Ka Nupepa Kuokoa, Volume XXI, Number 40, 7 October 1882 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA.

(1 Haiia)

No ka Makahiki          $4 00

Eono Mahina               1 00

Dala Kuike ka R@@a

 

POAONO, OKATOBA 7, 1882.

Paiia e Tho@. G. T@@@@ ma ka halepai o ka @@pepa Saturday Press

            INA he oiaio na mea i haiia mai no na hana i hanaia ma ka uwapo, i ke ahiahi i holo aku ai ka Elele Aupuni a me kona Kakauolelo no Iapana. he kumu e hilahila ai kela me keia kanaka Hawaii nona iho a no kona aupuni no hoi. He makemake maoli no paha no kahi mau luna aupuni e hoolapuwale i ka inoa o ka lahui Hawaii, a e hoohaukae i ke aupuni imua o na maka o na mea a pau. Ua haiia mai ua on a a hakaka iho la ua poe nei ma ka uwapo a @naluna no hoi o ka oneki o ka moku. Ua lilo no hoi lakou i mea akaaka, a ua uwa ia e ka poe lehulehu e ku puni ana. a me ka poe malihini makaikai o kahi e mai. Oia iho la ka hanohano i haawiia mai maluna o ko kakou aina aloha e kahi poe kiekie o ka aina@ Ka hanohano o ka hale on a, a me ka puulu hakaka o na huina alanui@ Aloha wale o Hawaii iloko o na lima o ka poe hana lapuwale, a hookele lalau.

 

AIGUPITA.

            UA haiia mai na lono i loaa mai maluna o ka mokuahi o kela pule, ua pau ke kaua ma Aigupita, ua paa ke alii kipi, oia o Arabi Bey, a ua auhee a kauliilii kona mau puali koa. Akamai no hoi ka hana a ke Alihikaua o Beritania, oia o General Wolseley. Mamua ae o kona haalele ana ia Enelani no ke kahua kaua ma Aigupita, ua hoike mua ae oia i kona manao, he kaua keia e pau koke ana, a e hiki hou ana oia i Enelani ma ka la 15 o Sepatemaba. Ua aneane ko ia wanana, no ka mea iwaena no o ka mahina i hala ae nei kona hoouka ana i ke kaua me Arabi, oia ka hoouka hope iho nei i hee loa ai ka poe kipi a hopuia o Arabi a paa e ka poe Beritania. Ma ka aoao o ko Aigupita he lehulehu wale na koa, a ua lako no lakou me na pu, aole nae i akamai ka lawelawe ana, aole noonoo. Ma ka aoao o ka poe Beritania ua @@@ mai na kanaka, aka ua oi aku ke akamai a me ka noonoo. He mea mau ka haule ana o ka hawawa imua o ke akamai, a me ka lapuwale no hoi imua o ka pono a me ka pololei.

            Ua pau ke kaua ma Aigupita. aka aole i pau ko Aigupita pilikia. O na kumu kahi i puka mai ai o keia kaua, aia no ke waiho la, aole i noopa@@ia aole i hooponoponoia. A@a a hooponopono hou ia aupuni iaia iho a pololei ka hana ana; aia a hookaa pono aku a i kona mau aie, a i ole @a hooholo paha i na olelo aelike me ka poe ana i aie aku ai : aia a loaa on a poe ike a hoopono nana e hookele kona aupuni. alaila paha maha hou ia aina. Ua hiki mai ka poino maluna o Aigupita mamuli o ka lapuwale a kona poe hookele aupuni. Pono loa ke nana na aupuni opio i kahi i hihia ai ia aupuni a aolo ae ma kahi e. Pono no ia Hawaii ke pale aku i ka poe e ko aku ana iaia iloko o ka auwaha, kahi a ia aupuni kahiko e naku nei me ka maopopo ole o kona pono ma keia mua iho.

 

KA WAIONA MA HONOLULU.

            UA weheia na hale kuai waiona o keai kulanakauhale i ka lahui Hawaii ma ka Poakahi o keia pule, oiai o ka la mua ia i mana ai ke kanawai hou. Mai ke kakahiaka mai o ia la a hiki i ke ahiahi, ua ikeia ka akoakoa ana o kanaka mawaho o ua mau hale nei, a ua komo nui no hoi kahi poe iloko e inu ai. Ma ke awakea a hiki i ke ahiahi. @a ikeia aku ka hoi ana o kahi poe ma na alanui me ka on a. Ma kekahi mau pa he hakaka. a he pepehi, a pomaikai no hoi ka pakele ana o ke ola o kekahi mea liilii. Ma ka makou hoomaopopo ana i ka nui o ka poe i inu pono ole ma ia la, o ka poe opiopio loa no na keikikane ma kahi o ka iwakaula makahiki a malalo iho. Aole makou i ike i ka ona nui ana o ka poe i ano ao@ a me na kanaka makua. Aka, mawaena o na kamalii, he oiaio no he nui ka poe i on a.

            Ua kaa ko makou mahalo nui ma ka aoao o kekahi hapa, a he hapa mahuahua no hoi o na kanaka o keia kulanakauhale, no ko lakou malama ana ia lakou iho me ka maluhia imua o na koi ana he lehulehu wale e inu i na waiona. Ua kupaa maoli kekahi poe mamuli o ko lakou hookanaka, me ka ike maopopo i ko lakou mea e pono io ai.

            Aka, aole o keia ka wa e ikeia ai ka hua o keia kanawai hou. Aohe laau e hoohua ana i kona hua i kanuia ai. Aia a liuliu aku, alaila e ikeia auanei ka pono a me ka pono ole paha o keia kanawai. A ua hauoli no makou i ka hoomaopopo ana he hewa nui no o keia kulanakauhale e malama pono nei ia lakou iho. Aole no hoi makou i koho mua e ikea koke ana ka poino o ka inu waiona iwaena o kakou. Aole pela ko makou manao. O na hana a pau o ia ano, he manawa ko lakou e ulu ai, alaila hoikeia mai ka hua mahope.

 

NA HAWAII MA NA AINA E

HAIKU. Sept. 28. 1882.

E KA NUPEPA KUOKOA ; Aloha Oe

            Ua hoi mai nei au ano mai kekahi makaikai oluolu ana i na kapakai o ka panaiaau ma ka akau aku o Oregona. Columebia Beritania a me Alakeka Mawaena o kou mau auwana ana, aohe mea hoohauoli i loaa ia@u i oi ae i ko'u halawai ana me kekahi puulu kanaka Hawaii ma Puget Sound. Ua ike no paha oe, o keia wahi o Puget Sound he lokowai nui ia aia maloko o ka aina. a he lehulehu wale na ko@a e hoohui ana me ka moana. Ua paa loa na kapa o keia lokowai me na ululaau nunui. Ma na wahi a pau a ko'u mau maka e ike aku ai. ua paa wale no i na ululaau paina nui. Maluna o na @apa o keia loko nui i kukuluia ai na hale wili olo papa. Mai keia mau hale w@@@ olo papa i laweia mai ai ka nui o na papa a me na laau i ikeia e kakou ma Hawaii nei.

            Ua hoomaha ko makou moku@@@ hookahi la ma kekahi wa@i kulanakauhale uuku ma Puget Sound, o Tekoma ka inoa o ia kulanakauhale. Oiai he la kaawale ia no'u, hele aku la a@@ i kekahi wahi i kapaia Old Tekoma (Tekoma Kahiko), a ilaila kahi i ma kaikai ai i kekahi hale olo papa @ui. Ma ia wahi i loaa ai ia'u he lehulehu @@ o na kanaka Hawaii. ua hoolimali@ @aia lakou no na hana o ia hale wili. He poe kanaka kino maikai wale no lakou ma ka nana ana, ikaika a eleu n@a ka hana, a ua waihoia iloko o ko lakou. lima na kulana kiekie a koikoi no hoi. iloko o ka hale wili! Na kekahi o lakou i malama ka helu o na papa a pau. i hooili@a maluna o na moku no ka halihali ana i kahi e. ewalu makahiki o kona paa ana ma ia hana. Ua haiia mai ia'u e ka luna nui o keia hale, o keia poe paahana Hawaii ka oi o ko laila poe lima hana, a ua like loa me na lima hana haole. He kaumaha no ka hana a he loihi na hora hana, aka, ma ia aina ea oluolu, he ikaika ke kino, aohe ikeia he luhi e uke me kau wahi.

            Mahope o ka pau ana o na hora hana o ka @@ hele hou aku la au e ike i kuu poe makamaka Hawaii maloko o ko lakou mau home. Loaa aku la lakou ia'u e noho oluolu ana, me ka lako kupono. He lehulehu o lakou i mare me @@ wahine Ilikini, a ua hanau na keika me na moopuna. Ua aahuia na ke@@ i me na lole maemae, a e hele ana @@kou i na kula haole. O na wahi@@ Ilikini no hoi i mareia me na @@me Hawaii. ua oi loa ae ko lakou ano naauao i ko na mea e ae a'u i ike ai ma ia aina. A o na keiki hapa Hawaii a lakou aohe ano Ilikini aka, ua like loa me na Hawaii maoli ; ua makaukau no hoi lakou ma ka olelo Hawaii. Ua kukulu na Hawaii ma Tekoma he hale "Good Templars' Lodge," no ko lakou hui hoole waiona, he hanohanoia no lakou, he hale maikai. Ua haiia mai ia'u. ua noho kekahi poe o lakou ma ia aina he umi makahiki, a hiki wale aku i ke kanakolu makahiki o kekahi poe. A iloko iho nei o keia mau makahiki elima ka hiki ana aku o kekahi poe. Ua hai nui mai lakou i ke aloha nui i ka aina hanau, aka, aole lakou i manao e hoi mai. ma ko'u noonoo ana no ka hoohihi i na ohana malaila.

            He mea minamina ka lilo ana kau o keia poe kanaka me ka lakou mau ohana mai o Hawaii aku nei. Ke manao nei au he mea pono loa ke uku ko kakou aupuni i na lilo moku no ko lakou hoi ana mai i keia paeaina. Ke manao nei au in a e hooholo ka Moi a me ke Aupuni i keia mea, he lehulehu no o lakou e hoi mai ana me na wahine a me na keiki. Ma na wahi okoa ma Puget Sound aole paha i emi malalo o ka haneri na Hawaii e noho nei.

            O na ino o keia poe malalo iho ka i loaa ia'u. a ua hooili aku nei au akahi palala poi no lakou. a me kahi mau nupepa. Oia keia poe:

            Analau, Honolulu, Oahu : C. B. Kalehua. Honuaula, Maui : Bill Wahineaea, Palolo, Oahu : Nahaleokalani, Kohala, Hawaii : Kamuela keahilele, Kona Akau, Hawaii : G. Keawe, Kohala, Hawaii : B. Kahaawinui. Kona Akau, Hawaii : B. Kahananui. Honolulu, Oahu : Elia Kahelemau, Kona, Hawaii : J. Kupu. Kona, Hawaii : Kaawa. Kau, Hawaii : J. W. D. Kaleihuanei. Kona, Hawaii : Keliikipi, Koolaupoko, Oahu: J. J. Makanui, Honolulu, Oahu : Keawehaku, Puna, Hawaii : Kahoomana. Wailuku, Maui : Kumukahi, Kona, Hawaii : Mahina, Makawao, Maui : Kiki, Honolulu, Oahu : Nakoo, Honolulu, Oahu : Wahiawa, Honolulu, Oahu : Liwai, Hilo, Hawaii : Kawika, Hamakualoa, Maui: Kaai, Waiehu, Maui : Kamuela, Hilo, Hawaii : Noa. Honolulu, Oahu : Naheana. Honolulu, Oahu.

            O kahi o keia poe a pau e noho nei, kahi e hooiliia aku ai na leta. oia o Hanson & Co. Saw Mill, Old Tekoma, Washington Territory, U.S.A.

Owau no me ka mahalo,

S.T. ALEXANDER.

 

NA KAA LAIKINI HALI OHUA.

            MAILOKO mai o ka hapaha mua o keia makahiki, a hiki loa mai i ka p@le mua o keia hapaha e hele nei. ua ikeia a ua lehulehu wale na kaa hali ohua i kalaiwa ia ma na poai o ke kulanakauhale. Ua laikini ia paha kekahi o lakou a ua laikini ole ia no paha. aole he mea hana e hoomaopopo pono a hiki wa@e iho la i ka hoo@oho ia ana o ka maka o na kaa oia @ Mr. W. S. Wo@d @aia i lawelawe iho nei i keia kulana hou. ua loaa aku la he 60 kaa hoolimalima hali ohua e kalaiwa ia ana ma na alanui o ke kulanakauhale. me ka laikini ole. Ua pau ka manawa o ka laikini mua aohe he mana hou i koe. Ua hop@ia kekahi o lakou a ua hoopaiia. o kekahi ua ike e i ka pilikia in a e hoomau lakou ma ke kalewa hele ana ma ke alanui, ua holo honua e no lakou e pee. Mai loko mai o keia heluna kaa i p@@u ka mana o ka laikini, o na kalai@@ Pake ka hapanui o keia poe. Ua @ i nae hoi e pau nui ana i ka holo hele e pee mai na maka aku o ka makai kaa.

            Ua kupono loa keia makamaka o makou, W.S. Wond ma ke kulana hou on a e ku nei i keia wa a ke haawi nei makou i ka mahalo maikai no ke kauwa pono, a hooko pono i ka hana i waiho ia ma kona lima.

 

AHA HOOKOLOKOLO KIEKIE.

KAU KURE, OCT., 1882.

KIURE HAWAII--NA HIHIA HEWA.

            Ke'lii kue ia G.B. Kalaaukane, no ka hihia hewa moekolohe. Hoahewaia, a hoopaiia $100, me $37 ke koina o ka aha. Loio Kuhina Preston no ke Aupuni, J. Russel, loio no ka mea i hoopiia. me ke ku pale ana no o ka mea i hoopiiia nona iho.

            Ke'lii kue ia Kanoweo, k., kihia aihue. Hoahewaia 9 mahina ma ka hana oolea. Loio Kuhina Preston no ke Aupuni, W.A. Whiting no ka mea i hoopiiia.

            Ke'lii kue ia Naki me Kamaka, he hihia aihua bipi. Hoahewaia na mea i hoopiiia he @ makahiki ma ka hana oolea. Loio Kuhina Preston no ke Aupuni, J. Russel, no na mea i hoopiiia.

HIHIA WAIWAI.

            O keia hihia ua hana ia mamua aku nei, a ua haawiia ka pono no Naoho, k. He hihia kue keia e kue ana ia Naoho, k., no ka noho ana maluna o ka aina e hoopiiia nei e Kaupono, k. A.S. Hartwell no ka mea i hoopii, J. M. Davidson, no ka mea i hoopiiia. O ka olelo hooholo a na kiure ua haawiia ka pono ma ka aoao o ka mea hoopii.

            He hihia kipaku aina keia, a me ke koi poho ia Kaolulo no ka uhai o Kupoho i ka olelo aelike. W.R. Kakela no ka mea hoopii, R.F. Bickerton no ka mea hoopiiia. Ma keia hihia, aole i komo na kiure iloko o ka rumi, aka, ua hoopuka lakou i ka olelo hooholo no ka pono o ka aoao hoopiiia.

            He hihia koi poho a Kepohoni ia Wahilani he 700 a oi dala. F.M. Hatch no ka mea hoopii, J.M. Davidson no ka mea hoopiiia. O ka olelo hooholo a na kiure e uku mai ka aoao hoopiiia i $34 i ka aoao hoopii.

            Hihia kua aina keia mawaena o Beniamina me Alohikea. E koi ana o Beniamina i kona kuleana maluna o ka aina, no kona noho loihi iloko o na makahiki he 20 a oi. A.S. Hartwell no ka mea i hoopiiia, R.F. Bickerton no ka aoao hoopii. Ua noho loihi na kiure iloko o ka rumi e noonoo pono ai, aole i haawi na kiure i ka aoao pono, 7 ma ka ae no Alohikea, 5 ma ka hoole no Beniamina. Aole aoao i haawiia ka pono.

 

HOALOHALOHA A KA OIHANA KINAIAHI IA MR. G. LUCAS.

            Ma ka halawai mau o ka Oihana Kinaiahi o Honolulu nei i ke ahiahi o ka Poaha nei, ua hooholia keia mau hoalohaloha penei:

            Oiai ua ili iho ke kaumaha a me ka luuluu maluna o ka hokua o ko makou Luna Kiniahi Nui mua iho nei a me kona ohana oia o George Lucas, ma ka lawe kohana ia ana aku o kona kokoolua ka hoa kaunu o keia ola ana, a o makou ua loihi ko makou launa oluolu ana me ia a me kana wahine, a oiai ua auamo like ia e makou na inea lehulehu o keia ola ana, a no ko makou ake e hoike i ko makou mau manao pilihua a luuluu no ka mea i hala, kana kane a me ka ohana no a pau : nolaila.

            E Hooholoia : Ke hui pu aku nei makou a pau na lala o ka Oihana Kinaiahi. ma ke kumakena ana me ko makou Luna Kinaiahi mua a me ka ae lokahi ana e auamo i na haawe paumako o ke kaumaha a me ka luuluu.

            E Hooholoia : Ke kauohaia aku nei ke Kakauolelo o ka Oihana Kinaiahi o keia kulanakauhale, e noi aku i ka oluolu o na nupepa o keia kulanakauhale, e hoolaha akea ae i keia mau manao luuluu o ke kaumaha.

 

LONO MAI KOHALA MAI.

Kohala, Sept. 30, 1882.

            ALOHA OE : --Ua kaalo ae nei ka mokuahi Likelike ma na kapakai o Kohala, i ke kakahiaka nui poniponi o ka la 29 o Sept. 1882, me kana ukana makamae ka Lani Moiwahine Kaleleonalani.

            Ua lele mai oia ma ke awa o Mahukona, ma ia kakahiaka, a ua kau aku la ma ke kaa ahi, a holo aku la no Kohala loko, me ka ukali ia o kana huakai e na hoa o ka Ahahui Opiopio o K.H.W. o Makapala.

            I ke kaa ahi i makaukau ai e kii aku i ka Lani Moiwahine Ema Kaleleonalani. ua hoomakaukau ia ke kaa ahi me na wehi o ka waokele. a ua hoouna pu ia aku he mau Komite wahine @. na lakou e hookipa mai i ka Lani Moiwahine Kaleleonalani.

            Ua eo ae nei i ka Ahahui Opiopio K.H.W. o Makapala. na hoohiwahiwa ana i ka Moiwahine Ema Kaleleonalani. me ka hui pu ana mai o na keiki lalawai o ua aina haaheo nei.

            Owau no kou oiaio,

C.W. KAWIAHAO.

 

MALUHIA MA HILO.

            Ma ka la 1 o Okatoba nei. ua manao ia e holomoku ana na kanaka o Hilo nei i ka on a, e like me ka hooholo ana a ka Hale Kau Kanawai ; o ka la @ nae. oia ka la o ka Haku, a ma ka la @. Poakahi, aole mea i ikeia ua on a. ua maluhia loa. O ka mea i ikeia ma Hilo nei, o ka ulu o na hana pono a pau. ma kela a me keia ap@na : ua huli nui na opiopio ma ka pono Kristiano. ua piha pono ka Luakini o Haili i na Sabati a pau; he halawai mau ma na po a pau o kela pule me keia pule. a @ mau haumana i holoiia no ke Kula Kahunapu@@ ma Honolulu.

J.S. KALANA.

 

MAI KA KONA AKAU.

E KA NUPEPA KUOKOA : Aloha Oe :--

            Ua pahola ae nei ka mai hi iwaena o makou ka poe e noho nei ma Kekaha, Apana o Kona Akau, Hawaii nei, in a la i hala, a hiki i keia la a'u e hoouna aku nei ia oe. He mai loihi keia e noho ai maluna i ke kanaka, a he pohihihi ia'u kona wa e ola ai. Oiai o ka'u keiki hanau muli, oia kai loaa mua loa o makou i keia mai, elua ae nei mahina a oi aole i ola. O ko'u makuakane ua hala ae nei ka mahina aole i ola. Owau hoi e kakau nei, ua loaahia au, hookahi ae nei o'u pule, a ke hoouna aku nei au i keia me ka mahuluhulu o keia mai, a ke waiho mai nei kekahi poe o makou i ka pilikia a keia mai.

            O na ano o keia mai he hikoko me ke nahu pu ma ka opu.

            Ua lono wale ia mai ua laha no keia mai iwaena o kekahi poe kakaikahi ma Kohala, a oia no paha ka mai i make ai na moopuna a Rev. Luhiau.

            Oia ka'u wahi mea hou e hai aku nei ia oe, a nau hoi ia e lawe aku.

Kou haahaa, J. KAELEMAKULE.

 

E PILI ANEI O ELEPAIO I KE KEPAU I OLOHEWA AI KE KANI ANA?

E KA NUPEPA KUOKOA : Aloha oe :--

            Ma ka Elele o Sept. 20 nei, ua ike au ia "Elepaio," nuku kikiwi, e kanikani kauhale ana, a e makaleho ana hoi kona puapua eueu iluna o ka lala maloo, kahi hoi e hiki ole ai iaia ke kau aku, ina e haki ana. Ke paweo pu nei no hoi kona mau maka, me ka nanaina huhu i ke KUOKOA, nona na hoaiai kupono i hoike ia aku, imua o ka nui manu, a ke ke'u nei hoi oia nei me ka hanapilo i hele a kuululu ka ua mea o ka pulu i ka ua maule o luna.

            Ke i hou mai nei oia, in a e hoopau loa i ke komo ana mai o ka waiona. alaila, he mea maopopo, e hoopau malu mai ana ka haole. Ka! I pili io ana anei oe i ke kepau i hewa ai ke kani ana a kou kileo? Kupaianaha io no. Ae no hoi. Ina e hoopae malu ia ka waiona malalo o ke kanawai e hookapu loa ana i ka waiona, alaila, e pono anei i ka mana piha o ke kanawai, ke ae aku? Ke i mai nei o Amakihi, he hiki no ia Kuhina Elepaio ke hookuu aku. Nani ka huhewa.

            Ke i hou mai nei, aole o ka rama ka hewa hookahi e poino ai. Aka, pehea o Elepaio, in a pili o Amakihi i ka pua kepau a hai ka wawae, alaila, e aa anei o Elepaio e komo pu aku me Amakihi iloko oia haawina hookahi i pau ai laua i ka make. Nani ka winiwini. Nolaila, pehea oukou e ka nui manu, ia Elepaio e kani hewa nei? E lilo ana anei oia i hoa kaunu pu me oukou? Aole; aole loa. Ua poino oia i ka "pono kepau."

            Me ka mahalo.

I.S. KEANIANI

            Kawaihae. Sept. 30, 1882.

 

HOOLAHA HOU.

 

HALE MELE HOU.

            E hoomaka ana ma ka Poakahi ae nei, la 2 o Okatoba, na Kii kukaenalo a KOLA, e hoikeike aku ana me na hoolaulea ana.

            He 100 mau kino kanaka maoli o na Moi me na Moiwahine kaulana, na kanaka naauao, a he lehulehu wale aku.

            Ka Opio Uila kupaianaha o Auseteralia.

            Ka Mekini Kamailio a Edisona.

            Ke Kapa-hao Kila o Kele, ka Powa kaulana o na Waoakua.

            E mele ana na Hoahanau Kola he mau leo lealea me na mea kani lehulehu.

            Uku Komo--He Hapalua Dala. He Hapaha ko na Kamalii.

            E hamama mau ana i na la a pau mai ka Hora 10 o kakahiaka a hiki i ka Hora 10 o ka po.   1088 tf.

 

Hoolaha a ka Lun@a Hooponopono Waiwai.

            Ua hookohu pono ia mai ka mea nona ka inoa malalo iho, i Luna Hooponopono no ka waiwai o W.H. Nailipelapela i make, o Waikiki, Oahu; nolaila, ke hoolahaia aku nei, o ka poe a pau he mau koina ka lakou i keia waiwai, he pono ke hoike mai me na hooiaio kupono, in a ua hoopaaia a hoopaa ole ia paha, ma ke Keena Loio o W.R. Kakela ma Honolulu, iloko o na malama eono mai keia la aku, a i ole pela, alaila, e hoole loa ia no. O ka poe a pau he mau aie ko lakou ia W.H. Nailipelapela, e hookaa koke mai me ka hookau@@@ ole, e laa ka poe i aie i ha pai kalo, na uala, a pela aku.         W.R. KAKELA,

            Luna Hooponopono o ka waiwai o W.H. Nailipelapela.

            Hanaia ma Honolulu, Oct. 4, 1882.

1088 @@

 

HOOLAHA HOU.

Olale Hoolaka.

            Mai keia la aku, aole au e hookaa ana i ka aie o kuu wahine mare oia o Kai@hune, ke ole e loaa he palapala ae mai ia'u aku.

Y. KALUAHINE.

            Honolulu, Oct. 6 188@.         1088 @@

 

OLELO HOOLAHA.

 

            Ke hoikeia aku nei ka lohe i ka poe a pau, i ko'u wa e kaawale aku ai mai keia Paeaina aku. aole i hoo@@na ia kuu wahine o Kawaiahao e hoaie i kekahi aie ma ko'u inoa. no ka mea ua hoolako au i kona mau hemahema a pau. aia ma ka lima o K@@@na ma.

YOUNG ON.

            Honolulu. Sept. 25, 1882.

1086.   @@@

 

            Ke kauoha aku nei au ma keia i keia la ua hoopau au @ hoolilo i mea ole i kekahi palapala hookohu hope a'u i kakau inoa ai i ka la mua o Mei. M.H. 187, no Simona K. Kaai. A ke kauoha aku nei au i na mea a pau, aole lakou e uku ia Simona K. Kaai i kekahi dala a mau dala paha no'u. aka, e uku mai ia'u ponoi. A ke hoolaha hou nei au, ua pau ko Simona K. Kaai mana e hoaie ma ko'u inoa; in a he koi aie ko kekahi poe ia'u e hoike lakou ia Godfrey Brown. ma ke Keena Waiwai Aupuni.      R. KEELIKOLANI.

 

Hoolaha a ka Luna Hooponopono Waiwai.

            Ua hookohu pono ia mai ka mea nona ka inoa malalo iho, i Luna Hooponopono no ka waiwai o Chong Pau o Moanalua, Oahu, i make kauoha ole : nolaila, o ka poe a pau he mau koina ka lakou i ka waiwai i oleloia, he pono e waiho i ka lakou mau koina ma ke Keena Loio o W.R. Kakela, ma Honolulu, Oahu, iloko o na malama eono mai keia la aku, a i ole pela, alaila, e hoole mau loa ia aku no. A o ka poe a pau i aie ia Chong Pau i oleloia, ke kauohaia aku nei e uku koke mai me ka hookaulua ole.       AFFOOK,

            Luna Hooponopono Waiwai o Chong Pau.

            Honolulu, Oct. 4, 1882.          1088 4@

 

Hoolaha Kue Kuai Moraki.

            No ka mea, ma ka la 2 o Sepatemaba, 1882, ua hoolaha o Mrs. C.B. Andrews, hope o Kealakua, ka mea moraki. e kuai kudala ana ia, i ka Poaono, la 7 o Okatoba ae nei, ma ke Keena o E.P. Adams, ma Honolulu, i na aina malalo iho : 409-100 eka ma Kunawai, i hoakakaia ma ka Palapala Sila Nui. Helu 5649 me 119, eka aina ma Kahikinui, Maui. nona ka Palapala Sila Nui, Helu 2824. Ke hoike nei ka mea nona ka inoa malalo, aole pololei o kela hoolaha ana, no ka mea, o Ahkung pake, kane mare a Hana w@ e ola ana oia ma Kina ia wa, 3 paha makahiki kona haalele ana ia Hawaii nei, me ka oki ole ia o ka mare. O ka mare ana o Hana w, me Kealakua k, me ko laua moraki ana i kela mau aina a Ahkung i kuai ai, he kue kanawai ia. O Hana w, ua mare lehulehu oia ; ua waiho o Ahkung he mau haneri dala no kona ola ma ka lima o Ahno, $5 no kela me keia pule. Ke olelo nei makou, o ka Palapala Moraki i hanaia ma ka inoa o Hana me Kealakua, aole ia he Palapala Moraki oiaio, aka he palapal epa wale iho no na Kealakua me kahi wahine okoa, e like no me kana moraki epa ia E.Y. Rodgers. E pono i ka aoao e paa ana i ka moraki, ke hoopii i ka Aha Kiekie, e koi ia Kealakua ma kona waiwai. aole ma ka waiwai o ko makou makuahine mai kana kane mai.

APAKANA ME ANA.

            Honolulu, Sept. 28, @882.     1087 2t

 

NA WAIWAI HOU!

NA WAIWAI HOU!

Maluna mai o ka moku kalepa haoGlengaber,

Mai Livapulu Mai.

 

E loaa no ma ka halekuai o

Diaz me Gonzalves. Helu 57 Alanui

Hotele. Na waiwai Lole @

kela a me keia ano, i hu-

muhumu lima ia me ke maiau, a i

humuhu-

mu palanehe oleia i ka

mikini ma

MADEIRA,

He pomaikai nui keia no ka

lehulehu ke kipa mai ma ko

MAUA HALEKUAI.

 

O na waiwai i kinohinohiia he lehulehu wale

ma ko maua halekuai, a he mea pono e ki-

lohi akahele ia ko lakou waiwai io.

Eia na inoa o kekahi o keia mau ui :

Na Noho huleihulei,

Na Kaula Wati Hululio,

Na Rula o kela ano keia an@,

Na Pepa Kakau,

Na Pohi o na ano a pau,

Na Pahu waiho mea hana

o na wahine i kinohinohi

ia ma na iolaau liko ole.

He mau waiwai okoa

iho no kekahi i oi ae

ka nani a me ka

maikai i ko na mea

i hanaia e na Kepani,

Na Hainaka, Na

lako Hoonani Dala.

Etc., Etc., Etc.

O keia mau waiwai a pau

e kuai ia me ke kumuku-

ai haahaa waipahe.

 

Na Kui o na ano a pau.

 

Diaz me Gonzalves,

1088-tf                        Helu 57 Alanui Hotele.

 

MAKEMAKEIA!! MAKEMAKEIA!!!

 

KANAKOLU KANAKA HAWAII.

 

            Ua makemakeia i 30 Kanaka Hawaii e hana ma ka mahiko o Lihue ma Kauai.

            Uku, $15.00 no ka mahina.

            $20.00 Manuahi, in a e kepa no hookahi makahiki. $40.00 Manuahi in a e kepa no elua makahiki.             E ninauia

 

PAULO ISENBERG,

 

            A i ole ia H. HACKFELD & Co.

1087    @@

 

MAKEMAKEIA.

 

            Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

C. BREWER & CO. ( B@rua Ma.)

 

HALA TELA HOU!

KAUKAIWA!

Helu 11, Alanui Pap@,

 

KOKOKE I KA UWAPO.

 

S.H. MEEKAPU.

Iune 22, 1882.             1075 tf

 

NA HOOLAHA.

Hoolaha Kuai Kudala.

            E kuai kudala ia ana he Aina Ko a me Kalo a me na Aina Hanai Holoholona, ma Lahaina, Maui, ma ke kauoha o na Kahu Malama Waiwai, o ka waiwai o Lunalilo e haawi aku ana au ma ke kuai kudala kuike, ma ka Hale Hookolokolo ma Lahaina, ma ka hora 12 o ke awakea POAHA, la a o Novemaba 1882, na apana aina malalo iho :

            11 apana, ma ke Ahupuaa o Polanui, Mahele 8559. @ apana ia W.C. Lunalilo, penei na kuhikuhi ana :

            Apana 1-Aina Kula e waiho ana ma kahakai, 273 14-100 eka. Apana 2- Aina Ko, Aina Kula, Aina Kalo, 11 68-100 eka. Apuna 4- Aina Kalo 1 51-100 eka. Apana 5-Aina Kalo, 8-100 eka. Apana 6-Aina Kalo, 9-100 eka. Apana 7-Aina Kalo, 2-100 eka. Apana 8-Aina Kalo, 2-100 eka. Apana 9-Aina Kula, 16 87-100 eka. Apana 10-Aina Ko me Aina Kalo, 55 50-100 eka. Apana 11-Aina Kalo, ua piha ka hapanui o keia Apana me na Kuleana nona ka ili aina 7 50-100 eka.

            11 apana ma ke Ahupuaa o Kuholilea, Mahele 8559 B apana 26 ia W.C. Lunalilo; penei na kuhikuhi ana :

            Apana 1-Aina Kalo, 45-100 eka. Apana 2-Aina Kalo, 1 22-100 eka. Apana 3-Aina Kalo kahiko, 88-100 eka. Apana 4-Aina Kalo, 11-100 eka. Apana 5-Aina Kalo, 2-100 eka. Apana 6-Aina Kalo a me Aina Kula, 63-100 eka. Apana 7-Aina Kalo, 2-140 eka. Apana 8-Aina Kalo, 10-100 eka. Apana 9-Aina Kalo me Aina Kula, 47-100 eka. Apana 10-Aina Kula, 60 83-100 eka. Apana 11-Aina Kula, 80 56-100 eka.

            Eono apana ma ka aina o Kukuikapu, Mahele 277 ia W.C. Lunalilo, penei na kuhikuhi ana :

            Apana 1-Aina Ko me Kalo, 11-12-100 eka. Apana 2-Aina Ko me Kalo, 11 158-00 eka. Apana 3-Aina Ko me Kalo, 14 7-100 eka. Apana 4-Aina Ko me Kalo, 11 12-00 eka. Apana 5-Aina Ko me Kalo, 8 89-00 eka. Apana 6-Aina Ko me Kalo, 11 22-100 eka.

            Ua kaawale na Ili Aina i hoike ia maanei. aole i komo na Kuleana iloko o na palena i oleloia.          S.B.DOLE,

Kahu Malama Waiwai.

E.P. ADAMU, Luna Kudala. 1087 6t

 

KO BIHOPA MA

BANAKO MALAMA DALA.

E MALAMA NO MAUA I KE DALA o na kanaka maloko o ka Banako, penei:

            Ina hoomoe mai ke kanaka hookahi i na dala $300 a emi mai paha, alaila, e uku maua i eono hapahaneri uku panee makahiki, mai ka la o ka lawe ana mai a hiki i ka la o kona ohi ana, ke waihoia ke dala hoomoe i ekolu malama a keu paha. Aole ukupanee e helu ia no ka hakina o ke dala hookahi aole no hoi no ka hapa malama.

            Ina ohe koke oia i kana dala, aole i hala na malama ekolu aole ukupanee.

            Ina e manao ke kanaka e ohi i kana dala, e pono ke hoike e mai oia ma ka Banako i kona manao ohi, i kanakolu la mamua o kona ohi ana, a o kana buke kekahi ke laweia mai.

            Ma ke kikoo wale no a ka mea dala e haawi ai kana, ka Buke kekahi ke lawe mai.

            Ma ka la mua e Sepatemaba kela makahiki a i keia, e houluulu ai i ke dala, a e huipuia ka ukupanee me ke kumupaa o na dala homoeia no na malama ekolu a keu, a mahuahua ke kumupaa e loaa i ka ukupanee.

            Ina oi aku ke dala hoomoe mamua o $300, alaila, hooholo pu ka olelo.

            E weheia ka Hale Banako i na la hana a pau.

851 tf  BISHOP & CO.

 

CALIFORNIA.

FURNITURE CO.

 

O KEIA HUI A HALEKUAI O

Na lako Hoonani o na Hale !

I ike mua ia iho nei ma kona kahua mua

ihonei ma ke Alanui Papu, ma-

kai iho o ka

 

Halekuai o na Mea Kani o Geo. F. Wells

 

Ua Hooneeia ai Nei a i na

 

Helu 56 me 58 Alanui Moiwahine.

 

He Hookahi Ipuka ka mamao mai ka Hale Mu,

 

A malaila e loaa ai na Lako Hale Emi Loa.

Eia iho ka inoa o ia mau Lako Hale:

 

Na Moe maikai loa,

Noho o na ano a pau.

Noho koki, Pakaukau,

Noho huleilua,

A HE NUI AKU.

 

EIA PU NO HOI ME MAKOU,

Na Uluna,

Na Bela Moe,

Na Kihei Moe,

A me na Pale Uluna.

 

A oiai na makou iho no e hana keia mau mea maluna ae

nolaila e kuaiia aku ana me ke

 

Kumukuai Haahaa Loa!

E.P. ADAMU, Agena.

 

UA MAKEMAKE IA

NA ILI BIPI,

NA KIWI BIPI,

NA IWI BIPI,

            E haawi ia no ke kumukuai kiekie o ko kakou makeke nei e

H. HACKFELD & CO.

Honolulu, Mei 22, 1880.         18964

 

HE NUI ANEI KOU MAKEMAKE I NA

Mikini Humuhumu Lole!

Ina pela, e kipa mai no ma ka Halekuai o

Kakela & Kuke!

A malaila oukou e ike ai a makaikai i na ano

Mekini a WHEELER a me WILSON

mai ke 840 a hiki i ke 850 ke kumukuai

ka mea hookahi

NA MIKINI A SINGER!

ma ke $50 pakahi me ke ano

MIKINI A WILCOX ME GIBBS

ma ke $30 a hiki i ke $50 ke kumukuai.

I mea e pau ai ko oukou kanalua e na makamaka no ke

kupono o keia mau Mekini, e nane mai no

me ke kuihe ole, a e ike no oukou iho.

608 tf.

 

NA HOOLAHA

 

NA WAIWAI HOU @

 

O NA ANO A PAU

 

E LOAA NO MA NA HALEK@@

 

WALAKAHAUKI @

 

MA ALANUI

 

Papu, Moi a me Moiwa@

OIA HOI

 

Na Noho Lio @@a

loa o na ano a pau.

Na Palule Keokeo.

Huluhulu o na a@

a pau, Na P@

Ahinahina P@

kane hou @@@

ano a p@@

Pena K@

Na Kopa Bulu. Na

Lole o na Wahine o

na ano a pau. Na

Pahu Aila Mah@

maikai loa. Na Si lika. Pah@@@@.

na ano a pau @

hei o na @@

 

HAINAKA LAU NUNUI SILIKA O @

A PAU.

 

He nui aku no i koe, he piha @

Koluma o ka pepa, in a @ @@@

ia aku nei.

 

Eia hou ae a hoea mai i keia @@

iho he Lako Waiwai hou loa @@@

a pau, a he lako hou loa i wae @

ia e J.T. WATERHOUSE, @@

Enelani, a he mau waiwai h@@@

no loa no ko kakou mau kaiaul@@

laila, e eleu mai e na makam@@

me na hoa'loha e hoonuu i keia @

lako waiwai hou loa.   @@

 

NU HOU! NU H@

 

Na Waiwai Hou L@

 

NA PAIKINI O KEIA @@

 

E Loaa no ma ka @a Halehua@

 

DILINGHAMA @

 

Ma Alanui Papu

 

Oia na waiwai malalo iho ne@

 

Na Palau, Kaa Huilapalala. K@

Piki, Oo, Koi, Koilipi, Na H@

@e Kamana o na ano a p@@

Na mea Hana a na Ka

mana, Poe Ha@@

Puna, na Am-

ara a me

na mea

hana o ka

Poe Akeakamai

a pau. Pena Aila,

Vaniki a me na Palaki.

Pauda, Poka a me na Kuk@@

pele, Palaki Hamo Puna. P@@

Pakeke, Kapu Holoi Lole a me na @

Holoi Lole, na Ipu@i,

na Pa Palai, na Ma

kau Lawaia, Nu

Aho Lawaia o na

ano a pau, na Kaula

o na ano a pau, na

Pahi, O, a me na

Puna, a he nui aku

no na mea i @@

 

I KUPONO NO KA HOOHIWAHIWA A@

NA HALE.

 

I hiki ole ia makou ke huai pa@

aka, na oukou no e hele ma@

hoonuuiho. O keia maluna @@

loaa no ma ka halekuai o

@@@@

Dilinahama M@

1036-3m]Ma ka helu 37, Alanui P@