Ka Nupepa Kuokoa, Volume XX, Number 45, 5 November 1881 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

Ma ke Kauoha.

Hoolaha o na Hoololi i manao ia o ke Kumukanawai, e like me ka Hooholo ana o ke Kau Ahaolelo o 1880.

J. M. MONSARATT, Kakauolelo.

 

HE HOOLOLI

I manaoia no ka Pauko 56 o ke Kumukanawai i haawiia e ka Moi Kamehameha V ma ka la 20 o Augate, M. H. 1864, i hoohooholoia a opoaoia ma ka la 13 o Mei M. H. 1864 e like me na olelo o ka Pauku 80 o ia Kumukanawai.

            E hoololoiia a ma keia ua hoololiia no ka PAUKU 56 o ke Kumukanawai, a penei e heluheluia'i:

            "Pauku 58. E ukuia ka Poekohoia e na makaainana no ka lakou hana e like me ka mea i oleloia ma ke Kaoawai no loko ae o ka Waihona Dala o ke Aupuni, aole no nae e hoonuiia keia uku i ka makahiki i hooholoia'i ka olelo e hoonui i ka uku, aole hoi e kaulia kekahi Kanawai e hoomahuahua ana i ka uku o ka Poeikohoia mamua o na Dala Elima Haneri no kela me keia halawai ana o ka Ahaolelo."

            Ke hooiaio nei au, o ka Bila Kanawai maluna, ua hooholoia e ke Kau Ahaolelo o ko Hawaii Pae Aina ma ka heluhelu akolu ana i ka la 9 o Iulai, M. H. 1880.

JAMES M. MONSARRAT

Kakauolelo.

 

HOOLOLI

I manaoia no ka Pauku 61 o ke Kumukawai i haawiia e ka Moi Kamehameha V ma ka la 20 o Augate, 1864, e like me ka Pauku 80 o ia Kumukanawai.

            E hoololiia a ma keia ua hoololiia ka Pauku 61 o ke Kumukanawai i haawiia e ka Moi Kamehameha V ma ka la 20 o Augate, 1864, e like me ka Pauku 80 o ia Kumukanawai, ma ke kapae ana i na huaolelo "elima haneri" a e hookomo ana ma ia hakahaka "elua tausani" a me kapae ana i na huaolelo "elua haneri me kanalima" a e hookomo ana ma ia hakahaka "hookahi tausani" a penei o heluhelu ai i ua Pauku la:

            "Pauku 61. Aole no e kohoia kekahi Lunamakaainana in a he pupule a he hupo paha, a ke ole ia he kanaka malalo o ka Moi, a ke hiki ole aku oia i na makahiki he iwakalua-kumamakahi, a ke ike ole hoi i ka heluhelu a me ke kakaulima, a ke maopopo ole hoi iaia ka helu waiwai, a ke ole hoi oia i noho ma keia aupuni i ekolu makahiki, a o ka makahiki hope mamua iho o kona kohoia ana a ke ole hoi o na waiwai paa hihia ole iloko o keia aupuni e like me elua tausani dala, a i ole ia, o kona loaa nae i kela makahiki keia makahiki aole i emi malalo o na dala hookahi tausani i loaa no loko mai o kekahi waiwai, a o kekahi hana kupono ma ke Kanawai paha."

            Ke hooiaio nei au, o ka Bila Kanawai maluna, ua hooholoia e ke Kau Ahaolelo o ko Hawaii Pae Aina ma ka heluhelu akolu ana, i ka la 9 o Augate, M. H. 1880.

J. M. MONSARRAT,

Kakauolelo.

1039 @ms.

 

HOOLAHA A KA PAPA OLA E PILI ANA I NA LUALIILII, KIOWAI, KAHI E KAHE AI NA WAI INO, &c.

 

            O na wahi i hoikeia ae la maluna a me kekahi mau wahi e ae kahi e ku mau ai na wai, na lepo maea a me na wahi ano like e hoopilikia ia ai ke ola kino o ka lehulehu, e hoomaemae koke ia e ka Papa Oa ma o kona Agena la, malalo o na lilo o ka mea nona ua wahi la, a o ka mea paha i kuleana ma ua wahi la; a in a e hoomaemae ole ia iloko o na hora he 48 mahope iho o ka hoikeia ana aku i ka on a o ua wahi la a mea kuleana paha e ka Papa Ola, e hoopii ia no i kulike ai me ka Pauku 10 Mokuna 59 o ke Kanawai Kivila. A ina ua manao ka Agena o ka Papa Ola aole he hiki ke hoomaemae pono ia, e pani koke ia in a he lua ua wahi la, a i ole, e hoonee ia.

            Mai a mahope aku o keia la, o na lualiilii, na lua opala, a me na lua wai ino e hanaiu aku ana ma ka Apana o Honolulu nei iloko o ka poai i kau palena ia, oia hoi o ke Kahawai o Nuuanu ma ka Akau, Alanui Kula ma ka aoao mauka, Alanui Victoria ma ka Hema a me ke alo o ke kulanakauhale, e hanaia me ka paa loa i ole e komo ole ka wai; a o na luawai waiho wale iho no a me na mea ano like maloko o ka poai i kaupalena ia, e pono e makaala loa ia i ka wa a ka Papa Ola a o kona Agena paha e hoomaopopo ia aku ai i ka mea nona ua wahi la.

            Eha mahina mai keia la aku, o ha luahilii a me na ano like aole i makaala ia a aole no hoi i hoomaemae kupono ia iloko o na mahina eono, e pani koke ia, a o ka poe e malama ana ia ano lualiilii a me na mea ano like, e hoopii ia no ma ka Kanawai.

            O ka põe a pau e kue ana i keia rula maluna ae, e hoopaiia no i na dala aole e emi iho malalo o HOOKAHI HANERI DALA, e like me ka hoakaka ma ka Pauku 285 o ke Kanawai Kivila.

            O ka Rula 4 o na hooponopono a ka Papa Ola i hoaponoia ma ka la 30 o Augate, 1879, ma keia ke hoikeia aku nei ua hoopau loa ia.

H. A. P. CARTER,

1035 3t Peresidena o ka Papa Ola.

 

Ma ke Kau oha.

            O ka Poaha, ka la 16 o NOVEMABA nei, oia ka La Hanau o ka Moi, e malamaia ana  ia la i la kualaia no ke Aupuni, a e paniia ana na ipuka o na hale oihana Aupuni a pau ma ia la.

H.A.P. CARTER, Kuhina Kalaiaina.

Keena Kalaiaina. Nov. 3, 1881. 1669 3t

 

HOOLAHA A KA HALE LAPAAU O KA PAPA OLA.

 

            E weheia ana ka Hale Lapaau o ka Papa Ola ma Kikihale mai ka hora 9 a hiki i ka hora 11 o kakahiaka o kela a me keia la, malalo o ka lawelawe a hooponopono ana a Kauka Fitch (Pika), ma ka makalua o Kauka Emekona. Ua oluolu oia e halawai me na po@ i loohia ia me na mai.

            Honolulu, Nov. 2. 1881. 1040 tf

 

KEENA WAIWAI,

Honolulu, Oct. 28, 1881.

 

            Ua hookohuia na mea nona na inoa malalo iho i mau hoa no ka Papa Hoopii Auhau o M H 1881.

OAHU.

Honolulu…J O Carter. D Kahanu

Ewa and Waianae…S Previer, S K Kuhano

Waialua…S M Emerson, H N Kahulu, J F Anderson

Koolauloa…J L Naili, J W Kamealoha

Koolaupoko…M Rose, G Baranaba

MAUI.

Lahaina…H Dickenson, J O Kawehe

Wailuku…G Armstrong, W P Kahale

Makawao…D Crowningburg, C K Kapule

Hana…M Pico, J Gardner

Molokai and Lanai…J W M Poohea, D Kailua

HAWAII.

Hilo…C E Richardson, O T Shipman

Puna…J N Kamoku, J M Kealawaa

Kau…G W C Jones, J Kauhane

South Kona…J Kuaimoku, J W Smith

North Kona…H Cooper, C Kaiaiki, H Weeka

South Kohala…J W Kuakini, W H Daniels, Z Paakiki

North Kohala…Geo. F Holmes, T J Hayselden

Hamakua…S P Chillingworth, D F Sanford

KAUAI.

Hanalei…C Bertlemann, Jas. M Gibson

Kawaihau…W H Rice, D Makaliu

Lihue…E Lindermann, S Kalu

Koloa…L Kahlbaum, S W Kauanoe

Waimea…G B Rowell, F Bindt

Niihau…J Kaika, J W Kaapun

Kakauinoala

J. S. WALKER, Kuhina Waiwai.

 

KA NUPEPA

Kuokoa me ke Au Okoa

I HUIIA.

No ka Makahiki, $2. Eono Mahina, $1.

Dala Kuike ka Rula.

POAONO, NOVEMABA 5, 1881.

 

KA HOOHIWAHIWA ALII.

            AOHE Alii o Hawaii i makaikai nui i ko na aina e a kaapuni hoi i ka honua e like me ka Moi KALAKAUA. Aohe no hoi o kakou Alii i hele i na aina e me ka paholaia ana mai o na hookipa hanohano nui imua ona e like me keia. A pela no hoi ma kena hoi ana mai nei, aohe Ahi i apo ia aku me na hana hoohiwahiwa ma ka aoao o na makaainana e like me ko ka Moi a kakou i ike pono iha nei ma Honolulu iloko o keia mau la. He hoike ana keia no na manaomaikai o na aupuni malamalama nui o ka honua nei i ka pokii aupuni Hawaii. A he hooiaio ana no hoi keia i ka olelo "na ka pono e hookiekie ae i ka lahuikanaka." O ka mea i koe ma ko kakou aoao, oia ka hookele ana ia kakou iho ma ke ano e hiki ai i ko na aina e ke hoomau mai i na manao maikai a me ko lakou hilinai ana maluna o ko kakou mau lawelawe ana ma Hawaii nei.

 

NA LONO O NA AINA E.

            HE nui na lono no ka papaa la ma kahi mau apana o Amerika Hui, a ua poino nui na hua o ka poe mahiai, ma kahi mau moku aina o na apana komohana, ua pahola ia ae na ahi e aa ana iloko o na ululaau a me na kula, a he mau tausani eka i pau i ke ahi. Ua pau pu no hoi i ka amu ia e ke ahi kekahi mau kulanakauhale, a he lehulehu wale na ola i poino.

            I ka holo ana o keia poe, ua hapa iho ko lakou mama i ko ke ahi, a ua hoopuni ia a hoopoinoia a poino, ua lele kekahi iloko o ka luwai me ka manao e pakele, ua uhi ia aku la nae e ke ahi maluna a make, ua loaa aku la kahi e moe ana ilalo ke alo ma ke alanui i hoopuni ia e ke ahi, a ua make ma ke alanui. He ulia weliweli loa keia i ike ole ia malaila mamua.

            Ua hui pu ka poe aloha e lulu i puu dala no ka wahine kanemake a Peresidena Gafila i make, ua hiki aku ka huina oia mau dala i ka $300,000, a ke pii aku nei no iluna.

            Mau no ka paonioni mawaena o na makaainana a me na haku aina o Irelani, a ua kauohaia na mana aupuni o Enelani e hoomakaukau no ka hoopio ana i na haunaele o ia apana o ke Aupuni.

            Ke mau nei no ka makau ia o ka poe kipi o Rusia, a ua oleloia ua hopu hou ia kekahi o ua poe kipi nei, he wahine kekahi i lawelawe mamua iloko o ka halealii.

 

KA HOOHANOHANO OIAIO.

            UA makaukau makou i na wa a pau e haawi aku i na hoomaikai ana a me ka mahalo i ka Nohoalii Hawaii, a me ka Moi e noho ana maluna o ia noho. Ua komo pu makou iloko o na hauoli ana o keia mau la no ka hoihoi pomaikai ia mai o ko kakou Moi, mo kona hookipa maikai ia ma na aina e kahi a ke Alii i makaikai aku nei a puni ka honua. He makaainana aloha alii kakou malalo o na kanawai o ko kakou nei Aupuni, o hoolohe ana i na kanawai o ka aina i na wa a pau. A ma ia mau ano, aole paha o hooleia mai ko makou kuleana e kamailio ma na mea i hauaia a e hanaia ana imua o ke alo o na mea a pau.

            Ua mahalo makou no ka hapanui o na @ana i hapaiia e hoohiwahiwa ana i ka Moi i kona hoi ana mai nei. Pono loa ia Hawali e malama i ka hanohano o kona mau alii iloko o kona puawai aloha. Aole nae he pono ke hele aku mawaho o ka palena i neia no na Alii o ka honua nei. Aole pono ke hoopoina i ka Mea-Hookahi, he Haku maluna o na haku a he Alii maluna o na alii. Aole i hiki ke hoapono ia kekahi mau @ana maloko o ka pa Alii i ka Poakahi a me ka Poalua iho nei. Ua ku ia mau @ana aole i ka hoohanohano, aka i ka hoohaahaa. A aole no paha i makemake ke Alii i na hana kohu ole ke hanaia aku imua o kona alo. O ka hoohiwahiwa kiekie loa i hiki ia kakou na makaainana ke haawi aku i ko kakou Alii oia ka malama pono ana i na kanawai o kona Aupuni, a me ka lawelawe ana i na @ana e l@@a ai i ka lahui holookoa he inoa maikai e paoa ai ke ala mai ianei aku a i ko na aina e. O na lahuikanaka i ike i ka malama ia lakou iho me ka maluhia, a i mikiala hoi ma na hana kino maikai, he leialii lakou no ko lakou mau aina i oi ae ka waiwai mamua o ke kalaunu gula. Ua kamailio makou i keia mau mea ma ke kulana o ka makaainana Hawaii, aole ma ke ano hoohala hala, a hoahewa wale; aka no ke aloha a me ka makee ia kakou makaainana me ka manao nui no hoi i ka pono o ko kakou mau alii. E ola na alii o ka aina i ke aloha Lani o luna.

 

HULI HOI MAI KA MOI.

NA HANA O KA POAONO ME KA POAKAHI.

            Ma ka hora 3 a oi o ka Poaono nei, ua hoike ia mai ka nuhou mai Kaimuki mai a i ke Keena Telefone eia ka mokuahi lawe leta ke hookomo mai nei me ka welo ana o ka hae kalaunu ma kona kia e hoike ana, ko kakou Moi, eia ma kona oneki. Ua pahola koke ia keia lono iwaena o na makaainana a i na koa kiai o Puowina, a ia wa no i poha mai ai na leo o ua mau olohe nei, a he hoailona hoi ia e hoomakaukau kela a me keia hui, kela a me keia makaainana. He mau hiona pioloke ko ke kulanakauhale nei ma ia auina la, e holoke ana kela a me keia, e hoomakaukau ana hoi kela a me keia hui, e kani ana na oeoe o na hale hana, a e kuhea ana kela a me keia, Ei ae ka Moi.

            Oiai e pioloke ana na kanaka, ua ikeia na ilamuku hoohiwahiwa, na Komite hookipa, na lala o kela a me keia pualikoa, na lala o na hui Kaawai a me kekahi poe e ae e komo pu ana ma ka huakai hoohiwahiwa i ka Moi, e moe poo ana i ka holo i na home no ka hoomakaukau ana i kela a me keia pakahi no ka apo lokahi ana i ka mOI.

            Ua holo koke aku ka waapa Pailata o Kapena Shepherd no ka mokuahi a i kona wa i hehi ai maluna o ka oneki o ka mokuahi, eia ka ninau a ko kakou Moi i ninau mai ai, "Ua maikai anei ke ola o na mea a pau ma ka aina?" "Aole anei i kahaha oukou ma keia ku koke ana mai nei o makou?

            Oiai ka mokuahi e hookomo mai ana ma ke awa, ua piha na kia o na moku manuwa Rukini i na luina a haawi mai la lakou i na pu aloha no ka Moi a pa-e pu mai la hoi na leo huro o na luina me ke kupinai pu aku hoi o na huro mai na makaainana e ku aku ana ma ka uwapo, maluna hoi o na hale, a me na kia o na moku e ku nei ma ke awa. Oiai e kani nei na pu o na moku kaua Rukini, ua panai pu mai la na pu o Puowina a me na pu ma Kuloloia.

            Ua kau koke aku la ke Kiaaina Dominis, W F Allen, C P Iaukea, a me A Rosa maluna o ka mokuahi Pele, no ke kii ana aku i ka Moi maluna o ka mokuahi, a hoe aku la maluna o ka waapa a pili i ka mokuahi.

            Mahope iho o na lulu lima ana, ua kau iho la ka Moi me kona mau ukali maluna o ka waapa a hoe aku la no Pele, a mai a Pele aku i hoohiki loa aku ai i ka uwapo o Poka Ma.

            I ka hookokoke ana mai o ka mokuahi Pele i ka uwapo, ua halawai mai la ka nanaina o ka Moi i na hua i kau ia maluna o kekahi lole Silika, a i kau ia me keia mau huaolelo, "Aloha, E hoi e ka Lani. o Hawaii no ka oi," me kekahi mau huaolelo e ae a me na uluwehi o na kuahiwi i hihipea ia ma na pou a i lu ia ma ke alanui.

            Ma ka hora 5 a oi, ua pili mai la o Pele ma ka uwapo a apo like aku la na Komite Hookipa, oia ke Kuhina Kalaiaina, Kuhina o ko na Aina E, Kuhina Waiwai, na Hon. A S Cleghorn, C R Bishop, A F Judd, S K Kaai, J M Kapena, J Moanauli, D Kahanu, L McCully, H Waterhouse, a me Rev. M Kuaea, a apo like aku la i ka Moi a me Kona mau ukali, a haawi koke aku la ka Hon. C R Bishop he haiolelo apo i ka Moi ina ka olelo Beritania, penei:

 

E oluolu oe e ke Alii:

            Ua hoohanohano ia makou e ka lehulehu o Honolulu nei ma ke koho ia ana i poe nana e haawi aku ia oe e ke Alii i ka hookipa.

            Ua makemake nui kou mau makaainana mai Hawaii a Niihau e hoike aku imua ou e ke Alii i ka lakou mau hookipa aloha ana; aka oiai ua hiki ole ia mea, nolaila, o makou ma ko lakou aoao ke hoike aku nei i ke aloha palena ole.

            Ua hauoli na mea a pau no ka maikai o kou ola kino oiai oe ma ke ala kaapuni honua a hoi hou i o makou nei. E lawe aku oe i ko makou hauoli nui no ka hookoia ana o na moeuhane o na la i hala e ke au, oia no ka hoohihi e ike i na aupuni o na aina e, a e makaikai i ka luakaha ana o kela me keia ano lahui.

            Ua hoomaopopo kou mau hoaloha o na ano lahui like ole i kou apo ia ana mai me ka hanohano a me ka hiwahiwa ma na Kapitala a pau o ko na aina e; a me ka hoike ia ana mai o ke aloha oiaio e na Moi, na Alii o Asia, Aferika, Europa a me Amerika.

            Ua kau ia mai mamuli ou e ke Alii ka hanohano nui no kou aupuni, a ua hoala ia na manaolana no kou aupuni a me kou la hoikanaka.

            Oiai, na kaheaia oe e noho Moi maluna o na makaainana nona na ano he nui. Aka nae ma kou naauao lakou a pau e hooliloia ai i hookahi malalo o ke Aupuni ou e ka Moi. Aia me oe na manao maikai o na Aupuni nui a ikaika o ka honua nei. A oiai, ua hoolilo oe ia oe iho i hoaloha ma ka aoao o kou Aupuni ma na wahi a pau o na kihi eha o ka honua nei, nolaila, he hiki ia oe ke hikinai i ke aloha ka manaoio a me ka manaolana o kou lahui ponoi no ka holomua a me ka pomaikai. O ka oiaio a me ka maoli o na huaolelo hoailona o ko kakou Aupuni, aole i ikeia ka oi mamua a ano me ka hoike hou aku i ka makou hookipa aloha hiwahiwa; a ke puana ae nei makou, "E ola loihi oe e ka Moi iloko o ka pomaikai a me ka holomua o kou nohoalii ana.

            A pau kana, ua haiolelo mai la ka Hon. S K Kaai, penei:

            E ke Lii, e ka Moi, e ka Makua hoi; - E oluolu Oe e maliu mai i keia leo uwalo:

            Oiai, ua loaa ia makou ka hanohano o ke kohoia ana e Kou mau makaainana hoolohe o Kou kulanakauhale o Honolulu nei, i mau komite nana e hoonani aku la Oe e ka Makua, me na apona pumehana a makamae ana a ke aloha, i hookipa mai ai ia e Kalana i kauhale nei me ka hoano.

            Oiai hoi ua loihi a kikilo na la me ka ma nawa mamao nana i hookoo ae i ka noho ana kuapapanui mua ana ou e ke Lii a me makou Kou lahui, nolaila, ua ha'eha'e ke aloha.

            A oiai oe e Kalani e kapio la i kou keehi na wawae ma ke alanui o kau huakai makaikai honua ua haalele iho la Oe ia makou Kou mau makaainana hoolohe me na noonoo i mua ia e ka hopohopo a me ka makau ma oli no ka mea, aia imua o Kou alo alii, he mau moana nui laula palena ole, a me na alanui aina i piha mau ia e ka inea a i kupilikii hoi me na pilikia he lehulehu o na ano a pau.

            Aka, ano; ua hala aku la ihope ia mau hakanu palaualelo ana, a ua o u ia ae la ka mu'o o na manao pihoihoi a Kou lahui, ano hoi, i keia la nani kamahao, a ka nani e mo kaki mai nei, a kou mau kualono hauli e kiei mai la, a me keia kai nehe malie e hawanawana ae la, e hai mai ana, ua ko na @ini hooki ole ana a Kou puuwai alii e Kalani.

            Nolaila, e hoi e Naloiaehu, e luakaha i ka houpo o Kou aina, i ka poli a i ka puuwai hoi o Kou lahui, aole hoi ka hookoo hou ana aku.

            O ka makou pule nei, e ola loihi Oe e ka Moi, a e uhi paapu ia Kou Noholii e na pomaikai palena ole.

            Ua apo mai ka Moi i keia mau haiolelo me ke aloha a panai aku la i keia mamala olelo pokole:

            "Ua aie loa au i na hana maikai a aloha a oukou e ko'u mau makaainana, a ua hauoli hoi au no na hoohiwahiwa i hanaia imua o'u. Aole he hiki ia'u ke hooloihi loa i ka'u mau olelo imua o oukou, aka he manaolana ko'u e loaa ana he manawa a e hooloihiia ai hoi ka'u mau olelo imua o oukou."       

            Mahope iho o keia ua lulu lima ka Moi me na Komite Hookipa me ka Ilamuku Nui a haawi pu hoi i kona aloha i ka Adimarala a kau aku la maluna o ke kaa i ukaliia e ke Kiaaina J O Dominis a me Hon. A S Cleghorn, a ukali mai la kona mau ukali ma kekahi kaa no ka Halealii.

            Oiai ka huakai e nee nei ma ke alanui Papu, ua ki mai la na pu o Puowina a me na manawa a e kani ana hoi na ohe a na keiki puhi ohe o ke Aupuni a me na keiki o Keoneula, a e kupinai ana hoi na leo huro mai kela a me keia aoao o ke alanui.

            Aole i ikeia kekahi wa nani, pioloke, a uluwehiwehi hoi e like me ka Poaono a me ka Poakahi iho nei ma ke kulanakauhale nei; e welo ana na hae ma na pou a e hihipea ana hoi na maile, palai, a me kekahi mau uli e ae o na kuahiwi a i uhiia na mauu ma ke alanui. E kau kilakila ana na huaolelo ma na papa i penaia, a mamua iho o ka Hale Date keia mau huaolelo, "Aloha ka Moi" "Welcome Kalakaua" "Ua hele, ua ike, ua hoi mai." Mamua iho o ka hale hana o Lucas ua kukuluia he Pio a e kau ana ke kii o ka Moi me keia mau olelo, "Ka Hiwahiwa Aloha." Ma ke kihi mai o ke Alanui Papu me Kalepa ua kukuluia he Pio a ma keia Pio i kau ia ai na kii o na Moi i hala. A ma ke kihi o Alanui Papu me Moi ka Pio a na Pake. Ua kohu hale keia Pio a he kahua makaikai mau ia keia e na kanaka. Ma na aoao 4 o ua Pio nei na kau ia keia mau huaolelo me ke kii o ka Moi, "Aloha Kalakaua ua Moi," "Kuilima Hawaii me Kina," "Hookiaa na Keiki o ka Aina Pua," "Mau ka welo o ka Hae Hawaii;" a ma o aku o ke Alanui Rikeke i kukuluia ai kekahi Pio me keia mau huaolelo: "E ka Lani, E Ola," a me "Welcome Home."

            Ua kukuluia kekahi Pio ma ka puka o ka Halealii a ua kau ia hoi keia mau huaolelo: "E ka Mea i Hoanoia," a ma ka puka ma ke Alanui Rikeke, o keia mau huaolelo kai kau ia, "O ke Aluka Lani." Ua kahiko pu ia ka Hale Aupuni me na hae.

 

            He hana pono ole ka kekahi makai ma ka uapo o Likelike i kela po Sabati aku nei, e hoonuinui ana i kona leo i ka pake e kau maluna o ke kaa, i na aole oe e kau maluna o ke kaa owau no huli puolo oe, opiuma no maloko o ka puolo aole nae i huli ia ka puolo, aka huli ia aku la kona kino aole mae i loaa hoike aku la ua makai nei i kona pihi makai i ka pake me ka ae ole no o ka pake e kau maluna o ke kaa, kii ia mai la ka puolo a kau ia aku la iluna o ke kaa kani iho la ka aka a ua makai aloha ole nei i ke kau ana a ka pake ma ke kaa he makai opio keia, nana keia hana makona.

 

            I ke kakahiaka Poaha nei oiai he 2 manuwa Rukini e hoopuka ana iwaho o ke awa ua hookui aku ia na laau pea o kekahi moku i ka pea hope o ke kuna Kaluna a nohae iho ia ka pea o ua moku kuna nei me ka haki ana o ka laau pea o luna.

 

HOOLAHA I KA POE I AUHAU IA.

            E noho ana ka Luna Ohi Auhau ma ka hale noho o W E Pii ma Kaneohe, ke hiki aku i ka Poalua, Poakolu a me ka Poaha, o kela a me keia pule a hiki i ka la 16 o Dekemaba, oiai ma ia la e hoopaaia ai na Buke.

W. C. LANE.

Luna Auhau o ka Apana o Koolau, Oahu. 1040 1m*

 

HOOLAHA A KA LUNA AUHAU O KA APANA O HONOLULU, OAHU, 1881.

            KE Hoikeia aku nei ka lohe i ka poe a pau i ku i ka Auhau, e hoomaka ana ka mea nona ka inua malalo iho i ka Ohi ana i na Auhau no keia Mokahiki, ma kona Keena Oh, Auhau ma Aliiolani Hale, i ka Poaono, la 5 o Novemaba, ma ia manawa e weheia ai na Buke Auhau no ka hooponopono ana. A i kulike ai me ka Pauku 503 o ke Kanawai Kivila, nolaila, ke hoikeia aku nei i na mea a pau i ku i ka Auhau, e Hookaa Koke mai mamua ae o ka La 30 o Novemaba, 1881.

GEO. H. LUCE,

Luna Ohi Auhau o Honolulu.

Keena Ohi Auhau, Honolulu, Oahu, Novemaba 5, 1881.

1040 1m

 

            E ike ua kanaka a pau, o maua o S P Kamakea a ma Hana w, no Honolulu, Oahu, ke papa a ke hookapu loa aku nei ma ua ina kanaka o na ano, aole e komo hewa maluna o na apana aina o maui e waiho la ma Kapua Kohala akau, Hawaii, oia na ili aina o Kahekaopuehu me Kaeka, oia kahi i loaa ia mana ma ka palapila hoollo mai a Kaikuahioe k, o Kapua, Kohala ak Hawaii. Ina he kuleana ko kekahi maluna o na aina i olelo ia maluna, e koi lakou i ke kanawai e pono ai ua papa pu ia na holoholona o na ano a pau, aole e komo hewa maluna oia mau aina, ina e loaa i ko maua hope i hookahu ia Mose Nakuaau maluna ona ka hana e like me kona manao a me ke kanawai. O maua o

S P KAMAKEA k. Mrs. HANA w.

Honolulu, Oahu, Oct 15 1881. 1040 4t*.

 

HOOLAHA HOOKAPU AINA.

            E ike auanei na mea a pau ke nana mai i keia, o makou o ka poe nona na inoa malalu nei, ke papa a ke hookapu aku nei makou i na kane, wahine a me na keiki, aole lakou e hele wale e ohi i na huhui laiki ma ko makou mau aina mahi laiki mai Punaluu a hiki i Kaluanui, ma Koolauloa, Oahu, i ka wa o ke Oki ana o ka laiki a me ka manawa mahope iho o ka Auamo ana. ina o ka mea a mau mea e kue ana i keia e hoopii ia ne ma na Kanawai o ka Aina. O ka hoolohe ke ola o ke kuli ka make.

Chuian & Co, Cal Ling,

Chin Fuu, Akaihana,

M K Kookanaloa, Ah Chew,

D Ehu, Chai Chan,

Aana, Akana,

Leepan, Akonai,

Akaiko, Apai,

Ahuna, Lam Chan,

1040 4t* J M Kauahikaua.

 

RULA 34.

            KE Kauohala aku nei, aole e aeia ka mea nana ka Palapala Hookohu Lunakanawai piha, e lawelawe i ka hana Lolo ma na Hihia Karaima, imua o kekahi Aha Hookolokolo Apana a Hoomalu paha.

NANA LUNAKANAWAI O KA AHA KIEKIE.

JNO. E. BARNARD, Kakauolelo.

Honolulu, Oahu, Oct. 25, 1881. 1039 3t

 

HOOLAHA HUI.

            O Edward H Bailey a me James C Bailey o Wailuku, Maui o laua na inoa malalo o ka inoa hui o Na HOAHANAU BAILEY, a e lawelawe nei i ka Oihana Mahiko ma ka mokupuni o Maui.

NA HOAHANAU BAILEY.

Wailuku, Maui, Oct. 15, 1881. 1039 2t

 

HOOLAHA HUI.

            O L Akana a me C Kam Tan e noho ana ma Paia, Hamakuapoko, mokupuni o Maui, na lala o ka Hui o L. AKANA MA, he mau mea malama Halekuai, ma Paia i oleloia.

L. AKANA & CO.

Paia, Maui, Okatoba 15, 1881. 1039 2t

 

OLELO HOOLAHA.

            E ike auanei na kanaka a pau, o makou o ka poe hui i hoolimalima i ka aina Kanewai a me na wahi e pili ana, Piliamoo me Kiokapu, ma Manoa o Oahu. Ua kapu ka hele ana o na ano holoholona a pau maluna o ua aina la a me na kanaka, i na i komo a hele wale kekahi holoholona a mau holoholona, a kanaka paha, alaila e uku ia i 1 dala no ke poo.

PAHIELE & AKAU Pake, Na Luna.

Oct 27 1881. 1059 2t*

 

            Mai keia la aku, aole loa au e hookaa i kekahi aie i hoaiela ma ko'u inoa, ke ole e loaa na hoapono mai ia'u aku.

HIILAWE k.

Honolulu, Oct. 22, 1881. 1039 1t*

 

            O ka poe a pau e paa nei he mau lio a he mau pipi, he wai wai no THOMAS MEEK, me kona hao kuni e paa ana, ke papa ia aku nei aole e hoano e a hookahuli ia mau hao kuni a kuai aku hoi i na lio a me na pipi malalo o ke ano kolohe.

H G CRABBE (Papai), Luna Hooko a Luna Hooponopono o ka Waiwai o Thomas Meek i make

Honolulu, Iulai 15, 1881. 1026 6ma

 

HOOLAHA HOOKAPU AINA.

            KE papa aku nei au i na mea a pau, aole e ho okuu wale na holoholona o na ano a pau, ma ko'u mau aina o PALIKEA a me Kaaleo, ma Maemae, mokupuni o Oahu, e like me ka lio, hoki, pipi, puaa, piula, a me na manu kaka a koloa paha, e manaola ai no ka hoopilikia ana i na mea kanu. O na poe a pau e kue ana i keia, ua makaukau mau ko'u hope o NAKEANA, e hopu a lawe aku i ka Pa Aupuni, e like me ke kuhikuhi a ke Kanawai no na holoholona komohewa. E lilo keia i Kanawai paa no ko'u mau aina, mahope iho o ka hala ana o na la he 30, mai keia la 22 aku o Okatoba, 1881.

CHARLES H KEAWE,

Kapumoo, Oct. 21. 1881. 1038 3t

 

HOOLAHA A NA LUNA HOOPONOPONO WAIWAI.

            No ka mea, ua hookohu pono la mai na mea nona na inoa malalo iho nei e Ka Mea Hanohano A F Judd. Lunakanawai o ka Aha Kiekie, i mau Luna Hooponopono no ka Waiwai o Kaehukulani k, o Pauoa, Honolulu, Oahu, i make kauoha ole. Nolaila, ke kaheaia aku nei ka poe a pau i aie i ka mea i make, e hookaa koke mai. Pela hoi me ka poe a ka mea i make i ale aku ai, e hoike koke mai i ka lakou mau bila me na hooialo kupono iloko o a malama eono mai kela la aku, a i ole, e hoole mau loa ia aku no.

D H KEKUMU k,

MRS. KAHOOMAKUA w,

Na Luna Hooponopono o ka Waiwai o Kaehukulani make kauoha ole.

Honolulu, Oct 14, 1881. 1038 1m.

 

HELE MAI HOOKAHI!

Hele Mai a Pau Loa!

EIA KA NANI LA

MA

HALEALOHA!

Ka Halekuni Pohaka e ku nei ma Moaikahune, ma ka Huina o na Alanui Papa a me Hoiele.

  KE hoolako mau ia nei ia Halekuai me na Loke nani o keia a me keia ano, a me na mea hoohinohinoni i na paikini o na wahine a me ko na kamalii, i ku i ka iloi o kela a me keia aina, a eia ua mau mea hoonuanuala. 

            Na Silika mae ole o keia a me keia ano o ka Aina Pua, na Iole hapa silika o na ano he lehulehu wale, na lilina maoli o na ano a pau, na hapa lilina na makalena auau pahoehoe. na nahenahe, na hala-a, na puu, na kalakoa, na alapia, na kalepa, na Iliwai, na huluhulu, na veleveta, na keokeo paina, na keponale paina, na lipine, na lihilihi maoli a ma na lihilihi kuawelu, na mea paa o na wahine, oia na muumuu komo lole a me na muumuu moe po, na palekoki hu-a a a me na pale koki lihilihi nui, na leia-i silika e na ano a pau, na hainaka silika nui a liilii  Na Lole o na Kane, na lolewawae paina, kaki mia, huluhulu. na kuka loloa a ekekei o na ano a pau, na lole paa o na kamaliiwahine a me na keikikane.  Na papale wahine o keia a me keia ano a me na ohu o luna, na papalekeiki, na papale kane.  Na kamaa  wahine me ko na kamalii, na kamaa kane  Na kakini wahine o na ano a pau a me na kakini pua silika a ma ka aoao no na kaikawahine, na kakini o na keikikane a me ko kanaka makua o na ano a pau.  Na mamalu silika nunui a liilii o na ano he lehulehu wale.  Na pale hoioi wawai he eni wale eia maanei.  I mea e maopopo ai ia oukou e na hoa'loha. na oluolu ia ke komo ana mai maloko o Halealoha, a e nana pono i ike pono i ke au nei a me ke au iki, a e loaa ao me ke kumukuai oluolu.  O keia mau waiwai i halia oe la maluna. e hiki mau mai ana ma keia a me keia ko ana mai o na mokuahi.                                                 GOO KIM.  Honolulu, Oct. 11  1881                                                       1009  6m

 

 

            AHA HOOKOLOKOLO APANA EHA o ko Hawaii Pae Aina. Ma ka hooponopono waiwai. Ma ka waiwai o Keo w. oWaimea, i make. Ma ke keena, imua o ka Lunakanawai Kaapuni.

            Ma ka heluhelu a me ka waiho ana mai o ka Palapala Noi a Kalua w. a me kana kane mare, o W.H. Coles, e kauoha aku ia o Kalihi, ka Lunahooponopono mamuli o ka Palapala Kauoha o ka mea make, nana no i hoike mai imua o keia Aha, i na loaa a pau a me na lilo aku, a me ke koena waiwai ma kona lima, a no ka mahele ana o ka waiwai koe iwaena o na @ kuleana, e like me ua Palapala Kauoha la. Ua kauohaia, o k Poaono, ka la 3 o Dekemaba, 1881, ma ka hora 10 o kakahiaka, imua o ua Lunakanawai la, ma ke keena, ma ka hale hookolokolo ma Koloa, oia kahi a me ka manawa i koho ia no ka hoolohe ana i ua noi la, a me na pepa hoike i olelo ia, a o ka poe a pau i pili malaila e hele mai a e hoike i ke kumu, ina he kumu io ko lakou, e ae ole ia ai ua noi la, a malaila e hoike mai ai na hoike o na mea i kuleana maloko o ka waiwai i olelo ia. A o keia kauoha ma ka olelo Hawaii, e pai ia maloko o ka Nupepa Kuokoa, he nupepa i pai a hoolaha ia ma Honolulu, i ekolu pule mamua ae o ka manawa i olelo ia no ka hoolohe ana.

Kakauia ma Koloa, ko Hawaii Paeaina, i keia la 22 o Okatoba, M.H. 1881.

JACOB HARDY

1040 3t Lunakanawai Kaapuai Apana Eha

 

AHA Hookolokolo Kiekie o ko Hawaii Paeaina, ma ka hooponopono waiwai. Olelo kauoha e hoolaha aku no ke noi ana mai e koho i lunahooponopono waiwai. Ma ka waiwai o NAKILA k o Waialua o Oahu, i make kauoha ole, imua o ka Lunakanawai A.F. Judd. Ma ka heluhelu a me ka waiho ana mai o ka palapala noi a Kaapa k, o Honolulu, Oahu e hoike mai ana o NAKILA k, no Waialua Oahu, ua make kauoha ole ma Waialua Oahu i olelo ia ma ka la o Augate 1880, a e noi ana e haawi ia ka palapala hookohu lunahooponopono waiwai ia Kualii k.

            Ua kauohaia o ka Poalua, ka la 15 o Novemaba, 1881. oia ka manawa i kohoia no ka hoolohe ana i ua noi la, imua o ua lunakanawai la, ma ke Keena Hookolokolo o keia Aha, ma Honolulu, a ma ia manawa a ma ia wahi no e hele mai ai na mea a pau i pili, e hoike mai i ke kumu ina he kumu oiaio ko lakou e ae oleia ai ua noi la. A o keia olelo kauoha, a e hoolaha ma ka olelo Hawaii i ekolu pule ma ka "Nupepa Kuokoa," he nupepa ma Honolulu.

            Kakauia ma Honolulu, ko Hawaii Pae Aina, Okatoba @ 1881. A. FRANCIS JUDD, Lunakanawai o ka Aha @

A. Rosa Hope Kakauolelo 1639 3t

 

AHA Kiekie o ko Hawaii Pae Aina mokupuni o Oahu Hawaii Pae Aina, ss. Ma ka hooponopono waiwai ma ka waiwai A KAPOLEI w i make. Olelo Kauoha e koho ana i la e hooiaio ai ka palapala kauoha a no ka hoolaha ana.

            No ka mea ma ka la 24 o Okatoba M H 1881 ua waihoia mai imua o ka Aha kekahi palapala i oleloia oia no ke kauoha hope loa o KAPOLEI w, i make aku la; a me ka palapala hoopii e noi ana e hooiaio kela palapala kauoha a e hoopuia hoi ka Palapala Luna Hooko ia Jose Antonia Santos a e hoopau wale ka Palapala Hookohu Lunahooponopono a Kahu Malama Waiwai i hoopuka muala ua waihoia mai e Jose Antonio Santes.

            Nolaila ua kauohala o ka Puakolu, ka la 23 o Nov. 1881 ma ma ka hora 10 AM ma ka rumi hookolokolo o ia Aha ma Aliiolani Hale, Honolulu, Mokupuni o Oahu, oia kahi a me ka la me ka hora e hooiaio ia ai ia Palapala Kauoha a e hoolohe hoi no ia noi ana mai, a me ka poe a pau i pili e kue ana ia palapala kauoha, a me ka hoopuka ana i ka Palapala Luna Hooku, e like me ka mea i noi ia.

            A ua kauoha hou ia, e hoolaha no ia mea no na pule ekolu iloko o ke Kuokoa, he nupepa i hoolahaia ma Honolulu.

            A ua kauoha ia e hoopukaia na Palapala Kena no na hoike no ia Palapala Kauoha a me na hooilina o ka mea make ma ka mokupuni o Oahu i oleloia, e hele mai a e kue i keia Palapala Kauoha i ka wa i oleleia.

            Kakauia ma Honolulu. ko Hawaii Pae Aina, Okatoba 12, 1881.

L McCULLY.

Ikea: Lunakanawai o ka Aha Kiekie

A Rosa, Hope Kakauolelo. 1039 3t

 

AHA Hookolokolo Kaapuni Apana Eha o ko Hawaii Pae Aina. Ma ka hooponopono waiwai. Ma ka waiwai o Wawae k o Lihue, Kauai, i make kauoha ole, imua o ka Lunakanawai Kaapuni.

            Ma ka heluhelu a me ka waiho ana mai o ka palapala noi a Kawahinehaole w a me kana kane mare, o Kaohimaunu e hoike mai ana, o Wawae no Lihue ua make kauoha ole ma Lihue ma ka la 21 o Sepatemaba 1879 a e noi ana e haawaia ka Palapala Hookohu Lunahooponopono Waiwai la S R Hapuku no Lihue.

            Ua kauohala o ka Poaono, ka la 3 o Dekemaba, M H 1881, ma ka hora umi o kakahiaka, ola ka manawa i kohoia no ka hoolohe ana i ua noi la, imua o na Lunakanawai la, ma ke Keena Hookolokolo o kela Aha, ma Koloa, a ma ia manawa a ma ia wahi no e hele mai ai na mea a pau i pili e hoike mai i ke kumu. Ina he kumu oiaio ko lakou e ae oleia ai ua noi la. A o keia olelo kauoha e hoolaha ia ma ka olelo Hawaii, i ekolu pule ma ke "Kuokoa," he nupepa ma Honolulu Kakauia ma Koloa, ko Hawaii Paeaina, Okatoba 15, 1881.

JACOB HARDY,

1039 3t Lunakanawai Kaapuni Apana Eha

 

AHA Hookolokolo Kaapuni Apana Eha o ko Hawaii Pae Aina, ma ka hooponopono waiwai. Ma ka waiwai o Kaaki k. o Honolulu i make kauoha ole. Imua o ka Luna kanawai Kaapuni ma ke keena.

            Ma ka heluhelu a me ka waiho ana mai o ka palapala noi a Kalaoa w, a me kana kane mare, o Moamua, o Lihue, e hoike mai ana o Kaaki k, no Honolulu. ua make kauoha ole ma Honolulu ma ka la - o -, 1865, a e noi ana e haawiia ka Palapala Hookohu Lunahooponopono Waiwai ia J Kakina o Hanalei.

            Ua kauohaia o ka Poalua, ka la 15 o Novemaba, 1881, ma ka hora 10 o ke kakahiaka, oia ka manawa i koho ia no ka hoo@@ he ana i ua noi la, imua o ua Lunakanawai, la, ma ke Keena Hookolokolo o keia Aha, ma Lihue, a ma ia manawa a ma ia wahi no e hele mai ai na mea a pau i pili, e hoike mai i ke kumu in a he kumu oiaio ko lakou e ae olela ai ua noi la. A o keia olelo kauoha, e hoolahaia ma ka olelo Hawaii, i ekolu pule ma ka "Nupepa Kuokoa," he nupepa ma Honolulu.

            Kakauia ma Koloa, ko Hawaii: Paeaina, Okatoba 11, 1881.

JACOB HARDY

1038 3t Lunakanawai Kaapuni Apana Eha

 

AHA Kiekie o ko Hawaii Pae Aina, Mokupuni o Oahu, ss. Ma ka Hooponopono waiwai. Ma ka waiwai o KUPELE w, no Honolulu, Mokupuni o Oahu i make. Olelo kauoha e koho ana i la e hoolalo ai ka palapala kauoha, a no ka hoolaha ana.

            No ka mean, ma ka la - o Oct., 1881, ua waihoia mai imua o ka Aha kekahi palapala i oleloia, ola no ke Kauoha Hope Loa o KUPELE w i make aku la; a me ka palapala hoopii e noi ana e hooialoia kela palapala kauoha a e hoopuka hoi ka i palapala Luna Hooko no William Moses ka mea hoopii, UA waihoia mai e William Moses i olelola ke kane mare o ka mea i make.

            Nolaila, ua kauohaia o ka Poalua, oia ka la 8 o Novemaba, 1881, ma ka hora 10 A. M. ma ka Rumi Hokolokolo o ia Aha, ma Aliiolani Hale ma Honolulu, oia ka la me ka hora i hooiaioia ai ia Palapala Kauoha, a e hoolohe hoi no ka noi ana mai, a me ka poe a pau i pili, e kue ana la Palapala Kauoha a me ka hoopuka ana i ka Palapala Luna Hooko.

            A ua kauoha hou ia, e hoolaha no ia mea no na pule ekolu iloko o ka "Nupepa Kuokoa," he nupepa i paiia a i hoolahaia ma Honolulu.

            Kakauia ma Honolulu, ko Hawaii Pae Aina. Oct 14, 1881.

A FRANCIS JUDD

Ikea: Lunakanawai o ka Aha Kiekie

A Rosa, Hope Kakauolelo. 1038 3t

 

AHA Hookolokolo Kiekie o ko Hawaii Pae Aina. Ma ka hooponopono waiwai. Ma ka waiwai o KAINIKI k, i make Olelo kauoha e koho ana i la e hooialo ai ka Palapala Kauoha, a no ka hoolaha ana.

            No ka mea ma ka la 14 o Oct. 1881, ua waiheia mai imua o ka aha, kekahi palapala, i olelo ia, oia no ke kauoha hope loa o KAINIKI k, i make aku la, a me ka palapala hoopii e noi ana e hooiaio ia kela palapala kauoha a e hoopuka hoi ka palapala luna hooko ia Wahinehune w, me Kaakau Kipela w ua waihoia mai e Mr. Haich.

            Nolaila, ua kauoha ia o ka Poalua, oia ka la 8 o Nov 1881 ma ka hora 10 kakahiaka ma ka rumi hookolokolo o ia aha ma Honolulu, ma Aliiolani Hale oia ka la me ka hora, e hooiaio ia ai ia palapala kauoha, a e hoolohe hoi no ia nui ana mai, a me ka poe a pau i pili, e kue ana ia palapala Kauoha, a me ka hoopuka ana i ka palapala luna hooko, a ua kauoha hou ia e hoolaha no ia mea no na pule ekolu iloko o ka Nupepa Kuokoa he nupepa i pai ia a i hoolahaia ma Honolulu.

            Kakauia ma Honolulu ko Hawaii Pae Aina. Oct. 14. 1881

L McCully,

Ikea: Lunakanawai o ka Aha Kiekie

A Rosa, Hope Kakauolelo 1038 3t

 

HOOLAHA A KA LUNA HOOPONOPONO WAIWAI.

            Ua hookohu pono ia mai ka mea nona ka inoa malalo iho e ka Aha Kiekie, i Luna Hooko Kauoha a Luna Hooponopono o ka Waiwai o THOMAS MEEK o Honolulu, ke hoike aku nei i na kanaka a pau i aie i ka waiwai o ka mea i make, e uku koke mai me ka hakalia ole i ka mea nona ka inoa malalo iho; a o ka poe hoi e paa nei he mau waiwai no ka mea i ma ke ma ko lakou lima, e hoike koke ae i ka Luna Hooponopono me ke kali ole. O ka poe hoi he mau koi ka lakou non ka waiwai o ka mea i make, ke hoikeia aku nei e waiho mai i na hooialo kupono i ka Luna Hooponopono iloko o na malama eono, o hoole mania aka lakou.

            H G CRABBE (Papai) Luna Hooko a Luna Hooponopono o ka Waiwai o Thomas Meek i make Honolulu, Iulai 15, 1881. 1035 6m

 

Halekuai Ili hou o

HUGH MACKAY

Ka mea hana Ili akamai o Hawaii nei.

Aia malaila na Ili o kela me keia ano i hooluu ia me ka nani lua ole.

E uku no au i DALA KUIKE no na ano Ili a pau loa

ILI MALOO A MAKA PAA,

no ka auhau kiekie ke lawe ia mai i oe nei. E loaa no au ma ko'a Halekuai Hou o

WEHE KA OLU!

            Ma Halemahoe, Alanui Moiwahine e huli pololei ana ke alo ke Alanai Kaahumanu.

C kau ia e kauko aku nei i na makamaka e naue mai i o'u nei. 1034 Iulai 13 tf

 

OLELO HOOLAHA.

Maikai ka hoi kou Paa Lole?

Nohea la kahi i loaa ai ia oe?

No kahi o

ROBSON & SORRENSON,

ma Alanui Papu.

Keena o McINTYRE.

1022 6m