Ka Nupepa Kuokoa, Volume XXI, Number 23, 10 June 1882 — Page 4
| This text was transcribed by: | Morris Lai |
| This work is dedicated to: | Ku’u ‘ohana: Ku’ulei, Lehuanani, a me ‘Ilima Lai |
Ka Nupepa Kuokoa
KE KILOHANA POOKELA NO KA LAHUI HAWAII.
KA NUPEPA
Kuokoa me ke Au Okoa
I HU@A.
=============================
No ka Makahiki, $2. Eono Mahina, $1.
D@a Kuike ka Rula.
============================
POAONO, IUNE 10, 1882.
============================
AOHE INOA E.
_____
No other Name.
Gospel Hymns, No 78.
1
Hookahi no Hoola.
Hoolaha nui ae;
A Oia no Iesu la,
Ka mea aloha e.
Cho. Aohe inoa e la,
Aohe ala e.
Iesu, Oia wale no
Ka mea e ola'i
2
Hookahi puka ola.
Hamama no a ma@;
Hookahi Moh@i hala,
O Iesu Kristo no.
Cho. Aohe inoa e la, &c.
3
Kou mele, kuu hosana,
Ua make Iesu no'u.
A o kuu mea hoolana,
Ke kea o Iesu.
Cho. Aohe inoa e la, &c.
Hawaii.
Haawina Kula Sabati.
================
HELU 13, SABATI, IUNE 25.
________
KUMUHANA.
________
HOI HOPE.
Pauku Baibala. Ma@ ka mok 6 o Mareko a pau ka mok 9.
Na heluhelu la. 1. Mar. 6;1–29. 2. Mar. 6;30–56. 3. Mar. 7;1–23. 4. 7;24–37 5. Mar. 8;1–38. 6. Mar. 9;1–29 7. Mar. 9;30–50.
Ka manawa. Mai A D 31, a i ka hapa hope o A D 32.
(Na na Kahu e hoopuka i na Ninau.)
Na makua. Ehia mea nui ma ka mok. 6? Elima. 1 Ka hoowahawaha ia o Iesu. 2 Ka hoouna ia ana o na haumana. 3 Ka make ana o Ioane Bapetite. Heaha ke kumu i hoowahawaha ia ai Iesu? Pono anei ke hoowahawaha ia kekahi keiki naauao, a makua paha, no kona ano hanohano ole, alii ole, waiwai ole?
Ehia haumana i hoouna ia aku e Iesu? Heaha ka lakou hana? Heaha ka Iesu kauoha ia lakou?
He poe haumana oukou, heaha ka oukou hana?
Heaha ke kumu o ko Ioane make ana? Ehia mea i hewa no ka make ana o Ioane? Elua hana i koe ma keia mok. Ka hanai ana i na kausani ehia? Mahea? Me ke aha?
Ka hoomalielie ana i ka moana wai hea? Aia mahea ia moana wai? Ina loaa ke pili kia @a ka moana, a luliluli a ane kahuli ka moku, heaha ka pono? la wai ka mana e pau ai na pilikia?
Mele
Na keiki. Ehia mea nui ma ka mok. 7 o Mareko?
Ekolu paha. 1 Ko Iesu hai ana mai i na mea e haumia ai ke kanaka. 2 Ko Iesu hoola ana i ke kaikamahine i uluhia i ke da@monio. 3 Kona hoola ana i ke kanaka kuli. Hai mai i na mea e haumia ai ke kanaka.
P. 20--23. Heaha kekahi mau mea e haumia ai?
Pehea ka paka, ka awa, ka rama, ka opiuma? heaha ka mai o ke kaikamahine?
Me ke aha ko Iesu hoola ana? Pehea e maopopo ai he da@monio iloko o ke keiki? Pehea e hemo ai? hai mai i na hana a Iesu i hana ai i ola ke kuli. Owai ka poe kuli maanei? Ma ke aha e pau ai, a lohe pono? Mai lilo oukou i poe hookuli, e hoolohe pono.
Mele,
Ke kula a pau. Ehia mea nui iloko o ka mok. 8 o Mareko? Elima paha. 1 Ko Iesu hanai ana i 4000 kanaka. 2 Ke noi ana o na Parisaio i hoailona. 3 Ko Iesu hoo la ana ka makapo. 4. Ko Iesu ninau ana, owai la Au. ma ka olelo ana a na kanaka? 5 Ko Iesu ninau ana no ka uhane.
Ma ke aha ko Iesu hanai ana i kela 4000 Nawai e hanai i ka poe pololi? Heaha ka berena e ola ai ka Uhane? Pehea oukou e hana ai i na mea liilii, ina koena? Pehea e lilo ai kahi ike uuku i mea nui?
Ua ae aku anei Iesu e hana @ hoailona no na Parisaio? Aole anei he nui na hana mana a Iesu i hana ai? No ke aha ka hoomaloka o na kanaka?
Hai m@i i na hana a Iesu i hana ai i Kona hoola ana i ka makapo. P. 23––25. Pehea e ike ai ka poe makapo ma ka Uhane? Owai la Iesu ma ka olelo ana a kekahi poe? Owai Oia ma ka oukou olelo ana?
E aha ia ana Iesu no kakou? Pehea la oukou e lilo ai i mau haumana io na Iesu?
Heaha ka mea e lilo ai ka Uhane? Loaa hou mai a@e@ ka uhane ke lilo aku? E malama pono i ka uhane i ole e lilo.
Mele.
Na makua. Ehia mea nui iloko o ka mok 9 o Mareko? Elima eono paha, heaha ka mua?
Kona hoopahaohao ia an@. Hai mai i na mea e pili ana ilaila. Owai pu me Iesu ma ka mauna? Owai no ka lani mai?
Ahea kakou e ike ai ia Iesu iloko o Kona nani? Owai ke hiki e noho pu me la ma ka lani?
Na keiki. Heaha ka pilikia o kekahi keikikane? Owai ka poe hiki ole ke hoola? A ola oia ia wai? Pehea oukou e pono ai ke hana ino mai na uhane ino ia oukou? E no@ aku ia wai? I ka manawa hea. Ano paha, a ma keia ao no.
Aole kokua Iesu ia oukou ke kali a haule oukou iloko o ka lua ahi.
Heaha ka Iesu hana me kekahi keiki uuku? P. 26,37. Mat 18;1,3.
Mele
Ke kula a pau. Hai mai i na pauku 42–50.
Heaha ka olelo no ka poe hoohihia i ka uuku? Heaha ka pono ke hoohihia mai ka wawae, ka lima akau, ka maka?
Heaha ke ano o kela ahi me kela ilo? Poino @oa ea ka poe haule iloko o ke ahi o gehena, heaha ka paakai liu ole?
Heaha ke kaouha ma ka p. 50? Ke kuikahi like nei anei oukou?
Na ninau i o Ianei.
Ehia o Iesu mau makahiki mai ka hanau ana a hiki i ka wa in hanaia ai na mea iloko o keia mau mokuna 6,7,8 9? Mahea i hana ia ai ia mau mea? Ma ka moana wai hea ko Iesu holo ana? Ma ka mauna hea Kona pii ana'e?
Owai ke kanaka maikai i oki ia'i ke poo? Heaha ka haipule me ka hu o na Parisaio? Owai ka poe i hoole, aole ala hou ka poe make, aole la hookolokolo, aole lani, aole po? Heaha ka hope o ka poe i lilo i na mea o keia ao? Heaha ka uku o ka hewa?
Heaha ka paka@ liu? heaha ka pakai liu ole? he paakai aha oukou? Pehea oukou e hooiaio ai ia Iesu? Pehea e hoole ai?
Heaha ka uku ke hooiaio ia la? heaha ka uku ke hoole ia Ia?
Mele
Pule me ka hookuu aku.
Haawina no Iulai 2. Mareko 10;1–16.
He Haiolelo.
–––––
Haiia ma ka Luakini o Kawaiahao, Mei 28.
KE AO UUKU.
"Aia hoi, ke hoea mai la he wahi ao uuuuku me he lima la o ke kanaka, ma@loko mai o ke kai." I Na L@i XVIII:44.
Ekolu makahiki me @a mahina eono o ka noho ana o ka aina o Samaria malalo o ka wai. Ua poino na kanaka a me na holoholona. Ua hiki mai ka wa e pau ai ia kaumaha Ua hai aku o Elia @a Ahab@ ke alii e hoomakaukau oia no ka ua. Kauoha aku la no hoi o Elia i kana kauwa e pii aku iluna o ka ma@na o Karemela e nana maka@; eono hele ana o ke kanaka e nana, aohe nae he mea okoa ka@ ike ia, he oia mau no ke kalae o ka lani a me ka wela o ka la. Aka, i ka hiku o kona hele ana, hoi mai la oia a ia E@, hai aku penei:
Aia hoi, ke hoea mai la he wahi @o uuku me ha lima l@ o ke kanaka, mai loko mai o ke kai.
Heaha la ke ano o kela ao? he mea liilii wale no, he ao, he mahu i pua ae e like me ka lima o ke kanaka ka n@; he mea ano ole ke nana aku. Pela na ao e ike ia nei e kakou, he mea liilii wale no ke pua iki ae a nalo koke no, hoea ae no ke ao, a nalowale ae la, he mahu, a ua pau. He ouli keia ao liilii ma ka lani, he hoailona no ka manawa he hiki mua no ka ua nui e haule ana a puni ka aina o Samaria. Pau aku la ka wi, a ola iho la ka aina.
O ke kumuhana a'u e lawe mai nei @oloko o keia poolelo, oia keia: "He lehulehu wale o @a @lia poino a me na pomaikai nui no hoi, i hoike mua i@ mai ma o na hoailona uuku loa." No loko mai o na mea liilii i puka mai ai na hana nui, a me na hopena weliweli i kahi wa. Na ke ao uuku, e like kona nui me ka pulima o ke kanaka, nana i hoike mai he kuaua nui e haule ana a puni ka aina. Holo aku la kekahi moku maluna o ka moana, a hala he mau la o kona luli ia ana e na ale o ke kai iloko o ka pohu. A ma kekahi auina la, hoea ae la ma ke komohana he wahi ao eleele uuku, ua like kona eleele me ka inika uliuli. I ka wa i kau ai na maka o ke Kapena maluna o kela wahi ao, kahea ae la oia i na luina e wikiwiki lakou e pua i na pea a pau. Kanaha ka manao o na eemoku no keia hana, aohe makani, lie pohu loa. No ke aha la keia pua ana i na pea? Aka, aia na maka o ke Kapena maluna o kela wahi ao.
Na ia ao eleele, uuku i hoike mua mai ia ia i ka ulia hoopoino e hiki mai ana. Aohe i hala he hapalua hora ma ia hope, kololio ana ka makani ino iloko o na i-a a me ka likini o @a moku, hele ka moku a h@alulu imua o no kikiao makani. Aka, ua makaukau e ke Kapena. ina i naaupo oia, a ina paha i palaka oia, i@a ua loaa e oia i ka makani me kona makaukau ole a poino kona moku me na ohua a pau o kona moku. He uuku ka hoomaka ana o ka makani i kahi w@, ua like me ke aheahe malie, a he ikaika loa nae ka hopena, e hiki ai ke kulai i na laau nui a me na hale paa.
Aole he haneri makahiki i hala, hui pu kekahi mau kanak@ opio, aole paha i oi ko lakou helu@a i ka eono. Kuke pu lakou no ka hapai ana i kekahi hana no ka hoomalamalama ana i na lahui pouli. A mai loko mai oia hui ana o kela poe nawaliwali i ulu mai ai kekahi o na Ahahui kaulana o keia au, nana e hoolaha nei i ka malamalama ma na apana a pau o ka honua nei i keia wa. Aia ka lakou poe kumu ma na aina a pau, a o ka lakou mau hoolilo aha o ke dala i kela a me keia makahiki no ka hana ma na aina e, aole paha i haule malalo o ka hapalua miliona; a i ole ua kokoke aku paha ilaila. He uuku ka hoomaka ana, he nui nae ka hopena.
He wah@ keiki u@k@ e @we ana ma ka paepae puka o kekahi hale maloko o ke kulanakauhale o Nu Havana. Owai ia keiki uuku? O Opukah@, he keiki no ka lahui Hawaii. E uwe ana oe i ke aha? Ua aloha au, a minamina no hoi no kuu lahui e noho nei iloko o ka pouli. Ma ia hope iho opu@ ae la na pua o ka puuwai o ko Amerika lahui no ka lahui Hawaii, hapai ia ae la ka noonoo ana i misiona no nei. O ke ala mai la no ia o na moku o kai lilo e, a poha ae la ka malamalama a puni na kai, he mea liilii ka hoomaka ana, he nui loa aku ka hopena.
Ku mai o B@a@, Kakina a me Winima keia aina, iloko o 1820. Aohe aupuni malamalama, aohe palapala, aohe hale kupono, aohe pono no na kanaka. Aohe pahi, aohe pu, aohe waiwai ma ka lima o na kumu, heaha ka lakou hana? houluulu ae la lakou i na kanaka, na kane, na wahine me na kamalii, malalo o ka malumalu o na laau, a ma na lanai.
Noho akoakoa iho la lakou ilalo ma ka lepo, a ma ka mauu, a eia ka hana, p-a pa-p-a pa, p-e pe, p-i pi p-o po, p-u pu. He mea lapuwale paha keia i ko oukou hoolohe ana mai i keia wa Aka o ka hoomaka ana keia.
Ua hala ae nei he kanaono makahiki, a ke ike nei kakou i ka hua o na hana mua. Eia o Lahainaluna, Punahou, Kehehuna, na kula hanai a pau, na kula la, a me ke aupuni e ku nei me kana mau oihana a pau. Liilii a lapuwale ka hoomaka ana imua o na maka o kanaka, aka nawai e hoole i ke ano nui o ka hua, a me ka maikai o kona hopena?
E lawe kakou i ka pono Kristiano e ku nei maluna o ka honua i keia wa. Pehea ia pono i kinohi? heaha kona ano imua o na maka o ka@ka? Ikaika anei? Mana a hanohano anei ma kona hoomaka ana? Aole, aole loa. He oiaio ua like me ka hua makeke kona ano, he uuku loa, he 18 haneri a oi makahiki i hala ae nei, a hanau ia iho la ke kanaka o Kristo Iesu, maloko o ke kulana kauhale uuku o Betelehema, he Keiki liilii iloko o ka lima o ka makua, kahi @h@ ia, a ua @oi ia Kona ol@ opiopio ia wa e ka poe ikaika, me ka manao e pepehi. Ua holo malu na makua me ka laua Keiki i ka aina o Aik@pika e pee ai, huna ia o Iesu Kristo o ka lima o ke kanaka i pakele ai Oia i ka poe pepehi kanaka!
Pehea Oia iloko o na makahiki o Kona noho kanaka makua ana? Ehia la mau wahi makahiki pokole o Kona ola ana, a kau pu ia aku la me na powa maluna o ke kea, kahi i make ai? Kuhihewa ka poe nana Oia i hoowahawaha. Kuhi lakou ua make loa ka Haku, aka, aole pela, o ka make nae kai make ia Ia. Ua hala ke kowa nui o na keneturia, a pehea o Iesu Kristo? Aohe Inoa e like me Kona ma ka honua nei, ke Keiki a ke Akua! ke Keiki a ke kanaka! ka hoaaloha a me ke Kalah@la o ka poe lawehala! Aohe aupuni i like ka mana a me ka ulu nui ana me Kona aupuni e ku nei iloko o keia ao. Aohe mana ma keia honua i hiki ke kue i ka hele mua ana o Kana hana. Aohe inoa hoa@o e ae, hookahi wale keia Inoa ma@k@. Liilii a nawaliwali ka hoomana ana, aole nae o kana mai ka mana a me ka nani o kona ulu ana.
E huli ae kakou ano a e nana i kekahi mau AO UUKU
e kau mai nei ma ke aouli o ko Hawaii nei lewa lani. Ke kamailio @u@ nei kekahi poe no ka hookomo ana aku i ko kakou nei aupuni iloko o ka aie nui pono ole. I umi miliona dala, wahi a kahi poe, no na hana hou ma keia aina. Heaha la ia mau hana? Aole i hai ia mai. A ke olelo nei kahi poe, he makehewa ka hooholo ia o ka bila aie e like me keia, no ka mea, aohe e loaa ke dala. Aohe poe waiwai e aa ana e haawi mai i ke dala, pela io no paha, aohe maopopo. Aka, o keia kamailio nui ana no keia @ie nui no na makahiki i hala ae nei, he no liilii ia e kau nei ma ka lewa. Aole kakou i ike i kona hopena, Ina he mahu e pua iki ana a nalowale, pomaikai, aka ina e pahola ia ae ke ao eleele o ka aie nui kupono ole a pu@i ia lani o Hawaii, he poino nui ia no keia wahi aina uuku.
Eia hou no keia ao liilii, he nui ka poe e wawa nei iloko o keia mau makahiki e hoonoa i na waiona a puni ka aina. A ke olelo nei kahi poe e laikini ia na hale kuai waiona ma na mokupuni a pau, a e ae ia na mea a pau e kuai, e like me ka makemake o kela a me keia, he wahi ao uuku keia i pii ae nei iloko o keia mau makahiki, a ke mahuahua ae nei, heaha la kona hopena? Aole kakou i ike. O na mea i hala mahope ma ka moolelo o keia aina, ua maopopo, eia imua o ko kakou mau maka, nui loa na ola i poino i ka waiona, nui loa ka waiwai i poho, nui ka ilihune, a me ka eha, a me ka uwe ana no keia kumu hookahi. Pehea ke ao o ka waiona, e pahola ia anei a paa loa o Hawaii? Ina pela, aloha ino!
A eia hou keia ao uuuku, ke hoea ae nei mailoko ae o ke kai. Ke olelo ia nei, e pono e lawe mai ke Aupuni i ka Opiuma, a e hana ia a kuai ia maloko o keia aupuni, ua hoolaha ia iloko a ka hale Ahaolelo, e lawe mai ana kekahi hoa oia hale he bila kanawai no keia mea. I mea e oi aku ai ka loaa iloko o ka waihona o ke Aupuni, oia paha ke kumu o ka makemake nui o kahi poe e hana a e kuai i ka opiuma ma keia aina. O keia mea ino, a he mea hoopoino weliweli hoi iwaena o kanaka, ma na @ kahi i hoolaha ia; a he mea no hoi i pakele loa aku ka weliweli o kana mau hoopoino ana mamua o ka waiona, he mea i kue lokahi ia hoolaha ana ma na aina malamalama, a ma Kina no hoi kekahi, ua koe no ka wahaolelo Hawaii ponoi o@ e Honolulu, iloko o ka Ahaolelo o kou aupuni e hapai a e hoolaha mai, he bila kanawai kana e lawe mai ai no ka hookomo ana mai, ka hana ana a me ke kuai ana i ka opiuma ma keia aina, ua ike anei oukou i ke ano o keia mau ouli e kau mai nei mamua ponoi o ko kakou nei aina aloha? Ina o keia mau wahi ao uuku a he mahu wale no, e nalo koke ana, pomaikai kakou. Ina he ma@ ao keia e ulu ana, a lilo i mea io, a paa ka aina, he poino ka hopena no ka mea; aole iloko o na ouli o keia ano na paka ua e ola ai ka wi o ka aina.
Eia hou no nae keia ao uuku, e oki au maanei. Iloko o ka makahiki i hala ae nei, ua hiki mai ia nei, mai kela aoao mai o ke kai he makamaka a he hoa hana pu me ka poe e imi nei i kanaka e hoola. Ua lawelawe pu oia me kakou iloko o na hana ma Honolulu nei. A ua ike pu kakou i ka hua o ka hana a ka Uhane, e ukali ana mahope o Kana mau lawelawe ana, mawaena o na makamaka haole o keia kulanakauhale ka nui o ka hua i ike ia. Aka, aole no i nele kakou i na hoopomaikai ana o ia hana, ua hoi hou mai nei ia makamaka, o Mr Hallenbeck, a e hoomakaukau ana oia e lawelawe hou i ka hana. A malia paha o hele loa aku kana mau lawelawe ana a puni ka aina. Ea, he ao uuku paha keia a kakou i ike iho nei iloko o na mahina i kaahope ae, a e kau nei no hoi i keia wa. E nana pono kakou, l@a he ouli keia e hoike ana no na hana pono e iho nui ana maluna o kakou, he pomaikai ia no ka aina a puni, ua p@noa o Hawaii iloko o keia mau makahiki, ua wi na mahinaai, ua nui ke ko, ka raiki a me na waiwai e ae. Ua mahuahua loa ke dala iloko o keia aupuni, aka ua make ka aina ma na mea e pili i ka pono e ola ai. Ua waiwai na kanaka, ua h@ne, ua anu, ua pololi, aole nae lakou i ike aohe ola iloko o ke ko; aohe e ola ka lahui ma ke dala, o ka punawai i wehe ia e Kristo Iesu, he ola ia no ke kanaka, a no na lahui a pau Ka muliwai o ke ola e kahe ana mai loko mai o ka noho alii o ke Akua, he kumu ola oiaio ia. O ka poe inu ia wai, ua ola mau lakou.
Pehea, e haule ana anei ke kuaua nui a puni ko kakou aina? Ke i m@i nei ka Haku: "Me ko oukou manaoio, pela e han@ i@ aku ai no oukou." E noi a e haawi ia ia oukou. O ka mea imi e loaa no ia ia. Ke noi aku nei au i ko oukou oluolu, e hoomakaukau no na hana o keia mua iho, e hana pu kakou. E noi e imi a e hooikaika me ka manaoio, ua waiho ia mai i ke@a la ka pono a me ka hewa ke ola a me ka make. E koho oe ma ke ola, i ola oe a me kou hua.
Hoolaha Luakini o Manoa.
––––
Ua paa a ke ku nei me ke kilikila ka luakin@ hou o Manoa.
O ka Poaha, Iune 15 1892, oia ka la e hoolaaia ai ua hale la no ka Haku, e hoomaka ana na hana ma ka hora 10 Kakahiaka.
Papa Kuhikuhi.
Himeni • • • Mauna Pisega
Pule––
Himeni • • • • Home mau
Haiolelo Hoolaa––
Himeni– –
Pule hookuu– –
Na manao paipai.
Lulu dala no ke koena aie o ua hale nei.
Hookuu ana i ke @nai@a @ noho ma ka lanai ahaaina no ka hoopaa ana i na houpo lewalewa.
Ma ka hora 7 o ke ahiahi a@ iho e wehe ia ana maloko o ua luakini @ @e aha mele na na kamalii e koku@ ia @n@ me na haiolelo mai kekahi poe ma@ wae @,
He 25 keneta ka uku komo @o @a ahiahi hauoli al@.
Ke konoia aku nei na hoakanaka e naue mai e komo i ka hale o ke Akua Mana Loa, a mai hoopoi@ hoi i kahi h@p@ o ke aloha, lawe pu ma@o @ hookahi ko kakou alu ana i ua la al@ pau @e ke koena @ie o u@ hale la.
PAALUHI, Luna Kiai o Manoa.
Mei 29 1882. 1070 2t.
PAPA KUHIKUHI MANAWA HOLO
–– ––O KA–– ––
MOKUMAHU HAWAII
" LIKELIKE,"
KAPENA KING.
AOLE AIE NO NA UKU @UA
Ke hooleia aku nei ka aie no ka uku ohua, a ke hoikeia aku nei i ke akea, ina he mau paiki, ukana a puolo hooili ko lakou, e pono e hoailona ia me ka moakaka lea. Aole no e ae ia ka lawe ana i na ukana, paiki a puolo i hoailona ole ia ke ole e kako@ia ka loaa ana mai.
HE KUIKE KA UKU UKANA.
Ma na ukana a pau o na makamaka, e pono e uku mua ia. A e hookoia no na kauoha no ka lawe a hiki i kahi i makemake ia. A e malama ia no me ka mak@la na ukana, paiki a me na puolo, lio, pipi a me ka hoki.
E hoailona ia me ka moakaka na Pahu
Rama a me Waina.
O ka poe no lakou na ukana o kela ano, e pono e hoailona ia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.
O na koina no na pilikia a me na poho, e pono e hoike koke a mai iloko o ka malama hookahi.
Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau na ohua eepakeke i ka @e@e.
No ke ake nui e hoopomaikai ia ka lehulehu kaahele, ua hoololi ae nei na Ona o Likelike i ka Papa Hoike Manawa ola Mokuahi e like me ma na.
Ma ka Hale Oihana e loaa'i na Palapala.
Aole Keena o hope e lilo, aia wale no a kaa mua mai ka u@ moku. Aole e lii ka hewa no na paiki, ukana a puolo paha aole e kakauia ka loaa ana mai. E hookaaia ka uku ukan@ ka wa e noiia aku ai. WAILA MA.
JNO. LOTA KAULUKOU.
LOIO a HE KOKUA.
UA makaukau au e lawelawe i na hihia a pau o kela a me keia ano iloko o na Aha Hooko@kolo a pau o keia Aupuni. Ua hiki no hoi ke hana i na palapala a pau e pili ana ka Oihana Loio me ka eleu. E loaa no au ma Heeia Koolauoko, a ma Honolulu no hoi i ke@ manawa. 901 tf
S. B. DOLE.
HE LOIO A HE LUNA HOOIAiO
PALAPALA.
E hiki no iaia ke lawelawe i na hihia o kela a me keia ano imua o na Ahahookolokolo a pau o keia aupuni.
Keena hana ma Alanui Papu, maluna ae o ka Halekuai o Likikini. Honolulu, Oahu, Iulai 10, 1880. 97I tf.
RICHARD F. BICKERTON.
[PEKETONA.]
LOIO a he KOKUA ma ke KANAWAI!
E HELE ANA OIA IMUA O NA AHAHOOKOLOKOLO a pau o keia Aupuni ma na ano hihia a pau, ina paha ma Oahu nei, a ma na Mokupuni e ae.
Ua makaukau mau oia i ka hana ana i na Palapala pili ka nawai o kela a me keia ano.
Ua hiki no hoi iaia ke hoale dala aku ma ka moraki ana ina aina, ma ka ukupanee haahaa loa.
E hanaia na hana me ka hikiwawe a ma ka uku haahaa.
Keena hana, Helu 23 Alanui Kalepa, elua puka ma o aku o ka hale kauka o Kauka Minuteole. 840 1y
JAMES M. MONSARRAT.
[MAUNAKEA.]
Loio a he Kokua ma ke Kanawai
IMUA O NA AHA HOOKOLOKOLO A PAU o keia Aupuni. E lawelawe ana no hoi ma na hana pili i ka hooponopono waiwai, me ka imi ana i na palapala Sila Aina, ka hana ana i na Palapala Kuai, Hoolimalima a me ka hoaie dala ana.
A HE LUNA HOOIAIO PALAPALA.
Keena hana helu 9 alanui Kaahumanu.
Jan. 3, 1880, 944 1v
KO BIHOPA MA
BANAKO MALAMA DALA.
E• MALAMA NO MAUA I KE DALA O na kanaka maloko o ka Banako, penei:
Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri ukupanee ma kahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina e ke dala hookahi aole no hoi no ka hapa malama.
Ina ohi koke oia i kana dala, aole i hala na malama ekolu aole ukupanee.
Ina i manao ke k@naka e ohi i kana dala, e pono ke hoike mai oia ma ka Banako i kona manao ohi. i kanakolu la mamua o kona ohi ana, a o kana buke kekahi kelaweia mai.
Ma ke kikoo wale no a ka mea dala e haawi ai kana, ka Buke kekahi ke lawe mai.
Ma ka la mua o Sepatemaba kela makahiki a i keia, e houluulu ai i ke dala, a e huipuia ka ukupanee me ke k@mupaa o na dala i hoomoeia no na malama ekolu a keu, a mahuahua ke kumupaa e loaa i ka ukupanee
Ina oi aku ke dala hoomoe mamua o $300, alaila, hooholo pu ka olelo.
E weheia ka Hale Banako i na ia hana a pau.
851 tf BISHOP & CO
He N@i Anei Kou Makemake i na
MEKINI HUMUHUMU LOLE !
Ina pela, alaila, e kipa mai no ma ka Halekuai o
KAKELA & KUKE.
A malaila oukou e ike ai a makaikai i n@ ano
MEKINI a WHEEELER a me WILSON
mai ke $40 a hiki i ke $50 ke kumukuai o
ka mea hookahi.
NA MEINI A SINGER.
ma ke $50 pakahi, me ke ano
MEKINI a WILCOX me GIBBS,
ma ke $30 hiki i ke $@0 ke kumukuai.
mea e pau ai ko oukou kanalua e na Makamaka no @e k
pono o keia mau Mekini, e naue mai no me ke
kuihe ole, a e ike no oukou iho
628. tf
PAPA! PAPA!
–––NO–––
ALLEN & ROBINSON
–––
UA WEHE AE NEI MAUA I
PA KUAI PAPA
–––MA–––
KA UWAPO O PAKAKA
–––
Na Papa Ulaula o na ano a pau.
Na papa Paina o na ano a pau.
Na Pili Hale Ulaula.
Na Pili Hale Keokeo.
Na Pepa Hoonani Hale.
Na Pepa Molina.
Na Pena a me na Aila Pena
NA KUI O NA ANO A PAU
NA PANI PUKA a me
N PANI PUKA ANIANI.
NA PANI PUKA a me
NA OLEPELEPE.
–––––
NA LAKO KUKULU HALE
O NA ANO A PAU!
E KUAIIA MA KE
KE KUMUKUAI HAAHAA LOA
O keia Makeke.
ALLEN & ROBINSON
85@
LOLE MAKEPONO
Ke Kuike
E LOAA NO IA MA KA@I O
KEKELA ME KUKE!
–––– E LAA NA –––
Ahinahina, Kalakoa,
Keokeo, Leponalo,
Pena, Aila, Aniani.
NA MEA PIULA !
KOPA, AILA HONUA,
A@A HOOMALOO
Kui Kakia, Pakeke,
Tabu, Kaula, Noho Lio,
Hulu Palaki, na Pulu@.
––––A HE––––
AGENA NO HOI NO NA MOKUPUNI O HA-
WAII NEI NO NA
Lainakini-nao,
Lainakini Maoli,
Palule Kalakoa,
Alapia, Kelepa, Kilika.
Na lole kupono i ka wawae
Palule Huluhulu,
Na Lole Huluhulu,
Na Lole no ka hoohehelo ana
Lipini, Lihilihi, &c.
LIPINE, LIHILIHI, &c.
–––A ME NA–––
Mikini Humuhumu Makepono Loa
––––A HE––––
MAU MEA AI KAHI
Ka Palaoa, Kopaa,
Raiki, Pia, Hoohu,
Paakai, Huaala,
Pia Kulina, @c
A he Laau Lapaau Kaulana Loa
A DR. JAYNES.
Laau Kunu.
Laau Hoomaemae Koko,
Laau Hoopau Naio,
Penikila, Huaale.
A ME NA LAAU HAMO, A PELA 'KU
840 tf
PAPA, PAPA
AIA MA KAHI O
LEWERS & COOKE,
(O LUI MA.)
MA KE KAHUA KAHIKO MA
Alanui Papu a me Moi
E LOAA AI NA
Papa Nouaiki
o kela a me keia ano.
Na Papa Nani a Paa no ke Kukulu
ana i na Hale !
Na Pani Puka, Na Puka Aniani,
Na Olepelepe, Na Pou, Na O-a,
Na Papa Hele, Na Papa Ku,
A me na Papa Moe nui loa
NA PILI O NA HALE
O NA ANO A PAU.
Na Pepa Hoonani, Na Pena o na Wai a pau,
Na Kui mai ke Nui a ka Makalii,
Na Ami Puka, Na Ami Puka A@ian
Na Ami o na ano a pau,
Na Aila Pena, o kela me keia ano
Na Aila Hoomaloo, he lehulehu wale.
Na Aila e ae o na ano a pau.
NA WAI VANIKI
–––– A ME NA ––––
WAI HOOHINUHINU NANI !
o na ano a pau loa.
NA BALAKI ANO NUI WALE
A ke hai ia aku nei ka lono i na makamaka
pau, ua makaukau keia mau makamaka
o oukou e hoolawa aku ma
na mea a pau e pili ana
ma ka laua oihana
–– NO KA ––
UKU HAAHAA LOA !
E like me ka mea e holo ana mawaena o
LAUA a me ka MEA KUAI
E hele mai! E na Makamaka
A e lawa no hoi ko oukou makemake
me ka oluolu a me ka maikai
845 tf