Ka Nupepa Kuokoa, Volume XX, Number 41, 8 October 1881 — Page 4
| This text was transcribed by: | Lawrence Gersaba |
| This work is dedicated to: | Judith Nalani Kahoano Gersaba |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
1 HUHA
No Ka Makahiki, $2. Eono Mahina, $1.
POAONO, OKATOBA 8, 1881.
OLELO HOOHAHA.
E noho ana ka ahahoi lunakahiko o na mokapuni o Maui ma ka luakini o Waihee i ka Poalua mua o Nov ae nei, koho pu mai oukou e na ekalesi i mau lunakahiko i ike io ia he aloha i ke Akua, i hana io ia na ha na i heoholo ia maanei iloko o ko lakou mau ekalesia, aole i poe hookamani a hooko ole, a lilo i poe pehehi kahunapule, a me na hana a ka Haku i kauoha mai ai.
Pela na kahu a pau o keia aha, e hele mai, mai noho i hookahi, e hale mai ko Silo ama, Pelekuni a me Waileu, e S Paulo o Halawa, mai hoopupu hou oe, o lohe hoa oie i na mea pili ia mau ekalesia o ka Haku o Polepe kahi ia mau la.
E ka ahahui kula Sabati o Maui nei, e hui pu ana kakou a pau ma Waihee nei, e hele mai na lala i koho okoa ia, aole o na mea i koho ia no ka hui makua, mai makau oukou a kanalua hoi, e hele nui mai, i pakele oukou i ka wanana o Italia ma Novemaba, oiai he nui loa na akua ma Waihee nei, e hoopakele i na la ino o Nov, e lawe pu i whai io i-a, he puaa wale no ka i-a o Waihee ia mau la.
2t O Nawahine.
NA BELE EUANELIO.
Gospel Bells.
Gospel Hymns, No 3.
1
Ke kani nei na bele,
A o ae mai o a o;
E hai ana i ke ola,
I ke ola nou a no'u.
He aloha kamahao
Ko ke Akua i ke ao,
A haawi i Kana Keiki,
I loaa ke ola mau.
Cho. Nu maikai - kane ae
A o ae mai o a o.
Nu maikai - lawe mai
I ke ola nou a no'u.
2
Ke kani nei na bele,
E hea ana ia oukou
I ka Iesu ahaaina;
Ku a hele mai ano.
He Mane io Au,
Ke berena mai ke ao.
Hele mai, e na pololi,
A o ai i ola mau.
Cho. Nu maikai, &c.
3
Ke kani nei na bele,
E hoala ana no
I na kini hiamoe.
Pau ka moe, ala pu.
E ku a holo e.
Ke kau nei ka make mau,
Hea Iesu, holo, holo,
I pakele ae oukou.
Cho. Nu maikai, &c.
4
Ke kani nei na bele,
A o ae mai o a o,
E hai ana i ke ola,
I ke ola nou a no'u.
Nu hoohauoli nei
I na kanaka a pau.
E ia mai ke Kalahala,
Huli ia la i ola mau.
Cho. Nu maikai, kani ne, &c.
Hawaii .
Haawina Kula Sabati.
HELU 4, SABATI, OCT. 23, 1881.
KUMUHANA.
Ka Nohai Hoomalu. Pauku Baibala.
Oihk 7;11 - 18.
11 Eia hoi ke kanawai o ka alana o na mohai hoomalu ana e hohai aku ai ia Iehova.
12 A ina e mohai oia ia i mea e hoomaikai ai, alaila, e mohai aku oia me ka alana hoomaikai i na popopalaoa hu ole i huiia me ka aila, a me na papaa palaoa hu ole i hamo ia me ka aila, a me na popopalaoa i hui ia me ka aila, no ka palaoa wali i paraiia.
13 A he mea e ae kana e mohai ai he mo hai nana, o ka berena hu me ka alana hoomaikai no kana mau mohai hoomalu.
14 A no loko oia mea e mohai aku ai ia i hookahi no ka mohai okoa, i mohai ia Iehova, a e lilo ia na ke kahuna nana i pipi i ke koko o na mohai hoomalu.
15 A o ka io o ka alana, o kana mau mohai hoomalu no ka hoomaikai, e ai ia ia i ka la i mohai ia ai ia, aole oia e hookoe i kau wahi a kakahiaka.
16 Aka, ina he mea hoohiki paha, a he mohai haawi wale, ka alana o kona mohai, e ai ia i ka la i mohai aku ai oia i kana mohai, a ia la ae, ai ia ni ko laila koena.
17 Aku o ke koena o ka io o ka alana, i ke kolu o ka la, e hoopau ia ai i ke ahi.
18 A ina e ai ia kauwahi o ka io o ka alana o kana mau mohai hoomalu, i ke kolu o ka ia, aole ia e malui ia mai, aole hoi e helu ia ia na ka mea nana ia e mohai aku, e lilo ia i mea e hoowahawaha ia, a o ka mea nana e ai ia mea, e kau maluna ona kona hewa.
Pauku Gula, Hal 50;14, hoopaa.
Manao nui. Ka malama an i ke Akua i kela la i keia ia me ka hoomaikai me na makana, me ka hoomana.
Na heluhelu la. Oihk 2;1 - 16, Oihl 3;1 - 17, 3 Oihk 6;1 - 18, 4 Oihk 7;1 - 27, 5 Hal 145;1 - 21, 6 2 Oih Lii 7;1 - 12, 7 Heb 8;1 - 13.
Mele
Pule
Ka wehewehe ana, &c.
Aia no ka Poe Iseraela ma ka papu o Sinai.
E hoolohe ana lakou i na kanawai no na mohai.
Na kanawai no na mohai ai ma ka mok 2
Na mohai hoomalu ma ka mok 3
Na mohai lawehala a pela aku ma ka mok 4
Na mohai hala a pela aku ma ka mok 5 me ke 6 me ka hapa o ka mok 7
Pono ke heluhelu ia keia mau mokuna i akaka na kanawai o ia mau mohai. Ma keia haawi, ua hoomaopopo ia na mea e pili ana i na mohai hoomalu, pono ke heluhelu pu ia ka mok3, malaila kekahi mau mea no keia mohai.
Ma na mohai hoomalu ka launa pu ana me ke Akua. Ekolo no ane o na mohai hoomalu.
1 ka mohai hoomaikai, 2 ka mohai hoohiki, 3 ka mohai makemake. haawi wale.
Ekolu mahele o keia mau mohai.
1 no ke Akua kekahi hapa,
2 no na kahuna kekahi hapa,
3 no ka mea e mohai ana kekahi hapa,
Hui pu na hua me na makamaka Ona a ahaaina pu, he mea hoolauna keia mohai.
Ke Akua pu me ka poe Iseraela, me he oha na hookahi la.
Na ninau mua.
Ke kula a pau. Ehia papa nui on na mohai Iudaio?
Heaha ka like ole o kekahi me kekahi?
Ke kumu manao
Ka launa pu ana me ke Akua i kela la i keia la
1 ma mohai hoomalu, p 11
Heaha na mohai hoomalu?
Ehia o lakou ano?
Ehia mahele?
Nowai ka mahele mua?
Nowai ka mahele elua?
Nowai ka mahele ekolu?
No ke aha e ni ia kekahi hapa e ka mea e mohai ana?
He mea aha no mohai hoomalu?
Pehea la lakou i ao ai i na kanaka i ka launa pu ana me ke Akua?
No ke aha ko ke akua hui ana i ka ahaaina ana me ka hoomana and ia la?
Ma ke aha i like ai keia mohai me ka ahaaina a ka Haku?
Ma ke aha ia i like ai me na la hoomaikai o kakou?
Me ke aha kakou e malama ai ia mau la?
2 na mohai hoomaikai p 12 - 15.
Ma na mamawa hea keia mau mohai?
No ke aha hoi ia mau mohai?
Malaila anei ke ala ana o ka makemake e hoomau i ka hoomaikai ana?
No ke aha ko ke Akua oluolu i ka mea i aloha ia la?
Heaha ka mohai ai i hui pu ia me ka mohai hoomaikai?
O ia anei ka hapa o ka ai i kela la i keia la?
Ma ke aha keia hana e hoopomaikaia'i i ko lakou ola kino, Luk 11;41.
He mau mea aha na pule ohana me ka hele ana i na halawai Sabati, kula Sabati?
Hiki anei ke hoomana i ke Akua i kela la i keia la?
No ke aha i papa ia ai ka berena hu?
Heaha ka mohai hoali?
Me ka lima ia, e hapai ana i ka lima no ka hoomaikai ana ia Iehova.
No ke aha ka pipi ana i ke koke? Oia ka mea hoomaemae.
No ke aha e ai ia ai ka mohai hoomaikai ma ia la hookahi me ka hookoe ole i kekahi hapa no ka la apopo, he ino paha ke hookoe a maalili ke aloha.
Mahea kekahi papa ana, aole make e wa iho ia kekahi mea no ka apopo o ino auanei?
3 na mohai hoohiki me na mohai haawi wale, p 16 -18.
No ka manawa hea ka mohai hoohiki?
No ka manawa i hooko ia ai ka hoohiki. Heaha ke ano o na mohai haawi wale?
Oia na mohai kanawai ole, aole i kauoha ia, makana no no ka makemake.
Ma ke aha ia i like ole ai me ka mohai hoomaikai?
Pehea e hiki ai ia kakou ke mohai wale aku i ke Akua
Na ninau i o Ianei.
Na kane. No hea i hoonui ia ai na mohai o ka poe Iseraela?
Ua like lakou me na kamalii e hele ana i ke kula, ma na kii e ao ia ai lakou no kekahi mau mea, a oo lakou pono ke waiho ia na kii, he mau kii na mohai, he mau hoailona.
Na wahine. Aole anei he pono ke ao aku i na haumana ma na kii?
Heaha kekahi mau kii, na palapala aina, na hua mele, ka berena me ka waina ma ka ahaaina a ka Haku, ka wai bapetizo, na hua olelo, na kii o na hale, o na manu, o na kanaka.
Na keiki. Heaha kekahi mau kii ino? Mai nana oukou i na kii ino, na kii hoala i na kuko ino, malama o puni kekahi i na kii keleawe e ke kea o Iesu, i na kii o Maria.
He kii kekeawe mamua no ka nahesa, he mea maikai ma kinohi, mahope nae, ua lilo ia i mea alakai hewa.
Ke kula a pau. Owai ko kakou mohai hoomalu?
Ma ke aha kakou e hoomalu ia ai ma o Iesu Kristo la?
Na mohai hoomaikai, na mohai hoohiki, na mohai haawi wale, pehea ia e pili ai keia mau mohai ia kakou?
Heaha ka mea ino ke waiho ia a i ka la apopo, ka hoopanee ana i ka mihi, i ka imi ana i ke ola.
Mele.
Pule.
Haawina no Oct 30. Oihk 10;1 - 11.
NA IUDAIO.
Helu 1.
Na Iudaio na kanaka kahiko o ke Akua, Ierusalema ko lakou kulanakauhale nui. Ka naana ko lakou aina, Palestina ka inoa ma keia wa.
He aupuni lakou mamua, a noho kuokoa a loihi, aka no ko lakou mau hewa, ua hoopau ia ko lakou noho kuokoa na, a noho a malalo ae o na aupuni e.
Aia lakou i keia wa ma kela aina, ma keia aina a puni ka honua.
Ko lakou huina, ehiku paha miliona, aia mae ka hapanui ma Rosia a me Auseteria, ke mau kausani wale no ma ko lakou aina kahiko.
Ko lakou hoomana, ka hoomana kahiko no, oia hoi ka hoomana ia Iehova i ke Akua hookahi, ko lakou baibala, ke kauoha kahiko, oia hoi na buke mai Kinohi a Malaki, Hoole lakou ia Iesu me ke kauoha hou.
Ma ko lakou manao, he mea nui no e hiki mai ana, oia ko lakou Mesia, ko lakou ahi, aia a puka Oia, lakou no Kona aupuni, e pau aea na aupuni e ae, i ka puka ana mai o Iesu, me ka olelo ia, Oia ko lakou Mesia, ko lakou Alii, hoole loa lakou, aole oia ka Mesia, he Kanaka hoopunipuni Oia, a pepehi lakou ia la. A no ia pepehi ana, ua hoo pai ke Akua ia lakou, ua hoopau i ko lakou luakini nani, a hoopuehuehu aku ia lakou i o ianei.
Aole nae i hoopau ia ko lakou ano Iudaio I ko lakou hui ana me na lahui e, malama no lakou i ko lakou ano Iudaio, ma ka pau ana o ko lakou luakini, aole i pau ko kakou hoomana kahiko, mau no ia, a hooikaika hou ia ae, a kau no lakou manaoio maluna o kekahi buke Iudaio hou, oia ka Talemuda Malaila na kanawai, na olelo, na hana i haa wi ia ia Mose i ka manawa i haawi ia ai ia ia na kanawai he 10 &c.
Na kanawai keia i kakau ole ia mamua, ua hai waha ia a hoopaa maau ia.
I ole nae e nalowale ua hoopaa ia ma ka buke mahope loa mai, oia ka buke Telemuda.
Aka, he kuhihewa ia, aole na ke Akua mai ia mau kanawai, no ke kanaka no.
Kau nui mae ka manao o na Iudaio maluna o keia buke.
Ua pau no ka luakini nani o na Iudaio ma Ierusalemo, aka aole i pau ko lakou manao, ko lakou aloha, ko lakou minamina ia luakini.
He wahi kanikau e pili ana la Ierusalema kahi e akoakoa ai na Iudaio e uwe a kani kau no ka pau ana o ko lakou luakini, hele lakou ilaila, hoopili i ko lakou mau lae i na pohaku o ka pa o ia luakini, heluhelu i ko lakou mau buke pule, kukeu iho a hamama ka waho a olo ka pihe uwe a kupinai mai na puu a i na awawa.
Uwe lakou me ka hoopuka ana i kekahi mau olelo a ke Akua penei. "E ke Akua e ua komo mai ko na aina e iloko o Kou hoo ilina, ua hoohaumia lakou i Kou luakini ho ano a ua hoolilo no hoi ia Ierusalema i ahu opala, " &c Hal 79,1,2. "Ua hoomaau mai ke enemi i ko'u uhane a pela aku. Hal 14;3 - 4 &c.
Ko lakou manao, e kukulu hou ia una ko lakou luakini, aia a hiki ma ka Mesia.
Kekahi hapa nae, ua manao ia ua puka mai no ka Mesia, a o Iesu no ia, a ua lilo lakou i poe haumana Nana.
Aole i pau.
KA HELE MAKAIKAI ANA I
- KA -
AINA O NA PARAO.
KAKAU IA NO KA POMAIKAI O KA POE
HELUHELU O KE KUOKOA.
HELU 11.
Ua kahakaha ia mawaho ma na huaolelo kahiko o Aigupita na hana kaulana a ka mea i make, kona kulena a me kana hana o kana mau paani i kona wa opio a me na mea he lehulehu ana i hana ai ma keia ola ana.
A o keia mau mea a'u i ike ai na kii a me na hua palapala kahiko, na keena pohaku i kalai ia iloko o na pohaku nui e hoike mai ana i ka ikaika a me ka hoomanawanui o na kanaka akamai o ke au kahiko.
Ua oi aku keia mamua o kou heluhelu ana iloko o na buke moolelo, ua ike au i na kanaka e mahiai ana, e palau ana a e ohi ana i na hua a lakou i kanu ai e uwi ana i ka waiu o ka lakou mau pipi a me na bufalo a e kukulu ana i na hale e ahaaina olioli ai, ma hai o keia mau he kupapia a e haa ana me ka hookani i na mea kani me ka olioli a keia mau mea a pau a'u i hoike ae nei ua kahakaha ia mawaho o keia mau he kupapau me ke akamai nui.
E ia nae ka mea kupanaha, aole au i ike i kekahi mau kii inoino a ku paha i ka hilahila i kaha ia ma keia mau paia o na he kupapau, he mea keia he ano naauao ka poe nana i kakau keia mau kii, aole lakou i manao e kahakaha i na kii ano ku i ka hila hila e hoike ana paha i kahi hilahila o ke kanaka a me kekahi mau mea e ae.
Ua loaa mai nei kekahi wahi kanu kupapau e kokoke ana i ke kulanakauhale kahiko o Memphis he mau mile ma ka hemo o na Puremida, ua loaa aku keia he umikumamalua makahiki i hala aku nei. Ua paa keia wahi i ke one, a i ka wa i loaa ai, ua ikeia ke alapii pohaku e iho ana iloko o ka honua.
Ua alakaua makou e hoomakaikai i keia mea kupaianaha, ua haawiia mai la he mau kukui hoomalamalama, no ka mea, he pouli loa o lalo; a ia makou i hiki aku ai ilalo, ua hiki aku la makou i kekahi keena nui i aneane e hapalua mile kona loa i kalai a mailoko mai o na pohaku paakiki a ma hai o keia keena nui he mau rumi liilii, a aia iloko o keia mau rumi he mau pohaku oolea; o ka loa o keia mau pohaku, he 13 kapuai, o ke kiekie, he 11 kapuai. a o ka laula he 7 1/2 kapuai. a o ke kaumaha o ka pohaku hookahi, he 65 tona, a ua hanaia keia mau pohaku a hinuhinu, a ua laweia mai keia mau pohaku e ka poe kahiko he 400 mile ka manao mai keia wahi aku, a ua hana keia poe me ka hoom nawanui, a aia iloko o keia ilina hou ke Akua Bipikane o ke au kahiko o Aigupita.
He elua haneri me kanalima mile iloko loa o ka muliwai kahi i ku ai o na kulanakauhale kahiko o Thebes i kapaia iloko o ka Baibala o No a me No Amona. Ua noho makou he ekolu la ma keia mau kulanakauhale kahiko i hoikeia iloko o ka Baibala. Aia mahope aku o keia mau kulanakauhale ka ilina o na 'lii i kapaia "Na Ilina Kupaianaha." Ua hele aku makou e makaikai i keia mau hale kupapau. a ua kalaiia ka hapanui o lakou mailoko mai o na pohaku oolea, a ma na hoi o keia mau hale kupapau ua kahakahaia ina na hua palapala kahiko loa o Aigupita na moolelo a me na hana koa e kekahi mau alii kaulana o ia au kahiko, a ua penaia na kii kaua a me na kahua kaua, a me na kaa kaua o ke au kahiko loa. A e hoike ana kehaki o keia mau hua palapala kahiko i ke ano o keia noho ana ma kela ao, e like me ka'u i hoike aku ai i ka poe e heluhelu ana i keia moolelo ma na helu i hala ae nei.
O kekahi mea kupanaha a'u i ike ai oia no ke ano o ka hoolewa ana o na kino make, o ka hoolewa a'u i ike ai, he hoolewa maluna o ka waapa, a penei ka hoonohonoho ana o ka huakai hoolewa:
O ka waapa manua loa oia ka waapa o ke kahuna nui a me ka mea i make, e noho ana ke kahuna ua aahu ia me ka ili o ka leopaki. a e kuni ana oia i na mea ala me ka pule ana i na akua o lakou e hoopomaikai i ka uhane o ka mea i make.
Ma kekahi kii a'u i ike ai ua kahakaha ia ke ano o ka hookolokolo ana o ka uhane ma kela, a penei ke ano o ka hookolokolo ana ma ko lakou manao. ka poe kahiko. I ka wa e make ai ke kanaka e lawe ia ana kona puuwai a kaupaona ia ma ka mea kaupaona e Anubisa, he akua me ke poo alopeka, a me Harusa, he akua me ke poo manu. A e hahai ana i na mea a laua i ike ai ia Thoth ke kakauolelo nui a na akua, a i ka paa ana o kona moolelo.
e alakaiia ana oia imua o Osiris ka haku nui o ke aupuni e hoouluulu ia ai o na uhane e noho ana keia akua maluna o kekahi noho alii nani a he poo kanaka ma kona lima a e hoike aku ana o Thoth imua o Osiris i na hana a ka mea i make i kona wa e ola ana ma keia ao a ua hoike ia no hoi na hoopai o ka mea hana ino a kue paha i ke kanawai o na akua a me ka pomaikai o ka mea malama pono i kona ola ana ma keia ao a ua kaha ia keia mau kii me ka manao ia na ka pono o ka poe ma keia ao, pela ka manao o keia poe naaapo.
Aole i pau..
NA AOAO LIKE OLE ELUA.
He kumumanao i haiolelo ia e kekahi
Kaikamahine o ke Kula Sabati o
Kaipuhaa, ma ka la hoike, Sept 9, 1881.
Elua aoao imua o kakou no Kristo ka Mea Hoola, a no ke Diabolo ka mea hoowalewale, a ua kahea ia kakou e lilo i koa, a e hoouka ma kekahi o keia mau aoao elua, aole nae e hike ia'u ke kaua lima ia oukou i ka aoao a'u i anoi nui ai, aka na oukou e kohu e like me ka hiki.
E hoike no au ia oukou i kekahi aoao ma ikai, oia ke kula Sabati, ua kukalu ia maluna o Iesu Kristo, ka pohaku paa naue ole, a ua poloai ia kela a me keia, e komo mai i ke kula Sabati me ke keakea ole ia, a pehea la e holo ai a lanakila ka pono ma na kula Sabati o kakou, a auhee aku na mea keakea, na kuko, na hewa a me na ino a pau?
E na makamaka, e hoomanao iho oukou i ka la a Mose i pii ai maluna o ka puu a kikoo aku ia kona mau lima me ke kookoo o ke Akua, ikaika aku la ka Iseraela. a i ka wa i alu mai ai kona mau lima, ikaika mai la ka Ameleka.
Nolaila, paepae ae la o Aarona me Huia malalo ae, pela i mau ai ka ikaika o kona mau lima a napoo ka la, a auhee aku la ka enemi, pela kakoa e na hoa, eia kakou ma ka poai o ke kula Sabati, ka mea a'u e kapa nei ka puu o ke Akua, ke moe nei kona kuinu ma keia ao, adu, o Kona piko, aia iluna. Aole nae i nele na kula Sabati i na mea ula lai, ke olelo nei kahi poe, he hana waiwai ole a luhi ke kula Sabati a ke hoao nei kahi poe e kinai i kona ula ana, a e lumai i na haumana iloko o ka hiamoe, oia poe ea, ka enemi maopopo e hiki ai ia kakou ke pii iluna o ka puu e like me Mose, e paa ana i ko ke Akua kookoo ma ka lima.
Aia a ike kakou, ua emi mai ka ulu ana o na hana pono ole ma ke kula Sabati, na emi ke aloha, ua moku ka lokahi, ua paawa ka pili a ka haumana me ke kumu. e hoomanao kakou ua alu mai la ko kakou mau lima, a ua ikaika mai la na koa o ke diabolo Pono i na haumana e paepae ae me ka leo o ka pule malalo.
Ae, a e panapana aku na puuwai iluna, a o ka ikaika o na puupuu e hoolei maluna o na enemi, no ka mea, he kaua uhane ka kakou e hoouka nei, he kaua hoomaha ole i ka po me ke ao.
A e hoouka kakou a pau keola, ina elua a ekolu paha haumana i koe ma kekahi kula Sabati, e Nani aunei ka Inoa o ka Haku ma o lakou ia, no ka mea, ma kabe e hui ai na mea elua a ekolu paha no Kona Inoa. o ke Akua pu me lakou.
A ma ka aoao hea la oukou e koho ai e oa makamaka, ma ko Kristo anei? ma ko ke diabolo paha? e pane koke me ka awiwi a e liki hoi i makaukau. no ka mea. aole kakou e hookuu ia mai keia kaua ae.
MILETA MAHI.
NA MEA HOU OHAMAKUA.
E ka Nupepa Kuokoa e. Aloha oe: -
E oluolu kou Lunahoopuka a me oa hoa paahana pu, e hai i keia mau mea hou.
Make ma ke Alanui.
Ma ka la 16 o Sept nei. ua lalau mai la ka make i ka hanu ola o Keaaihou a lawe aku ia, oiai hoi oia e naue hele ana me kana keiki no Koha.'a, aka i ko kaua haalele ana i ka home a laua i noho ai ma Malanahae a hele mai la laua a puka i kahi kuhawai o Kuaikalua ka inoa, a i ke kaa ana ma keia aoao o ke kahawai, o ka make loa no keia. aohe hanu ola i koe, a ua hiipoi hou aku kana keiki i kona kino lepo me ka ukana luuluu e loku ana i ka puuwai. Auwe! aloha wale.
E like me ka hahai aoa o ke a-ka o ke kanaka ia ia iho i ka wa malamalama, pela no hahai nei ka make i na kanaka a pau.
Kula Olelo Beritania.
Ua hopu aku ko makou nei luna kula J Bicknell ia J B Kaleihopu i kumu ao ma ka elelo Beritania, a ua ae mai no kela a ua hoi aku nei oia no Maui a huli hoi mai, he malihini oia i ka hapa nui o ko onei pie, a e hoomaka ana paha kana kula ma na pule mua o Oct.
E aho hoi ia, ola ka make poniuniu olelo Beritania o kuaaina nei.
Hale inu Ti hou.
Ua wehe ae kekahi kei ai Hawaii i ka aoao komohana o kona hale kuai i wahi inu ti oia hoi o Bill K Hookuanui, a i ka hoao'na o na haole a me kekahi poe koikoi o ka aina a me ka mea nana e kakau nei, ua ku i ka mikioi na mea ai o kona hale inu ti.
He mau mea hou ia, o ke aloha ka mea nui.
Me ka welina i ka Lunahooponopono, a no na Keiki hoonoho Hua hoi ka anoi pau ole.
Kou oiaio,
THOMAS S KINGWELL.
Kapulena, Hanakua, Hawaii, Sepatemaba 23, 1881.
OLELO HOOLAHA.
Maikai ka hoi kou Paa Lole?
Nohea la kahi i loaa ai ia oe?
No kahi o
ROBSON & SORENSON,
ma alanui Papu.
Keena o McINTYRE.
1022 6m.
PAPA! PAPA!
- NO -
ALLEN & ROBINSON
UA WEHE AE NEI MAUA I
PA KUAI PAPA
- MA -
KA UWAPO O PAKAKA
Na Papa Ulaula o na ano a pau.
Na Papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena
NA KUI O NA ANO A PAU.
NA PANI PUKA a me
NA PANI PUKA ANIANI.
NA PANI PUKA a me
NA OLEPELEPE.
NA LAKO KUKULU HALE
O NA ANO A PAU!
E KUAIIA MA KE
KE KMUKUAI HAAHAA LOA
O keia Makeke.
Allen & Robinson
Honolulu @ 187@ 848 tf
LOLE MAKEPONO
Ke Kuike.
E LOAA NO IA MA KAHI O
KAKELA ME KUKE!
-E LAA NA -
Ahinahina, Kalakoa,
Keokeo, Leponalo,
Pena, Aila Aniani,
NA MEA PIULA
KOPA, AILA HONUA.
AILA HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulumi
- A ME -
AGENA NO HOI NO NA MOKUPUNI O
HAWAII NEI NO NA
Lainakini-nao
Lainakini Maoli,
Palule Kalakoa,
Alapia, Kelepa, Kilika,
Na lole kupono i ka wawae,
Palule Huluhulu,
Na Lole Huluhulu
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
-A ME NA -
Mikini Humuhumu MakeponoLoa!
- A HE -
MAU MEA AI KAHI
Ka Palaoa, Kopaa.
Raiki, Pia, Hoolu,
Paakai, Huaala,
Pia Kulina, &c.
A he Laau Lapaau Kaulana Loa
A DR. JAYNES.
Laau Kunu,
Laau Hoomaemae Koko,
Laau Ho opau Naio,
Penikila, Huaale.
A ME NA LAAU HAMO, A PELA 'KU
840 tf
PAPA, PAPA
AIA MA KAHI O
LEWERS & COOKE!
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu
ana i na Hale!
Na Pani Puka, Na Puka Aniani,
Na Olepelepe, Na Pou, Na O-a.
Na Papa Hele, Na Papa Ku,
A me na Papa Moe nui loa
NA PILI OKA HALE
O NA ANO A PAU.
Na Pepa Hoonani, Na Pena o na Wai a pau.
Na Kui mai ke Nui a ka Makalii,
Na Ami Puka, Na Ami Puka Aniani
Na Ami o na ano a pau.
Na Aila Pena, o kela me keia ano
Na Aila Hoomaloo, he lehulehu wale,
Na Aila e ae o na ano a pau.
NA WAIVANIKI
- A ME NA -
WAI HOOHINUHINU NANI!
o na ano a pau loa.
NA BALAKI ANO. NUI WALE
A ke hai ia aku nei ka lono i na makamaka
pau, ua makaukau keia mau makamaka
o oukou e hoolawa aku ma
na mea a pau e pili ana,
ma ka laua oihana
- NO KA -
UKU HAAHAA LOA!
E like me ka mea e holo ana mawaena o
LAUA a me ka MEA KUAI.
E hele mai! E na Makamaka!
A e lawa no hoi ko oukou makemake
me ka oluolu a me ka maikai
845tf