Ka Nupepa Kuokoa, Volume XX, Number 35, 27 August 1881 — NA MEA HOU O HILO. [ARTICLE]

NA MEA HOU O HILO.

Ma ke ahiahi Poaha, Aug. 11, i haalele mai ai ke 'Lii ke Kahu Aupuni ia Hilo Hanakahi nei, no ka hele ike i kona mau makaainana ma kekahi huli o Hawaii nei, a no ke Kapitala o Honolulu. A oiai oia maanei, ua pahola iho kona leo makuahine i na makaainana o Hilo nei, e noho ka Ohana Hawaii me ka maemae, a pela aku; a ua hoonanea ia no hoi ko Hilo nei e na leo hone o ka Bana o ka Moi. Haunaele. Mawaena o ka hora 7 a 8 paha e ke ahiahi Poaha, Aug. 11, ua ulu ae la he haunaele nui ma Kaipalaoa, mawaena o kekahi haole ona, a me na makai haole, a me na kanaka maoli. Penei ke kumu: Ua makemake ka haole ona e kau ma ka waapa hoolimalima a holo aku i ka moku, oiai o Likelike e hekau mai ana no, a no ka ike o ka mea waapa G W Keaomakani he haole on keia, kipaku mai la oia i ua haole nei e lele iuka, a kauoha aku la i na makai e hopu; he mau makai haole pu malaila, aohe nae hopu iho, no keia mea, kii mai la he kanaka a hopu, o J Kupihe ka inoa, a hele pu mai la hoi o G W Keaomakani a pau ua haole nei, ia wa kekahi haole makai o Daniel Porter ka inoa i hele mai ai a pale ia J Kupihe a me G W Keaomakani mai ka haole ona mai, aka, no ka hiki ole, puhi ae la oia i ka ulili; ia wa holo mai la o William Myer he makai haole no, a hopu aku la ia J Kupihe, ia wa nonoke iho la laua i ke aumeume. A ia wa, pane aku la ua haole nei, e ki ana au ia oe i ka pu; a lohe keia i ka leo ki pu, haalele iho la keia i ua haole nei a holo poai aku la, ia wa koke no i kani ai ka pu, aole nae i ku aku o J Kupihe i ka poka, a lulumi nui mai la na kanaka ma ia hope iho. U ka haole ona, ua laweia imua o ka Luna Makai Nui, a ua hoopaaia i ka hale paahao. A ma ka la 12 ae hoi, ua hopuia ke kino o William Myer no ke kipu ia J Kupihe. Ma keia haunaele i ulu ae ai, ua ike ia aku, ua makemake kekahi o na makai haole e hoopakele i kela haole ona, e onounou ana i ka mea waapa e lawe koke iluna o Likelike, a mailoko mai o laila i ulu ai keia haunaele. Hookolokolo ia o William Myer imua o ka Lunakanawai no ka hewa Ki Pu. Ua noho ka aha e hoolohe i keia hihia a ke alii kue ia W Myer no ke ki ana ia J Kupihe, a mamuli o ka ike a na hoike, ua hooholo ka aha e ahewa i ka mea i hoopii ia, a ua kau aku oia i ka hoopai 100 dala me na koina a me 1 la hana. O Hon S Kaai ma ka aoao o ke alii, a o D H HItchcock ma ka aoao o ka mea i hoopii ia, ua nonoi nae ka loio o ka mea i hoopii ia e lawe hou ana oia i keia hihia imua o ke kiure, ua mahalo nui ko Hilo poe ia S Kaai no kona akamai i ka wehewehe i ka manao o ke kanawai, a he la no hoi ia i piha i na kanaka, no ka hoolohe ana i keia hihia. No ke ahi Pele. Ane, i keia wa, ua hauoli au i a hai aku ua pio ke ahi pele i keia wa, oiai aohe ike ia aku o ke kahe awai naum aole no hoi he uwahi pele mai ka piko o Maunaloa a hiki i kai nei, he neo wale no ia, he nui no hoi ka poe e pii nei a hoi mai, hai mai lakou, aohe ike ia o ka a mai, ma keia, ua hauoli ko Hilo nei, aka nae, aia i ka Mea Mana mai. He halawai haipule me ka ahaaina hauoli ko Hilo nei, ke pio ke ahi. Eia mawaena o na poe hanohano o keia kaona ke hoala e nei lakou i ko lakou mau manao e malama ko Hilo nei i la hoalohaloha a hoomana i ke Akua no Kona lawe ana aku i Kona huhu mai keia kaona aku, e hoomaka ana mai ke kakahiaka a awakea, mahope olaila, nee aku ke anaina iloko o ka lanai ahaaina, ia wa e hauoli ai a hiki i ke ahiahi, a e lulu dala ana na mea a pau o Hilo no ka puu dala i manao ia, $600 paha a oi. He ma-u ia mau wahi mea hou o ka u-a Kanilehua. Me ke aloha, E P Hoaai. Puueo, Hilo, Aug 18 1881.

M« ki po oka Foako!o !a J0 o Aoff. «$a | iohf 5a Aiu he mau feo no kek*- j hi opio nie kekahi kaoaka aoo m#luoa o ke-1 kahi poa pohaka peie i a mai ai a ea mai-1 lili, o oa mea i lohe u ako, e oieto aba aoa ! ka opio i ka aoo, o keia ahi peie. he Lima I kei* oo lebora, a e paie mai an« hoi ka ] aoo ika ka opio t aole keia he Lima no iehova. »ka he peie oo keia, he wahīoe a»bo-; oua, a ua ioihi no ka pa-pa ko ana o ke:a j maa mea, ma ka ike aku i ka aoo o» kohihewa ob. oiai ka pele a me na mea a pau, no ke Akua mai ia. nolaila. eia ka makoo e waiho ako e kela aoo i kou m*n*o kuhihewa a hopo.