Ka Nupepa Kuokoa, Volume XXI, Number 2, 14 January 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

Kuokoa me ka Au Okoa

@ HUI@A.

 

No ka Makahiki, $2.   Eono Mahina, $1

Dala Kuike ka Rula.

 

POAONO, IANUARI 14, 1882.

 

CHRIST FOR ME.

Gospel Hymns, No 258.

1

Owai la ka’u e koho no’u?

Iesu no, Iesu no.

Kuu mele i na la a pau.

Iesu no, Iesu no.

Ua eha wale Oia no’u.

A kahe Kona koko pu,

A kala i na hewa o’u.

Iesu no, Iesu no.

2

Heaha hoi o kuu waiwai?

Iesu no, Iesu no.

Heaha hoi kuu ole nei?

Iesu no, Iesu no.

Pau wale koonei mau waiwai.

Na oli hoi, mae wale ne.

Mau nae kuu oli, kuu waiwai.

Iesu no, Iesu no.

3

Owai kuu kahu maikai e?

Iesu no, Iesu no.

A nowai mai na pono nei?

Iesu no, Iesu no.

A hua ole na laau,

A mae na pua, me na lau,

Nawai la e hoolako ia’u?

Iesu no, Iesu no.

4

Nawai e pai ka poe kue?

Iesu no, Iesu no.

A pale i na enemi?

Iesu no, Iesu no.

A kaua mai ko keia ao,

A kaua pu o ko ka po,

Owai la ke kokua o’u?

Iesu no, Iesu no.

5

Owai pu e ke make au?

Iesu no, Iesu no.

A pale ae i kuu makau?

Iesu no, Iesu no.

A maule a kokoke no

E lawe ia ka hanu o’u,

Kuu mele nei, kuu mele mau,

Iesu no, Iesu no.

            Hawaii.

 

Haawina Kula Sabati.

HELU 5.         IANUARI 29,

KUMUHANA.

Na pane i na Parisaio.  Mar 2;18-28.

1-5.

18        He poe hookeai na haumana a Ioane, a me na Parisaio; a hele mai lakou, ninau mai la iaia, No ke aha la e hookeai ai na haumana a Ioane, a me na Parisaio, aole hoi hookeai kau poe haumana.

19        Ninau aku la Iesu ia lakou, E hiki anei i na hoa o ke kanemare ke hookeai i ka wa e noho pu ana ke kanemare me lakou?  I ka wa e noho pu ana ke kanemare me lakou, aole e hiki ia lakou ke hookeai.

20        Aka, e hiki mai ana no na la e laweia aku ai ke kanemare, mai o lakou aku, alaila lakou e hookeai ai, i kela la.

21        Aole no kekahi e panai i ka’apana lole hou, ma ka lole kahiko, o haehaeia ka mea kahiko, e ka mea hou i pinaiia, a nui aku ka nahae.

22        Aole no hoi kekahi i ukuhi i ka waina hou iloko o ka hue ili kahiko, a nahae na hue i ka waina hou, a kahe aku ka waina, a pau pu na hue, aka, e ukuhiia no waina hou iloko a na hue hou.

23        Eia kekahi, i Kona hele ana iwaena o na mahinaai i ka la Sabati, ako aku na haumana ana i na huhui palaoa, i ko lakou hele ana.

24        I mai la ka poe Parisaio ia la, No ke aha la e hana nei lakou, i ka la Sabati, i ka mea ku ole ma ka pono.

25        I aku la Oia ia lakou, Aole anei oukou i heluhelu i ka mea a Davida i hana’i i kona wa i hiki ai i ka pololi, a me ka poe me ia?

26        I kona komo ana iloko o ka hale o ke Akua, i ka wa o Abiatara, ke kahuna nui, a ai iho la i ka berena hoike, i ka mea kupono ole ke ai, na na kahuna wale no, a haawi ae la no hoi na ka poe me ia.

27        I mai ia la ia lakou, ua hanaia ka la Sabati no ke kanaka, aole ke kanaka no ka Sabati.

28        Nolaila, o ke Keiki a ke kanaka, oia ka Haku o ka la Sabati.

1          A komo hou aku ia la iloko o ka halehalawai, malaila kekahi kanaka, ua maloo kona lima.

2          Hakilo aku ia lakou ia la, ina paha e hoola mai Oia ia ia i ka la Sabati, i hoopii aku ai lakou ia la.

3          I mai ia la i ke kanaka, nona ka lima maloo.  E ku mai oe, iwaena konu.

4          Alaila, ninau mai la oia ia lakou.  He mea pono anei ke hana i ka maikai i na la Sabati, a ke hana i ka ino paha?  Ke hooala anei, ke pepehi paha?  Pilipu iho ia lakou.

5          Nana ae la Oia ia lakou me ka ianina, no ka paakiki o ko lakou naau.  I ae la Ia i na kanaka la.  E o mai kou lima.  A o mai la ia, alaila hoolaia iho la ia, e like me kekahi lima.

 

Pauku Gula.    Puk 20;8.

Ka manawa A. D. 28

Kahi i hanaia’i Kaperenaume me na wahi e pili ana.

Na wahi like.   Mat. 9;14-17, 12;1-14.

Luk 5;33-39.   6;1-11.

Ka wehewehe ana.

P. 18-22.  Na ninau me na pane.

He mau haumana na Ioane.  a na na Parisaio e hooke@i ana.  e like me ka hana mau a na Iudaio ia wa.  Iesu nae me Kana mau haumana, aole ka lakou e hookeai pu ana!  Kupanaha!  Heaha ke kumu?  Ninau kekahi hapa No ke ah@ ko oukou hookeai ole ana?

Ma ke kanaw@@ o Mose, hookahi wale no la hookeai ma ka makahiki, oia ka la kalahala.  O na Iudaio nae.  u@ hoomahuahua lakou i na la hooke ai.  Pela hoi na Kalolika me na Epikopeleana, hoomahuahua lakou i na la hookeai.

Aole Iesu i hoole loa i na la hookeai.  Ina he kumu kupono e hookeai ai, pono ke hookeai.  Aole oia he wa e hookeai ai Kana mau haumana.  Hiki anei i na hoa o ke kanemare ke hookeai, oiai e noho pu ana ke kanemare me lakou?  Aole paha.  He wa hauoli ia.  Iesu ke kanemare.  Na haumana na hoa o ke kanemare.

Eia no makou ke noho pu nei.  Aole hemahema na haumana, aole kaumaha.  Owau pu me lakou.  Na’u e hoolako, Na’u e hoohauoli.  Aia a kaawale aku Au, ke kanemare alaila, hiki ia lakou ke hookeai ke loaa na pilikia, na kaumaha.

Ka oihana a Iesu ka apana lole hou.  Ka oihana Iudaio ka lole kahiko.  Aole pono ke hui.  Pela hoi ka waina hou; o ka Iesu olelo ia, aole pono ke ukuhiia iloko o ka hue ili kahiki, oia ka olelo Parisaio.  Na hue kahiko, aole he aniani, he ili, he ili kao paha.  Ua uhukiia ka io mai loko mai o ka ili.

A maloo, lilo ia i hue.  E like me ka hue wai kahiko ma Hawaii nei.  He ipu ia.  A paoia, lilo ia i hue wai.

Ke ano o keia mau olelo nane elua keia, Aole pono ke huikau na hana hou a Iesu me na hana kahiko kanawai ole o na Parisaio.

P. 23-28.  Ke kanawai Sabati ma ke ano Parisaio, me ke kanawai Sabati ma ke ano Karisetiano.

E hele ana Iesu ma Kana poe haumana ma ka la Sabati, i ka halawai paha, mai ka halawai aku paha.  He hele pono ia.  Aole he hehi Sabati.  Aka, ua pololei na haumana.  He hua palaoa e ulu ana ma kapa alanui.

Ma ke kanawai.  Kan 23;25, ua ae ia e lalau i na huhui palaoa e ai.  Ua lalau no na haumana i na huihui palaoa, a anaanai iloko o na lima a ai iho la.

He mau Parisaio hoomakakiu kai ike ia hana.  Kuhi lakou, he hehi Sabati ia.  A ninau, No ke aha lakou nei e hana pela i ka la Sabati, i ka mea ku ole i ka pono?

Hoapono Iesu i ka lakou hana ana pela ma ke kuhikuhi ana i ka Davida i hana’i i kona pololi ana.  Nana.  1 Sam 21;6.  Heluhelu.  Aole i laa ka hua palaoa, O ka la Sabati kai laa.  Ua hoolilo na haumana a Iesu i kekahi hapa o ka la Sabati i laa ole.  Oia ko lakou hewa ma ka manao o na Parisaio.  Kupanaha!

Ka lalau ana i ka barena a ai ma ka la Sabati, he hewa ka ia?  Ae, ma ka maka o na enemi o Iesu.  Aka, aole ia he hewa ma ka maka o Iesu.

A pane hou aku Iesu, Ua hana ia ka la Sabati no ke kanaka, i mea e pono ai ke kanaka, ma ke kino, ma ka uhane, aole i mea e pilikia ai, e poina ai.

Aole i hana ia ke kanaka no ka la Sabati.  Aole oia ka haku no ia a, a hiki ke kau wale i na kanawai hoopilikia i na kanaka.  Iesu ka Haku o ia la.  Nana e hana mai ia la e like me Kona makemake.

Mok 3.  P. 1-5.  Ko Iesu hoola ana i ke kanaka nona ka lima maloo, oia hoi ka lima akau.  Luk 6;6.

Ua hoi hou Iesu iloko o ka halehalawai.  He la Sabati ia.  Aia malaila ua kanaka nei.  Aia pu no hoi ua poe hoomakakiu nei e hakilo ana.  Ina aa Iesu e hoola ia lima maloo ma ka la Sabati, alaila, he kumu kupono ka ia e hoopii aku ai ia la i ka aha hookolokolo.

Ua ike Iesu i ko loko o lakau.  Kena i ke kanaka me ka lima maloo, e ku iluna imua o lakou.  A ku no oia iluna.  Ninau oia i ua poe hakilo nei.  He mea pono anei ke hana i ka maikai i na la Sabati, a ke hana i ke ino paha?  Pilipu iho la lakou, aole hiki ke pane aku, no ka mea, ina pane pono lakou, e hoahewa ana ia lakou iho.

Nana Iesu me ka inaina no ka paakiki o ko lakou naau.  Aole nae ia he paakiki naaupo.  He paakiki enemi ia Iesu.  Ua hui nae ka minamina, ke aloha me ko Iesu ukiuki.  Aloha i ka poe hakilo.  Aloha i ke kanaka me ka lima maloo, a olelo.  E o mai kou lima.

Ka pau koke no ia o ka maloo.  A o iho la no oia, a, aia hoi, ua like ia me ka lima i maloo ole.  Aole a Iesu hana, aole olelo.  O Kana olelo, e o ka lima, aole, e ola ka lima.  Aia ka mana hoola, ma ka manao o Iesu.  Kamahao ka mana o Iesu!

Na manao Pili.

1  He mea waiwai ole na hookeai me ka manao ole, mihi ole, haalele ole i na hewa, ala ole i ka pono.

2  Iesu ke kanemare, ka ekalesia ka wahine mare, na kuhuna pule, na kahu ekalesia, na luna ekalesia, na diakono, lakou na hoa o Iesu ke kane mare, ka poe kokua i ke alakai ana i ka ekalesia ka wahine mare, a hookomo ia iloko o ke keena mare, oia hoi ka lani.

3  Mau huikau i ka pono me ka hewa, i ka hoomana kahiko me ka hoomana hou ka hoomana daimonio me ka hoomana ia Iesu.  ka baibala me na hana hoomanamaua.

4  E hoomanao i ke ano o ka la Sabati.  No na kanaka a pau ia la.  No na haku, no na ohua, no na paahana, no ka poe i hoolimalima ia, ka poe kumakahiki, ka poe kuke.  Aole pono ke hooneleia na paahana, na Paniolo, na kuke i ka Sabati ole.

E hele na haku i ka halawai, e noho nae na kuke e kuke no na haku, no na makua; e noho na kiai holoholona, a lilo ko lakou uhane.  E makau na haku hana, o auwe @uanei ma ka po no ka hoonele ana i na paahana i na mea e ola’i lakou.

No na kamalii na la Sabati.  E hele pu oukou me na makua i na halawai, a i na kula Sabati.  Mai hoonohoia na keiki ma ka hale ma ka la pule.  Mai hookuuia na keiki e auwana wale ma ka la pule.  E lawe pu na makua i na keiki i ka halawai.

E hana maikai na haku hana, na makua, na kahu, na kumu, na mea a pau ma ka la Sabati.

O ka mea i ike i ka hana maikai, aole nae oia e hana, he hewa ia nona.  Auwe!  Ua pau loa kakou i ka hewa, aole i ka hana hewa, aka, i ka waiho ana i ka hana maikai.  E pau i ka mihi nui i kala ia ma o Iesu la.

Haawina no Feb 5. Mar. 3;6-19.

 

NA IUDAIO.

HELU 5.

Ura no Kaledea ka aina hanau o ka Makua o na Iudaio, o Aberahama.  Mailaila mai o@@ a Harana, mai Harana a Kanaana a loaa aa mamo; mai Kanaana lakou a Aigupita, mai Aigupita a hiki hou i Kanaana; ilaila lakou, a no ka nui o ka hewa, lawe pio ia i Babulona; ilaila i noho ai a pau na makahiki he 70, hoi hou kekahi hapa i Iudea, noho ke koena ma Peresia a ma na wahi e pili ana ilaila.

Ma ka Helu 4, ua lohe kakou, aia kekahi poe Iudaio ma Abusenia ma Aferika, me ko lakou ana lalau.  Ma keia Helu, e lohe ana kakou, aia ma Kina kekahi poe Iudaio me ko lakou ano.

He mau ohana Iudaio kai hele a noho ma Kaifunafu, he kulanakauhale o Kina.  I ka wa i loaa ai na mamo a ia poe, ua piha elua tausani makahiki a oi o ko lakou noho ana malaila.  Ua ike mua ia lakou mawaena o 1600 me 1700 A.D., a nalowale hou aku, a i ka makahiki 1836, ua hele o Kauka Matina e ike ia lakou.  Penei kana hoike ana: ua hooikaika lakou i elua tausani makahiki e malama i na kanawai me na oihana hoomana o na Hebera, aka, no ka ikaika o na mea alakai hewa, ua haalele lakou i na kanawai o Mose, a ua lilo kekahi poe i poe Mahomeda, a o kekahi poe, i poe pegana; he mau haneri wale no koe.  He Sunegoga (hale halawai) no ko lakou, ua hina nae, o ka pau no ia o ko lakou malama ana i na oihana Iudaio; mare pu lakou me na pegana, ane nalowale loa ka olelo Hebera.  He mau buke kanawai o Mose i kakaulima ia ko lakou, aka, aole hiki ia lakou ke heluhelu, hoekahi wale no Rabi kai ike i ka heluhelu, ua make nae oia mamua aku nei.

Kela sunegoga i hina, ua kukuluia i ka makahiki 1183.  Nawai e hele a hoala hou ia sunegoga?  Auhea ka poe aloha i keia poe Iudaio naaupo, a ku a hele a ao aku ia lakou i ke ala o ke Ola ma o Iesu la?

NA IUDAIO MA NU IOKA.

He mau makahiki 30 a 40 paha mamua aku, a hoomaka na Iudaio e hele nui i Amerika Hui.  Ma ka makahiki 1850, ua 15,000 wale no Iudaio ma Amerika Hui a puai; ma ka makahiki 1878, he hapaha miliona lakou, i keia wa, ua 80,000 Iudaio ma Nu Ioka.  Ua holo lakou ilaila no ka hoomaauia a hooluhi ino ia ma na aiaa e ae, 22 hale halawai o lakou ma Nu Ioka, 5 hale buke, 18 ahahui aloha no ka poe ilihune a pilikia, ua haneri a oi na aha liiliii, huli ikaika lakou i na kanawai o Mose.

Elua no aoao o lakou, na Iudaio ano kahiko, na Iudaio ano hou, na Iudaio ano kahiko heluhelu lakou i na pule ma ka olelo Hebera me ka wehe ole i ko lakou mau papale.

Malama lakou i na la 8 no na ahaaina kahiko.

Na Iudaio ano hou, aole hele nui i na la halawai, me na la hooke ai.  Hana no hoi lakou no ke kino ma na Poaono, oia hoi ko na Iudaio Sabati, wehe lakou i na papale ke hoomana lakou i ke Akua, he mau pule me na haiolelo ka lakou ma ka olelo Beritania hui pu na kane me na wahine ma na halawai, launa pu no hoi me na kahunapule Karesetiano, haiole no ma na awai o na kahuna Karisetiano, a manawale a pu no ka poe ilihune a pilikia.

Eia na mea nui ekolu a na Iudaio i manaoio ai.

1  Hookahi no Akua, a ma Kona mana, ua hana oia i na mea a pau o keia ao, a malama a hooponopono i keia ao me ka naauao, me ke aloha, a me ka pololei loa.

2  Ua hana ke Akua i ke kanaka ma Kona ano iho.  Ua hana i Kona uhane me ka maemae a me ka hewa ole, aka, no ka hui ana me ke kino ma ka honua nui, loaa no na mea hookaumaha, a hiki hoi ke lawehale.  Aia a make ke kino, hoi aku ka uhane i kona kumu lani.

3  Ua wae ke Akua i ka poe Iseraela i poe kanaka no kona berita, a i poe hoopaa mau i ka hoomana oiaio, ua hoike Oia i Kona kanawai ma o Mose la, a i Kona makemake ma ka waha o na kaula.

He Makua aloha ke, a he Lonakanawai hoopono, e hoopai ana i ka poe hewa, a e lokomaikai ana i ka poe mihi.  E hoomana kakou i ke Akua io, aole i ka mea e ae, e aloha, e mahalo, a e malama ia la, e hilinai ia la no ka pomaikai maanei, a no ke ola ma o aku.

O ke ala o ke ola, aia no ia ma na kanawai he 10; na kanawai mua elima, e hai mai ana i na hana e pili ana i ke Akua; a o na kanawai hope elima, e hoi mai ana i na hana e pili ana ia k@@@ iho m@ na kanaka.  O na kanaka a pau, he po@ keiki lakou na ka Makua hookahi, a p@ ke aloha ia lakou, a hana i na mea a p@ ai, a e hoomalu pono i ke ola me ka waiwai o hai, a e ae olu aku i na hoomana e, a e kokua ia lakou ke pilikia.

A o ka lakou hana no lakou iho, eia ia.  e hoolaa ia lakou ino, i ke kino, i ka uhane na ke Akua.  e pale aku i n@ kuko ino, i ka huahua, me ka enemi, e noho kooo, me ka maemae a e hooikaika ma@ ma na oihana maikai a pau.

Ko lakou manao no ko lakou hoopuehu ia ana, eia no ia, he mea ia e hooko ia’i na mea e pili ana i ka manawa o ka Mesia, oia hoi ka manawa e pau ai na hewa, a e piha ai ka honua i ka maluhia me ka pomaikai.  Ma. Isa. 2;3-5

Ko lakou manao no ka baibala, oia hoi ke Kauoha Kahiko, mai ke Akua mai no ia; a he mea make ole ka uhane, a o Iesu, he kaula maikai o ia.  Nana e hoomaemae i ka hoomana Iudaio.

Oia na mea a na Iudaio ma Nu loka i manaoio ai.  Heaha ka mea nui i koe?

Ko lakou manaoio ole ana, o Iesu ke @alahala, ua make oia i mohaihala e ola’i

            Aole i pau.

 

JNO. LOTA KAULUKOU.

LOIO A HE KOKUA.

Ua makaukau au e lawelawe i na hihia a pau o kela a me keia ano iloko o na Aha Hookolokolo a pau o keia Aupuni.  Ua hiki no hoi ke hana i na palapala a pau e pili ana i ka Oihana Loio me ka eleu.  E loaa no au ma Heeia Koolaupoko, a ma Honolulu no hoi i kek manawa.    901 TF

 

RICHARD F. BICKERTON.

[PEKETONA.]

LOIO a he KOKUA ma ke KANAWAI!

E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.

Ua makaukau mau oia i ka hana ana i na Palapala pili ka nawai o kela a me keia ano.

Ua hiki no hoi iaia ke hoaie dala aku ma ka moraki ana ina aina, ma ka ukupanee haahaa loa.

E hanaia na hana me ka hikiwawe a ma ka uku haahaa.

Keena hana, Helu 23 Alanui Kalepa, elua puka ma o aku o ka hale kauka o Kauka Minuteole.       840 ly

 

KALE KULIKA,

Luna Hooiaio Palapala kuai, MOLAKI A ME NA PALAPALA OIA ANO.  Luna Hooiaio Palapala Aelike mawaena O na Haku a me na Kauwa.  Luna Haawi Palapala Mare.  Ma ke kihi o ke Alanui Moiwahine me Kaahumanu, kulana kauhale o Honolulu, ko Kawaii Pae Aina.         906 tf

 

HALEPAI HOU.

No ke pai ana i na ano a pau i makema keia e na kanaka, oia hoi: NA PALAPALA, NA BALOTA, NA LIPINE I PAHA ME NA HUA, NA PALAPALA KUHIKUHI HAAWINA, A ME NA OLELO HOOLAHA. 

O na ano Humuhumu Buke o kela a me keia ano, e humu ia me ka eleu a me ka maiau, ke hoounaia mai na kauoha ia

            Thos. G. Thrum, (Kalamu)      1029 6m          Ma Alanui Kalepa, Honolulu.

 

MRS. A. M. MELEKI,

MEA HUMU LOLE MAIKAI A ME Na Koloka, Holoku ano hou.  104 Alanui Papa, Koes o Barus.            Honolulu, Jan. 15, 1881.         998 ly

 

HALEKUAI MAUNAOLU.

E na Lede maka onaona a me na Keoni mana puukani o ke Kulanakauhale Alii nei eia ma kuu Halekuai Hou ma ke Alanui Nuuana, e loaa ai na Lole Wahine makai o na ano lehulehu, na Kamaa Wahine nani na Kamaa Kamalii, na Kihei Wahine i kinohinohiia, na Silika waihooluu like ole, na Lole Alapia, na Makalena Lilina a me na ano Lilina a pau, na Mamalu, na Papale na Hainaka Silika nui a liilii na Leia-i a me na Kakini nuhou Silika ma ka aoao.

No na Kane: Na Lole Wawaepaa, mai luna a lalo, kupono no na Kamalii a me na Kanaka nui, na Papale maikai loa, o kela a me keia ano, na Kamaa Haahaa a me na Buti, na Lole Casimia maika loa Nao, Kikokiko, Uliuli, na Lole Paina Pio maikai a Eleele.  Ina makemakeia e okoiki a humuhumu, he Haie Tela no ko’u e humuhumu ai, me ka Uku Emi Loa, ma ka Hale Tela Helu 62 Alanui Nuuanu, ma ka aoao ma Waikiki o kuu Halekuai.

Na Waiwai Pake, na Moena Pake, Tilau a me na ano Lole Paa, na Silika, na Hainaka, Lole Mauu Keokeo Ahiehie, Eleele kupono no ka Holoku.

E loaa mau ana ia’u na Lole o na ano a pau ma ke ku ana mai o kela a me keia mokuahi Kaleponi.

E kuai aku ana au i keia mau Waiwai a pau me na KUMUKUAI WAIPAHE, a he pono ia oukou ke kipa mua mai maanei mamua o ko oukou kipa ana aku ma na halekuai e.  E loaa no au ma ka aoao ma Ewa e ka Hale Bolabola.

GOO KIM.    

Honolulu, Sept. 30, 1881        1038 6m

 

S. B. DOLE.

            HE LOIO A HE LUNA HOOIAIO PALAPALA.

E hiki no iaia ke kawelawe i na hihia o kela a me keia ano @ o na Ai@kolo a pua o keia aupuni.

Keena hana ma Alanui Papa, maluna @ o ka Halekuai o Likikioi.

Honolulu, Oahu.         @ 10, 1880.    9@@ t@

 

JAMES M. MONSARRAT.

[MAUNAKEA.]

Loia a he Kokua ma ke Kanawai

IMUA O NA AHA HOOKOLOKOLO A PAU o keia Aupuni.  E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka ho@ie dala ana.

A HE LUNA HOOIAIO PALAPALA.

Keena hana helu 9 alanui Kaahumanu.

Jan. 3, 1880.    944 lv

 

UA MAKEMAKE IA

NA ILI BIPI, NA KIWI BIPI, NA IWI BIPI, E haawi ia no ke kumukuai kiekie o ko kakou makeke nei e H. Hackfeld & Co.

Honolulu, Mei 22, 1880.         964 ly

 

He Nui Anei Kou Makemake i na

MEKINI HUMUHUMU LOLE!

Ina pela, alaila, e kipa mai no ma ka Halekuai o

KAKELA & KUKE.

A malaila oukou e ike ai a makaikai i na ano MEKINI a WHELLER a me WILSON mai ke $40 a hiki i ke $50 ke kumukuai o ka mea hookahi.  NA MEINA A SINGER, ma ke $50 pakahi, me ke ano MEKINI a WILCOX me GIBBS, ma ke $30 hiki i ke $50 ke kumukuai.  mea e pau ai ko oukou kanalua e na Makamaka no ke k pono o keia mau Mekini, e naue mai no me ke kuihe ole, a e ike no oukou iho

628 tf

 

E NANA, E NANA,

A E IKE

I KA MEKINI HOU,

HE HIKI KE HANA MA NA AOAO ELUA.

 

O ka Mekini Humuhumu

ST. JOHN, ST. JOHN,

Oia wale no ka Mekini maikai a kupono i na Kanaka Hawaii, no ka mea, AOLE E LOAA KEKAHI ULIA O KA MEKINI.

 

E HELE MA KA HALEKUAI MEA KANI O GEO. F. WELLS

A e Kuai i keia ano Mekini Hou, a e loaa no ke GITA Makana wale.  O na kauoha mai na Mokupuni e ae, e hoolawaia no ia me ka eleu.

GEO. F. WELLS,       Helu 66 me 68 Alanai Papu    1044 tf

 

PAPA! PAPA!

NO ALLEN & ROBINSON UA WEHE AE NEI MAUA I PA KUAI PAPA MA KA UWAPO O PAKAKA Na Papa Ulaula o na ano a pau.  Na Papa Paina o na ano a pau.  Na Pili Hale Ulauala.  Na Pili Hale Keokeo.  Na Pepa Hoonani Hale.  Na Pepa Molina.  Na Pena a me na Aila Pena!  NA KUI O NA ANO A PAU.  NA PANI PUKA a me N PANI PUKA ANIANI.  NA PANI PUKA a me NA OLEPELEPE.  NA LAKO KUKULU HALE O NA ANO A PAU!  E KUAILA MA KE KE KUMUKUAI HAAHAA LOA O keia Makeke.

            ALLEN & ROBINSON        Honolulu I@@ 4, 1878          869 tf

 

LOLE MAKEPONO

Ke Kuike.

E LOAA NO IA MA KAHI O

KAKELA MA K@@E

E LAA NA Ahinahina, Kalakoa, Keokeo, Leponalo, Pena, Aila, Aniani.  NA MEA PIULA!  KOPA, AILA HONU, ILA HOONAL@ Kui Kakia, Pareke, Tabu, Kaula, Noho Li@ Hulu Palaki, na Pulu@ A HE AGENA NO HOI NO NA MOKUPUNI WAU NEI NO NA Lainakini-nao, Lainakini Maoli, Palule Kalakoa, Alapia, Kelepa, Kilika.  Na lole kupono i ka @ Palulue Huluhulu, Na Lole Huluhulu, Na Lole no ka hooh@ Lipini, Lihilihi, & c.

            LIPINE, LIHILIHI,& c.

A ME NA

Mikini Humuhumu Makeponol@

A He

MAU MEA AI KAI@

Ka Palaoa, Kopaa, Kaiki, Pia, Hoohu, Paakai, Huaala, Pia Kulina, A he Laau Lapaau Kaulani L@ A DR. JAYNES.  Laau Kunu, Laau Hoomaemae Koko, Laau Hoopau Naie, Penikila, Hu@ A ME NA LAAU HAMO, A PELA ‘@

            840 TF

PAPA, PAPA

AIA MA KAHI O LEWERS & COOKE (O LUI MA.)  MA KE KAHUA KAHIKO MA Alanui Papu a me Moi E LOAA AI NA Papa Nouaiki o kela a me keia ano.  Na Papa Nani a Paa no ke Kukal@ ana i na Hale!  Na Pani Puka, Na Puka Aniani, Na Olopelope, Na Pou, Na O-a, Na Papa Hele, Na Papa Ku, A me na Papa Moe @ @ NA PILI O NA HAL@ O NA ANO A PAU.  Na Pepa Hoonani, Na Pena o na Wai a @ao.  Na Kui mai ke Nui a ka Makalii, Na Ami Puka, Na Aini Puka A@.  Na Ami o na ano a paa, Na Aila Pena, o kela me kei@ Na Aila Hoomaloo, he lehulehu wale.  Na Aila e ae o na ano a pau.  NA WAI VANIK@ A ME NA WAI HOOHIMUHINU NANI o na ano a pau loa.  NA BALAKI ANO NUI WALE A ke hai ia aku hei ka lono i na maka@ pau, ua makaukau keia mau makamaka o oukou e hoolawa aku ma na mea a pau e pili ana ma ka laua oihana NO KA UKU KAAHAA LOA E like me ka mea e holo ana mawaena o LAUA a me ka MEA KUAI.  E hele mai!  E na Makamaka A e lawa no hoi ko oukou makemake me ka oluolu a me ka maikai!

845 tf