Ka Nupepa Kuokoa, Volume XXI, Number 45, 11 November 1882 — PAU AHI MA HONOKAA. [ARTICLE]

PAU AHI MA HONOKAA.

E Ka Nupepa ; Aloha Oe:— I ka la 31 iho nei o Okatoba, ua lalau mai ia na alelo ana ole oke ahi f i na home noho o J. Mokuola a me Kanohaill Mahope oke aumeume pu ana ua iawe aku oia i kekahi mau pono o na ohana, a oka mea i loaa mai ma ka iima o ke kanaka, oia na mea i koe mai. Ke noho nei keia mau ohana elua me ka hemahema i ka home ole. 0 ke kumu i pau ai, he ahi puhi maka wela ua Kauohaili, ma ka aoao e pa mai ai ka makani, ua a mai ke ahi i ka mauu a hiki i ka pau ana o na haie. Aole no nae i manao ia e pau ana na hale ma ia hana ana. O ke poho ma keia pau ahi, ua aneane eha haneri dala. Eia nae ua hoihoiia inai kekahi oia mau dala e ka |>oe opu aloha O lakou paha ka poe i malama ika lesu mau olelo, U E aloha aku oe i kou hoalauna e like me kou aloha ia oe iho." Eia ka mea apiki. Ike kanaka no hoi e hooikaika ana no na pono o keia ola ana, me ka manao ana hoi e loaa ana ke ola i ka ohana ma ka loaa ana mai o ka ai, eia no ka hoi na maka o ka pilikia ke hoomakaleho mai nei, aka! o ka Makua kai ike. j Oka lawa keia o ka'u mau anoai i j kaukai aku ai na kou kino lahilahi e panee aku imua o na kini puni mea hou o kaua mai ka la hiki ma Haehae a i ka la welo ma Lehua. ! E welina auanei, Sam. Kamae. Honokaa, Nov. 3, 1882.