Ka Nupepa Kuokoa, Volume XX, Number 53, 31 December 1881 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA

 

@ HUHA

No Ka Makahiki, $2,  Eono Mahina, $1.

Dala Kuike ka Rula

POAONO, DEKEMABA 31, 1881

 

NA KUMUHANA NO KA HEBEDOMA HAIPULE, 1882

 

 Sabati, Jan 1 - Ka hoolaa hoo ana.

 Poakahi, Jan 2 - Hoomaikai no na pomai kai kino me na pono uhane o ka makahiki i hala ae nei a e pule no ka hoomau ia o ua mau pomaikai nei.

 Poalua, Jan 3 - Hoohaahaa ana me ka mihi no na hewa o kela a me keia pakahi, me na hewa o ka lahui.

 Poakolu, Jan 4  -  Pule no ka hoopomaikai ana o ke Akua maluna o Kona Ekalesia a me Kana Olelo.

 Poaha, Jan 5 - Pule no ka poe opio, a no @a hana a pau i pili i ka hoonaauao Kristiano.

 Poalima, Jan 6 - Pule no ka laha ana o ka maluhia a me ka pono ma na wahi a pau.

 Poaono, Jan 7 - Pule no na Misiona Kristiano, no ka ninini ia mai o ka Uhane Hemolele, a e huli ko ke ao a pau.

 

HO! REAPERS OF LIFE'S HARVEST.

GOSPEL SONG, NO. 150

 

1

E na paahana ohi,

E ku a ohi no.

Mai ku a hana ole,

A uhi mai ka p@.

Mai ku e kali ana

I nui na hoa e,

E panee wiki ana

Ka wa e ohi nei.

 

2

Hookomo i ka pahi,

Ka Olelo a Iesu

E ohi i na hua,

Ke wiki mai ka po.

Ke hea nei ka Haku

I mau paahana hou,

Hoolohe, ku a hele

A ohi koke no.

 

3

E iho mai na mauna

A ma na kula pu.

Hai ika nu hauoli,

Ke ola ia Iesu.

E kai ae i na lama

I ko na aina e.

A pau ka oukou hana,

Loaa ko @una lei.

 

Hawaii.

 

KAAWINA KULA SABATI.

 

Helu 2 me 3. lan. 8. mr 15.

 

Mareko 1:14 - 28

 

 14 Mahope iho o ka paa ana o Ioane iloko o ka halepaahao, hele mai la o Iesu i Galilaia, me ka hai ana mai i ka euanelio no ke aupuni o ke Akua;

 15 I mai la, Ua hiki mai nei ka manawa, ua kokoke mai nei ke aupuni o ke Akua. e mihi oukou a e manaoio i ka euanelio.

 16 I Kona hele ana ae mai ka moanawai o Galilaia, ike mai l@ Oia ia Simona, a me kona kaikaina, o Anedera, e Kuu ana i ka upena mai ka moanawai; no ka mea, he mau lawaia laua.

 17 I mai la Iesu ia laua. E hahai olua mamuli o'u, a e hoolilo Wau ia olua i mau awaia kanaka-

 18 Haalele koke iho la laua i ka laua mau upena, a hahai aku la ia Ia.

 19 A hele iki ae la Ia, ike mai la Oia ia lakoha a Zebedaio, a me kon kaikama o I oane, iluna pu laua o ka moku e hono ana i na upena.

 20 Kahea koke mai la ia laua; a haalele iho la laua i ko laua makuakane, ia Zebedaio, iluna o ka moku, me na kanaka paaua, a hahai aku la laua ia Ia.

 21 Hele ae la laua i Kaperenauma, komo koke ae la iloko o ka halehalawai i ka la Sabati, a a o mai la.

 22 Mahalo iho la lakou i Kana ao ana, no ka mea , ao mai la Oia ia lakou, me he mea mana la, aole like me ka poe kakauolelo.

 23 A maloko o ko lakou halehalawai kekahi kanaka i loohia e ka uhane ino, a wala au ae la ia;

 24 I ae la, Ea, heaha kau ia makou, e Iesu no Nazereta? I hele mai nei anei Oe e luku mai ia makou? Ua ike no au ia Oe; o Oe no ka Mea hoano a ke Akua.

 25 Papa ae la Iesu ia ia, i ae la, Hamau, e puka mai oe iwaho ona.

 26 Hookaawili iho la ka uhane ino ia ia, walaau ae la ia me ka leo nui, a puka mai la ia iwaho ona.

 27 Mahanlo aku la lakou a pau, nolaila, @alu lakou ia lakou iho no, i ae la, Heaha la keia? Heaha la hoi kea ao hou ana? No ka mea, me ka leo mana no Oia e kauoha aku nei i na uhane ino, a hoolohe

      io aku no lakou ia la.

 28 Kui koke aku la Kona kaulana ma na mokupuni a pau o Galilaia.

 Pauku Gula.  Isaia 9:2, me Puk. 15:26.

 Ka wehewehe me ka Ninau ana.

 Hookahi makahiki a oi i komo mawaena o ka helu 1 me ka 2. E ia na mea i waihoia e Mareko.

 1 Ko Iesu hoi ana mai kahi i hoowalewaleia'i a i Betabara. kah@ o Ioane Bapetite lo 1;15;37.

 2 Ka loaa ana o na haumana mua o Iesu, Pilipo, Anakarea, me Petero, a hoi pu ako i Galilaia Io 1:38-51

 3 Ka Iesu hana mana mua ma Kana. Io 2:1-11.

 4 Kona hele ana i Kaperenauma, no ke kahi mau la. Io 2:12,13.

 5 Kona hele ana i Ierusarema me na hana malaila. Io 2:14-35.

 6 Kana kamailio ana me Nikodemo Io. 3:1-21

 7 Kana haiolelo a bapetizo ana ma Iudea a kipkuia mai Iudea aku e na Parisaio. Io 4:1-3

 8 Kana mau hana ma Samaria a ma Galilaia. Io. 4:4-54.

 9 Ka hoopaahaoia o Ioane Bapetite e Herode. Mat. 4:12.

 10 Ka hoi hou ana o Iesu i Ierusalema me na hana Io. 5.

 11 Kona hoi hou ana i Galilaia. Luk 4:14, Mat.4:12.

 12 Kana haiolelo ana ma Nazareta, a kipakuia, a hele hou i Kaperenauma. Luk. 4:16-32, Mat. 4:12-17.

 

 Na hanna a Iesu ma Galilaia.

 Mareko. 1:14,15. Ka haiolelo ana me ka paipai e aha?

 P.16-20. Kona koho ana i mau haumana Nana. Owai lakou?

 P.21-28. Ka hana ma Kaperenauma, ka kaiolelo ma ka halehalawai; mahalo nui ia. Heaha kana hana mana i ke kanaka i loohia i ka uhane ino? A aha na kanaka Nona no ia hana? Pehea hoi Kona

 kaulana?

 Helu 3. Ko Iesu mana e Hoola i na mai.

 P.29-31. Heaha ka Iesu hana mana i ka makuahonowai wahine o Simona? Owai na hoike?

 P. 32-34. Heaha ka Iesu mau hana aloha ma keia mau pauku?

 P.35-37. Ihea Iesuu i hele ai ma ka po? Owai kai hahai, a olelo pehea ia la?

 P.38-40. Pehea Iesu i pane ai? A aha hoi oia ma na halehalawai? A aha hoi i na daimonio?

 P.41-45. Heaha ka Iesu hana i ke kanaka lepero? Me Kana kauoha ia ia? Malama anei oia ia kauoha? Pehea nae oia i hana'i?

 

Na ninau hoi hope.

 

 Ehia mau mea a Mareko i waiho ai, aole i kakau ma kana euanelio? Owai ka haumana i hiki ke hai pakahi ma ia mau mea he 12? Me kahi i kakau ia'i? Nana i hope.

 No ke aha ko Mareko waiho ana ia mau mea?

 Ehia hana mana a Iesu ma keai mau haa wina elua?

 Ina hiki ia Iesu ke hoolilo i ka wai i waina, aole anei e hiki ia la ke hoolilo i ka waina i wai?

 E noi aku ia Ia e hana pela. A ike ke poe inu waina, aole ona mea e ona ai, haalele lakou i ke kuai ana me ka inu ana.

 Owai ka poe e hai nei i ka euanelio no ke aupuni o ke Akua? Heaha ka hana mua a ka poe e makemake ana e komo iloko o ko ke Akua aupuni? E mihi, a e aha? Io. 3:5.

 Ke hea mai nei Iesu ia wai e ku a hahai mamuli Ona? Ahea? Ano no paha.

  Pehea oukou e lilo ai i poe lawaia kanaka? Owai ka poe i loohia ia i na daimonio i keia wa? Ka poe i lilo i ka hewa. Pehea la e hemo ai na uhane ino?

 I owai la e halihali ia'ku ai na mai, na lolo, na kepera, ma ke kino, ma ka uhane i hoolaia? e wiki e halihali aku ma ka pule ana, me ka paipai hoi ia lakou, e ku a hele aku i o Iesu la. He aloha nui Kona.

 Ua hele mai oia i keia ao e imi, a e hoola i ka poe a pau e hele aku ana i Ona la.

 Haawina no Ian 22.  Mareko 2:1-17.

 

KA LIO KAMAHAO ME KE KII MAKANA.

 

 Ma na aina e, i o kikilo loa aku, ma kela huli o ko paia lewa o na ale o ka Pakipika hiki mai ka lono ia kakou no keia ano lio, nona ka mama i like me ka makani, he tausani na mile, hookahi no la, a me he moeuhane la ko kakou hoomanao ana, a nalo aku.

 Ano, he oiaio nae; eia i Mahukona nei, ke holo nei keia lio kamahao me kona oiwi hao, hoonuu a mona, o oni hoho; ke hoopalalu la a holo niau, kana ai, aole ka mauu, aka, he lanahu hao, ikaika kona oni a pii i na puu, aole e kuemi, kakani na kapuai hao me kona hanu ahi, me he kohola puhi; ke puhi nei, kau na ohua, nui wale na ukana, hana mau a lawe mau no, aole nae luhi aole oopa; kupaianaha io no! Ke nome la imua a emi hope mai, likelike muhee, ina milimili makou ma kona kuinu huelo, aole pepeku, me kona maka nui ulaula makau,  uliuli mau ka haku o ka hele; a ina e huki mai i ke kaula kaohi, nui launa ole kona leo e leike me ke oeoe o Kikelike. Kahaha! aohe wa a ua kokoke napoo kahi kukuna la, ikeia nei mea nani a ka ili keokeo. Ke makaikai nei kuaaina i nei mea hou. Lua ole nei lio, mahalo maikai; he lohe olelo aia o Maleka ke okipau, eia ka i Mahukona ka la-i; le'a io aku la kaena a Mahukona i ka malie.

 Ka Makana nani. ua ike makou i kau makana hiwahiwa no ka poe lawe i kou kino i keia MH. 1882 ae, a ua haaheo makou i ka olelo ae, ua eo mua i na Poola i Mahukona ka ike mua ana, a ke haawi aku nei makou i ka olioli mua me ka mahalo mua nou. Ke nana iho i kou mau kolamu, piha pono i na mea hou, na moolelo kaulana a nanea, a pela aku; hewa anei makou ke hookani ae i ka pu. O ka Nupepa Kuokoa ka oi o na nupepa Hawaii.

 Eia mai na Dala Hookaa Mua Elue, a halulu aku i k poli e Waiaioha, ma ka lima o ko makou S.C.L. Aloha Karisimaka.  AEON@. Dek. 17,1881.

 

KA MOI NA HAMAKUA-WAENA HAWAII.

I ke Kilohana Pookela a ka Lahui ka Nupepa Kuokoa. Aloha oe:

 

 Ma ka oluolu o na Lani, ua hoolauna pu ia mai ka Lani Alii ka Moi me makou na makaainana ma Hamakua waena nei, oia hoi, ma ke aw@kea o ka la 6 o Ded, ua puka mai la oia no ka ike ana i kona mau makaainana, mamuli o ko l@ua luakaha pu ana ana me ka Lani Mama o ka lahui, no ka aina pali-ku o Waipio.

 Aia ma ka hoolauna pu ana aku e pili'ku ka hora i puka mai ai ka Lani i kauwahi o ke awakea, aia hoi ua ike ia aku ia ka Moi me na hoahele e hoea mai a@@ i Hokuwelowelo ua hoakoakoa ia mai la kanaka a i kahi hookahi me ko lakou ku ana ma kela a me keia a@@o o ke alanui, i ke kokoke ana mai o ka Moi, ua haawi aku la@ ke anaina he mau huro, no ka piha hauoli i ko kakou mau Lani.

 A mahope o kela, ua haawi m@@ la ke ku la haole a Kaleihopu, he mele e pili an@ i ka Moi, pau ia, huro; mele mai na opio kane a me na opio wahine, i kekahi leo mele, "E ola mau oe, a huro hou mahope iho @i ke kuu ana iho o na leo mele me ka huro, ka leo o na pu e kani ana i kela me keia wa, ke nakolo mau ola no ia, ma@ale o na lawelawe ana a ka makamaka Wm Hookuanui, a eia mamua aku o ka Moi e ku ana he mea hoohanohano i ka Mo he pi-o i uhi ia i na wehi o ka wao, mena hua nunui i kakauia ma kela ine keia aoao o ka pi-o. "Aloha olua na Makua o ka Lahui," "E ola ka Moi i ke Akua."

 A ua komo m@i la ka Moi maloko o ua pi- l@, me ka hauoli, huro no kona ike ana i ka hapa o kona lahui, a naue loa aku la ka Moi no k@ home o Mr R P Kuikahi, malaila i hoomakaukau ia ai na mea e pono ai ke kino, a  ka Moi me ka Moiwahine e lua kaha pu all malalo o na wehi ua haawi'ku ka p@pa himeni a Eli S Keahua i ka leo mele e pili ana i ko na aina e, "Poai Honua Song." pau ia ua huro piha hauoli mele hou mai ka papa himeni, "Le Akua Mana Mau," pau ia, huro, himeni hou, "Ka Lani Kaulilua Wehi o ka Lahui," pau ia, ua ku mai ka Moi a pahola mai la i kona leo ahi a makua hoi no ka lahui penei:

 Ka manao nui o k Moi ma kana kamailio ana.

 I O ke kanaka pono eia Kona, a o ke kanaka malama ole i ka pono, aole Nona ia kanaka.

 Me kona paipai mai, aole pono e noho ha na oiai ua ike oia i ka poe lahui e, oia noi na pake, ua pili pea mau ia lakou i ka hana, o ke aha la ka ke kanaka Hawaii, a i kona holo ana ma na aina haole, ua ike oia i ke ano o kela me keia lahui, a i kona kaana ana, aole no i loaa kakou ka lahui Hawaii ma kahi ano, he ano oluolu, me kona hoakaka pu ana mai, e pono e ike ka lahui i ka malama ana i ke dala, a he mea ia e pono ai ka noho ana, he mea e ka mahale a me ka iini, ina o ke Akua Mana Loa kekahi e kokua nui mai i na olelo ma@kai a ka Moi, alaila e pii ana kona lahui ma ke ano kuonoono, a pau ka haiolelo a ka Moi ua panai pu aku o J W Kaale ma ka aoao o na makaainana, no ka hoomaikai aku i na Makua o ka Lahui, a ua pahola nui mai ka Moi i kona aloha lahui.

 A ua hoomau aku ka papa himeni a Kea hua i ke mele ana i na mele honehone e pili ana no ka Moi a hiki i ka pau ana o na mea i hoomakaukau ia , a pau ka nanea ana a ka lahui, ua naue loa aku la no kahi o Dr Troussen a hele loa aku no Hilo.

 Me ka welina i ka Lunahooponopono a me na Keiki ulele hua Me@@la.     Thomas S K Nakanelua.     Kapulena, H Hawaii,     Dec 9, 1881.

 

KAUKA EMEKONA.

 

 Ma ka la mua o keia malama ae, oia o Novemaba 1, e nee ana o KAUKA EMEKONA mai kona Keena Hana ma ka Hale Laau o Hopamana a i kona wahi noho ma Kaalopua, hina oke Alanui Kukui me ke Alanui Papu.

 HORA HANA.-9 a 11 o ke kakahiaka; 2 a 4 o ke ahiahi.

 E loaa no ia ke kaheaia ma ka uwea telegarapa.     1038 3m

 

NU HOU, NU HOU,

KA WAI HUI O KA FOUNTAIN !

 

E IKEIA NO MA KA HALEKUAI O

 

PALMER & CO.,

 

 Ua loaa mai neii ia makou mai Kapalakiko mai na Lako Mea Hana Waimomona, oia hoi na mea hana e hanaia ai ka

 SODA WATER,

SASAPALILA,

GINGER ALE, & C.

 

 A ua hiki ia makou ke hana a hooiawa i ke Kulanakauhale nei me na Waimomona maikai loa i hana ole ia e kekahi hale ma keia Aupuni.

 Nolaila, e ka poe e manao ana e hana i wahi Luau a Ahaaina paha, eia ma ko makou hale nei na Waimomona Maikai a Emi no hoi.

E nana i ka makou mau Kumukuai:

 

Soda Water, 50 keneta o ke Kakini.

Sasapalila, 50 keneta o ke Kakini.

Ginger Ale. 75 keneta o ke Kakini.

 

O na pani o ia mau mea i hoikeia maluna, he mau pani maikai, luhi ole, he hana nui ole, he pahu wale iho no ilalo. Ua puni o Amerika Hui me keia mau pani omole ano hou.

E hele mai e ka poe ono Waimomona, eia ka emi waipahe o na Kumukuai.

 

1044 4t.     PALMER & CO.

 

RICHARD F. BICKER TON.

(PEKETONA.)

 

LOIO a ke KOKUA ma ke KANAWAI !

 

 E HELE ANA OIA IMUA A O NA AHAHOOKOLOKOLO a p@@ o keia A@p@ni ma @@ @@@ @@@@@ a pa@ ina paha ma Oahu nei, a ma na Mokup@ni a @@.

 Ua makaukau mau eia i ka @@@@ @@@ i @a Palapala p@@@ ka @@wai o keia a @@ keia mau.

 Ua @iki no @@@ iaia ke hoale @@@@ @@@ @@ ka mo@a@i @@@ ina ai@@, ma k@ akap@@@@ @@ahaa @@@

 E hanaia na @@@@ me @@ @@kiw@@@ a ma ka aka haahaa.

 Keena @@@@, He@a @@ Alanui K@@@@@ @@@@ paka eia o @@@ a ka hale kauka o K@@@@ M@@@@@@            @@@ @@

 

KALE KULIKA

LUNA HOOIALO PALAPALA K@AI,

MOLAK@A  ME NA PALAPALA O@A ANO.

LUNA HOOIAIO PALAPALA AELIKEMAWAENA

 

O na Ha@ a me oa Ka@wa.

 

LUNA HAAWI PALAPALA MARE.

 

@a ke kihi o ke Alanui Moiwahine me Kaahumanau kulana ka@@@le o Honolulu ku Kawaii Pae Aina     906 tf

 

HALEPAI HOU.

 

No ke pai ana i na ano a pau i makema keia e na kanaka oia hoi:

 

NA PALAPALA, NA BALOTA,

NA LIPINEI PAIIA ME NA HUA,

NA PALAPALA KUHIKUHI HAAWINA,

A ME NA OLELO HOOLAILA.

 

O na ano Humuhumu Buke o kela a me keia ano, e humu ia me ka eleu a me ka maiau, ke hoou@aia mai na kauoha ia

THOS. G. THRUM,

(Kalamu)

1029 @@     Ma Alanui Kalepa, Honolulu

 

C.C. COLEMAN

AMARA A HE MEA HANA MEKINI

KAPILI KAPUAI HAO LIO.

A ME KA

 

Hana ana i na Kaa Lio & c.

Hale Hana ma Alanui Alii, e kokoke

905     la@i ke Alanui Papu

 

MRS. A. M. MELEKI,

MEA HUMU LOLE MAIKAI A ME

 

Na Koloka, Holoku ano hou.

 

104 Alanui Papu, Kuea o Burua.

Honolulu, Ian 15, 1881     998 1y

 

HALEKUAI MAUNAOLU.

 

 E na Lede maka onaona a me na Keonimana puukani o ke Kulanakauhale Alii nei, eia ma kuu Halekuai Hou ma ke Alanui Nuuanu, e loaa ai na Lole Wahine maikai o na ano lehulehu, na Kamaa Kamalii, na Kihei Wahine i kinohimohiia, na Silika waihooluu like ole, na Lole Alapia, na Makalena Lilina a me na ano Lilina a pau, na Mamalu, na Papale na Hainaka Silika n@i u liilii na Leia- a me na Kakini nuhou Silika ma ka aoao.

 No na Kane:  Na Lole Wawaepaa, mai luna a lalo, kupono no na Kamalii a me na Kanaka nui, na Papale maikai loa, o keia a me keia ano, na Kamaa Haahaa a me na Buti, na Lole C@@@@@@ maikai loa Nao, Kikokiko, Uliuli, na Lole P@ina Pio maika a Eleele. Ina makemakeia e okoiki a humhumu, he Hale Tela no ko'u e humuhumu ai, me ka Uku Emi Loa, ma ka Hale Tela Helu 62 Alanui Nuuanu, ma ka aoao ma Waikiki o kuu Halekuai.

 Na Waiwai Pake, na Moena Pake, Ti lau a me na ano Lole Paa, na Silika, na Hainaka, Lole Mauu Keokeo Ahiehie, Eleele kupono no ka Holoku.

 E loaa mau aa ia'u na Lole o na ano a pau ma ke ku ana mai o kela a me keia mo kuahi Kaleponi.

 E kuai aku ana au i keia mau Waiwai a pau me na KUMUKUAI WAIPAHE, a he pono ia oukou ke kipa mua mai maanei mamua o ko oukou kipa ana aku ma na halekuai e. E loaa no au ma ka aoao ma Ewa o ka Hale Bolabola.

 

GOO KIM   

Honolulu, Sept. 30, 1881.     103S 6m

 

PAPA KUHIKUHI MANAWA HOLO

o ka

MOKUMAHU HAWAII

 

LIKELIKE

 

KAPENA KINA.

Poalua, Sepatemaba 20, hora 4 pm  Kaapuni ia Hawaii

Poalua, Sepatemaba 27, hora 4 pm                        Hilo

Poalua, Okatoba 1, hora 4 pm         Kaapuni ia Hawaii

 

AOLE AIE NO NA UKU O@@@@

 

Ke hooleia aku nei ka aie no ka uku ohua, a ke hoikeia aku nei i ke akea, ina he m@@ paiki, ukana a puolo hoo@li ko lakou e pono e hoaliona ia me ka moakaka ke. Aole no e ne ia ka lawe ana i na @kana, paiki e puo@o i hoailona oie ia ke oie e kako@a ka loaa ana mai.

 

HE KUIKE K UKU UK ANA.

 

 M@ a ukaa a pau o na makamaka e pono e uku @@@@ia . A e hookoia no no kaweha oo ka lawe. e hiki i kahi i makemake ia. A e malama ia no moe ka makaala na ulkana, paiki a me na puolo, lio pipi a me ka hoki.

 

E HOAILONA IA ME KA MOAKAKA NA PAHU RAMA A ME WAINA

 

 O ka poe no lakou na ukana o keia ano e pono e hoailona ia @@@ ka moakaka a i oie o kakania @@ ka moakaka ka loaa a@@ mai o ka poe no lakou keia ma@ waiwai.

 O na k@i@@ no na pilikia a me na poho e pono e hoike koke ia mai iloko o ka malama hookahi.

 @@ Aole e @eia na hookele kaa na keiki a me na @@@ like a pii @@@@o ka mokuahi i ka wa e pili mai ai i ka @apo ai@ wale no a p@@ na o@@a @@pakek@ i ka @@@@.

 No ke ake @ai e hoopo@@@@kai ia ka @ leholeho kaahele, ua @@@@  @@@ ae nei na Ona o Likelike i ka Papa Hoike Manawa oia Mokuahi e like @@ @@ na.

 

MA KA HALE OIHANA E LOAA'I NA PALAPALA

 

 Aole Keena o hope e@@@@, aia wale no a @@@ mua ma ka @k@ moku. Aole e ili ka hewa no @@ paiki ukana a peoilo paha ke ole e kakauia ka loaa ana mai. E @@@@@@@@ ka aku ukaee ka wa e melia aku ai.     WAILA M.A.

 

JAMES M. MONSARRAT.

(MAUNAKEA)

 

Loio a ke kokua ma ke Kanawai

 

 IMUA O NA AHA HOOKOLOKOLO A PAU o keia Aupuni. e lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai. Hoolimalima a me ka hoaie dala ana.

A HE LUNA HOOIAIO PALAPALA.

Keena nana helu 9 alanui Kaahumanu.

Jan , 1880    944lv

 

KALE NILEKONA.

KAUKA LAPAAU,

Keena ma ke kihi o alanui Papa me @@@@@@

HONOLULU

O na mai o ka Maka,

Pepeiao a me ka Puu.

UA MAKAUKAU OIA MA K  LAWE

@@@     LAWE ANA     ly

 

UA MAKEMAKE IA

NA ILI BIPI,

NA KIWI KIPI,

NA IWI BIPI,

E haawi ia no ke kumukau@@ kiekie o ko kakou makeke nei e

 

H. HACKFELD 7 CO.

Honolulu, Mei 22, 1880     964 ly

 

He N@i Anei Kou Makemake i na

MEKINI HUMUHUMU LOLE!

I@a pela, alaila, e kipa mai no ma ka Halekuai o

@AKELA & KUKE,

A malaila oukou e ike al @a makaikai i na ano

MEKINI a WHEELER a me WILSON

mai ke 440 a hiki i ke $50 ke kumukuai o

ka mea hookahi.

NA MEINI A SINGER,

ma ke $50 pakahi, me ke ano

MEKINI A WILCOX me GIBBS,

ma ke $30 hiki i ke $50 ke kumuk@ai.

mea e pau ai ko oukou kanalua e na Makamaka no @@ @

pono o keia mau Mekini, e naue mai no me ke kuihe ole, a e ike no oukou iho

6228 tf

 

E NANA, E NANA,

A E IKE

I KA MEKINI HOU,

HE HIKI KE HANA MA NA AOAO ELUA.

 

O ka Mekini Humuhumu

ST. JOHN, ST, JOHN,

Oia wale no ka Mekini maikai a kupono i na Kanaka Hawaii, no ka mea,

AOLE E LOAA KEKAHI ULIA O KA MEKINI

 

E HELE MA KA

HALEKUAI MEA KANI O

CEO. F. WELLS,

A e Kuai ikeia ano Mekini Hou, a e

loaa no ke GITA Makana wale.

O na Kauoha mai na Mokupuni e ae, e hoolawaia no ia me ka eleu.

GEO. G. WELLS,

Helu 66 me 68 Alanui Papu     1044 tf

 

PAPA! PAPA!

NO

ALLEN & ROBINSON

UA WHE AE NEI MAUA I

PA KUAI PAPA

MA

KA UWAPO O PAKAKA

Na Papa Ulaula o na ano a pau.

Na Papa Paina o na ano a pau.

Na Pili Hale Ulaula.

Na Pili Hale Keokeo.

Na Pepa Hoonani Hale.

Na Pepa Molina.

 

Na Pena a me na Aila Pena

NA KUI O NA ANO A PAU.

NA PANI PUKA a me

NA PANI PUKA ANIANI.

NA PANI PUKA a me

NA OLEPELEPE.

NA LAKO KUKULU HALE

O NA ANO A PAU!

E KUALIA MA @@

KE KUMUKUAI HAAHAA LOA

 O keia Makeke.

ALLEN & ROBINSON

Honolulu Ian @, 1819     @@@ tf

 

LOLE MAKEPONO

Ke Kuike.

E LOAA NO IA MA KAHI O

KAKELA ME KUKE!

E LAA NA

Ahinahina, Kalakoa,

Keokeo, Leponalo,

Pena, Aila, Aniani,

NA MEA PIULA!

KOPA, AILA HONUA,

AILA HOOMALOO

 

Kui Kakia, Pakle,

Tabu, Kaula, Noho Lio,

Hulu Palaki, na Pulumi.

 

a me

AGENA NO HOI NO NA MOKUPUNI O HAWAII NEI NO NA

 

Lainakini-nao,

Lainakini Maoli,

Palule Kalakoa,

Alapia, Kelepa, Kilika.

 

Na lole kupono i ka w@wae,

Palule Huluhulu.

Na Lole Huluhulu,

Na Lole no ka hoohehelo ana

Lipini, Lihilihi, & c.

LIPINE, LIHILIHI, & C.

 

a me na

MIKINI HUMUHUMU MAKEPON@L@@A!

 

A HA

MAU MEA AI KAKE

Ka Palaoa, Kopaa,

Raiki, Pia, Hoohu,

Paakai, Huaala,

Pia Kulina, @ c

 

A he Laau Lapaau Kaulana Loa

A DR JAYNES,

Laau Kunu,

Laau Hoomaemae Koko,

Laau Hoopau Naio,

Penikila, Huaale

 AME NA LAAU HAMO A PELA KU

840 tf

 

PAPA, PAPA

AIA MA KAHI O

LEWERS & COOKE!

(O LUI MA.)

MA KE KAHUA KAHIKO MA

ALANUI PAPU A ME MOI

E LOAA AI NA

PAPA NOUAIKI

o kela a me keia ano

NA PAPA NANI A PAA NO KE KUKULU ANA I NA HALE!

Na Pani Puka, Na Puka Aniani,

Na Olepelepe, Na Pou, Na o-a,

Na Papa hele, Na Papa Ku,

A me na Papa Mo@ nui loa

NA PILI O NA HALE

O NA ANO A PAU.

Na Pepa Hoonanai, Na Pena o na Wai a pau,

Na Kui mai ke Nui a ka Makalii,

Na Ami Puka, na Ami Puka Aniani

Na Ami o na ano a pau,

Na Aila Pena, o kela me keia ano

Na Aila hoomaloo, he lehulehu wale,

Na Aila e ae o na ano a pau.

 

NA WAIWANIK@

A ME NA

WAI HOOHINUHINU NAN@

o na ano a pau loa.

NA BALAKI ANO NUI WALE

A ke hai ia aku nei ka lono i na makamaka pau, ua  makaukau keia mau makamaka o oukou e hoolawa aku ma na mea a pau e pili ana ma ka laua oihana

NO KA

UKU KAAHAA LOA!

E like me ka mea e holo ana mawaena o

LAUA a me ka MEA KUAI.

E hele mai! E na Makama ka

A e lawa no hoi ko oukou makemake me ka oluolu a me ka maikai!

845  tf