Ka Nupepa Kuokoa, Volume XX, Number 35, 27 August 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ke Au Okoa

I HUIIA.

 

No ka Makahiki, $2.     Eno Mahina $1.

Da@a Kuike ka Rula.

 

K O M I T E   H O O P O N O P O N O.

HEZEKIA AEA.

 

POAONO. AUGATE 27, 1881.

 

HOOLAHA  HALAWAI  EUANELIO.

 

E hui ana ka aha euanelio o Hawaii akau ma Kohala komohana ke hiki aku i ka la 7 o Sepatemaba 1881.

  He pono i na lala a pau oia aha hui e eleu mai.

                                   S C Luhiau.

 

OLELO HOOLAHA

 

Kula Nui o Lahainaluna.

  E hoomaka ana ke Kula Nui o Lahainaluna mai ka la 18 o Iulai a hiki i ka la 14 o Sepatemaba o keia makahiki, a ma ia la e hoomaka ana ka makahiki 51 o ke Kula.

  Nolaila, ke Kauoha ia aku nei ne Haumana a pau keakea ia ko lakou Hoi hoo ana mai i ke Kula, e ka Mai Puupuu Liilii o na mahina i kaa hope ae nei.  E makaala a e Hoi mai i ka Home Naauao ma ka la i olelo ia maluna.

  A ke Kauoha ia nei no hoi na Luna Kula o na Apana, na Kumu Kula, me ka poe e ae a pau e manao ana e Hoouna mai i na Keiki i ke Kula, e Hoouna mai mamua o ka la i olelo ia maluna.

                                   H R HITCHCOCK.

  1023.                                                 2m.

 

Haawina Hula Sabati.

HELU  11,  SABATI,  SEPT 11, 1881.

 

KUMUHANA.

Ka noopai ia ana o ka hoomanakii.  Pauku

           Baibala.   Puk 32;26-35.

  26 Alaila ku mai la o Mose ma ka puka o kahi a lakou i hoomoana ai, i mai la, Owai ka mea ma ko Iehova aoao?  e hele mai i o'u nei.  A akoakoa pu mai la na mamo a pau a Levi i ona la.

  27 I mai la ia ia lakou,  Ke i mai nei o Iehova o ke Akua o Iseraela penei, E kau na kanaka a pau i na pahikaua a lakou ma ko lakou aoao, e hele ae lakou a hoi mai ma kela ipuka a keia ipuka o kahi hoomoana, a e pepehi ke kanaka i kona hoahanau. a o ke kanaka i kona makamaka, a o ke kanaka i kona hoalauna.

  28 Hana iho la na mamo a Levi e like me ka olelo a Mose; a haule iho la ia lakou ia la na kanaka ekolu paha tausani.

  29 No ka mea, ua olelo mai o Mose, E hoolaa oukou ia oukou iho no Iehova i keia la, o ke kanaka maluna o kana keiki a maluna o kona hoahanau. i hoomaikai mai kela ia oukou i keia la.

  30 A ia la iho, i mai la o Mose i na kanaka,  Ua lawehala loa oukou, ke pii aku nei no hoi au io Iehova la, e hana paha wau i mea e kala @a mai ai ko oukou hewa.

  31 Hoi aku la o Mose io Iehova la, i aku la, Auwe hoi, ua lawehala loa keia poe kanaka a ua hana i akua gula no lakou.

  32 Ano hoi, ina paha e kala mai Oe i ko lakou hewa--; aka, i ole, ke nonoi aku nei au ia Oe e holoi mai oe ia'u, mai ka buke Au i palapala ai.

  33 I mai la o Iehova ia Mose,  O ka mea i lawehala i Ka'u, e holoi aku Au ia ia mai Ka'u buke aku.

  34 No ia mea, o hele oe, e alakai ia poe kanaka i kahi A'u i olelo ai ia o@; aia hoi. e hele no Ko'u anela mamua ou, aka hoi, i Ko'u la e hoopai ai, e hoopai aku Au i ko lakou hewa maluna o lakou.

  35 Hahau mai la Iehova i na kanaka no ka lakou hana ana i ka bipi keiki a Aarona i hana ai.

  Pauku Gula.  1 Io 5;21.

  Manao nui.  He mea makau loa ka haalele ana i ke Akua Oiaio.

Ka wehewehe me ka ninau ana.

  Pau ko Mose hai ana i na kanawai he 10 hoi hou oia i ka Mauna Sinai e ao hou ia mai e ke Akua.  No kona noho ana a loihi kuhi kanaka ua nalowale loa paha oia, ua make paha, ua nele loa lakou i ke Akua ole nolaila, noi aku lakou ia Aarona e hana i akua no lakou.

  Heluhelu mok 32;1-6. nawai i hai ia Mose i ka lakou hana? p 7-9.  A noi ke Akua ia Mose pehea?  A pane Mose pehea? p10-13.  A aha mai la o Iehova? p 14.

  Ma ke 40 o ka la, hoomaka Mose e iho ilalo, me Iesu, me na papa pohaku kanawai elua ma na lima.  Heaha ka loane i lohe ai me kana olelo ia Mose? p 15-18.  A kokoke loa, heaha ka Mose i ike ai me kana hana i na papa pohaku?  Me kona ninau ia Aarona?  Me ko Aarona pane ana?  P 16-24.

  P 26 i ko Mose ike ana i ka haunael@ o na kanaka ma kahi i hoomoana ai, kahea oia pehea?  Owai kai akoakoa mai i o na ala?

  N ka oh-na hea Aarona me Mose?

  P 27-29 Owai kai kauoha ia e kau i na pahikaua ma ko lakou aoao?  A e hele mahea, a mahea?  A e aha i kona hoa?

  Na mamo keia a Levi. e pepehi lakou i kela, i keia e kue mai ana, aole make e menemene, e minamina, e hoopakele i ka hoahanau, i ka makua, i ke keiki e hui ole ana me lakou.  E hoola@, e hoolilo ia lakou iho i poe koa no Iehova, i poe kaua Nona.  A haule ehia kausani o ka poe ki@i?

  Uuku no.  Nani ke ahonui o Iehova?

  P 30 Heaha ka Mose ol-lo i na kanaka E hoi oia i owai la?  Aia manei o Iehova?  E aha Mose me Iehova no na kanaka?  E uwao i kala ia.

  P 31-32 Pehea Mose i auwe ai imua o Iehova?  A noi ak@u ia Ia e aha ia ko lakou hewa?  A i ole Oia e kala i ko iak@u hewa. e aha Oia i kona inoa?

  Me he la, he buke kakau inoa ka Iehova no ka poe ola.  Ina e holoi ana ke Akua i na inoa o na kanaka ma ia buke inoa aku, ko Mose inoa pu kekahi ke holo ia.

  Aole make o Mose e ola ke make na kanaka.  E make pu oia me lakoa.  No ke kino paha i make, aole no ka uhane.

  P 33 Pane Iehova pehea?  Aole oia i lawehala.  na lawehala ke hoololi ia, e make lakou.

  P 34 A kena ke Akua ia Mose e aha i na kanaka?  A owai pu me ia?

  Kana anela, ke kia ao, ke kia ahi, ka sekina.

  Pehea nae Oia i ka poe i haoa hewa?

  P 35 Aha ke Akua i na kanaka ?  No ke aha?  Ma ka make ana paha o kela mau kausani ekolu.  Ma na pilikia mahope iho paha, ma ka waonahele, ma Kanaana, ma na aina e.

Na ninau pili i o lanei.

  I ka hoi ana o Mose i ka mauna, heaha na kanawai hou, na kauoha hou, me na kuhikuhi i haawi ia ia Mose?  Nana i ka mokuna 21 a hiki i ka mok 31 a pau.

  Nui na kanawai mohai, na kanawai karaima, na kanawai kivila, maluna o ia mau kanawai karaima, kanawai kivila i kukulu ia ai na kanawai karaima me na kanawai kivila i keia wa.

  Ma o wai la i hooko ia ai, a i hoopau ia ai na kanawai mohai?  He mau aka ia no Iesu, puka mai Iesu, lele na aka.

  Ina hele aku na makua, na kahu, na kumu, na alakai, pono anei i na keiki, i na haumana, i na kanaka ke hele lalau e like me ka poe Iseraela ia Mose ma ka mauna a loihi, heaha ka pono?

  Owai ke hoohalike me Aarona, ka poe makau i na kanaka a ae i ko lakou noi ana e hana e like me ko lakou makemake Ina noi na keiki, na haumana, na hoahanau i na makua, i na kumu, i na kahu e ae i kekahi mau mea pono ole, mai hoolohe i ko lakou noi ana.

  He akua aha ka Aarona i hana ai?  Nohea na mea gula?  No ke aha ka hoohalike ana ia akua me ka bipi keiki?

  No kona ike ana paha he kii bipi ka na Aigupita i hoomana ai.

  Aole anei he nui na akua gula, akua dala akua holoholona me na hana lealea i keia manawa, ae, nui.

  Nui ka makee dala, makee gula, a pela aku.

  Piha Hawaii, piha keia ao ia mau akua.

  Owai ma ko Iehova aoao?  E hele mai lakou a kaua no Iehova.

  Pehea ka poe ia ae, e mihi e haalele i na hoomana kii gula &c, e kala ia

  Owai ke Kalahala?

  Aole anei he pono i ka poe haipule e owao, e pule no na lawehala?  Owai ka poe makau ole i ka make no ko lakou aloha i na kanaka hewa?

  Pehea ka la hope, ka la hookolokolo nui?  Pono anei ke minamina i na makamaka, i na hoaloha i hewa a e hoopai ia ana i ka make mau loa, a hoole i ko ke Akua hoopai ana ia lakou?

  Aole; e ae, ua pono oe.  Ua hewa lakou, a pono no ke make.

  Hawina no Sep 18.  Hoi Hope.

 

NA LETA A NA HAUMANA O HALEWAI,

WAIALUA.

 

                            Waialua, Iulai 16 1881.

Mea i aloha nui ia.    Miss Mary E Green

Aloha nui oe:--

  No ka loaa ana ia'u he manawa kupono e hai aku ai no kau mau ninau o ka la 6 o Maraki i hala, oia keia.

  Pehea kou noho ana?

He oluolu maikai ko'u noho ana,

  He mau keiki anei kau?

Ae, ekolu a'u mau keiki,

  Ua mare anei oe?

Ae,

  Heaha kau kane?

He kanaka Hawaii oiaio.

  Eia ko'u wahi moolelo.

  Ua noho pu au me oe no na makahiki elua me ka hapa, ua noho au malalo o kou malu i ka la 1 o Iulai 1871 a i ka la 29 o Okatoba 1873, ua haalele aku la au ia home hoonui ike a aole no hoi au i poina ia home hoonui ike.

  Ia wa au i haalele aku ai ia home hoonui ike, hoi ae la au e noho pu me ko'u mau makua ma Ewa, ua noho makou malaila no elua makahiki.  I ka m h 1877, loaa iho la ka'u kane i ka la 13 o Mei oia makahiki no, a hoohoi ia maua ma ka berita o ka mare e Rev M Ku@ea.

  O Keawe Kupau ka inoa o kou kane, no Maui.  I ka m h 1878, loaa iho la ka maua hua mua he kaikamahine, o Hari@ta ka inoa.  ua pihi iaia ka ekolu makahiki me 6 mahina, ka lua o ke keiki, ua make, ke 3 eia oia me ke ola maikai, ua hanau ia oia i ka la 2 o Feberuari 1881, nolaila, ua piha iaia ka 5 mahina, a ma ka la 4 o Moraki 1881 ua oluolu i ka Mea Mana Loa ka lawe ana aku i ka'u kane; oia hoi o Keawe Kup@u, nolaila, ua waiho mai o@a ia'u a me ka maua mau keiki e noho ana me ke kanikau mau ana nona, oiai ua loohia ia oia i ka mai makamaka ole a hookaawale ia aku la i ka hale o ke Aupuni.

  Nolaila m@ poina oe i k@ noi i ka Haku ou'u a me kau mau keiki, o ko'u Makua ia il@ko o keia wa a'u enoha nei.

  Ke hoiki nei a'u m@anei, me ka welina i oa haumana o ke kuia a pau.

            Owalu no,

                                      Mrs SARAH K OILI.

 

KE KAHU AUPUNI MA HOOKENA,

KONA HEMA, HAWAII.

 

  Ma ka auina la Poalima, Augate 12, ma ka hora 12 o ke awakea, ua ikeia ka pu-a ana mai o ka uwahi o ka mokuahi Likelike e kaalo mai ana ma na kai malino a Ehu, me ka ukana nui maluna ona, ko kakou Makuahine ke 'Lii ke Kahu Aupuni, i ukaliia e kona hoahanau muli Kapili Likelike ke Kiaaina o Hawaii Kekaolike, ka Luna Leta hou Jno. M Kapena, Eluene Buki, J U Kawainui, a me kona mia aialo.

  Ma ka hora 2 ponoi, ua hoohiki loa mai la ma ke awa ku o Hookena, a ma ia hora no, ua lele mai la ke Kahu Aupuni me na ukali no uka, no ka ike a@a i kona mau makaainana aloha.  A i ka pae ana mai o kona waapa ma ke awapae, ua loaa aku la i ka lima o kona mau makaainana, a paneeia aku la a kau i ke one maloo me na mea a pau mahuna o ka waapa, a malaila i halawai ai ke aloha 'Lii me ke aloha makaainana.

  Mail@ila aku, ua kaukoo loa aku la ke 'Lii me kona mau ukali a ma ka Hale noho o D H Nahinu Esq., a malalo o ka malu lanai lau niu i hoomaha iho ai oia, me ka hoolele ana ae i kona mau hiona aloha maluna o kona mau makaainana aloha o Kona Hema. 

  He mau minute pokole, ua ku mai la ke Kahu Aupuni a puana mai la i na manao aloha alii:  Ua hele mai nei oia e ike i na makaainana o ke 'Lii ma Hawaii nei, a ua hauoli oia i ka hoolele ana mai o na hiona hoolaupai o ka lahui ma Kona nei.  Ua nui na opio wahine i akoakoa mai me ka hiaai nui e ike i ko lakou Makuahine Alii.  A wahi ana, aole i loaa iaia kekahi anaina nui i hoopihaia me na opio wahine e like me keia, ma kekahi mau wahi e ae keia mokupuni.  O kona makemake nui, e hoonaauaoia na opio, oiai, oia iho la no ke kahua paa o ka noho ana aupuni; a naauao na makaainana, mau ke Kuokoa ana o ke Aupuni. 

  Ua hoike mai ko kakou Makuahine Alii me na olelo uuku ano nui.  U ka Hooulu Lahui a me ka Hoonaauao kona lini nui.

  Mahope o ka pau ana o kona mau manao, ua kokuaia ka haiolelo alii e ke Kiaaina o Hawaii, ka Luna Leta Nui a me Eluene Buki, a na lakou na olelo i hoomahuahuaia aku ai na hoohauoli manao iwaena o ke anaina.

  Mahope iho oia, na Rev. H Manase i panai aku ka haiolelo alii ma ka aoao o na makaainana, a hookuu ia na hana.

  Ia manawa, ua hoike mai ka Makuahine 'Lii i kona aloha lahui, ma ka ao ana mai i kona mau lima waliwali e lulu lima pu me na makaainana.  A mahope oia, ua huli hoi aku l no ka home aukai ka Likelike.

  Ma keia, ua minamina ka mea kakau, no ka pau pono ole mai o na opio kane ma keia halawai alii ana; oia i, ua oi aku na opio wahine imua o na opio kane.  Aka nae, he mae e hauoli i na puuwai aloha lahui a ko Kona nei, ka lohe ana i ka leo o ko kakou Makuahine 'Lii, ka mahalo ana mai no ka ulu o ka lahui ma keia mau apana kuaaina; malia paha o lilo ia i mau mea e hoeueu ai i na manio uilani o ka lehulehu e hooko pono i ka makemake ko kakou Moi no ka Hooulu Lahui.

  Me ka welina i na pahana o ka NUPEPA KUOKOA.

                                     T K ROBERT.

 

HOAOIA KE OLA O KA EMEPERA

O RUSIA E PEPEHI

 

  Ua hoike ae a nupepa Herala o Parisa i kekahi mea kakau nupepa ma Sana Peteroboro, penei: Ua hoounaia aku he palapala i ka Luna Makai Nui, @a e hoike ana ua le@a nei penei: "Ma ka la 15 o Iulai i hala iho la e pepehiia ai ka Emepera hou o Rusia."  Oia wale no na olelo o ua palapala nei--aole no hoi he inoa i kakauia malalo o ua palapala nei.

  Ua ninauia na makai no keia mea. aole nae he mea o lakou i ike; aka, ua loheia, ua hoao iho la kekahi kanaka opio e lawe i kona @la.  Ua lawe keia @anaka i kana pahi a hou iho la ma kona kino; ke iho ia oia i kona poo me ka pu; a no kona ike i ka mau no o kona ola, ki hou iho la oia i kona poo me ka pu.

 

  No keia lono, ua imi ia iho la keia kanaka a loaa; ua nawaliwali loa oia, ua aneane e lele loa ka hanu, a ma o na kokua a na kauka, ua hoi hou oia a i kona wa mau a hiki hoi ke kamailio.

  Ua ninauia ke kumu o kona lawe ana i kona ola, ua hoike mai oia penei:  "Owau kekahi lala o kekahi hui maluu o ka poe Nihilisa; he 20 ko makou nui i hoohiki paa e pe; ehi i ka emepera.  Ua hailona makou i ka mea nana e pepehi ka Emepera, a ua ike ia, na'u e hooko ia manao o makou.  Ua hoolewalewa ia he 19 pahi maluna pono o kuu poo, ina au e hoike ana i ko'u manao kanalua no ka hooko ana aku i ka hana; ua hoohiki paa lakou e lawe i kuu ola ina e hooko ole ia ana keia manao o lakou; a no ka hiki ole ia'u ke hooko aku, a no ka lan@ ole o ko'u manao e hana ia hana karaima, nolaila, ua hooholo au e aho ka make ana me ko'u lima ponoi; a mamua hoi o ke kupouli loa ana ko'u mau noonoo, @a kakau au i kela palapala ia oe, no ka mea, ua paniia ko'u wahi me kekahi lala o ka hui @ makou."  Mamua o kona make ana, ua hoike ae oia i ka inoa e ka hui a me na lala, a @ pau keia poe i ka hopuia.

 

PANEIA KAPALAMA.

 

  O kau pane e Kapalama ma ka Elele Poakolu o ka ia 3 o Aug. ua huhe@a loa.

  Ua manao piha oe o Alap@i o Iwilei e pane nei ia Kauma, ka lalau nui e, aole o Alapai @, @ka, e @ iho no ke noho nei i W@iua. e lualai ma ie @n@ no.

  Pau hewa ka inoa o ka aha luna a me k@ aha kahu waiwai.  o ka oukou hana iho i@ no ia o ka lou hewa ihe he makapala'la.  E alu wale no oukou ia Iwilei a aole e pio, eiai he mau mea oiaio ia a he mau mea i hana maoli ia e ko Kaumakapili poe, eia ka ninau, heaha ka mea o ke keeo ana i kau mea i hai ai, oa hoopunipu@i anei ao, a ua wahahee anei? oia ke kumu o ke keeo ana ia Iwilei, maikai no, ina he ao i ka noho malie, alaila pono loa.

  Eia ka'u kauoha ia oukou, mai noho a hele hou e like me ka hele ana ma ka apana o Iwilei e hookaumaha ai, o aha, o huhu ka mea nana ka hana i waiho ai ma ko oukou mau lima.  Ua oki au maanei.

     Owau no o                         Iwilei.

 

LULU DALA HANAI KAHU O

WAIHEE.

 

Ua malama ia he lulu dala haoai kahu oWaihee, ma ke Sabati 31 o lulai, ma o na komite ala, a penei ka hooponopono ana:

  Ma ka apana o Puakanani o Mose Kekolohe ke komite a me kona mau hope Mrs Elena, Kaihanu, Miss Lono, eia na dala i loaa ia lakou, he $24.75

  Apana luakini o Y Kealoalii a me S E Kaleikau na komie $ 118.25.

  Apana o Pukanahi o G W P K Hapuku @ Kahinu, Mele Hoole na komite, he 20 dala.

  Apana o Waihee, o Kaholokahiki Mrs Apia, Mrs Paaluhi ni komite he 28.25 keneta.

  Apana o Waihee 2, o S K Apapau ke komite $21.25.

  Ka huina pau o na dala i lulu ia, $112.50 Owau no o ka oukou kauwa,

                                               Mose Kekolohe.

  Waihee, Aug 5 1881.

 

KAHUNA HOOPUNIPUNI.

 

E ka Nupepa Kuokoa;  Aloha oe:--

  Eia ma Papaikou, Hilo nei, kekahi kahuna hoopunipuni e hele haukae nei me kana apu, he imi loaa ma ka hoopuipuni i ka poe mai, penei kana hana:

  Ina ua hihia kekahi kanaka ma ke kanawai, alaila kauoha aku la i ka mea mai e uku mai i 1 dala no ka huaolelo hookahi, a pela aku i na elua huaolelo 2 dala a pela aku.

  Eia nae ka mea hilu, aohe ola o ka mai ua hana oia ia'u a no ke ola o kuu mai, ua haalele ino iho la a heo aku la me na dala. 

  A no keia mea, ua hoopii au i ua kahuna nei a ua hoopai ia e ka lunakanawai no ka pono ole o kana mau hana, he nui kana mau mai i hana ai me keia.

  No ka loihi o kahi o ke kauka a no ka pai ia mai hoi he ola ka mai a keia kahuna, nolaila, hou hewa wale aku ai au me ka manao he pono kana, eia ka aole, nolaila, eia ka'u i kuu mau hou, mai puni mai ia ianei o poho oukou, he $7.75 ko'u lilo, aohe nae he ola, ka inoa o keia eepa o Kauliilii, no Kohala, Maakua, Hawaii, keia kanaka a eia nae i Papaikou i keia wa.

                                                         J. Kawai.

Piihau, Hilo, Aug 11 1881.

 

KA HALE KUKUI NUI MA KA

HONUA NEI.

 

  Ke hoomaka nei ke aupuni o Amerika Hui e kukulu i kekahi hale kukui nui, i oi ae ka nui mamua o na hale kukui i kukulu ia ma ka honua nei.  No hookahi makahiki a oi ke kukuluia ana o keia hala kukui--a ua olelo ia kekahi ia o na hale paa loa i hiki ole ke hoohioloia e ka ikaika o ka makeni a me ka ikaika o na ale kupikipiki-o o ka moana Atelanika.

  Ua kukuluia keia hale kukui ma ke kaikuono o Chesapeka ma Merelani.  Ua hoolalaia ke ano o ke kukulu ia ana o keia hale, mai ke ano o ke kukuluia aoa o na hale kakui kaulana o Enelani a me kekahi mau wahi e ae.  O ke kiekie o keia hale mai ka papaku o lalo a hiki iluna, he 155 kapuai; o ke anawaena o lalo he 30 kapuai, a he 16 kapuai ke anawaena o luna.  He 6 hale ke kiekie.  Ua hookaawale ia he mau rumi hooluana, he rumi kiai, he rumi e waiho ai na kukui.

  O ka huina kaumaha, he 1,700.000 paona; a he 7,000 paon@ kui hao nunui i kakia ia ma kona mau pai@.  Ua hanaia o waho ma ke ano poepoe huina 'walu, i hana ia mai na hao kila, a o loko, ua hanaia ma ke ano poepoe like, mai na apana hao manoanoa.  O ka manoanoa o ka hao o ka papaku o lalo a me ka hale mua.  he hookahi iniha, me ka pale ia o loko me ka hao kila he hookahi hapawalu iniha ka manoanoa.  O ke alanui pii e pii ai iluna, ua hanaia ma ke ano poepoe, aole hoi he pii ku e like me na alanui pii e ike ia nei ma na hale kukui o keia wa.

  O ka rumi e waiho ai ke kukui a kiola mai i kona malanalama. he rumi poepoe ia i hanaia mai na hao kila wale no aole he hao e ae--he 12 kapuai ke anawaena a he 9 kapuai ke kiekie.  O ke aniani o keia kukui, ua kauohaia i Farani e hana ia ai, a ua oleloia kekahi ana keia o na aniani ikaika ma ke kiola ana i ka malamalama ma kahi mamao.

  O na rumi a pau o keia hale, ua hanaia me ka pa@ loa ma o ke kapili hou i@ ana aka o na papaa hao ma@oanoa mawaho aku o na apana hao i kapili mua ia.  Ua han@ia keia me ka pili loa o ka hookui ana o na pap@a h o @waha a@a ua manao ia ke nana aku he ho@ahi aia @ ha@ m@i luna a hiki @lalu.  O k@ hapanui o @ au@ i kakio ia ai keia hale, he @ nih@ ke a@ @ena o kekahi @o, a he 7/8 i@a ke muawaena o kekahi an@; u@ manaoi@, aole loa e h@o@eue ia keia mau kui mai ko lakou mau wahi i hoopa@ia ai, e kekahi mak@ni ikaika.

 

  Mai ka lea a kekahi o ko makoo makamaka mai Kalahiki, Kona hema mai.  ua hoike ia mai ka nui loa o kekahi @no ia ku ma ia wahi.  O ke ano o keia i@a, ua ano like me ka Maiii ka eleele; eia nae hoi he liilii keia ano i-a, ua hoike ia mai no hoi ka paa pono o kaheka mai Ohiki a hiki i Keaiwa.  He ono ka keia ano i-a i ka @1.

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

----E LAA NA----

Ahinahina, Kalakoa,

        Keokeo, Leponalo,

                 Pena, Aila, Aniani,

HA MEA PIULA !

KOPA, AILA HONUA,

                             AILA HOOMALOO

                        Kui Kakia, Pakeke,

                        Tabu, Kaula, Noho Lio,

                        Hulu Palaki, na Pulumi.

----A HE----

AGENA NO HOI NO NA MOKUPUNI O

HAWAII NEI NO NA

            Lainakini-nao,

            Lainakini Maoli,

            Palule Kalakoa,

            Alapia, Kelepa, Kilika,

                         Na lole kupono i ka wawae,

                        Palule Huluhulu,

                        Na Lole Huluhulu,

                        Na Lole no ka hoohehelo ana

                        Lipini, Lihilihi, &c.

LIPINE, LIHILIHI, &c.

- --A ME NA----

Mikini Humuhumu MakeponoLoa !

----A HE----

MAU MEA AI KAHI

Ka Palaoa, Kopaa,

               Raiki, Pia, Hoohu,

                             Paakai, Huaala,

                                           Pia Kulina, -c

A  he  Laau  Lapaau  Kaulama  Loa

             DR. JAYNES.

Lanu Kunu,

               Laau Hoomaemae Koko

                              Laau Hoopau Naio,

                                         Penikila, Huaale.

A ME NA LAAU HAMO, A PELA 'KU

840  tf

 

PAPA ! PAPA !

----NO----

ALLEN & ROBINSON

 

UA WEHE AE NEI MAUA I

PA KUAI PAPA

----MA----

KA  UWAPO  O  PAKAKA

 

            Na Papa Ulaula o na ano a pau.

            Na Papa Paina o na ano a pau

                        Na Pili Hale Ulaula.

                        Na Pili Hale Keokeo.

            Na Pepa Hoonani Hale,

            Na Pepa Molina.

Na Pena a me na Aila Pena!

NA KUI O MA ANO A PAC.

NA PANI PUKIA a me

N    PANI PUKA ANIANI.

                        NA PANI PUKA a me

                        NA OLEPELEPE.

 

NA LAKO KUKULU HALE

O NA ANO A PAU!

@ KEAHA MA K@

KE KUMUKUAI HAAHAA LOA

O keia Makeke.

                                ALLEN & ROBINSON

  Honolulu @ L 18@                        8@ tf

 

CHRISTIAN CERTZ

Mea  Hana  Buti

----ME----

NA KAMAA MAOLI !

Aiamai Papa, makai o ke Kee@a o Lai & Dickson

KE HAI AKU NEI OIA I NA MEA A PAU

I@ hoi mai ola mai Kapalak@ko mai,

@aila Oia i oki kino mei nei i no wai@a:

nani o paa o k@na oihana, a ke

waiho ia aku nei no ke kuai

ana no na kumukuai

o ka manawa

HE MAU WAIWAI PIHA O NA BUTI

Na KAMAA HAAHAA a me na ano kama@

no na L@de.  Na Buti. na Kamas Haahaa

a me na ano kamas e a@ a pau

no na Keonimana.

NA BUTI & KAMAA HAAHA!

A ME NA ANO KAMAA E AE A PA@

NO NA KAMALII!

NA  KAMAA  O  N@  ANO  HE  NUI

O NA KAMAIKI OPIOPIO.

  O neia mau mea a pau ua han@ia me ke akamai @a a me @ a paa o na ano hou loa, a ke hoola la aku nei la mau mea e like @e ka mea i olelo ia

     E lawe ia no na kaeoha mai na Mokupuni me ka @ au me ka eleu.                         942@m

 

NU HOU! NU HOU!

 

MAHOPE AKI O KA LA 1 O IANUARI.  18@0. E HO@ maka ana makou malalo o na rula.

DALA KUIKE.

I ka Loaa ama aku o ka Waiwai

ka Mea Kuai

E hookahua ana makou i ka makou oihana

malalo   o   ke   DALA   KUIKE, e

kuai ia aku ana na lako waiwai

a pau no ke Kumukuai

malalo iho o ka

MEA   I   IKE   IA   MAMUA

E  LIKE  ME  KA  LILO

He Huina nui ko makou o na Oo, Kopala

Ho, &c., &c. i kuai ia mamua ae o ka

hoopii ia ana o ka auhau o ka poe

nana i hana.

HE  MAU  LAKO  NUI  KO  MAKOU

----O NA----

PALAU

A makou e kuai aku ai no ka $7 a hiki

ka $7.50 Malalo iho o ke Kumukuai

mua no kela a me keia PALAU.

  Ano ko oukou manawa kupono e looa ai na waiwai makepono loa

 

E hele ma!  H@okahi,  E hele mai a pau loa

                                   DILINAHAMA MA.

  942 tl                   73 Alanui Papu.

 

PAPA, PAPA

AIA MA KAHI O

LEWERS  &  COOKE !

(O LUI MA.)

MA KE KAHUA KAHIKO MA

Alanui Papu a me Moi

E LOAA AI NA

Papa Noua1k1

o keia a me keia ano.

Na Papa Nani a Paa no ke Kukulu

ana i na Hale !

Na Pani Puka, Na Puka Aniani,

             Na Olepelepe, Na Pou, Na O-a,

                         Na Papa Hele, Na Papa Ku,

                                     A me na Papa Moe nui loa

NA PILI  OKA HALE

O NA ANO A PAU,

Na Pepa Hoonani, Na Pena o na Wai a pau.

       Na Kui mai ke Nui a ka Makalii,

                   Na Ami Puka, Na Ami Puka Aniani

                                    Na Ami o na ano a pau.

                   Na Aila Pena, o kela me keia ano

         Na Aila Hoomaloo, he lehulehu wale,

Na Aila e ae o na ano a pau.

NA WAI VANIKI

----A ME NA----

WAI  HOOHINUHINU  NANI !

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka

pau, ua makaukau keia mau makamaka

o oukou e hoolawa aku ma

na mea a pau e pili ana@

ma ka laua oihana

--NO KA--

UKU HAAKAA LOA!

E like me ka mea e holo ana mawaena o

LAUA a me ka MEA KUAI.

E hele mai!   E na Makama ka !

A e lawa no hoi ko oukou makemake

me ka oluolu a me ka maikai!

845t@