Ka Nupepa Kuokoa, Volume XX, Number 30, 23 July 1881 — Page 4
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
1 HUIIA.
No Ka Makahiki. $2. Eono Mahina, $1.
Daia Kuike ka Rula.
KOMITE HOOPONOPONO.
SAMUELA LAAIKAULA/
HEZEKIA AEA.
PAONO. IULAI 23, 1881.
OLELO HOOLAHA.
Kula Nui o Lahainalaoa.
E hoomaka aoa ke Kula Nui o Lahainaluna mai ka la 18 o Iulai a hiki i ka la 18 o Iulai a hiki i ka la 14 o Sepatemaba o keia makahiki, a me ia la e hoomaka ana ka makahiki 51 o ke Kula.
Nolaila, ke Kauoha ia aku nei na Haumana a pau i keakea ia ko lakou Hoi hou ana mai i ke Kula. e ka Mai Puupuu Liilii o na mahina i kaa hope ae nei. E makaala a e Hoi mai i ka Home Naauao ma ka la i olelo ia maluna.
A ke Kauoha ia nei no hoi oa Luoa Kula o na Apana, na Kumu Kula. me ka poe e ae a pau e manao ana e Hoouna mai i na Keiki i ke Kula, e Hoouna mai mamua o ke la i olelo ia maluna.
H R HITCHCOCK.
1023. 2m.
HOI HOME ANA.
Going Home.
Glad Tidings.
1
E pau liilii ae ana
Na huna ola nei,
Ma ka ke kin hana,
Eia'e ka hope e.
Ke hoi home nei
I kahi e maha ai.
Pokole e ke ola nei,
Ke hoi home nei.
Ref. Hoi nei, hoi nei
I ka home ma ke ao,
Hoi nei, hoi nei
I ka home oia mau.
2
Ke mae nei no na pua,
A helei na lau,
Kokoke no ka lua,
Ka lua kupapau.
E ala hou no nae,
A ola ma o ae.
Hauoli e, ke hoi nei,
Ref. Hoi nei, &c.
AO, AO LAILAI A NANI.
Beautiful Heaven my Home.
Good Gold.
1
Ao, ao, lailai a nani,
Ao, ao, oli maikai.
Ao, ao, mau ma ka lani,
Kahi e maha mau ai.
Cho. ll: Ao, ao maikai e.
Kahi e maha mai ai: ll
2
Ao, ao, kuu home oani,
Ao, ao, malu maikai.
Lai, lai ke ike ia,
ao i olino aiai, Ref.
3
Loa kuu auwana' na:
Maha ole no nae,
Paa mau ma kuu manao la
Kahi ma o e maha'i. Ref.
4
Ao, ao paa a mau loa,
Kahi o kuu lesu,
A hea au la e komo,
Komo a mele pu mau? Ref.
Hawaii .
Kaawina Kula Sabati.
HELU 6, SABATI, AUG 7, 1881.
KUMUHANA.
Ka Pasoa. Pauku Baibala. Puk 12;
1-14.
Olelo mai la o lehova ia Mose laua o Asroua, ma ka aina o Aigupita, i mai la.
2 Eia ka malama makamua o ko oukou mau malama, eia ka malama mus o ko oukou makahikiki.
3 E olelo aku olua i ka poe hanaka o ka Iseraela a pua, e i aku, I ka la umi o keia malama, e lawe kela knanaka keia kanaka i hipa keiki ma ko ka hale o na makua, he hipa keiki no ka hale hookahi.
4 Aka, ina he uuku ko ka hale, aole lawa no ka hipa keiki, e lawe pu ia me kona hoalauna e kokoke ana ma kona hale, e like me ka nui o lakou, e like me ka ai ana a kela kanaka keia kanaka, pela no oukou e helu ai i na hipa keiki.
5 I hipa keiki kina ole ka oukou, he kane o ka makahiki hookahi; no loko o ka poe hipa paha, no loke o ka poe kao paha ka oukou e lawe ai ia ia.
6 Na oukou ia e malama a hiki i ka la umikumamakahi o ia malama; a an ke anaina kanaka a pau o ka Iseraela e pepehi iho i ke ahiahi.
7 A e lawe lakou i ke koko, a e kau aku ma na lapauila a elua, a maluna ma ka hoaka o ka puke o na hale, kahi a lakou e ai ai ia mea.
8 A ia po no, e ai lakou i ka io i ohiau ia i ke ahi, e ai pu lakou ia mea me ka palaoa hu ole, a me na nea mulemule.
9 Mai ai maka oukou ia mea, aole hoi i hoolapalapa ia i ka wai, aka, e ohina i ke ahi, o kona poo, me kona mau wawae, a me kona naau.
10 Mai waiho oukou i kekahi a ao, a ina e koe kekahi mea a ao, e hoopau oukou ia mea i ke ahi.
11 Penei oukou e ai ai; e hooliki ia ko oukou phaka, a me na kamaa e paa ana ma ko oukou mau wawae, a me ke kookoo ma ko oukoa lima; e ai wikiwiki oukou, no ka mea, o ka moliaola ia na Iehova.
12 No ka mea, e hele aku au ma ka aina a pau o Aigupita i keia pl, a e pepehi no wau i na hiapo a pau ma ka aina o Aigupita o ka ke kanaka a me ka ka holoholona; a e hoopai aku no au i na akua a pau o Aigupita; Owau no o Iehova.
13 A o ke koko, oia ka hoailona no oukou ma na hale o ko oukou wahi; aia ike aku Au i ke koko, e waiho Wau ia oukou, aole e kau mai ka mea ino maluna o oukou e make ai. Ia'u e pepehi iho ai i ko ka aina o Aigupita.
14 A lilo no keia la i mea hoomanao ai no oukou; a e malama oukou ia la i ahaaina na Iehova, a hiki i ko oukou mau hanauna a pau; e malama oukou ia i ahaaina, ma ke kanawai mau loa.
Pauku Gula. I Kor 5;7, hoopaa.
Manao nui. Ma ke koko o Iesu ke Keiki Hipa a ke akua ke ola o ka poe manaoio.
Na heluhelu la. 1 Puk 11;1 - 19, 2 Puk 12; 1 - 14; 3 Ouk 12;15 - 30, 4 Puk 12;31 - 51, 5 Hal 105;26 - 45, e Kan 16;1 - 17;7 zhsi 9;1 - 28.
Mele.
Pule.
Ka wehewehe ne ka Ninau ana.
Manawa, Aperila 1,491, B C.
Kahi i hana ia'i, Ramese ma Gorena.
Ke lii Parao, oia hoi Totemesa III.
Ua pau na hoopai 9, i hookuu Parao i ka poe Iseraela, Aole mae oia i ae e hookuu, hookahi hoopai i koe. Ua kokoke loa ka wa i hooko ia'i ia hoopai, nolaila e hoomakaukau ana lalou e hele aku.
Mamua o ka hela ana, ua hana ia ka Pasoa, oia hoi ka ahaaina berena hu ole.
Ke ano o Pasoa, eia, ka hoopakele ana, no ko ka anela hoopakele ana i na makahiapo o na Iseraela i ka make.
P 1 - 2 Heaha ka Iehova olelo ia Mose ma? Ka malama makamua, oia ka malama mua o ka makahiki, Ianuari ia ia kakou.
Seseri ka malama mua i ka poe Iseraela mamua. Oia ka hapa hope o Sepatemaba me ka hapa mua o Okatoba. A oia no ka malama mua o ka makahiki aupuni o ka poe Iseraela mahope iho, a hiki i keia la, aka, no ko lakou hoohanau hou ia'na. a lilo i aupuni laa no ke Akua, ma ka hookuu ia ana mai Aigupita aku, kolaila, e lawe ia'na ka malama okoa, oia hoi o Abiba i malama mua o ka makahiki laa, oia keia, oia ka hapalua o Maraki me ka hapalua mua o Aperila.
Nisana kekahi inoa o keia malama.
P 3 - 5 Heaha ka hana mua? He lana hou keia ka hookaawale e ana i na holoholona e hohai ia ana. Ma ka la ehia e hookaawale ai? Nawai e hookaawale, heaha ka holoholona, ina he uuku o na ohua o kekahi hale, heaha ka pono? Heaha ke ano o ka hipa keiki me ke keiki kao?
He hoailona ke keiki hipa nowai, nana Io 1;29, 1 Pet 1;19. Aohe o Iesu kina, nolaila, aole pono e lawe ia ke keiki hipa kina.
P 6 - 7 Ka manawa hea e pepehi ia ai ua hipa keiki nei? Ma ke ahiahi hora ekolu paha, ka hora ia i make ai Iesu, na wai i pepehi i ua hipa nei, a kau i ke koko mahea? Aohe i hookumu ia ka oihana kahuna ma ia wa, o ke poo o ka ohana, oia ke kahuna.
P 8 - 10 E ai i ka io i aha ia? A ai pu me ke aha? No ka hele wikiwiki ka ai ana i ka barena hu ole. A no na mea awahia i loaa iloko o ka wa i hooluhi ia ai, ka ai pu ana me na mulemule.
Ka ai pehea kai papa ia? E ai i ke aha? I kino me ka naau a pau,
Heaha kekahi mea i papa ia? No ke aha?
P 11 Me na mea ehia e ai ai? 1 Hooliki ia ka pohaka. 2 Hoopaa ia na kamaa, 3 He kookoo ma ka lima. 4 Me ka wikiwiki? No ke aha?
Ko Iehova Moliaola ia, ko Iehova Pasoa Kona Kena ana e hoopakeke i Kona poe kanaka.
P 12,13 Owai ka mea e hele ana ma ia po? Mahea, e aha? Iehova ponoi anei?
Kona anela paha? Heaha ka hoailonai ole e pepehi ia na makahiapo o ka poe Iseraela? Mahea ke koko? Ioa aole he koko ma na puka o kekahi mau hale, pehea ka poe o loko?
P 14 E lilo ana ia la, i la aha? I ahaaina na wai? Pehea ka loihi? Mai ia wa no a hiki mai Iesu Nona ia ahaaina.
Mai ia Iesu mai, heaha ke pani no ka ahaaina berena hu ole, 1 Kor 5;7.
Na manao Pili.
1 Elua la o ke kanaka e hoomanao ai, ka la i komo ai oia iloko o keia ao, a me ka la i komo ai oia iloko o ke Aupuni o Iesu?
2 E hoomakaukau e na hoahanau no ka ahaaina a ka Haku.
3 E ai pu i ke kino o Iesu ma na mea mulemule, me ka ehaeha o ka naau me ka mihi nui no na hewa.
4 E hoolei aku i ka hu kahiko, i ka hewa a pau, heluhelu 1 Kor 5;7,8.
5 E holoi ia ko oukou naau i ke koko o Iesu, na makua, na keiki i hoopakele ia i kamake mau loa.
6 E puliki i na puhaka, e haweleia na kamaa, e lawe i ke kookoo, a e naue aku mai Aigupita aku, a i Kanaana hou.
7 E lilo loa ke kino, ka naau no Iesu?
8 Na hana i pono e hana ia ma keia la, mai waiho a i ka la apopo o make e.
Mele.
Pule.
Haawina no Aug 14. Puk 14;10 -21
NU HOU NO KA PAEAINA O NUUHIWA.
Hakanahi, Uapou. Aper 15 1881.
Rev H Paleka. Aloha oe: -
He wa maikai loa keia e halawai leta ai, ke hookaikai hou ae la ka Uhane Hemolele o ke Akua i Kana hana ma na aina o makou. Ua ala mai la na kanaka o ka apana kahiko o Oomoa a ke pule nei, ke mihi nei, ke heke nei i na halawai me kekahi kiai no lakou.
Ua pau ka hale pule hou, hale kula hou, ua oi no na kane me na wahine, ua maikai na alanui, ua hookomo ia na hoahanau hou he 80 paha, aia malaila o Z Hapuku e hoa la hou nei i na papohaku i hiolo a ke ano hou ae na kanaka, oia no ke hihapai i aoho mua ia, a ua hiolo i kekahi mau makahiki ewalu i hala ae nei, a i keia wa ua honi na aa o na laau i ka wai. a hoi hou ko lakou ola.
Ke mahalo nei na haole i na kanaka o Oomoa, he poe oluolu a me ka loko maikai na kamaaina, hookahi alii maikai e noho nei me lakou, e hoala ana i na hana alanui, ke holo nei na lio ma na aoao o Fatuhiva a puni. ua ala io mai na kanaka ma Oomoa; ua noho ka Uhane o ke Akua me lakou, a ke hoomaikai nei au i ke Akua no Kona ae ana mai ia'u e hoomanawanui iki oe, a e kali iki oe, a mamuli e hiolo mai na paka ua.
Ma Hivaoa aku nei au i ka mahina o Maraki, a lohe hou au i kekahi nuhou, eia ka ma Hanaiapo kekahi alii e hana ana i ka halepule no Hapuku e kahea ana ia ia i makua no kona poe, ua komo ia kela halepule i keia mahina, ua oluolu loa oia me kona poe e hana i Hale no Iehova me ka uku oie a ke hele pule nei lakou me Hapuku.
Na hookomo ia kekahi poe hou ma ko makou ekalesia ma Hakahetau, ua launa mai ka Haku me ka poe pope, a ua huli, a eia makou e hana pu ana.
Ke hoomaka nei o S T Kauwealoha i kula olelo Beritania ma Hakanahi he 17 haumana ana, oia ke kula mua o ka leo Beritania ma na moku o Nuuhiwa, he kula maikai a akamai a maauao wahi a ka poe kiaaina o Nuuhiwa.
Aole nae he uuku o keia kumu i ke ao ana i na keiki ma ka leo Beritania, aia o ke kumu e ao i na keiki ma ka leo Farani, oia kumu ke loaa ka uku mai ke aupuni mai.
Owai ke hoomanawanui i na keiki kamaaina i ke ao aku. e hoomakaukau ana i mau kumu ao, aole nae e hiki, a ia a ao ia me ka leo Farani, alalila, hiki ke ao aku i na keiki opiopio, he hana keia e kaupale mai ana i ka hana aku.
Nolaila, olelo mai ka hope kiaaina ia'u. a ia Hapuku ia Kekela, e holo i Tahiti, a e loaa na kumu aoProsetane, nana e ao nei i na kanaka Tahiti ma ku leo Farani, a ua kuhikuhi ia mai makou e kii aku ilaila i mau leo Farani, e lawe mai i eha.
Hookahi no Oomoa, hookahi no Atuona, hookahi no Puamau a hookahi no Hakanani nei.
A ia no na ke aupuni e uku i ko lakou ola, ua hooholo na koa o'u, owau ke hele ma ku po a hiki i Tahiti, a e imi i mau kumu leo Farani.
A ma kuu nana ana, i na e holopono ana keia hana, alaila. e lilo ana keia apana hana misionari no ke Sakaity Ladon, he nui kuu makemake e loaa na kokua hana.
Ina he kokua akamai ma ka leo Beritania oia ka maikai loa, eia ke Kauoha Hou hapa leo haole a me Hawaii, ua makaukau kekahi poe i ka heluhelu Kauoha Hou, haole a Hawaii.
O ka leo e pili ana i ka ike i ka baibala, oia kuu makemake nui e like me ke kauoha Hou, Hawaii a Beritania.
Oluolu no maua e oia nei, eia no o S T Kauwealoha e noho pu nei me naua, he ao kula leo haole kana.
E haawi i ko maua aloha i ka makuahine kane make. Aloha kaua a nui loa.
S KAUWEALOHA .
NA LETA A NA HAUMANA O HALEIWA, WAIALUA.
Mea i aloha nui ia. Miss Mary E Green
Aloha nui oe: -
I ke kumu aloha a ahonui o ke kula Kaimamahine o Haleiwa, ku home hoonui ike o na kaikamahine Hawaii e manaolana ia aku nei, e ulu ka lahui.
A oiai, o ka malu olu o Haleiwa he punana ia e hookahua ia ai no ka pomaikai o Hawaii a me ke ola o ka lahui.
A mai loko mai ou, a me kekahi mau kula kaikamahine e ae, e loaa ai na makuahine nou e Hawaii.
Oiai, ua pahola aenei kou leo aloha makuahine i na kaikamaine i noho ao ai ma Haleiwa i ka was o Rev O H Kulika a me Miss L Laiaoa kona kokua, nolaila, ua lana kuu manao e hai pokile ae maanei.
No ka mea, mahope iho o ka hookuu ia ana o na haumana, ua hele kela a me keia a hookele nona iho. Ua noho i ke one oiwi kekahi poe, a ua hele aku hoi kekahi poe no ke na aina e, a ua hi-o ae hoi kekahi poe ma ko ke kino noho ana.
A aiai, kou keo e hea mai nei ia makou, ua ha mai kou aloha no oukou na kumu. a me o'u mai hoa haumana i noho ai ma ua home aloha ia. iloko o na makahiki eha o ho'u noho ana.
Oiai au e noho haumana ana malalo o O H Kulika, aole au i poina i ka laua alakai naauao ana ia makou, a me ka noho aloha ana hoi he kumu a he haumana. Me na kula waimaka i hoopulu ia ma na papalina o na kaikamahine a me na kumu, i haalele aku ai i ua home @ o Haleiwa, a huli hio aku kela a me keia ao ka home ponoi o na makua.
A no kau mau ninau ia makou, ua oluolu au e pane aku
1 owai kou inoa?
Lilia Maikaaloa.
2 e noho ana oe mahea i keia wa?
Ma Honolulu.
3 heaha kau hana i keia wa?
He noho kokua i na hana a ka Haku ma ka ekalesia makuahine o Kawaiahao, e hele waapuni ana au me ae luna wahine iwaena o na hoahanau me ka paipai ana, a he kokua hoi no Binamu wahine. ma na lalawai wahine ma na Poalima.
4 ua mare anei oe?
Ae,
5 ehia au mau keiki e ola nei, a pehea ka nui o na makahiki?
Hookahi e ola nei, he keiki kane, 6 makahiki a me 6 malama, 1 i make.
6 he kane haole, hapa haole a Hawaii paha kau?
He kane Hawaii ka'u
7 e hoike aku i koa moolelo.
1 ka malama o Sepatemaba 1869 hooku ia ke kula, a hoi mai la au me ko'u mau makua i Waianae, ua noho haumana au no ke kula Sabati o Waianae malalo o ke kahu kula Sabati S N Aarona, a me ka makua o ka ekalesia Rev J Kaoliko.
A pau ka noho i Waianae, nee aku la au me ko'u mau makua i Puuloa, a oiai makou ma ka home malihini, ua hoala au a me ko'u papa i kula Sabati. a ua hoike ia ka'u kula Sabati i Waiawa, Ewa, ma ka malama o Sept 1871.
a ma la la 12 o Mar 1872, ua mare au me David Keaweamahi, na Rev H H Paleka ma ua i mare, ua noho maua iloko o ke kaula gula o ka mare a hiki i keia wa me ka maikai.
A ma ka la 8 Mei 1875 noho au me ka'u kane i ke Kula Hana Lima o Keoneula, he ao humuhumu i na keiki ka'u hana no na makahiki elua.
A ma ka mahina o Novemaba 1878 ua noi ia mai ka'u kane e Geo R Dole e hele aku no Kapaa, Kauai, e noho luna hana, a oiai maua ilaila, ua hoala ka'u kane i kula Sabati, a ua kokua no au ia ia ma ia mea me ka makua Rev J M Kealoha.
A ma ka malamao Oct 1880, ua noi mai ka makua Rev H H Paleka i ka'u kane i kokua kahu no ka ekalesia o Kawaiahao, a oia ka maua oihana i keia wa.
Me keia mau wehewehe ana no kau mau ninau e ka makua aloha, ke noi ae nei au i ka oluolu o ka Makua ma ka Lani, e hoomau ia aku kou ikaika, a me ke aloha no na opio kaikamahine malaio ou i keia wa, a ma keia mua aku, a e hoomau pu ia hoi ke ku ana o ke kula o Haleiwa a hiki i ka hopena.
Me ke Aloha ia oe, me na pokii o'u,
LILIA KEAWEAMAHI.
Honolulu Aperila 25, 1881.
Pahoehoe, Mei 5 1881.
I kuu mama o ka hale imi maauao. Miss
Mary E Green. Aloha oe: -
Me na haumana a pau o kuu home hoohui
ike, Haleiwa.
Ano, ua loaa ia'u ka manao e pale aku i
kekahi o kau mau ninau, i hoopuka ia ma
ka Nupepa Kuokoa o keia makahiki, a oia
keia:
1 owai kou inoa?
O Miss Marrietta Etta Kahoiwai,
2 e noho ana oe mahea i keia wa?
Ma Pahoehoe, Kona hema, Hawaii.
3 heaha kau hana i keia wa?
Ma ka kale ka'u hana i na la a pau, e
kokua ana i ko'u makuahine ma a mea e
makemake ai ia'u e hana,
4 ua mare anei oe?
Aole ua i mare,
Eia kahi moolelo uuku no'u.
Ua haalele aku au i kuu home hoonui ike mahope iho o ka hoike nui ana o makou i ka makahiki 1872, a ua hoi mai au a hono malalo o ka malu e ka makua, me ka oluolu maikai a me ka pau ole o ka manao i ka i@ aoa o nei mea o ka naauao, aka mamuli o ka loohia mau o ko'u kino i ka nawaliwali, oiai au ma ia home hoonui ike.
He nui kaa aloha no oukou na kumu no ka oukou mau hana maikai ia makou, e kuhikuhi ana, a e alakai ana ia makou i ke ola o ka pono. Aole poina ia'u kau mau olelo ao maikai, oiai au ma ia home e luakaha pu ana me o'u mau kaikuaana o ka imi naauao, nolaila, e hoomanao i ke noi ana i ko kakou Makua Nui ma ka Lani no makou a pela hoi me makou no oukou na kuinu, a ma na haumana.
He oluolu maikai ko'a ola kino a pela no hoi me mama a me haki uuku.
E haawi i ko'a aloha i na haumana a pau ke aloha aku nei o mama ia oe.
He loa kuu mahao no kuu ike ana i na hana hoonaauao mawaena o ke kumu hou a me na haumana.
Ua pau me ke aloha. Owau ae o kau haumana.
MARIETTA .
Kulapana, Puna, Hawaii, Apr 29 1881.
Miss Mary E Green. Aloha oe: -
Ua loaa ia'a ka lokomaika piha e pane aku ai ia oe e like me na ninau e pili ana no makou na haumana. A eia ka pane oia mau nimau:
1 owai kou inoa?
Miss Rebekah Kaheiki,
2 e noho ana ie mahea i keia wa?
Ma Kalapana, Puna. Hawaii.
3 heaha kau hana i keia wa?
Ua loaa ia'u ka hana me ka oluolu ma na mea hiki,
4 ua mare anei oe?
Aole.
Ua haalele aku au i ke kula o Haleiwa Waialua i ka malama o Iune 21 1881. Ma lalo o kou malu e Mary E Green ka makou kumu aloha, a ua huli hoi mai au malalo o ka malu o na makua, a eia au ke noho nei me ka oluolu i keia wa.
E haawi i ko'u aloha piha no na haumana kula o Haleiwa kua home a'u i laukaha ai me o'u mau hea kuai e noho ana ia wa.
Ua lawa au maanei.
MISS REBEKAH K KAUALUA.
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
-E LAA NA -
Ahinahina, Kalakoa,,
Keokeo, Leponalo,
Pena, Aila Aniani,
KA MEA PIULA
KOPA, AILA HONUA.
AILA HOOMALOO
Kui Kakia, Pakeke,
tabu, Kaula, Noho Lio,
Hulu Palaki, na Pulumi
- A HE -
AGENA NO HOI NO NA KOKUPUNI O
HAWAII NEI NO NA
Lainakini-nao
Lainakini Maoli,
Palule Kakakoa,
alapia, Kelepa, Kilika,
Na lole kupono i ka wawae,
Palule Huluhulu,
Na Lole Huluhulu
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
-A ME NA -
Mikini Humuhumu MakeponoLoa!
- A HE -
MAU MEA AI KAHI
Ka Palaoa, Kopaa.
Raiki, Pia, Hoolu,
Paakai, Huaala,
Pia Kulina, &c.
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Ho opau Naio,
Penikila, Huaale.
A ME NA LAAU HAMO, A PELA 'KU
840 tf
PAPA! PAPA!
NO
ALLEN & ROBINSON
UA WEHE AE NEI MAUA I
PA KUAI PAPA
MA
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAIIA MA KE
KE KMUKUAI HAAHAA LOA
O keia Makeke.
Allen & Robinson
Honolulu a o 1, 187@ 848 tf
CHRISIANT GERZT
Mea Hana Buti
- ME -
NA KAMAA MAOLI!
alanui Papu. makai a ke Keena o@
KE HAI AKU NEI OIA I MA @ A PAU
Ua hoi mai oia mai Kapalakiko mai,
liaila Oia i ohi Lino mai nei @ @
nani a paa o lumu oihana a ke
waiho ia aku nei no ke k@
ai ana no na kumukuai
o ka manawa
HE MAU WAIWAI PIHA O NA BUTI
A ME NA ANO KAMAA E AE A PAU
NO NA KAMALII!
NA KAMAA O Na ANO HE NUI
O NA KAMIKI OPIOPIO
O neia mau mea a pau ua bataia me ke akamai @ @
paa o na ano hoa loa, a ke hooia ia aku nei @ mau @
me ka mea i olelo ia
E lawe ia no na kauoha mai na Makepau me @
ao me ka eleu. @
NU HOU! NU HOU!
MAHOPE AKU O KA LA 10 IANUARY 1880 @
maka ana makou malala @ @
DALA KUIKE,
I ka Loaa aua aku o ka Waiwai
ka Mea Kuai
E hookakua ana makou i ka makou @
malalo o ke DALA KUIKE,
kuai ia aku ana na lako waiwai
a pau no ke Kumu
kuai malalo iho a ka
MEA I IKE IA MAMUA
E LIKE ME KA LILO.
He Huina nui ko makou o na Oo. Kopaia
Ho, &c. i kuai ia mamua ae o ka
hoopii ia ana o ka auhau o ka poe
nana i hana.
HE MAU LAKO NUI KO MAKOU
- O NA -
PALAU
A makou e kuai aku ai no ka $7 a hiki
ka $7.50 Malalo iho o ke Kumukuai
mua no kela a me keia PALAU.
Ano ko oukou manawa kupono e lo@
na waiwai makepono loa.
E hele mai Hookahi. E hele mai a pau loa
DILINAHAMA MA.
942 tf 73 Alanui Papu.
PAPA, PAPA
AIA MA KAHI O
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a nie keia ahu
Na Papa Nani a Paa no ke Kukulu
ana i na Hale!
Na Pani Puka, Na Puka Aniani,
Na Olepelepe, Na Pou, Na O-a.
Na Papa Hele, Na Papa Ku.
A me na Papa Me@
NA PILI OKA HALE
O NA ANO A PAU.
Na Pepa Hoonani, Na Pena o na Waia pau.
Na Kui mai ke Nui a ka Makahi.
Na Ami Puka, Na Ami Puka @
Na Ami o na ano a pau.
Na Aila Hoomaloo, he lehulehu @
Na Aila e ae o na ano a pau.
NA WAIVANIKI
- A ME NA -
WAI HOOHINUHINU NANO
o na ano a pau loa.
NA BALAKI ANO NUI WALE
A ke oi ia aku nei ka lono i na makemake
pau, ua makaukau keia mau makamaka
o oukou e hoolawa aku ma
na mea a pau e pili ana,
ma ka laua oihana
- NO KA -
UKU HAAHAA LOA!
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!
A e lawa no hoi ko oukou makemake
he ka oluolu a me ka maikai
845tf