ua oluolu loa no au, e pane aku no kau mau ninau.
No na ninau au ehiku. Eia mai ia.
1 Owai kou inoa?
O ko'u inoa i komo ai i ke kula o Miss oibe Maawe, no Waikele, Ewa, Oahu, a o ko'u ino i keia wa, Mrs Poibe Kauaihilo.
2. E noho ana oe mahea i keia wa?
Haina, ma Kapaka Koolauloa Oahu.
3. Heaha kau hana i keia wa?
Haina e noho ana me ka'u ali kane, a kokua kumu a kumukula no ke kula aupuni ma Waiono Koolauloa Oahu i kahi wa.
4. Ua mare anei oe?
Ae, ua mareia au i ka M H 1870, malama o lune la 22, i ka lua o na makahiki o ko'u hemo ana mai ki kula mai.
5. I na ua mare oe, ehia au mau keiki?
Haina elua.
6. A pehea, ka nui o ko lua mau makahiki?
Haina. O ka mua 1 makahiki me elua malama. O ka laa 1 makahiki me eono malama, he mau keiki kane wale no laua a i elua, ua make no a i elua na ka Aaku no i haawi mai, a nana no i lawe akk, e mahalo ia ke Akua.
7. He kane haole, hapahaole paha, kane Hawaii paha kau?
Haina, he kane Hawaii no, he Lahainaluna, o Kauahilo ke lii makai o Kapaka o Koolauloa i keia wu.
Ua kome au ke kula hanai o Waialua i ka M H 1865 malama o Okatopa la 24 Poalua ia, o Ane O H Kuika a me Laiana kaikamahine, na kumu o Rev O H Kulka ke kahu hanai, makai na makua o makou, e poina ole ai inu puuwai. O ko makou nui, na kaikamahine ma ke kula ia wa he 75 ke ole au e kuhi hewa, mai na pea mai o keia mau pae moku e huli naauao ana. Ua noho au malalo o ke ao ia e na kumu ma ke kula no elua makahiki me ewalu malama, a ua hookuu ia mai au mai ke kula mai i ka malama o lune M H 1868, me ke aloha no i na kumu, a ua loaa ia mai no hoi ko'u palapala hookuu apono mai ke kulu mai.
Ua haalele i ka hale hoonui ike, a huli aku la ke alo no ka home o ka makua.
Ua noho au malalo o na makua, e kokua pu aku ana ina hana a ka Haku ma ka ekalesia o Ewa me ka makua Jonh I@, ma ke kula Sabati a ma na halawai hoi. A i ka l@u wale ana iho o ka noho ana. Lilo au i kumukula no ke kula aupuni o Waiawa Ewa i ka wa o Mahelona ka luna kula, o Ewa. I keia wa ua hoopalau wau me ka mea a'u i lawe ai i koolau no'u no ka wa akahi makahiki ka loihi. A naia ma na i kaili aku ia'u mai ka'u hana kumu ao ana, a i ka aina poli anuanu o Koolauloa ma ke kahua hanai ohane, malaila no maua, a hiki i keia la a'u e palupalu aku nei ia oe. Oia ka'u ia oe, me ke aloha. Owau no me ka oiaio.
MRS POIBE KAUAIHILO.
KUMUMANAO: NO KA WAI ONA.
Elua no mahele nui i pili i ko kakou Kumuhana. Ka mua, ke ino o ka wai ona, ka lua, ka haalele loa i ka wai ona, oiai he mea ino ia.
Nolaila, pono paha au ke ninau i keia ninau. Heaha la ka wai ona?
He mea ia i hanaia e ka lima o ke kanaka, mailoko mai o na wai ona, ua kamaaina kekahi poe o kakou ia mea, oia hoi; keokeo kekahi, a he nui aku. A e like me ka like ole o na waihooluu o lakou, pela no ka ikaika.
I kona manawa e waiho ana ma na pahu me na omole, a ma na kiaha, he mea e kona nani alohilohi imua o na maka o ke kanaka, aal i ka ihu o ka mea hookamaaina ia ia, kupono ole i ka manao, me he mea la e ani peahi mai ana ia oe e hookomo mai ma ka puu.
Aka hoi, o na mea aala nei i ka ihu o kekahi poe, he maea loa hoi ia i ka ihu o ka poe i kuluma ole me ia (wai ona). A ke olelo mai nei ke Akeakamai kaulana o ke Ae nei, oia hoi o Solomona. "Mai nana oe i ka waina i kona ulaula ana, i kona aleale ana ma ke kiaha, i kona he ana a maikai, mahope iho, e nahu mai me he nahesa la, a e pa mai me he moonihoawa la."
he mea oiaio nae, ale e ikea ke ino o na wai ona ma ka nana aku i kona kino, a me ka milikaa ana o na lima ia ia.
Ina pela, e pono kakou e ninau iho. "ma hea la ka hoi e ike ia ai kona ino?" A no ua hiki mai kakou i kahi a'u e hoike aku ai i ke ino o au wai ona nei, a kekahi poe no hoi o oukou i ike nui ai, ma Honolulu nei, a ma na kua aku nei o ko kakou aina.
Nolaila, ke lawe mai nei au i kekahi mau kumu e ike ia ai kona ino?
Akahi. Ma ka inu ana i au wai ona nei. I mai paha kekahi. Heaha iho la oi ka hewa o ka ino ana? Eia, i ka rama a komo i ka waha, @ohe poino malaila, o kahi puu wale no ke loan i kahi wela, a he pupuka nae kona maka, a waiho aku la ma ka opu.
A oiai ka wai ona ma ka opu, hana mai la na io hana, a lalawe aku la a puni ke kino.
Mahope iho o keia, e ike ia aku no, e kunokunou mai ana ke poo, e lelehu mai ana na maka, e hilikau ana na lima, e hehi hewa ana na wawae, e waha rama ana kahi waha, a pela ku. He mau hoailona keia o ko ka rama hana io.
Alua. Ma kona ho-ona ana i ke kanaka. Oia hoi, malule ke kino, na a-a, na io, na ami, a au nawaliwali maoli na io a pau o ke kino.
Akolu. Ma kona hoopoina i ka noonoo kanaka. Ua ike ia keia ma ko ke kanaka hoomaopopo ole i kana mau hana, "oiai oia e kauwa ana na ka ona. O ke kio-lepo a ke kanaka on a ole i ike ai he mea ino, aka i ka wa o ka ona, he hoa moe pu aku la oia no na holoholona, a me na ano like. A he hoolapuwale maoli keia a ka wai ona i ke kanaka, a ke kanaka no hoi i ike ai he mea ino keia. A o ka mea pakela loa, oia ka hoopuka ana mai i ka hewa.
Aha, Ma ka hoolilo ana a ka wai ona i ke kanaka i ka make, Ua kamaaina mau kakou i ka lohe, a me ka ike maka i na kanaka i make mamuli o ka wai ona, ma ko kakou one hanau nei, a ma na aina e.
Eia no hoi keia na ka wai ona i hoolilo i ka hoa'loha i enimi no ka make, ua ike ia keia iwaena o na kanaka e noho nei, a i ka wa hoi i hala.
Ua ike kumaka ai ma Kapaa Kauai, i ka make ana o ka hoa aloha i ka hoa aloha, malalo o ke koloka pouli a ka wai ona, ua poina ia laua iho ko laua launa pili pua mau ana, mai ka lepo mai o Kaleponi, a i na ale hulilua o ka moana, a noho wale laua i ka Laula o Kapaa, i ka A D 1879. A mamuli o ka mana o ka wai ona, ua lawe ae la laua i ka pahi a oki mai, o ka hopena, o ka make ana o kekahi o laua.
Eia hou keia, I na e ona ke kanaka i ka waiona, hoopuka koke mai no iai na hiohiona o ka hewa, he mea la hoi kau a ona mai la hoi, hana 'ku i na mea ka i ka pono, he ole loa no. Ina he kanaka ua ike ia kona wahi hanu, pono iki i kona wa ona ole, a on a iho, ua nalowale ka malamalama ikoko ona, o ke kuleana o ko ke kanaka noonoo maikai, ua kaawale aku la. A o na hana o ka pouli kana e hana ai, me ia pouli no a noho ana i na keena ano maea o ka Halewai, a i puka ae ka hewa ma keia hana pouli ana, o Kawa no ka palena. pel no ma na wahi e aku.
Ke i mai nei ke Kuhikuhi Puuone Kaulana o ke Au kahiko, oia no o Solomona. @la wai la ka uwe ana? Ia wai la ka poino? Ia wai la ka hakakaka? Ia wai la na palupalu loaa wale? Ia wai la na maka ulaula?
Eia; I ka poe e hoomau ana ma ka wai ona, a i ka poe hoi e hele ana e imi i ka wai ona.
Nolaila, ke ike nei kakou i na ano o ka wai ona, a me kona hehena weliweli, aole oukou he mau kauka, a he poe no kulakula, aka, he poe kekahi ua ike kumaka ia mea ino.
Nolaila, hookahi ninau nui a kakou i koe oia keia; "Pehea la e pau ai iau ana o ka mea inu wai ona?"
A no e o'u mau hoa inu wai ona, a me ka poe inu ole, ua hiki mai la kakou i kahi e hoike ahu'ai au i kekahi mau mea e pono ai ke waiho loa aku i ka wai ona oiai ma na hoike ana maluna, au ike ia ke inoi o, a inu no nae, me ka ike ihono, ua hele pololei mai ka pilikia a ka wai o@a i kona kino ponoi iho, i ka ohana, na wahi loaa i luhi @i ke kino, a pela aku.
I. Me ka ike iho o ke kanaka inu wai on a i kona mau pilikia a me na hopena poino.
II. Me ka hoike aku i kekahi mau mea ino like nui ole ia e ka poe inu wai ona ole.
III. Me ka haawi aku ia lakou i kekahi mau @@la no ka haalele ana.
Eia kekahi wahi moolelo no kekahi kanaka inu wai on a, i haule iloko o na pilikia, a no ia pilikia, hoalele lea i ka iau rama ana.
"E noho ana ke kane me kana wahine ma ko laua home, o ke kulana o keia mau mea, penei no ia; O ke kane he iou wai on a kana hana mau, hoolilo mau oia i kana mau wahi loaa no ka rama, a he on a mau kana hana me ka hoopoino mau aku i ka wahine, aohe oluolu pono ko laua noho ana. O ka wahine hoi, penei kona ano; He haipule oia he helel mau oia i ka pule. a he haawi mau oia i kana mau wahi kenikeni no ke aupuni o ke Akua, aka, o kana kane, e huhu mau oia i ka wahine no ka haawi i ke dala i ke kahunapule, no ka mea, wahi ana, he palaualelo ke kahunapule," poho ke dala ke haawi ia ia. A no ka hele o ka wahine i ka oule, ina hele ou kaua i ka hale inu rama, makepono kahi dala, ai pono ka ua i ko kaua luhi, aole aku hoi ia hoi e lu wale aku ai ke dala.
Olelo aku kaa wahine ia ia, o ka haawi ana i ke dala no ke aupuni o ke Akua, ua oi loaa aku ia mamua o ke dala au e hoolilo nei no ka rama. A o ka hele ana i ka pule, e laua ia oe ka pono nui o ke Akua mai ke kahunapule mai ma kona haawi ana mai i na olelo ai naauao no ka pono o ka uhane, a me keia noho ana. He mea ole wale no ke ia i ua kane nei. A i kekahi ahiahi, hao mai la ua kane nei a linohau, ho o iho la i ke dala ma na pakeke o ka lole, a pane mai la i ka wahine, e helu pu laua i ka inu rama ia ahiahi, hoole aku ka wahine me ka i pu aku, " pomaikai oe ke ae mai kuu Akua e hoi ola mai oe a hui hou kaua ma ko kaua home nei, he mea ole wale iho la no keia i ua kane nei.
Aole i pau.
LOLE MAKEPONO
KE KUIKE.
E LOAA NO IA MA KAHI O
KAKELA ME KUKE!
------E LAA NA------
Ahinahiona, Kalakoa, keokeo, Leponalo, Pena, Aila, Aniani, Ka Mea Piulai
KOPA, AILA HONUA, AILA HOOMALOO
Hui Kakia, pakeke, Tabu, Kaula, Noho Lio, Hulu Palaki, na Pulumi.
----A HE-----
AQUENA NO HOI NO KA MOKUPUNI O HAWAII NEI NO NA
Lainakini-nai,
Lainakini Maoli,
Palule Kalakoa,
Alapia, Kelepa, Kilika.
Na lole kupono i ka wawae, Palule Huluhulu, Na Lole Huluhulu, Na Loole no ka hoohehelo ana Lipini, Lihilihi, &c.
LIPINE, LIHILIHI, &c.
------A ME NA-----
Mikini Humuhumu MakeponoLoa!
---A HE---
MAU MEA AI KA@I
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, ~c
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Ho opau Naio,
Penikala, Huaale.
A ME NA LAAU HAMO. A PELA 'KU
840 tf
PAPA! PAPA!
---NO---
ALLEN & ROBINSON
UA WEHE AE NEI MAUAI
PA KUAI PAPA
---MA---
KA UWAPO O PAKAKA
Na Papa Ulaula o na ano a pau,
Na papa Paina o na ani a pau.
Na Pili Hale Ulaula.
Na Pili Hale Keokeo.
Na Pepa Hoonani Hale,
Na Pepa Molina.
Na Pena a me na Aila Pena!
MA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAIIA NA KE
KE KUMUKUAI HAAHAA LOA
O keia Makeke.
ALLEN AND ROBINSON
@@@@@@@@@@@@@@@ see tf
CHRISTIAN CERTZ
Mea Hana @uti
---ME---
NA KAMAA MAOLI
Alanui Papa, makai o ke keena o @a@ & @@@@a
KE HAI AKU NEI OIA I NA MEA A PA@
Ua hoi mai oia mai Kapalakiko mai,
@aila Oia i ohi kino mai nei i @@@@@@
nani a paa o kana oihana @ ke
waiho ia aku nei no ke k@@
ai ana no na kumukuai
o ka mana@a
HE MAU WAIWAI PIHA ONA BUTI
Na KAMAA HAAHAA a me na ano kam@@
no na Lede. Na Buti, na Kamaa Haahaa a me na ano kamaa e ae a pau
no na keonimana.
NA BUTI & KAMAA HAAHAA
A ME NA ANO KAMAA E AE A PAU
NO MA KAMALII
NA KAMAI O Na ANO HE NUI
O NA KAMAIKI OPIOPIO
O neia mau mea a pau ua hanaia me ke akamai ka ame ka paa o na ano hoa loa a ke hooia ia aku nei ia mau mea e @@ me ka mea i olelo ia:
E lawe ia no na kauohamai na Mokupuni me ka @@ au me ka eku. @@@
NU HOU! NU HOU!
MA HOPE AKU O KA LA @ O IANUARI. 1880. E H@@
maka ana makou malalo o na @ula
DALA KUIKE,
I Ka Loaa ana aku o ka Waiwai
ka Mea Kuai.
E hookahua ana makou i ka makou oihana
malalo o ke DALA KUIKE, e
kuai ia aku ana na lako waiwai
a pau no ke Kumukuai malalo iho o ka
MEA I IKE IA MAMUA
E LIKE ME KA LILO.
He huina nui kp makou o na Oo, Kopala
Ho, &c. i kuai ia mamua ae o ka hoopii ia ana o ka auhau o ka poe nanan i hana.
HE MAU LAKO NUI KO MAKOU
---O NA---
PALAU
A makou e kuai aku ai no ka $7 a hiki
ka $7.50 Malalo iho o ke Kumukuai
mua no kela a me keia PALAU.
Ano ko oukou manawa kupono e loaa a@
na waiwai makepono loa.
E hele mai Hookahi, E hele mai a pau loa.
DILINAHAMA MA.
942 tf 73 Alanui Papu.
PAPA, PAPA
AIA MA KAHIO
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu
ana i na Hale!
Na Pani Puka, Na Puka Aniani,
Na Olepelepe, Na Pou, Na O-a.
Na Papa Hele, Na Papa Ku,
A me na Papa Moe nu@@
NA PILI OKA HALE
O NA ANO A PAU.
Na Pepa Hoonani, Na Pena o na Wai a pau,
Na Kui mai ke Nui a ka Makalii,
Na Ami Puka, Na Ami Puka Aniae@
Na Ami O na ano a pau.
Na Aila Hoomaloo, he lehulehu wale.
Na Aila e ae o na ano a pau.
NA WAI VANIKI
---A ME NA---
WAI HOOHINUHINU NANI
o na an a pau loa.
NA BALAKI ANO NUI WALE
A ke hai ia aku nei ka lono i na makamaka
pau, ua makaukau kei mau makamaka
o oukou e hoolawa aku ma
na mea a pau e pili ana
ma ka laua oihana
---NO KA---
UKU HAAHAA LOA@
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!
A e lawa no hoi oukou makemake
me ka oluolu a me ka maikai!
845tf