Ka Nupepa Kuokoa, Volume XXI, Number 28, 15 July 1882 — Page 3
| This text was transcribed by: | Terry Ledford |
| This work is dedicated to: | Momi Young |
Ka Nupepa Kuokoa
KE KILOHANA POOKELA NO KA LAHUI HAWAII.
NA WAIWAI HOU LOA O NA ANO A PAU !
E LOAA NO MA NA HELEKUAI O
WALAKAHAUKI MA !
MA ALANUI PAPU, MOI, A ME MOIWAHINE.
OIA HOI;
Na Noho Lio hou loa o na ano a pau,
Na Palule Keokeo, Halahala o na ano a pau,
Na Pio Ahinahina Pelekane hou loa o na ano a pau,
Na Pena Kukaepele,
Na Kapa Bala,
Na Lole o na Wahine o na ano a pau,
Na Pahu Aila Mahu maikai loa,
Na Silika, Pahoehoe, o na ano a pau,
Papale o na ano a pau,
Kihei o na ano a pau,
Hainaku lau nunui Silika o na ano a pau.
He nui aku no i koe, he piha pono na kolamu o ka
pepa ina e huai pau ia aku ana.
Eia hou ae a hoea mai i keia mau la iho he Lako Waiwai hou loa o na ano a pau, a he
lako hou loa ia wae pono ia e J. T. WATERHOUSE Jr. ma Enelani, a he mau
waiwai hoi i kupono loa no ko kakou mau kaiaula. Nolaila, e eleu mai e na
makamaka a me na hoa'loha e hoonuu i keia mau lako waiwai hou loa. 1076 3ms
AHA Kiekie o ko Hawaii Pae Aina, mokupuni o Oahu, Hawaii.
@ Ma ka hooponopono waiwai, ma ka waiwai o
M Kawalo w, i make. Olelo Kauoha e koho ana i la e hoolaha
na palapala kauoha a no ka hoolaha ana.
No ka mea, ma ka la 25 o Iune, M H 1882, ua waihoia
mai imua o ka Aha kekahi palapala i oleloia, oia no ke kauoha
hope loa o M Kawalo i make aku la; a me ka palapala
@
hoopii e noi ana e hooiaioia kela palapala kauoha a e hoopuka
nei ka Palapala Luna Hooko ia Peter Richmond ua waihoia
mai e Peter Richmond.
Nolaila, ua kauohaia o ka POALUA, oia ka la 25 o Iulai
M H 1884, ma ka hora 10 am, ma ka rumi hookolokolo o
ka Aha, ma Aliiolani Hale, ma Honolulu, oia ka la
me ka hora e hooiaio ia ai ia Palapala Kauoha, a e hoolohe hoi
@ mai, a me ka poe a pau i pili, e kue ana ia palapala
kauoha, a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekolu
loko e ke Kuokoa, he nupepa i paiia a i hoolahaia ma
Honolulu.
Kakauia ma Honolulu, ko Hawaii Pae Aina, i keia la 6 o
Iulai M H 1882 A FRANCIS JUDD,
@ Lunakanawai Nui o ka Aha Kiekie.
A. Rosa, Hope Kakauolelo. 1075 3t
AHA Kiekie o ko Hawaii Pae Aina, Ma ka Hooponopono
waiwai Mokupuni o Oahu @ Hawaii Paeaina, Ma ka waiwai
o Wahea k, o Waimea Kauai i make. Olelo kauoha e
koho ana i la e hooiaio ai ka palapala kauoha, a no ka hoolaha
ana.
No ka mea, ma ka la 6 o Iulai MH 1882, ua waihoia mai
mua o ka Aha kekahi palapala i oleloia, oia no ke Kauoha
Hope Loa o Wahea k, o Waimea Kauai, i make aku la; a
me ka palapala hoopii e noi ana e hoolaloia kela palapala
kauoha ae hoopuka hoi i ka palapala Lunahooponopono me ka
palapala kauoha i pakuiia ia Kuhinia.
Nolaila, ua kauohaia o ka Poakolu, oia ka la 26 of Iulai M H
1882, ma ka hora 10 A. M. ma ka Rumi Hokolokolo o ia
Aha, ma Aliiolani Hale ma Honolulu, oia ka la me ka hora e
hooiaioia ai ia Palapala Kauoha, a e hoolohe hoi no la noi ana
mai, a me ka poe a pau i pili, e kue ana ia Palapala Kauoha,
a me ka hoopuka ana i ka Palapala Luna Hooko.
A ua kauoha hou ia, e hoolaha no ia mea no na pule ekou
loko o ke "Kuokoa," he nupepa i paiia a e hoolahaia ma
Honolulu.
Kakauia ma Honolulu, ko Hawaii Pae Aina, Iulai 7 1882.
L. McCULLY,
@ Lunakanawai o ka Aha Kiekie.
A Rosa, Hope Kakauolelo, 1075 3t
Aha hookolokolo Kiekie, ko Hawaii Pae
Aina, ia W C Parke Esq. Makai Kiekie o ko
Hawaii Pae Aina, a i ole i kona Hope.
Ke kauohaia aku nei oe e ka Mea Hanohano
A. Francis Judd Lunakanawai Nui o ka Kiekie
Kaulike e kii ia Kaumiumi k, ka mea hoopii
@, e hele mai imua o ua Lunakanawai la, ma
kona keena, ma ka Hale Hookolokolo ma Honolulu,
Mokupuni o Oahu, ma ka Poalima, oia ka
la 23 o Iune e hiki mai ana, ma ka hora 10 a m
e hoike mai ina he kumu kekahi no ka hoole
ana i ke noi a Henry F Glade, ka mea hoopii,
e like me kona Palapala Hoopii, i hoohuiia me
keia. A ia manawa e hoike mai oe i keia Palapala
Kii me kau hana malaila.
Ikea, Ka Mea Hanohano A. Francis Judd
Lunakanawai Nui o ka Aha Kiekie
[L.S.] a Kaulike ma Honolulu, ma keia la
8 o Iune, M. H. 1882.
[Inoa] A. ROSA, Hope Kakauolelo.
Ke hoihoiia aku nei keia Palapala Kii me ka
hooko ole ia, i keia la 19 o Iune 1882, no ka
mea, ua haalele o Kaumiumi k i keia Aupuni i
1876, maluna o ka moku Pomare no Sydney
[Kikane], a ma ia wahi, ua holo malu oia, a na
kekahi kanaka maoli i kapaia o Paa, a oia kekahi
maluna o ua moku la ia wa, a oiai oia ma
Honolulu i keia wa, i hai mai ia'u aole i hoi hou
@ mai o Kaumiumi i oleloia i Honolulu nei, a
@ kahi noho hope loa o Kaumiumi i ikeia o
Sydne [Kikane], N. S. W.
(inoa) W. C. Parke, Ilamuku.
ko Hawaii Pae Aina, ) ss
Mokupuni o Oahu )
Ke hooia nei au o keia palapala maluna ke
kope oiaio o ka Palapala Kii mui i hoopukaia
na ka hihia o Henry F. Glade vs Kaumiumi k
a me ka hoike a ka Ilamuku no ua Palapala Kii
@; a mamuli o ua hoike la i oleloia, ua kauoha
ia Aha ma ka la 23 i Iume A. D. 1882, e hoopanee
ia ka hihia a ka la 31 o Okatoba, A. D.
1882, a mawaena o ia manawa, e hoolahaia
kekahi kope i hooiaioia o ka Palapala Kii i oleloia,
e like me ka mea i hoakakaia me ke Kanewai.
I hoike no keia, ke kau nei au i ko'u lima
i keia la 28 o Iune, A. D. 1882.
W. C. PARKE, Ilamuku.
1075 3ms
OLELO HOOLAHA.
E ike mai na kanaka a pau ma keia olelo hoolaha,
no ka nui o ka poe kolohe, maluna o ko maua aina,
ma na kahua hale iho, maloko o na pa, a ma ke kula,
a ma na kuahiwi, ma Kawaihae-uka, Waimea,
Hamakua, ma ka mokupuni o Hawaii. Nolaila, ke
@ aku nei maua, ke haawi, ke hoolilo, a ke hookohu
pono aku nei maua, i ka poe nona na inoa malalo
iho nei, i mau Luna nana e hoomalu i ka maluhia
o ka aina, oia o J W Kuakini, J B Lanakila, A D
Kamaihui, no Waimea me Hamakua; O W B
Wahea a me J S Lono no Kawaihae-uka. Ke hoikeia
aku nei me keia, ua loaa ia lakou ka mana e hopu
aku, a e hoopii ma ko maua inoa, imua o na Aha
Hookolokolo ma ke Kanawai; i na kanaka a pau e
komohewa ana me ke kuleana ole, ma ua mau aina
la, me ka loaa ole o ka palapala ae. E lilo keia
Kanawai mai kona la e hoolahaia ai ma ka Nupepa
Kuokoa. Me ka mahalo. J. P. PARKER,
SAM'L PARKER.
Waimea, Hawaii, Iune 20, 1882. 1078 41
HOOLAHA A NA LUNA HOOPONOPONO
o na WAIWAI o G D
SYLVA i make,
Ma ka la 3 o Augake mh 1882 ma ka
hora 10 am, e kuai kudala ia aku ana na
waiwai lewa o G D Sylva i make, ma
Honolua Kaanapali kahi e kudala ai, he 50
bipi a oi ike, a ma ka la 4 o Aug no na pa aupuni
o Mala i Lahaina e kuai kudala ia aku
ana kekahi mau waiwai lewa o ia ano, penei:
He 60 bipi a oi, he 7 lio, a he mau puaa
kekahi, o ka poe makemake e hele mai e
koho, e hoolilo ia ma ka mea oi loa o ke
koho ana ma ke dala kuike wale no, aole ae ia
ka aie,
J A Nahaku Helena,
Na lunahooponopono waiwai o G
D Sylva i make.
Lahaina, July 1 1882. 1075 4t.
OIHANA KINAIAHI O
HONOLULU.
O na Keonimana malalo iho ua koho pono
ia i mau Luna Nui no ka Oihana Kinaiahi
o Honolulu no keia makahiki e hele nei
a ke lawelawe nei lakou i ka lakou mau oihana
pakahi i keia la:
John Nott --Luna Nui.
Robert Lewers--Kokua Mua.
Chas. B. Wilson--Kokua Elua.
Jas. W. McGuire--Ilamuku o ka Oihana
Kinaiahi
Chas. T. Gulick--Kakauolelo me Puuku.
Chas. T. Gulick,
Kakauolelo Oihana Kinaiahi.
Honolulu, Iulai 6, 1882. 1075 3t
HOOLAHA HOOKO MORAKI
Ke hoike aku nei ka mea nona ka inoa
malalo iho nei, e like me ka manao o kekahi
palapala moraki i hanaia e A H Kanehomauole
me Moses Keohokalole o Wailuku
Maui, ia Brewer me Crowningberg o
Makawao Maui. A o keia moraki ua hoopaa
ia ma ka buke Aupuni ma Honolulu
Oahu, ma na aoao 367, 368 me 369. A no
ke ano, a me ka waiwai e moraki ia ma ua
palapala nei, oia hoi e hapa o kuleana helu
409, ma ka ili o Mokuhao, Wailuku Maui,
a no ka hala ana o ka manawa i aelike ia a
mamuli o ka uhakiia o na kumu i hoike ia
maloko, mahope o ka pau ana o ka manawa
a ke kanawai i ae ai e kuai ia aku ana ma
ke kudala akea.
Brewer & Crowningberg,
Na mea Moraki;
Makawao Maui, June 28 1882. 1075 4t.
OLELO HOOLAHA
E ike auanei na mea a pau, owau o ka
mea nona ka inoa malalo iho nei, ka
Lunahooponopono waiwai o Nakino k, i make
kauoha ole.
Ke kauoha aku nei au i na mea a pau i
aie ia Nakino i make, e hookaa koke mai i
ko lakou mau aie ia'u, a o na mea i aie aku
ai oia, e hele mai ia'u me ka kumu kupono
ana i aie aku ai, iloko o na malama 6 mai
ka la e puka ai ma ka Nupepa Kuokoa,
kekahi nupepa e puka nei ma keia paeaina.
Owau no o
Mareko k.
Moloaa Kauai, Iune 26 1882
1075 4t*
HOOLAHA HOOKAPU AINA.
UA kapu loa ka hele wale ana o na ano holoholona a pau
maluna o ko maua apana aina e waiho nei ma Honomu, Hilo,
Mokupuni o Hawaii. Ina e komo a hele wale kekahi holoholona
a mau holoholona paha, alaila e uku ia i $1 no ke poo.
A ke hookohu nei maua ia T Paaluhi, oia ka mea mana nana
e hooko keia mau olelo. E lilo keia i Kanawai paa mai keia
la aku. J. K KALUHIOKALANI,
KEKULU w.
Honomu, Hilo, Iune 22, 1882 1074 4r*
OLELO HOOLAHA.
KE haila aku nei ka lohe i ka poe e manao ana na lilo ia
lakou ka Apana Aina kuai hui o Napeahi, Nohokahiki a me
Luheluhe i make; e waiho la ma Ahualoa, Hamakua,
Mokupuni o Hawaii, nona ka Palapala Sila Nui, Helu 940. Aole
he kuleana o lakou mamua oia aina, oiai, ua lilo loa ia'u ma
ke kuai mai na hoolina mai, a pilikoko ponoi loa o ka poe
nona na luoa i hoikeia ae la maluna. Nolaila, ina he mau
palapala kekahi i hanaia ma na ano e ae e lakou, ke hoole aku
nei au. aole i pono ia hana ana, oiai he mau palapala apuka
ia. A no ke oiaio o ka lilo ana mai ia'u o keia aina, nolaila,
ke hoike aku nei au, na kapu loa ka hele ana o na kanaka, a
me ka hookuu wale ana i na holoholona o na ano a pau ma
luna o ua aina la, a me na apana alua o Kamaka'u w, e pili
kokoke ia me Papake. A e hopula no ka poe e hele wale ana
maluna o keia mau wahi me ka ae ole aku o maua; a na ka
Lunakanawai e hooponopono no ia mea. Aka, e lilo keia i
kanawai paa mai ka la e puka ai ma ka Nupepa Kuokoa.
No ka oiaio loa, ke kakaainoa nei maua,
SAM B KAALAWAMAKA,
MRS. A KAMAKA'U.
Honokau, Hamakua, Hawaii, Iune 23, 1882 1074 4t*
HOOLAHA HOOKO MORAKI.
Ma keia ke hoikeia aku nei, mamuli o ka mana
kuai maloko o kekahi palapala moraki i kakauia ma
ka la 8 o Dekemaba 1876, i hanaia e Kimo Kaai o
Honolulu, Mokupuni o Oahu, ia Stephen Spencer,
kekahi o na kupa Hawaii a e noho nei ma Hoelani,
a i hoopaaia ma ke Keena Hoona Aina maloko o ka
Buke 49 Aoao 135, 136 me 137, ka aina a me na
pono a pau, a no ka hala o ka manawa i hoakakaia
ma ke Kanawai, e kuaiia aku ana ma ke kudala
akea no na kumu i hoikeia ae la maluna.
O ka waiwai i oleloia ma ua palapala moraki nei,
ke waiho la ma Kaiahonu, Aala, Honolulu. i oleloia
a i hoakaka piha ia ma ka Palapala Sila Nui Helu
5667 nona na eka he 66-100.
STEPHEN SPENCER, Mea Moraki.
Kikila Baraunu, Loio no ka Moraki.
Honolulu, Iune 29, 1882. 1074 4t
HOOLAHA HOOKO MORAKI.
Ma keia ke hoikeia aku nei, mamuli o ka mana
kuai i hanaia maloko o kekahi palapala moraki i
hanaia ma ka la 17 o Sepatemaba 1880, mawaena o
Kealakua k me Haos kana wahine a ke aoao mua a
me C T Rodgers a ka aoao elua, a i hoopaaia ma ka
Buke 66 Aoao 229 me 231 ma ke Keena Hoona
Aina ma Honolulu, ua manao o C T Rodgers i olelo
ia e hooko i na palapala moraki nei, a e na waiwai
a pau ma ua palapala moraki nei, e kuaiia aku ana
ma ke kudala akea ma ke Keena Kudala o E P
Adamu ma Honolulu, ke hiki aku i ka la 22 o Iulai,
1802, no ka uhakiia o na olelo aelike i hoikeia ma
ua palapala moraki nei; eia na waiwai o keaiia aku
nana:
O kela apana aina i hoakakaia ma ka Palapala
Sila Nui Helu 2683 Kuleana Helu 1075, a me kela
apana aina i hoakakaia ma ka Palapala Sila Nui
Helu 6081 Kuleana Helu 80 F. L. e waiho nei ma
Honolulu. C. T. RODGERS, Mea Moraki.
Richard F Bickerton, Loia no ka Moraki.
Kakauia Honolulu Iune 22, 1882 1073 4t
NA WAIWAI HOU, NA WAIWAI HOU.
$40,000.00 !
I Hooliloia no na Waiwai Hou !
A I HIKI MAI NEI MA KO'U HALEKUAI.
He Mau Waiwai Hou Loa !
kahi no a hoea i Hawaii nei, a e Kuaiia aku ana me ka
Kumukuai Waipahe.
Eia pu no hoi ma Ko'u Halekuai kekahi Keena Humuhumu Lole, malalo o
ka hooponopono ana a keia wahine akamai oia o MISS EMRICK, a he loea hoi ma
na hana Hoonani Papale me ke KUMUKUAI HAAHAA.
Na Paikini hou loa aole i ikeia ma Honolulu nei mamua, aka i keia wa e loaa no ia ano
ma Ko'u Halekuai.
Na Papale i hookinohinohi ia me na Lipine o kela a me keia ano, he Nu Paikiini hoi, e
loaa no ma Ko'u Halekuai me ke Kumukuai Waipahe.
Pihaku-i o luna me lalo me na Pahu Lole, a ua pila ia kekahi
maluna iho o kekahi.
E NANA I KEIA,
12 I-a o ke Kalakoa maikai loa no $1.00 wale no.
Na Paleili o na Kane, he 25 keneta wale no.
A he 5000 ano waiwai e ae i hiki ole ke huai pau ia na inoa, e kuaiia ana me ke
KUMUKUAI HAAHAA, WAIPAHE, HOINAINAU,
O KA HIKIMUA, NANA E NOKE I KA LOLELOLE I KO'U MAU WAIWAI.
CHARLES J. FISHEL,
@74 tf CALIFORNIA ONE PRICE BAZAR.
KU MAI
Ka Mokuahi "Anjer Head."
$36,000 $36,000
Ma ke ku ana mai o keia mokuahi, ua loaa mai ia'u
HE MAU WAIWAI AAHU HOU.
Mai Nu Ioka, Kapalakiko, a mai Ladana mai ma Panama ae.
NA LOLE AAHU WAHINE NANI LOA O NA ANO A PAU.
Na Kilika, Veleveta, na Lole Hinuhinu Pakika, na Kinohihohi Lole, na Pupu Aniani
Hoonani, o na waihooluu like ole, a me na mea a pau e nani ai ke kilohi ana'ku a ka maka.
Ua lave ia mai keia mau waiwai, a i wae noiau ia hoi e MISS SACHS, kaikaina o
MRS. A. M. MELEKI, nana i kuai no ka hoolawa ana i na makemake a pau o na Lede
o keia Paeaina.
A MAI KA
HUI INTERNATIONAL HOAHU AAHU KAULANA MAI,
Ua loaa loaa pu mai he mau Aahu piha a nani a paa no hoi no na Kanakmakua, na
Opio me na Kamalii. He Helu Ekahi keia no na
Kumukuai Haahaa a Waipahe loa!
A i laweia mai no ka hoolawa ana i na anoi o ka poe a pau o keia Paemoku.
Ke hoike pu aku nei ka mea nono ka inoa malao, ua hoolaula hou ia ae na Mahelo o
kona Halekuai, ma ka hoolawa piha pono ana i na Kamaa Buti, na Kamaa Haahaa, na
Kamaa Kiekie, na Li-kakina, &c., &c., o na ano hou loa a nani no hoi; no na Lede, na
Keonimana, na Opio Nohea o na aoao elua, a me na Kamaiki a kakou.
Na Paikini Hou! He ano Kamaa Hou Loa, a he Nuhou, he oluolu a he nani Kaukaiwa
kona hiona, e molia pono ia ai a "Kau ka Nuku o ka Manu i ka Pua Lehua," no na
iwa o ka aoao Palupalu, oia no ke
KAMAA ILIAHI LEO LE'A.
E PONO E HOAO NA LEDE !!
Ua weheia keia mau waiwai a pau, a ua makaukau na Kupakako akahai a oluolu e
hoikeike aku i ka poe a pau e makemake ana e ike.
A. M. MELLIS, MELEKI.
Hale Hoahu Aahu o Honolulu, 104 Alanui Papu, Huina o Burua. Apr. 12-tf
NU HOU NU HOU.
NA WAIWAI HOU LOA,
NA PAIKINI O NEI AU,
E Loaa no ma ka Halekuai o
DILINAHAMA MA !
MA ALANUI PAPU,
OIA NA WAIWAI MALALO IHO NEI;
Na Palau, Koa huilapalala, Kopala, Piki, Oo, Koi, Koilipi, Na Hamare Kamana o na
ano a pau, Na Mea hana a na Kamana, Poe Hamo Puna, na Amara a me na mea
hana o ka Poe Akeakamai a pau.
Pena, Aila, Vaniki a me na Palaki, Pauda, Poka a me na kukaepele, Paiaki hamo Puna,
Pulumi, Pakeke, Kapu Holoi Lole a me na Papa Holui Lole, na Ipu ti, na Pa Palai
Na Makau Lawaia, na Ahu Lawaia o na ano a pau, na Kaula o na ano a pau, na
Pahi, O, a me na Puna.
A HE NUI AKU NO NA MEA I KOE,
I KUPONO NO KA HOOHIWAHIIWA ANA I NA HALE,
I hiki ole ia makou ke huai pau aku, aka, na oukou no e hele mai a e hoonuu iho. O keia
maluna ae, e loaa no ma ka Halekuai o
DILINAHAMA MA,
1036 3N ma ka helu 37, Alanui Papu.
KALE KULIKA
Luna Hooiaio Palapala Kuai,
MOLAKI A ME NA PALAPALA OIA ANO.
Luna Hooiaio Palapala Aelike mawaena
o @ a me na Kauwa.
Luna Haawi Palapala Mare.
Ma ke kihi o ke Alanui Moiwahine me Kaahumana kulana
@ o Honolulu, ko Hawaii Pae Aina. 11g tf
MAKEMAKEIA.
Ua makemake ia ka poe mea ILI KAO
MALOO a me na ILI BIBI, a pela hoi me
na ILI MIKO o na ano a pau, e kuai mai i
ko lakou mau ILI me makou, a e haawi no
makou i ke KUMUKUAI KIEKIE LOA
o ka kakou Makeke
C BREWER & CO, (Burua Ma.)
HE LEO POLOAI !
HE LEO POLOAI !!
KE makemake ia nei i mau kanaka paahana
no ka hana ana me kekahi @mahike@ a e
hoopaa ia malalo o na palapala aelike no 1
a i ole no 2 makahiki.
He $15 00 ka uku no ka mahina, me ka
haku kahi noho ka ai me ka ia.
E ohi mua no ua mea la i na dala he 60.00
ina e hoopaa oia iaia iho no 2 makahiki,
me ka palapala ailike, me ka hoemi ole ia a
lawe ole ia hoi ka uku mahina.
E ninau koke ia
J. E. WISEMAN,
Agena no na Paahana.
1076 2t.
NU HOU KULOKO.
E hui ana ke kulahanai o Hilo i ka pule
mua o Aug ae nei.
He mahi raiki nui ma ke awawa o Pololu
ma Kohala no na pake.
He oluolu maikai ke ola kino o Ruth
Keelikolani e noho la ma Mana, Waimea, Hawaii,
a me Mrs Bishop.
Ke ulu mahuahua la na ahahui opiopio
Kristiano o Kohala.
E malama ana kekahi kanaka ma Hilo,
he ahaaina nui no kana kamalei, i keia
mahina iho.
Aia ma ka lima o ke kiaaina o Hawaii,
he palapala hoopii mai no Laupahoehoe no
ka Lunakanawai no kona hooko pololei ole
i ke kanawai i kona poe makamaka, he haole
ka hapanui maloko oia palapala.
Eia i Honolulu nei ke Kiaaina wahine o
Hawaii me ke ola kino maikai.
E malama ana ko Hilo poe he ahaaina
nui i keia mahina ae no ke ahi pele i ai
kumukumu iho nei i na lehua o Makaulele.
Ua hoomaha kekahi mau hui mahiko o
Kohala i ka la 4 o Iulai nei. E hoomau ana
no kekahi mau hui i ka hana.
Ua makemakeia he kanakolu kanaka
hoolimalima hana ma ka la. E ninau ia Laliki,
ma Kaneohe.
E kamailio ana ka Hon. W H Rice imua
o ke anaina ma Kawaiahao i ke awakea o
ka la apopo, a e holo ana o Paleka ma ia la
no Wailupe a me Palolo.
Ua haawi aku kekahi haole o ka hui o
Kaauhau i kona hale pahupahu, i hale hoomana
i ke Akua a ua pau ka hele ana o
kahi poe o laila, iloko o ia hale a paani
pahupahu ai.
Ma ka po o ka Poakolu nei, a ma ka auina
la o ka Peaha a me ke ahiahi ana iho, ua
pahola ia aku he mau anaina hoolauna a
hoohauoli imua o kekahi o na kaukau alii
wahine o Tahiti.
Ma ke kahkhiaka o ka Poakahi ke ku ana
mai o ka mokuahi Beritania Triumph mai
Honokaona mai ma ke alahele oIapana, me
1,100 pake paahana; mailoko mai o keia
huina he 230 i kepa ia a e hoolele koke ia
mai ana lakou.
Mawaena o Waimalu a m Hoaeae,
ua haule aku he Pona Ohe puhi, he ekolu
pule i hala aku nei. O ka mea e loaa ana
o keia mea haule, e oluolu oia e hoihoi ae
ia Mr. Solomon Purvier, ma Hoaeae, Ewa
a e loaa no hoi iaia ka uku makana kupono.
Ke hoike ia aku nei ka lohe i ko makou
mau makamaka, e pono lakou e hookomo
koke mai i ka lakou mau olelo hoolaha mamua
ae o ka auina la Poaha i ole e hookaulua
ia a kekahi hebedona aku alaila paiia.
E hoomanao hou ia no hoi aole e hoopuka
wale ia ke ole e loaa mai ka auhau.
O ka mokuahi hou o ka laina mokuahi o
ka Pakipika oia o San Jose, ua haalele aku
oia ia Nu Ioka no Kapalakiko ma ke alahele
o Aspinawala, a ke upu ia aku nei e
halulu loa mai ana no Honolulu nei iloko o
kekahi la o keia mahina. E hoolilo ia ana
oia he mokuahi holoholo mawaena o kakou
me Kapalakiko.
Mr. Hallenbeck no Waialua.--Mamuli o
ke onawaliwali o ko Mr Hallenbeck kino,
nolaila ua hopohopo ke komite o mahuahua
auanei ia nawaliwali maluna ona, mamuli o
ka loihi o na alahele aina, e like me Waianae,
Koolauloa &c, nolaila e hele ana o Mr.
Hallenbeck i Waialua @ale no ma ka la 24
o Iulai nei oia ka Poakahi. A ke nonoi ia
aku nei na makamaka o Waianae a me
Koolauloa e akoakoa ae ma Waialua ia manawa
e hana ana oia malaila no 1 hebedoma a huli
hoi mai no Honolulu nei. A ke nonoi ia
aku nei ka oluolu o na makamaka o
Koolaupoko e pii mai i Honolulu nei ma ka la
17 o Iulai nei, a hui pu mai ma na halawai
a Hallenbeck i keia hebedoma ae ma
Kaumakapili.
KA MOOLELO O KA
AHAOLELO
KAU KANAWAI
O KA
A. D. 1882.
Aliiolani Hale, Iulai 11, 1882.
La Hana 54-Noho ka Hale ma ka hora
10 am. e like me ka hoopanee ana,
Peresidena ma ka noho.
Pule ke Kahunapule Rev. M Kuaea.
Heluheluia ka moolelo o ka la i hala a
aponoia.
Na Bihopa, lunahoomalu o ke Komite o
na aina e, he hoike e pili ana i na palapala
hoopii mai Makawao a me Honolulu mai e
noi ana i hoomau ia ke Kuikahi mawaena o
Hawaii nei a me Amerika. He oiaio no paha
ua hoike mai keia mau palapala hoopii i
ka makemake o ka lahui ma na wahi a pau
o ka aina, no ka mea ua hoike maopopo mai
na pomaikai i loaa mamuli o ke Kuikahi
Panailike ma na wahi a pau. mai ke
kulanakauhale alii a i ka apana kuaaina loa,
mai ka Halealii o ka moi a i ka pupapu hale o
ka makaaainana haahaa loa, na hana i oi ae
o ka holomua o na launa ana ma ka moana
a ma ka aina hoi ma ka hoomahuahua ia
ana o ke kumu waiwai o na aina; me na
ano hana kalepa na hana lima a me na oihana
e ae; maloko o na kula, ma ka pii o
ka uku o na lima hana a me ka mahuahua
o na loaa aupuni mai na dute, na auhau, a
pela wale aku, he mea no e kahaha ia ai.
ina na mea i makemake ole ia e ka i hui ke
hoomau ia ana o ke kuikahi ma kona ano e
ku nei a i ole e like me ka mea hiki e hoohalike
ia, a ano iike i apono ia e keia hale,
a me kekahi palapala hooopii mai Honolulu
e noi ana e lawe ia mai na kanaka maikai
no ka hoolaupai ana i ka aina, no ka mea e
pili ana i ka hoopii no ka poe o ko na aina
e mai, ke hoike aku nei ke komite, o ko
lakou manaolana e kokua ana ke aupuni i
ka lawe ana mai i na ohana ohana ola maikai
o na lahui oluolu a i mea ma na hapa
hooikaika, he poe hoi e olioli ana e noho
maloko o keia aupuni, a e lilo i mahele ano
nui no ka lahui makua o ka aina a e kokua
pu i ka hoonui ana i na waiwai o ka ilihoHawaii
nei, ua manao ua komite la e waiho
ma ka papa ka hoike a na ka hale i apono
Noi o ke'lii Kamika, a na apono ia ka
hoike
Na ke 'lii Wilimana he hoike na ke Komit
Waiwai e pili ana i ka hoike mai a J S
Weba kekahi mea akamai i waiho ia aku
ai e imi pono i na hoolilo ana a ka Papa
Ola i ke kau hebela iho nei, ua hoike mai
la ua komite la ua hoolilo ia na dala me
ka maopopo o ke kumu i hoolilo ia ai, o
ka hapanui ona dala i hoolilo ia aku ua
haawi ia aku me ka haawi ole ia aku o na
palapala hookaa; ua noi ke komite e waiho
i ka hoike ma ka papa a na ka hale e
apono.
Noi ke 'lii Isenaba, a ua apono ia ka
hoike a ke Komite.
Na Pilipo, he olelo hooholo, no ka mea,
ke nune ia nei mawaena o na poai o na
kanaka o keia kulanakauhale nei no ka
manao o ka Papa Ola i hoolahaia e ka
Peresidena no ka hoopau ana i ka hoomau
ana aku o ka lawelawe o Kauka Pika i ka
oihana kauka ma Kikihale a e hoopau loa
hoi i ka malama ana ia hale ma ke ano hale
haawi laau a me ka hoolaha ana o ka Papa
Ola e pono e nana aku ka lehulehu i na
lawelawe lapaau ana, ma ka halemai Moiwahine,
nolaila e hooholo ia e hoike mai ka
Peresidena o ka Papa Ola, i ka oiaio o ia
mau lono a me ka lakou manao no ka hoopau
ana ia kauka Pika, iloko o na le 3 no
ka mea ua laulaha ae e hoopau ia ana oia,
a e hoopau ia ana a me ka haawi ia o na
laau lapaau ma ia hale; He kokua nui
ko'u i ka olelo hooholo i waihoia mai nei e
ka Meahanohano o Kona Akau. Ua haohao
nui au no ka lono laulaha ia ana o ia
mau lonolono i hoekahua ole ia maluna o ke
kahua o ka oiaio. Aole he wahi manao iki
o ka Papa Ola e hoopau loa i ka malama
ana i na laau lapaau ma ka hale haawi laau
ma Kikihale aole no hoi he manao e hoopau
i ko kauka Pika noho ana ma ke ano he
kauka no ia hale lapaau. He oiaio ua
hoohoopuka ia ma na palapala hoolaha a i pai
ia a puni na huina alanui. hoomaopopo ana
i ka lehulehu aia he wahi okoa ae no kekahi
i hiki i ka lehulehu ke hele a loaa no na
lapaau maikai ana oia ka halemai Moiwahine.
Ua pinepine ko'u makaikai ana i ka
hale lapaau ma Kikihale a ua ike mau au i
ka heleuluulu o ka nana ia ana o na mai a
me ka haawi ana i na laau, a eia hoi kekahi
ua uuku loa ka hale. Nolaila ka mea i
hoolaha ia ai e pono e hele ae ka poe mai
ma ka halemai Moiwahine.
Ua makaukau au e pane i keia olelo hooholo
ma ke kakau ana a hoike mai iloko o
keia hale, a ua makaukau au e pane koke
aku i keia wa a eiai ua pane pokole iho nei
au he mea pono e hooko aku i ka manao piha
o ka olelo hooholo a e ike ia no ka'u hoike
he 3 la mai keia la aku; hooholoia e waihoia
ma ka papa.
Hoomaha ka hale a hora 1:30.
Hora 1:30 noho hou ka hale.
Ma ke kapae ia ana o na rula ua heluhelu
mai ke'Lii Bihopa he bila kanawai no na
keiki oo ole ma ke Kula Hoopololei. Waihoia
no ka heluhelu elua.
Hoolaha mai ke Kuhina o ka na Aina e i
kona manao e lawe mai i bila kanawai e
hoomana ana i na Komisina lei alii e haawi
aku i kekahi mau apana aina lei alii ia C.
Spreckels.
Heluhelu mua loa mai ka Hon Aholo i
kana bila kanawai i hoolaha ai mamua aku
nei e hoololi ana i ka makana 50 kanawai
Karaima, a e pakui hou i pauku 3 hou ma
ke kapa ana pauku 3 - A.
Ma ke noi a Hon Mahoe ua kapae ia na
rula a heluhelu elua ia ka bila; hooholoia
a heluhelu ia. Noi hou mai oia e hooholo
ia ka bila no ke kakau poepoe. Kokua o
Kaulukou ma ke noi, e hooholo loa i ka bila
no ke kakau poepoe.
Kamailie mai ke'Lii Kamika ma ka ano
kue i ke noi maluna a noi mai oia e haawi
ia i ke Komite wae.
Kamailio mai ke'Lii Bihopa ma ka aoao
kokua, a olelo mai oia ua kue keia wahi bila
kanawai i ka pauku 20 a ke Kumukanawai.
Kokua mai ka Loio Kuhina, a ma ka
ninau ia ana ua hoopaee loa ia.
Heluhelu mua loa mai ka Hon Lilikalani,
he bila kanawai e hooponopono ana i ka
oihana kalepa maauauwa kaahele mai na aina
e mai a i keia mau paemoku. Waihoia no
ka heluhelu elua.
Hoolaha mai ke'Lii Ake i kona manao e
lawe mai ana i bila kanawai e hoololi hou
ai i ke ano a e hoakaka ana i ke ano i hoopaa
ia na paahana i ae ia ma ka pauku 1417
me 1418 kanawai Kivila, a noi hou mai oia
e kapae ia na rula a heluhelu ia a waihoia
no ka heluhelu elua.
Noi mai ka Hon Lilikalani e kapae ia na
rula a heluhelu hou ia kana bila ma ke poo
no ka manawa elua; ai ia a heluhelu alua
ia; a haawi ia i ke Komite wae--Kaulukou,
Bihopa, Ake, Lilikalani, Aiwohi.
Ma ke kape ia ana o na rula ua hoike
mai ke'Lii Kapena no ke Komite hooiaio
bila kanawai, ua kakau inoa ia keia mau bi
kanawai malalo iho e ka Moi.
1 Bila Kanawai e hoomahuahua ana i ka
uku hoomau no ka Moiwahine kanemake
Ema.
2 Bila Kanawai e hoololi ana i ka pauku
978 Kanawai Kivila.
3 Bila Kanawai e hoololi ana i ka pauku
892 Kanawai Kivila.
Heluhelu mua loa mai ka Hon Nawahi
he bila Kanawai e hoololi ana i ka pauku 2
mokuna 46 o na kanawai o 1876
Noi hou mai oia e kapae hou ia na rula
a e heluhelu elua ia ma ke poo; ae ia a heluhelu
elua ia a hooholoia a hoopanee loa ia.
Hoopanee ka hale.