Ka Nupepa Kuokoa, Volume XXI, Number 24, 17 June 1882 — LUAKINI HOU MA MANOA. [ARTICLE]

LUAKINI HOU MA MANOA.

I ka Poaha o keia pule ka weheia ana a hoolalaia ka halepule hou ma Manoa. O kona kahua e ku nei. aia no maluna o ke kahua o ka hale mua. Ua hiola ia hale i ka makani he mau makahiki i hala ae nei a ua malamaia na halawai o kolaila poe kamaaina iloko o ka halekula. Ua lokomaikai ke Kahukula ma kona haawi ana mai i ko laila halekula. O ka hale hou e ku nei, he hoike ia no ke ahonui a me ka makee pono o ko Manoa poe kamaaina, oia na lakou i hoomanawanui ma ka imi ana i ke dala e oaa ai ka hale. He hale no hoi keia e hilahila ole a i lakou a me ka lima lawelawe nana i hana He nani maoli kona kino ke nana aku. me kona puo'a e kuhi ana iluna. He maikai a maemae loa no hoi na pena ana o loko. O J .Maluaikoo ke kamana nana i lawelawe ka hana ana o ka hale mai mua mai a hiki wale i kona paa loa ana. Ma kahi o ka $1200 na lilo a pau o ka haoa ana ana i keia hale hou. a he aneane $400 ka aie. I ka la nae i hoolaaia, ua hapaia ka lulu dala no koena {illegible} a ua aneane pau ia kaumaha. Ua lolu ia ma ia la he $255.95; a o ke koena ua kohoia mai ma na pana. a me na inoa o ka poe puuwai lokomaikai a ua pau. loa e hooko pono ia mai na mea i koho ia, o ke kaawale loa no ia o aie, a waiho maemae keia hale maikai Ua kokua aloha ka Hooilina Moi a me kona kaukau alii i na hana o ia la ma ko laua hele kino ana ilaila. Ua kapaia ka ino o keia hale hou o "Hale Ola." I keia pula ae e hoopuka ai makou i na hoakaka piha. J Paaluhi e pili ana i ka hale a me kona kukuluia ana.