Ka Nupepa Kuokoa, Volume XXI, Number 6, 11 February 1882 — Page 1

                                                Ka Nupepa Kuokoa

            KE KILOHANA POOKELA NO KA LAHUI HAWAII.

 

BUKE XXI. HELU 6  POAONO, FEBERUARI 11, 1882  NA HELU A PAU 1054.

 

KA NUPEPA

 

KUOKOA ME KE AU OKOA

 

I HE@A

 

NA LA HOPE LOA

 

O KA

 

HAKU NELEKONA

 

KE DUKE O BERONETI.

 

KE KAUA ANA O NO AUMOKU KAUA BERITANIA, -A ME KO ENELANI MAU PAPU LAAU, &c.

 

UA LOKAHI KA MANAO, -AKA, UE HOO KAHI WALE IHO NO O 'NELEKONA'"

 

-Earl S. Vincent

 

Ka Waiho ia ana o ke Kino o ke Koa Kaulana iloko o ka Home Luakupapau.

            @A@ ka huakai hoolewa e pii malie ana, e kani mau ana na pu minute mai na aumoku Beritania mai iloko o ke awa a me na papu ma na kahakai. O ka bele o na halepule, e kani-ke mau ana lakou iloko o na minute a pau.  A iloko o na hora pokole, hiki aku la ka mahele koa mua loa me ka Alihikaua Nui ke Keiki Alii o Loka i ka Ipuka  o Temple Ba, aia hoi i keia wahi ka Haku Meia o ke kulanakauhale o Ladana kahi i kali ai no ka hiki aku o ka huakai haolewa.  I ka wa i hiki aku ai ke Keiki Alii imua ona, hele mai la ka Haku Meia imua ona, a pane mai la i kekahi mau huaolelo pokole e pili ana no ka hookipa hoolewa.  I k@ pau ana o kana mau kamailio, alakai aku la ka Haku Meia i ka @uakai hoolewa iloko o ka pa o ka halepule o Sana Paulo.

 

            I ka wa i hiki aku ai o na koa kaua lio @ ka ipuka o ka halepule, hele pololei aku la lakou a ku mai la ma

 kekahi aoao o ke alanui, a o na koa helewawae hoi, komo ae la lakou ma ka aoao o ka halepule, a iloko o ia manawa i hele pololei mai ai ke kaa nana e lawe ana ke kino make o ka Haku Nekelona a ku ma ka puka o ka halepule, ku iho la ma ia wahi no kekahi mau minute pokole, he haiolelo hookipa na ka Haku Meia o Ladana i ka pahu o ke koa kaulana.

 

            Iloko o na minute pokole o keia kamailio ana, hele mai la ke Keiki Alii ke Duke o Ioka, kona mau Ukali a me na Kenela, i ukali@@ hoi @ na Kapena o na Mahele Koa, ku iho la lakou mamua o ka pahu o ka Haku Nelekona, a iloko o ia wa i hapai ia ae ai ka pahu o ke koa kaulana, a lawe ia aku la iloko o ka halepule, a kau ia aku la makahi i hoomakaukau mua ia no kona hanohano.

 

            O ka halepule o Sana Paulo, ua hoopiha ia kona mau paia e na tausani lehulehu o makaikai.  O ka huakai hoolewa, he nani oka ia ke nana aku, oiai, aole he kanaka koa i kaulana e la@ n@ hoohiwahiwa a ke kulanakauhale o Ladana e like me Nelekona.  O ke Keiki Alii ka Hooilina o Wale, i ukaliia e ke Duke o  Kalalena, ke Duke o Kent a me Cumberland @ ke Duke o Sussex, i @kaliia e na Haku @a Earl o Moria, Sheridan, Tierney, &c., pii aku la likou a ku mai mai la maluna o ka papa himeni, a himeni mai la na Keiki Alii i ke mele lahui kaulana o Enelani, - E Ola ka Moi i ke Akua.

 

            I ka hoomaha ana iho o na leo himeni, ua ku mai ka Bihopa o Linekona, a haiolelo mai la oia i kekahi haiolelo e pili ana no ka mea i make, oia keia:

 

            1-"Aole kakou i lawe mai i kekahi mau pono no keia ao, a he mea maopopo no hoi, aole no he mau pono e hiki ke lawe ia mai keia ao aku; Na ka Haku i haawi mai, a na ka Haku no i lawe aku, e hoomaikaiia ka inoa o ka Haku."

 

            2-"O ke kanaka i hanauia mai e ka wahine, he mau la pokole wale no kona ma ka ili o ka honua.  Ua pii ae oia iluna, a  ua oki koke ia ae la oia e like me ka m@e ana o na pua."

 

            3- "Oiai kakou e ola ana me na kino maikai, e ai ana a e inu ana me ka hauoli, eia no ko kakou luakupapau ke hamama mau mei mamua o kekou me ka makaukau."

 

            O keia mau kumu ekolu maluna ae la, ua wehewehe mai la ka Bihopa o Linekona i kana haiolelo loihi no na hora ekolu, a i ka pua ana o kana haiolelo, ua ku mai la ka Bihopa o Chester a kokua mai ia ma ka hapa o ka Bihopa o Linekona, a i ka pao ana o kana haiolelo  ma ka hora 5 o ke ahi@hi, ua himeni ia mai la keia Mele Kanikau e na Keiki Alii, me ka hookani ana mai o ke Kama Aliiwahine ka Mea Kiekie ke Duchess  oeIoka ma ka piano:

 

KE KAUA M@@@@  TARAFALAGA

 

He Mele no Nelekona.

 

Ke Pukonakona o ka Moana

 

Ua Manaolana o Enelani,-

Ua hiki i kela a me keia kanaka

Ke Hooko i kana Haawina Hana;

 

-Ka Nelekona Hoailona Hope ma ke Kahua Kaua.

 

1.

 

E Beritania! Ua lohe anei oe i ka moolelo o Tarafalaga,

Ka Lanakila hiwahiwa a me ka hauoli o kou Aina,

Ka mea i haole iloko o na ehaeha o ke kahua kaua,

Ke koa, ka wiwo ole, a me ka oi pakele o keia Nelekona.

 

II.

 

Ma ka honua a iloko o ke kaua i make ai ko kakou koa,

Iloko o ke aouli a me ka lani i pahola ia ae kona maluhia,

E hauhoa ae i kou poo me na kumakena o ke kanikau,

Ke koa, ka wiwo ole, a me ka oi pakela o keia Nelekona.

 

III.

 

E kanikau hookahi, o kakou pu no a pau,

I ka houlehia ia ana o keia Nelekona Nui,

Aole i hoomaunauna ia na waimaka, no ka mea,

Ke koa, ka wiwo ole, a me ka oi pakela o keia Nelekona,

 

IV.

 

O na ouli kaua i pahola ae maluna o ko kakou aina,

Ua ku ae keia kanaka kuokoa a maloeloe kona mau wawae,-i ke aha la?

Ma Aigupita i lohe ia mai ai, ua hooukaia ke kakua kaua o ka Naile,

O keia koa no, ka wiwo ole, a me ka oi pakela o keia Nelekona.

 

V.

 

O ka Haleuia o ka aina nui, -e holo ana ua Nelekona nei,

O Kopenahegena ka ihu ana e holo la,

Ilaila i lohe ia mai ai, ua nahaha ke aupuni o Denemaka,

O keia koa no, ka wiwo ole, a me ka oi pakela o keia Nelekona.

 

VI.

 

Ike mai nei o Tarafalaga i ke koa nui, makemake mai nei oia e hoao,

Nihi ae Nelekona mamu@, he puupale no ka pono Beritania,

Ilaila kahi i ikeia ai no keikikane, -i ka alo i no okooko ahi pauda

O keia koa no, ka wiwo ole, a me ka oi pakela o keia Nelekona.

 

VII.

 

He ehaeha no kakou a pau, ka hoike ana ae ma keia wahi,

Maluna o ia kahua kaua hookahe koko kaulana

Ua halawai koke iho la oia me kona mau la hope o keia ola ana,

O keia koa no, ka wiwo ole, a me ka oi pakela o keia Nelekona.

 

VIII.

 

E kanikau, e olioli, a e oluolu na hoa'loha

 

E lanikau, e mele a hoonani aku ia Nelekona iloko o ka luakupapau,

E huli ae i na Lani a hoomaikai aku i ke Akua Manoa

E malama kiai mai ia kakou, a e mau hoi ka welo ana o ka hae o Beritania.

 

            I ka pau ana o na hana hoano a eehia a na Bihopa i ka pahu o ka mea i make, alaila, ua hiki mai ka wa e waiho ia ai kona kino anuanu iloko o kona home mau lo@ ma ka aoao o Sana Paulo.  Mamua o ka uhi ana mai o ka po, ua ho-a ia ae la na kukui o loko o ka halepule, a ua piha hoi o loko o @a keena nui me ka malamalama ano e o na kukui.  He mea e ka nani o keia mau hana, a he hana no hoi aole i hana ia no kekahi mea mamua aku, mai ke kukulu ia ana mai o ia halepule kaulana a hiki iloko o ia la, na hoohiwahiwa i pahola ia mai i ke kino make o ka Haku Nelekona e ka lahuikanaka o Enelani.

 

            He mea i olelo nui ia mahope mai no na hana kamahao i ike ia iloko o ua po nei. @ no ka hoihoi ana aku i ka pahu o ka mea make iloko o kona luapao.  Oiai ke ana ina holookoa e nana ana me ka eehia nui maluna o ka pahu o Nelekona, ia manawa i himeni hope loa mai ai ka papa himeni o na Keiki Alii i kekahi mau pauku i hakuia no Nelekona, i pakui ia aku ma ka pauku hope loa o ke mele lahu@@ Enelani, oia keia malalo nei penei:

 

E hui kakou ma @@ inoa hui o Nelekona,

Ka makmua ma ka papa o ke Koa,

E oli kakou iaia.

E uhola kakou a puni i kona Koa,

Ka hanohano o ke kahua Beritania,

Nana i hoonaueue a hooluliluli na ale o ka moana

E ola ka Moi i ke Akua.

 

Ua waihoia kona kino me ka maluhia, Aka,-

E ola no kona Inoa i ka wa e hiki mai ana.

 

            I ka wa i pau ai o keia mau leo himeni, ke hai aku nei ka mea e kakau nei, aia aku la ke kino o ka Haku Nelekona me keia pahu kupapau nani iloko o kona home lua anuanu; Ka home a ua koa kaulana la o na ale e waiho ala a hiki iloko o keia la; Kona home ana e noho hookahi la aohe kokoolua; Ka home ana e noho la me ka oluolu, aohe lahi; A eia wale iho no ka Enelani mea e hana ai, ina o keia mau makahiki lehulehu e hiki mai ana a hookahuliia kona kuokoa e na enemi, ke pa-e mai nei ka leo o ka Haku Nelekona i kona mau ho@@loha iloko o kona home luakupapau, -e hoopakele ae i kona kiahoomanao a me kona home. -i uku p@nai na lakou ao kona hookahe ana i @o@a koko maluna o ke kahua kaua, i lo@@ ka lanakila a me ka maluhia no Enelani iloko o keia la.

 

            Ma ke kauoha a ke Aupuni o Enelani, e malamaia ke kino oka moku o Nelokona, oia hoi ka mokukau@ Lanikila, aole e hoholo hou ia ma ka moana no ke kaua, aka, e kukulu iaia iloko@u ke awa o Portsmouth, a hiki i ka wa e hele ei ai o kona mau aoao. O kan@@ @@ @@ ai o ka Haku Nelekona maluna a ka papahele o kona moku, ma ke kauoha a ke Ke@@@ Kaua, u@ han@ia kekahi apana dala pala@@@oha, a kapili ia maluna o ka pa@@@ele o @@ moku @@@@@akila, a o na huaolele i palapala ia meluna o ua apana dala la, e heluhelu ia no i@ penei:

            "Maluna o keia papahele, i haule ai ka Haku Nelekona ilalo, -i ka la hoouka kaua hauoli me na aumoku kaua hui o Farani me Sepania ma ka Lae o Tarafalaga, M. H. 1805."

 

            He mauy makahiki pokole mahop mai o ia manawa, kauoke ae la ke Aupuni o Enelani e kapili ia i elua mou mokukaua, a e kapaia hoi ko laua mau inao H.M. S. Nelekona a me H. M. S. Tarafalaga.  I mea hoomanao na ia Aupuni i ka inoa kona Koa kaulana, a i ka inoa hoi o kahi i halehia ai o kana punahele.

 

           

            I ka makaukau  @@@ o ka moku mua e kuu iloko o ke kai, ma ka la 21 o Iune.  M. H. 1814, ua kau ai la he 40 e na koa i hoouka ai i  ke kaua o Tarafalaga maluna o ka moku Lanikila.  O Mr. Robert C. Filmouth, ka mea nana i kapili keia moku, @@u mai la oia a hoao ae la i ka inoa o Nelekona, me ka inu ana ae i ke ola o Enelani me keia mau huaolelo:

 

            "E hooloihiia na La o ka Noho Alii ana o Enelani, -oia ka Mana Nui nana e Kau Kanawai na  Ale o ka Moana !!!"

 

            Mamua o ko'u hookuu ana ia kakou na hoa'loha o Nelekona  i heluhelu i kona moolelo kaulana, ke lawe hou mai nei au i keia mau wahi lain@ pokole i na poe heluhelu, i haiolelo pinepine ia e na kanaka koa mai ia au a hiki iloko o keia la. Ua olelo ae o Enelani, mai loko mai o ka heluna o na tausani koa wiwo ole o kona mau aumoku a ma na pualikaua@ aina,  aole he mau kanaka i laulana ai o kona inoa e like me ke Keike Alii o Wata 
 lu a Duke hoi o Welinetona ma ka aina, a o ke Keiki

Alii hoi o ka Hekili ka Haku Nelekona ma ka moana.  I mea e hoikeike aku ai i na poe heluhelu no keia mau kanaka, ke olelo nei keia mau Buke Moolelo penei:

 

            "Ua moe ke koa, ua kuu oia i kona luhi, a ua waihe mai oia i kana mau hana o ke kahua ahi, i mea na kakou  e hahai aku  ai mahope o kona meheu.  Heaha ka Nelekona hana ma ke kahua kaua o Tarafalaga? A o ke Duke hoi o Welintona ma Watalu?  O keia mau kanaka puuwai wiwo ole elua, ua lawe mai la laua i ka hae o ko laua aina, a oia ka laua i hoike aku ai i na aupuni kaua o Europa me ka hanohano.  E haawa@a na hoohanohano like ia  a elua, oiai ua like laua a like ina ke kulana o ke koa a me ka wiwo ole.  Ina o keia mau makahiki loihi e hole nei, a i hoopukapuka ia ae  ka inoa o na kanaka koa, a o ka inoa o ke Duke o Welinetona kekahi e kamailio ia ana, --ke noi aku nai ka mea e kakau nei i na hoa'loha o ka Haku Nelekona, m@i poina kakou i ka hapai  pu ana ae i kona INOA, --O kekahi ia o na Keiki Alii o ke Koho: ke Pukonakona o na Kaiuli; ka Olali nana i na-i ka Moana; ka Hookalakupua Nui a na enemi e l@ ai ko  lakou ili; ka Pulakaumaka i hoopunalele ia e kona aina hanau.  Ua waiho mai oia i keia ola ana me an hanohano he nui wale i kona aina, a o ka hua hui o kona luhi a me na inea o ke kaua, kaa aku la ia mau pono i kona ohana, ua hookiekie ia kona mau kaikuaana ma na kulana kiekie o ia Aupui.  Auwe ka eehia a me kekahaha!  Ina paha he nea hiki ia Nelekona ka ala mai  mai loko mai o kona home luakupapau, ailaila, e ninau ami paha auanei oia, owao la ka kanaka i hooko iho nei i ka leo o kona aina, i pono! i maluhia!! a i lanakila!!!  Ke kaena mai nei ua Nelekona nei i na aupuni kaua moana o ke ao  nei me ke kuhikuhi mai, e hele imua; imua o ke kahua kaua a make a ola!  Aia ilaila ka hanohano, aia ilaiola ka lanakila, aia no ileiala ka maluhia.  O keia mau mea nui ekolu, ina e olelo ia ae kekahi kanaka koa i hooko i kekahi o keia mau lala, mai  Poina oulou i ka Inoa o Nelekona i mea hoohalikelike.-Oia ke Koa holomoana kaulana lo@ malalo iho o ka la i ike ia iloko o ia au a hiki iloko o keia la@ a me ka manawa no paha e hiki mai ana,

 

                        "O ke Au o NELEKONA,

                        Na la o ka luhi a me ka inea,

                        Na la o ka hookahe koko, a me

                        Na la o ke kanikau k@makena."

 

Aloha Oukou.

 

Halemai Alli o Garinawika.

Dekemaba, 1852.

Thomas P. Spencer.

 

Halepai Hupepa Kalepa,

Honolulu, Feb. 7 1882.

 

KE ALII POWA

 

            Ia'u e noho ana ma ko'u rum@ ma ko'u hale mahiai ma ka mokuaina o Nu Ioka, o ka pau ana ae no hoi ia o ka'u heluhelu ana i kuu leta mai kuu makamaka mai e noho ana ma Tekaka; e kono mai ana ia'u e hele aku a e houhala  hoi i kekahi mau mahina ma kona wahi mamao.

 

            He kanaka wahine ole au, aole hoi au i a@@ loa.  O kou makamaka hoi, he wahine kana a me na keiki elua. Hooholo koke iho la au no kana kono, a hoomakaukau iho la hoi no ka'u huakai hele.  Ia'u i hiki aku ai me ka aoao komohana o Tekaka, imi aku la au a lo@a ko'u lio, waiho iho la i kuu ukana a mahope e hoouna ia ae ai, a holo loa aku la no kahi o kuu makamaka.  Ia'u i hookokoke aku ai, ua uki mai la ka poeleele, a ua ano maluhiluhi ia hoi au, kunewa aku la au me ke ano hiamoe; aka ua hikilele koke ia ae la au i ka lohe ana ia ke pohapoha ana mai o na kapuai lio e holo mai ana.  Kaohi mai la au i kuu lio me kuu hopu koke ana i kuu pu.  Ia manawa koke no hoi, hoea mai la hoi kekahi lio me ka wahine o luna, a e puehu ana hoi kona mau lauoho me ke kuuwelu mahope.  Nana mai la oia ia'u me ka manao e hoohuli ae i kona lio, a e h@la aku no ka nahelehele, aka hoi, kaohi koke mai la ia i kona lio a pane mai la: E hoopakele ia'u!  E hoopakele ia'u!! Omi ke ike nei auaole o oe kekahi o ia poe.

 

            Pela io no, e ke kaikaimahine, e kokua no au ia oe ke hiki, aks e oluolu hoi oe e hai mai i @ e kumu o kou holo ana; wahi a'u i pane aku ai, me ka nana pono ana aku i kona ano; a no ka hoea ana ae o ka mahina, ua ike maopopo aku la au, he kaikamahine ui opiopio oia.

 

            Hoike mai la ia o Mine Loraine no ia, ke kaikamahine a kuu makmaka o Loraine, kahi a'u e hele aku nei e ike.  Kukuku iho la maua ma ua ulunahele nei, oiai ka malamalama powehiwehi o ka mahina e hohola iho ana maluna o nalau laau, a hahai mai la kela ia'u i ka moolelo kaumaha i ili iho maluna o ka ohana o Loraine.

 

            Hookahi hora aku mamua o ko maua hui ana, ua hiki mai la kekahi hue powa, i alakai ia e kekahi Alii Powa i ikeia a kaulana ka@u mau hana powa, ma ko makou hale; pepehi iho la i kuu mau makua a make loa imua o kuu maka; a i ko lakou wa hoi i makaukau ai no ka lawe ana aki ai'u, ua pakele iho la au, kau ae lu au maluna o kuu lio oiai e ku koke ana no, a o ko maua hei ana mai no hoi ia me kuu makuakane mai ka holo lio mai, a holo mai la me ka mama loa mai kahi mai o ka paino i hanaia, me ka puuwai i hoehaia no kuu mau makua, a pela hoi au ma e l@aa mai ana.  O ka mea kaumaha loa nae, o ke alii powa o Clinton no ia, a oia kekahi kanaka i noho pu me makou i kela mahina aku nei.  Ua hiki mai la ia i o makou la ma ke ano malihini me na leta hoolauna mai no makamaka mai o kuu makuakane.  O kona makamake he kuai aina, alaila hookuonoono.  Ua apo aku la nae makou iaia me ka oluolu, a awau hoi ua ano makemake aku hoi iaia no ka oluolu  @ ano keon@mana hoi@ aka, 3 ae nei la i hala, ua noi mai la oia ia'u e lilo i wahine nana, a i kuu ho@le ana aku, hoopouka ae la ia i kekahi mau hua ino, kauoha ae la ia i kona lio, a haalele mai la i ko makou wahi.  Mai ia manawa mai a hiki i keia po, akahi no au a ike hou iaia ma ke poo o kekahi no hui powa i ikeia ma ka inoa "Na Debolo Clinton". O keia no ka mea i lawe mai i na leta hoopunipuni @ i kuu maukuakane, me ka hoike ana mai i kona inoa o Munroe Morris, a o kona inoa hoi ia i kamaaina ia makou.

 

            Me ka puuwai ehaeha i hahai mai ai o Mine Loraine ia'u i ka moolelo kaumaha mai ka mua a hiki i ka hope, oiai hoi maua e ka ana no maluna o na lio maloko o ke@ahi wahi opu nahele ma kapa alanui.  I kuu lohe ana i ka moolelo a ke kaikamahine, ua nui ko'u kau maha no kuu makamaka, kana wahine a me kana kaikamahine ipio e ku mai nei imua o'u.

 

            Mahope iho o kekahi mau minute ka mumule ana, ike aku la au e ana maha iki ae ana oia, hinau aku la au, He kaikunane no anei kou e Miss Loraine?

 

(E nana ma ka Aoao 3.)

 

MAIKAI KA HOI KA PAPA

 

-A ME-

 

KALAAU O KOU HALE!

 

NO HEA LA?

 

KAI NO HOI NO KAHI @

 

WAILA MA!

 

Nana aku no hoi ia la

Uni ka lo o ka Laau o Makawao

I ka ua mea hoi o ka nani

 

Na Papa! Na Papa!

 

-A ME-

 

NA PONO KUKULU HALE

 

O NA ANO NO A PAU

 

Aia m@ ka kihi o na

 

ALANUI PAPU me MOIWAHINE

 

HONOLULU

 

MALAILA E LOAA A@

E LIKE me ka MAKEMAKE

 

-NO KE-

 

KUMKUAI MAKEPONO LOA

 

PAPA, PAPA, PAPA,

 

Na Papa Huluhulu,

Na Papa Manoanoa,

Na Papa i kahiia,

Na Papa Kepa,

Papa Hole Keokeo,

Papa Hole Ulauin.

 

NA LAAU, NA @AA @

 

Na Kua,

Na Kaola,

Na Auha,

Ne Molina

Na P@@p@@.

Pine Huluhulu.

Pine i kahua

 

NA Papa a ine na Laau Ulnu@@,

 

Pili ulaula,

Pili Ke@Keo,

Pani Puka,

Pani Puka Aniani,

Ipuka Aniani,

Puka Olepelepe.

 

PENA O NA ANO A PAU

 

Hulu Pena mai ka Liilii a ke Nui,

Aila Pena,

Aila Hooma@oo,

Waniti, Pate.

 

NA LAKO O KELA A ME KEIA ANO

 

Na Ami Kuka Hale,

Na Ami Puka P@

 

ANIANI!

 

Pepa Hale a me na Lihilihi

 

E LOAA NO MALAILA.

 

PAAKAI HELU I O KAKAAKO me PUULOA

 

            No ke Dala Kuike, e lo@a no na mea a pau i hai ia ae la no ke Kumukuai Em@ loa.  O na kauoha mai Hawaii a Niihau, e loaa aku no ia lakou, e hooko koke ia n@ ia me ka lawa pono.  E kipa nui ilaila i ike i ka oiaio.     905 tfe