Ka Nupepa Kuokoa, Volume XXI, Number 49, 9 December 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

KUOKOA ME KE AU OKOA.

(I H@@a)

 

No I@a Makahiki.....@@ @

Eo@o Makina........@ @@

Dala Koike ka Pala

 

POAONO, DEKEMABA 9, 1882.

            O.D.W Aiwohi wale no ka i aeia e kakaa iaoa no na dala-i hookaaia mai ma ke keena o ka Nupepa Kuokoa.

 

KA LAMA ONEI O IESU.

(The Light of the World is Jesus.) Gospel Hymns, No. 41.

1

Ua puni ke ao i ka pouli e,

Ka lama onei o Iesu,

Poha kona lama, lailai nani mai.

Ka Lama onei o Iesu

CHO.-Hele mai no, kou Lama no nei,

Lama maikai e ike ae ai.

Makapo au, na ike no nae,

Ka Lama onei o Iesu.

2

Aole pouli ke launa Iesu,

Ka Lama onei o Iesu,

E mau no ka lama ina Iesu pu,

Ka Lama onei o Iesu.

3

Na kini auwana, a makapo no,

Ka Lama onei o Iesu.

E hele i o Iesu i ike oukou,

Ka Lama onei o Iesu.

CHO.-Hele mai no, &c.

4

Aohe he la ma ka lani ma o,

Ka Lama o o o Iesu,

Ke Keiki Hipa ka La ma ia ao,

Ka Lama o o o Iesu.

CHO.-Hele mai no, &c.

                              Hawaii.

 

HAAWAINA KULA SABATI.

 

HELU 13, SABATI, DEK. 24.

 

            Kumuhana-Ka hoi hope, ola hoi, ka moolelo o Iesu. Pauku Baibala-Na Euanelio eha, Mataio, Mareko, Luka, Ioane.

 

            Pauku Gula. Io. 20:29-21. Heluhelu.

            Manao nui. Ma ka manaoio me ka malama pu ia Iesu ke ola.

            Na helhelu la. 1. Mat. 1:14. 2. Mat. 15:28. 3. Mat. 1:16. 4. Luka 1:12. 5. Luka 13:14. 6. Io. 1:11. 7. 12:21.

            Ka manawa. A.D. 1 a hiki i ka A.D. 33.

            Kahi i hanaia ai. Iuda, Samaria, Galilaia me kekahi mau aina e ae.

            Na Moi. Augusato, Tiberio, na Emepera o Roma.

            Na kiaaina. Herode, Pilato, Herode Anepasa, Herode Pilipo.

            Mele. "Lanakila," Hoku Ao Nani, p. 25.

            Pule hoomaikai no ka hiki ana mai o Iesu, ke Lii, ka Hoola e ola'i.

            KA WEHEWEHE ME KA NINAU ANA.

Ewalu no Mahele.

            I. Ko Iesu wa opio. Mat. mok. 2. Luka mok. 2.

            (Olelo hoakaka. Ina loaa ole ka haina i kekahi papa, e haawiia aku ia ninau i kekahi pap e ae.)

            1. Papa Pokii. I nahea Iesu i hanau ai? B.C. 404. Owai ka Moi o Roma i wa? Augusato Kaisara. Owai ke lii o Iudea? Ma ke kulanakauhale hea? E like me ka wanana i kakauia mahea? Owai ka hele mai ka hikina mai e ike iaia? Heaha ko lakou alakai? Nawai i hai mua i ko Iesu hanauia'na?  Ko Iesu hanau ana he mea ia e aha ai ka honua? He mea ia e malu ai, e pau ai na kaua. He nu hou maikai keia. A pono ia oukou ke aha aku ia nu hou? Owai ka makuahine o Iesu? Ua aha ia Iesu ma ka walu o ka la o kona ola ana? Ua aha ia oia mahope iki iho ma ka luakini ma Ierusalema? Ua hoolaa ia anei oukou na ke Akua? Nohea mai ia inoa o Iesu? Heaha ke ano? Oia anei ko oukou Hoola? A loaa na makahiki he 12 ia Iesu, loaa oai mahea? E aha ana? E hoohalike oukou me ia. E hele mau i ka luakini, a i ke Kula Sabati, e ao i ka Iesu olelo. Mahea i noho nui ai Iesu i kona wa opia a kanaka makua? Heaha kana oihana? He oihana maikia ia. E ao ia oukou ia oihana me na oihana e.

            Mele. Nu maikai kani ae.

            II. Ka Iesu oihano haiolelo.

            2. Papa Kane Makua. Ehia o Iesu mau makahiki a hoomaka oia i kai oihana haiolelo? Luka 3. Nawai oia i bapetizo? Mahea? Heaha kekahi mea kupanaha ia wa? He keil Iesu nawai? E aha kakou iaia? E hoolohe e hauoli iaia. Ia wa owai ka Emepera o Roma? Owai ke kiaaina? Luka 2. Mamua o ko Iesu hoomaka ana e haiolelo ua aha ia oia ke diabolo? Ehia hoaoia ana? Mahea? Lanakila oia ma ke aha? Ma ke aha kakou e lanakila ai ke hoowalewale ia? I Pet. 5:8. Heaha ka Iesu kauoha mua? Ua mihi anei oukou? Pehea ka loihi o ka Iesu haiolelo ana? 3 1/2 makahiki. Ma na wahi hea oia i haiolelo ai? Hai mai i ka aina ma ke komohana akau loa, a ma ka hikina hoi o Ioredane. Hai mai i na kulanakauhale nui kahi i hele ai Iesu e ao. Hai mai i na mauna elua ana i pii ai; i hookahi loko ana i holo ai, i kekahi muliwai, i kekahi kahawai ana i ae ai. Mahea Iesu i make ai?

            Mele. Eu na koa ano no.

            III. Na olelo ao a Iesu. Mat. mok. 5-7, 10-13. Io. 2, 5,6,10,11, 14-16.

            2. Papa Wahine Makua. Mahea i kakauia ai ka Iesu haiolelo loihi? Ua p@anaau anei ia haiolelo i kekahi o oukou? E kau i ka lima o ka mea i paa. A paa ola, owai ke ae e hoopaa, a hai mai ma ka Hoike Kula Sabati, Ian. 1883? Ma ke aha i hai nui ai Iesu i kana mau olelo ao? Ma na olelo nane?  No ke aha? I kumu hoohalike paha kekahi na ka poe haiolelo, i imi lakou i ka mea e hoolohe ai, e noonoo ai kanaka. E hai mai i kekahi mau olelo nane ma Mat. mok. 13, me ke ano, a ma Mat. 20,21, 22 me 25, me Io. 10 me 15. Heaha kekahi mau olel ao e hooewa ana? Mat. 10:14-15, 28, 11:20-25, 15:7-9, 33:13-24. He Hoola Iesu, a he Lunakanawai hoopai ikaia kekahi. Heaha na kanawai nui elua a Iesu i hai mai ai?

            Mele. Ka Momi Maikai.

            IV. Na hana mana a Iesu.

            4. Papa Ui Kane. Hai mai i kekahi ma hana mana a Iesu ma Mat. mok. 4, 8, 9, 12, 14, 15, 17, 20; Io. mok. 5, 9, 11; Luka mok. 5, 7; Io. 31. Hookahi hana mana hoopoino i kekahi poe. Heaha ia hana mana? Heaha hoi ka poino? He mea ana nae ka nui o kana mau hana mana? Heaha ke ano o kekahi ma ka hoopili ana? E hoohalike me Iesu ma ka hana ana i na mea e pomaikai ai ka uhane o kanaka. Heaha hoi i hoikeia ma keia mau hana mana? O Iesu ka Mea Hoola, ke Kalahala, ka mea e pono ai kakou. Aohe me hemahema i pau ole iaia. E paulele nui iaia.

            Mele. Lanakila.

            V. Kekahi mau mea no Iesu.

            5. Papa Ui Wahine. Ma ka manawa hea i lilo ai Iesu i ka pule mai ka po a ao ae? I nahea a mahea i hoomaopopo ia ai ko Iesu ano io, ano Akua, ano hoola? Io. mok. 6 me 8 me 15; Mar. 14:62. I ka manawa hea a mahea Iesu i kahea ai i kana mau haumana he 13? I ka manawa hea ko Iesu holo ana ma ka holoholona? Hookahi wale no anei kona holo ana ma ka holoholona? Hele anei Iesu i na ahaaina? Mahea? Heaha ka i hanaia iaia ma kekahi ahaaina? Owai ka i hoohalahala no kona hele ana i kekahi ahaaina? Kakauia mahea? Ka ahaaina aha i hoopauia e Iesu? Ka ahaaina aha ana i kukulu ai? Owai na mala elua i hookaulana ia no ko Iesu komo ana iloko? He mala kaulana anei ko oukou no ko oukou komo pinepine ana e pule.

            Mele. Mele e.

            VI. Na wanana a Iesu.

            6. Papa elemakule.  He kaula anei Iesu? Ae. He kaula oia, he kahuna, a he alii. Aia mahea i kakauia ai kekahi mau wanana a Iesu? Mat. mok. 4, 5, 5, 7, 8, 10, 12, 16, 17, 18, 19, 20, 21, 22, 23, 24, 25, 26-28; Luk. mok. 6; Io. mok. 10, 11; 14-16, 17. Ua like ka Iesu mau olelo hoopomaikai, me na olelo hooweliweli, ma kana pule ma Io. 17, me na wanana. Ua pau kekhi i ka hookoia. E pau ana na mea i koe i ka hookoia.

            Mele. Iubile.

            VII. Ka oihana kahuna o Iesu.

            7. Papa Luahine. He kahuna anei Iesu? Ae. Hal. 110; Heb. 2:17, 4:14, 15, 5:6. 10, 7:24-37. Ina o Iesu ke kahuna, owai ka mohai? Iesu no? Heaha ke kuahu? Ke kea. Nawai Iesu i kumakaia e lilo ia i mohai? Heaha ka uku i loaa ia Iuda Isekariota? Pomaikai anei oia ma ia uku? Heaha kona hope? Heaha ka hope o ka hana hewa ana ia Iesu? Pehea e pono ai ka mea hana hewa? Imua owai i hookolokoloia ai Iesu? Ua loaa anei ka hewa iloko ona? Aole. Ua hoa hewaia nae oia e make no ke aha? Ua make oia mahea? No ke aha oia i make ai? Pehea ka loihi o kona kau ana ma ke kea? Hai mai i kana mau olelo 7 iaia e kau ana ma ke kea? Me na mea kupanaha ia manawa, ka pouli ana o ka la, a pela aku. Mahea oia i kanuia ai? Nawai hoi oia i kanu?

            VIII. Ke ala hou ana o Iesu.

            Ke kaula a pau. Pehea ka loihi o Iesu iloko o ka lua? Ma ka la hea kona ala hou ana? Owai ka i ike mua ua ala hou oia? Ehia kona ikeia ana mahope o ke ala hou ana? No na la ehia? Heaha kana kauoha hope? Mahea oia i pii aku ai i ka lani? Owai kai ike? E hoi hou mai ana anei oia?

            Na olelo paipai.

            Mele. :Nou ka Nani," Hoku Ao Nani, p 111.

            Pule i ala a hahai ia Iesu.

 

HE WAHI MANAO NO NA KULA SABATI MAI HAWAII A NIIHAU.

            Ka haawina 14 no Dekemaba 31, ka pau no ia na haawina o ka makahiki 1882.

            Nani ka lokomaikai o ka Haku i ka mea nana i kakau na haawina, a i ka poe hoi i ao ia ma ia mau haawina. Aole paha he haawina i haule no ke kakau ole ia.

            Ma ko'u helu ana, he 75 Kula Sabati, he 75 kahu, 500 kumu, 3,000 haumana a oi a emi paha.

            Ua pau na hana o ka makahiki 1882 me ka pono a me ka pono ole paha; me ka mahuahua a me ka mahuahua ole paha o ka ike, o ka naauao i ka ke Akua olelo.

            Ua mahuahua na hoike. He makahiki ala paha ka makahiki i hala. Akahi no makahiki i hoopihaia i na buke mele. Akahi no a pau na buke mele 2,000 i ke kuaiia ma ka makahiki hookahi.

            Aole na i hiki ke kaena no ka hemahema ole, a no ka nio o na hua maikai. Ua hemahema no, ua hewa, ua uuku na hua maikai. E pau ia mau mea i ka mihiia i kalaia, i hooloiia, i hoonaloia a nalo loa.

            Ke komo nei kakou iloko o ka makahiki hou, makahiki 1883. Ka @@ ia o na makahiki i hoomakaukau ai au i na Haawina Kula Sabati i paiia iloko o ke KUOKOA. He makahiki aha keia e hiki mai ana? E noi aku i ka Haku i lilo ia i makahiki oi aku ma na hana maikai i ko na makahiki i hala.

            He aha nui ka Aha Kula Sabati. Nui na luna, nui na lala.

            1. Ka luna hoomakaukau i na haawina, i na himeni me ke kakau i na leta Kula Sabati. Owau paha ia ka makua palupalu. Ke kaei nei no au i kuu puhaka no ka hana.

            I ole e hemahema na kula i na buke mele, ua kauoha aku au i hookahi tausani kope hou o Hoku Ao Nani me ka ano hou o ka wahi, me ka hooponoponoia o na hua hewa ma ke pai mua ana. I makaukau hoi au no ke kakau ana i na haawina, ua hoolako au ia'u iho i na buke Amerika, kahi i paiia na haawina a pau no ka makahiki 1883, mui ka mua a i ka hope. E kakau ana au i na haawina no ke ano mua, me ke ano mua, me kekahi ano hou, oia hoi ka hoopuka ana i kekahi mau ninau mawaho, na na haumana me na kumu e imi i na haina.

            E mau ana no kuu kakau leta ana i na Kula Sabati me ka makemake e pane ia mai.

            2. Na Kahukula Sabati Nui. Ka poe keia i kohoia a hoonohoia e ka Aha Kula Sabati Hawaii me ka hoaponoia e na Kahu Ekalesia. Ua like oukou me na generala koa. Na oukou e koho i na kahu o kela a me keia kula, me ka hoaponoia nae e na Kahu Ekalesia me na haumana. He hana nui ka oukou. E imi i ka poe kupono. Ina e hoaoia a kupono ole, e imi i mea hou. A e kokua i na Kahu i ke koho ana i na kumu. A e holoholo i o i anei e nana ai i kela me keia kula, e paipai ana a e hoopono ana, e halawai ana me na Kahui me ke kuhikuhi ana i an mea e pono ai. Ina ua hemahema an kula i na buke, i na haawina, e imi pu me na Kahu i ka mea e lako ai. A e hoopuka i na wa hoike me na wahi e hoike ai. E hoopuka hoi i ma makana no ke kula i oi.

            III. Na kahu o kela a o keia kula. Ua kohoia oukou e na kahu nui me na haumana pu, me ka hoapnoia e na kahu ekalesia. He poe kanela oukou, he mau luna nui. He hana nui ka oukou.

            Na oukou e hoao i na kumu. E imi i ka poe kupono no ka oihana kumu, i ka poe aloha, i ka poe oluolu, aho nui, makau ole i ka luhi, makemakeia e na haumana. E hoomakaukau ia oukou iho. E nana i na Hawaii i makaukau kupono. E halawi pu me a kumu, e kuhikuhi, e wehewehe i ke ano o na haawina, e hoomakaukau e i na leo himeni. E kokua i na kumu i ka imi ana i na haumana. E launa me na haumana. E palapala mai ia'u e hoouna mai i kekahi mau ninau mawaho, a na'u e hoouna aku e pai pu ia me na haawina.

            IV. Na Kumu. O oukou na kaepna, na luna papa. E hoolohe i na kahu, e hoomakaukau e ia oukou iho ma na haawina; mai kali a hiki i ka wa kula. E lawe i ke KUOKOA, i loaa e na haawina. E hele mau i ke kula; e hoolilo i ekolu hapaha hora ma ke ao ana i na haumana. E ninau ma na pauku kuhikuhi, a me na heluhelu la. E hoonaauao i na haumana. E imi i ka poe auwana. E launa pu me na haumana; e haipule pu. E hele i na halawai kumu. E imi i ke ola o na uhane o na haumana. E noho like, oluolu, aloha, ahonui, minmina ole i ka ikaika ma ke ao ana i na haumana.

            V. Na Haumana. O oukou na koa malalo ae o na luna koa. He mea ole na luna ke hana ole na koa, ke hele ole na koa i kahi o ka hana. He poe pomaikai oukou. Ua loaa ka poe aloha ia oukou ahonui, hoomanawanui i ke ao ana ia oukou me ka uku ole ia; ko lakou uku me ko lakou oli, oia ko oukou hele mau ana i ke kula me ka hoolohe, me ka malama, a ola. E hoomau i ka hele ana i ke kula. Aohe me kupono e hemo ai kekahi iwaho; ka lolo me ka make wale no. Ka hana mau ia ma ka lani, ke Kula Sabati me na hana like. He hana pau ole ia, ka imi ana i ke ano o ke Akua, o Kana olelo, o kana mau hana.

            VI. Na mea e piha ai na Kula Sabati. Ke kokua pu ana o na Kahu Ekalesia, na Ahahui Opio, na Kumukula Aupuni, na Makua, ka hooikaika mau o na Kahu me na Kumu, ka makemake, ke aloha, ka Uhane Hemolele, me ka pule mau.

            VII. Ka Ahahui Kula Sabati Hawaii. He mea nui ia. E hoomauia kana mau hana. E kooia, e kokuaia e na Kahu Ekalesia. Aole make e kue ia, e mokuahana e hana kaawale. E hui, e alu like, e kuikahi ma na hana e pono ai.

            E hooliloia ka makahiki 1883 i makahiki piha i na hua maikai no loko mai o na Kula Sabati.

            Me ka mahalo,

            L. LAIANA,

Waimea, Hawaii, Nov. 30, 1882.

 

MOOLELO O KA AHAHUI EKALESIA O KAUAI.

            Halawai ka Ahahui Ekalesia o ka mokupuni o Kauai ma ka Luakini o Koloa, Ok. 18, 1882.

            Kohoia o Rev. J. H. Mahoe i Lunahoomalu, a o Rev. R. Puuiki i hope kakauolelo. Pule ka Lunahoomalu.

            Eia na Lala i hele mai

 

                                    EKALESIA                KAHU                                    ELELE

                                    Hanalei                        ---                                A. Kahananui

                                    Kilauea                        J.H. Mahoe                  ---

                                    Anahola                       ---                                G.B. Meheula

                                    Kapaa                          J.M. Kealoha               J.H. Kaiwi

                                    Lihue                           J.B. Hanaike                E. Kahele

                                    Koloa                          S.U. Kap@hi              D. Kealahula

                                    Waimea                       ---                                ---

 

            Na Lala mau Rev. J. W. Smith, Rev. R. Puuki, S Kahookui, Alilo, D. Nuuhiwa, S. Halai, A. w. Maioho, Kauahoa, Kahele, Kanakaokai a me Nakapaahu i mau HOA KUKA.

            Kohoia i mau komite Imi Hana; J. W. Smith, J. E. Hanaike a me E. Kahele. Kohoia i mau komite Imi Haawina. J. M. Kealoha, S.U. Kapahi, a me G. B. Meheula.

            Hoike mai ke komite Imi Hana penei: 1. Hapa hora haipule. 2 Hoike kihapai. 3 Heluhelu Haawina. 4 Na palapala Hoopii. 5 Komite kaahele. 6 Ola o na Kahu. 7 Kula Sabati. 8 Hoole Waiona. Malama ia he papa hora haipule. Hoike mai o D. Nuuhiwa no ka Ekalesia o Waioli. Hoopanee ia ka halawai a hora 3 ahiahi. Pule o J. W. Smith.

            Halawai hou ka Aha hora 3 p. m.

            Pule o S. Kahookui. Hoike mai o J. H. Mahoe, G. B. Meheula, J. M. Kealoha, G. B. Hanaike, a me S. U. Kapahi no ko lakou mau kihapai. Hoike mai o Kanakaokai no kona kaahele ana ma na Ekalesia o ka mokupuni. Hoopaneeia ka hana a apopo hora 9. Pule o S. U. Kapahi.

 

Okatoba 19, 1882.

            Halawai hou ka aha hora 9 a. m. Ma lamaia he hapa hora haipule. Heluheluia ka moolelo o nehinei a hoaponoia.

            Kohoia o Rev. A. Forbes i Hoakuka.

            Heluhelu mai o J. M. Kealoha i kona haawina ma 2 Kor. 6:14. Na R. Puukoi o heluhelu i knoa haawina. "Ua maemae anei ke kanaka i kona lilo ana i hoahanau?" Heluhelu mai o S. U. Kapahi i kona haawina. "O na hana kahiko a kahuna lapaau Hawaii, ua kupono anei ia i ka mea manaoio ia Kristo" Hoopaneeia ka halawai a hora 2 ahiahi. Pule o A. O. Forbes.

            Hawalai hou ka aha hora 2 p. m.

            Pule o A. O. Forbes. Halawai hou ka Aha ma ka hora 2 P. M. Pule o Puuki.

            KUMUHANA 4. Heluheluia ka palapala hoopii no ka Ekalesia o Hanalei.

            Lawe ka Aha i keia palapala hoopii a noonoo, a kohoia i komite no keia palapala: Kamika, Hanaike, a me Kapahi.

            Hoike mai ke komite Imi Haawina a hoaponoia. Peneia:

            1. E wehewehe ia Rom. 6:4 J. W. Smith. 2 E wehewehe ia Mat. 3:13.

            3 E hiki anei kekahi hewa uuku ke kala ia me kekahi mea e ae me ke koko ole o Iesu? J. B. Hanaike. 4 Heaha na hoailona e maopopo ai o ke kanaka i kupono e lilo oia i hoahanau. S. U. Kapahi 5 E wehewehe is Mat. 26:29.

            R. Puuki 6 He luaahi io maoli no anei ko Gehena, aole paha? D. Nuuhiwa. 7. E wehewehe ia Oihana 3; 19, hapa hope i ka hiki ana mai o na wa hoomaha. Heaha ia wa hoomaha? J. M. Kealoha.

            KUMUHANA 5 Komite kaahele. Hooholoia: Ke apono aku nei keia aha ia S. Kanakaokai i haiolelo kaahele iwaena o na Apana o Kauai a ke hoomau aku nei makou iaia ma kela hana.

            KUMUHANA 6,7. Ua hoopaneeia keia mau kumuhana. Hoopaneeia ka Aha a hora 8 a. m. apopo. Pule o Nuuhiwa. La hana 3 Ok. 20. Halawai ka Aha e like me ka mea mau. Malamaia ka hapa hora haipule. Ua heluheluia ka moolelo o na halawai i hala, a aponoia. Hoike mai ke komie o ka palapala hoopii, a ua aponoia, a peneia: Ua nana ko oukou komite i ka palapala kahea o ka Ekalesia o Waioli, a ua kamailio makou me Nuuhiwa a me ka Elele o  ka Ekalesia a me kekahi mau Luna e ae i hele mai, a ua noonoo akahele makou no keia kahea, a i ka manao o ke komite he pono keia Aha e ae aku i ke noi a na hoahanau ma Waioli, a ke waiho nei makou i keia mau olelo hooholo imua o ka Aha.

            1. Ke hoaponon aku nei keia Aha i ka palapala kahea o ka Ekalesia o Waioli ia D. Nuuhiwa i kau no lakou.

            2 E ninaninau ka Aha ia D. Nuuhiwa no kona  makaukau no keia oihana hemolele i keia la; a ina ua pono ka ninau ana, alaila e koho ka aha i komite e hele i Waioli a e hookahuna ia D. Nuuhiwa a e hoohono iaia i Kaho no ka Ekalesia o Waioli. A ma ke noi ua hooholoia. A ma ke noi ua kohoia o A. O. Forbes, J. W. Smith a ne S. U. Kapahi i komite e ninaninau ia Nuuhiwa. A ua ninau no ke komite a loihi ka ninau ana, a hoa pono ka Aha i ka ninau ana, a kohoia i na kahuna pule a pau o keia aha i komite e hookahuna'i ia D. Nuuhiwa.

            KUMUHANA 8 No ka hoole waiona.

            Ua kamailio nni ma Aha no keia kumuhana, aole nae i hoololoia kekahi olelo hooholo.

            KUMUHANA 9 O ka hebedoma mua o Ianuari he pule hoomau. A Poaha hope o ia mahina he la pule no ka kula.

            A hooholia e malama makou ia mau pule.

            Hooholoia e hoopanee keia Aha, a halawai hou ma Koloa ma Poakolu ekolu o Aperila 1883.

            Heluheluia ka moolelo a aponoia, a hookuuia ka Aha ma ka pule ana a ka Lunahoomalu.

            R. Puuki, Hope Kakauolelo.

 

            O na leta nuhou a pau e manao ia ana e hoouna mai no ke KUOKOA no ka hoolaha ana, he mea pono e hoounaia mai na ka inoa NUPEPA KUOKO a aole ma kekahi inoa e ae. E hoolohe i keia.

 

HOOEAHA HOU.

KA MIKINI

HUMUHUMU LOLE

MAIKAI

ST. JOHN.

E LOAA NO MA KA HALEKUAI O

MR. GEO. F. WELLS.

 

O ka Mikini Humuhumu Lole Maikai loa keia, i hiki ke huila imua a i hope, a i ikeia ma ka Pae Aina Hawaii nei. He Mikini maikai loa no na kanaka Hawaii, he mikini luhi ole.

 

KUMUKUAI $55.00

me Hookahi Gita (Kika) hookani maikai loa makana.

 

            O ka poe ma na kuaaina e ake ana e loaa keia ano mikini humuhumu, e hoouna mai lakou i ke dala ia

GEO. F. WELLS

ma Honolulu, a nan no e hoouna aku ma kahi i makemakeia, me na mea a pau e pili ana i ka mikini, a nana e hookau aku maluna o ka moku, me ke kaki ole ia o ka mea nona ua mekini la.

            O ka poe a pau e holo mai ana no Honoluu nei, mai poina lakou i ke kipa ana ae i ka halekuai o

GEO. F. WELLS

Ma Alanui Papu, a e kilohi, iho i ua mikini humuhumu la, oia ka

 

Royal St. John.

Eia pu no me ia na pila hookani a na ano a pau, o ka loaa koke ana mai nei no ia mai Amerika a me Europa mai, oia

Na Pila Guitar (Kika). he 150 ka nui, mai ka $5 a hiki i ka %125 ke kumukuai o ka pila hookahi.

 

200 Koliana mai ka $2 a hiki i ka $20 ke kumukuai o ka pila hookahi.

 

100 Ohe Puluka, $2.50 a hiki i ka $15 ke kumukuai o ka ohe hookahi.

 

12 Pahu Hookani nunui, a me 25 Pahu Hookani Liilii, a me na ano mea kani keleawe a pau, e loaa no ma keia halekuai i hoikeia maluna me ke

KUMUKUAI EMI WAIPAHE.

Na Piano nunui makai, e loaa no me ke Kumukuai Emi Loa i ike ole ia ma Hawaii nei.

 

            He nui aku no na mea i koe, na kela a me keia e kilohi nona iho, ke naue ae ma ko'u halekuai ma Alanui Papu.

            E hookoia ka makemake o kela a me keia me ka eleu.

GEO. F. WELLS.

            1094 tf                        Alanui Papu.

 

NA WAIWAI HOU LOA

O NA ANO A PAU

 

E LOAA NO MA HALEKUAI O

WALAKAHAUKI MA!

 

MA ALANUI

Papu, Moi a me Moiwahine

OIA HOI:

Na Noho Lio hou loa o na ano a pau, Na Pulule Keokeo, Huluhulu, a na ano a pau, Na Pio Ahinahina Pelekane hou loa o na ano a pau. Na Pena Kukaepele.

Na Kopa Bulu. Na Lole o na Wahine o na ano pau. Na Pahu Aila Mahu maikai loa. Na Silika, Pahoehoe, o na ano pau. Kihei o na ano pau.

 

HAINAKA LAU NUNUI SILIKA O NA ANO A PAU.

 

He nui aku no i koe, he piha pono na Koluina o ka pepa, ina e huai pau ia aku nei.

 

Eia hou ae a hoea mai i keia mau la iho he Lako Wawai hou loa o na ano a pau, a he lako hou loa i wae pono ia e T. T. WATERHOUSE, Jr., ma Enelani, a he mau waiwai hoi i kupono loa no ko kakou mai kaiaulu. Nolaila, e eleu mai e na makamaka a me na hoa'loha e hoonuu i keia mau lako waiwai hou loa.  1076.3m

 

NU HOU! NU HOU!

Na Waiwai Hou Loa!

NA PAKINI O KEIA AU.

 

E Loaa no ma ka ha Halekuai o

DILINGHAMA MA.

Ma Alanui Papu.

 

Oia na waiwai malalo iho nei:

Na Palau, Kaa Huilapalala, Koapala, Piki, Oo, Koi, Koilipi, Na Hamare Kamana o na ano a pau, Na mea Hana a na Kamana, Poe Hamo Puna, no Amaea a me na mea hana o ka Poe Akeakamai a pau. Pena Aila, Vaniki a me na Palaki, Panda, Poka a me na Kukaepele, Palaki Hamo Puna, Pulumi, Pakeke, Kapu Holoi Lole a me na Papa Holoi Lole, na Iputi, na Pa Palai, na Ma kau Lawaia, Na Aho Lawaia o na ano a pau, na Kaula o na anp a pau, na Pahi, O, a me na Puna, a he nui aku no na mea i koe.

 

I KUPONO NA KA HOOHIWAHIWA ANA I NA HALE.

 

I hiki ole ia makou ke huai pau aku, aka, na oukou no e hele mai a e hoonuu iho. O keia maluna ae, e loaa no ma ka halekuai o Dilinahama Ma,

1036-3m]Ma ka helu 37, Alanui Papu.

 

NA HOOLAHA.

 

PAPA! PAPA!

NO

ALLEN & ROBINSON

Ua wehe ae n@ mana

MA

Ka U@@p@ o Pakaka.

Na Papa Ulaula a na ano a pau, Na Papa Paina o na ano a pau, Na Pili Hale Ulaula, Na Pili Hale Keokeo, Na Pepa Molina, Na Pepa H@@@@@@@@

Na Pena a me na Aila Pena

Na kui o na ano a pau

Na Pani Puka a me Na Pani Puka Aniani, Na Pani Puka @@@@ N@@@ @@@@@

NA LAKO KUKULU HALE

O NA ANO A PAU

E kuaiia ma

KE KUMUKUAI HAAHAA LOA

O keia Makeke.

 

PAPA! PAPA!

AIA MA KAHI O

LEWERS & COOKE,

(O LUI MA)

ma ke kahua kahiko ma alam@ papa a @@ M@ E loaa ai na

PAPA NOU AIKI.

a kela keia a@@@

 

Na Pani Puka, Na Puka Aniani, Na O@@@@@ Na Pou, Na O@a, Na Papa Hele, Na @@@ Ku, A me na Papa Moe @@ @@

Na Pili o na Hale o na Ano a Pau.

Na Pepa Hoonani, Na Pena o na Wa@@@@@ Na Kui mai ke Nui a ka Makalii Na A@@ Puka, Na Ami Puka Aniani, Na Am@ o na ano a pau, Na Aila Pe@a, kela me keia ano An Alia Ho@maloo heluhelu wale, Na Aila e ae o na ano a pau.

NA WAI VANIKI

A ME NA

WAI HOOHINUHINU NANI:

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana

NO KA

UKU HAAHAA LOA.

E like me ka mea e holo ana mau @ena LAUA a me ka MEA KUAI.

E Hele Mai! E na Makamaka!!

A e lawa no hoi oukou makemake me ka oluolu a me ka makai.

 

LOLE MAKEPONO

Ke Kuike e loaa no ia ma kahi.

Kakela me Kuke.

 

E laa na

AHINAHINA, KALAKOA, KEOKEO, LEPONALO, PENA, AHA AILA HONUA, ANIANI.

NA ME PIULA,

Kopa, Aila Hoomaloo, Kui Kakia, @ keke, Tabu Kaula, Noho Lio, H@@ Palahi, na Palumi, ahe agena no na mokupuni o Hawaii neino na Laina kini-nao Lainakini Maoli, Ki-lika, Palule Kahak@ Alapia, Kelepa, Na Lole kupono @ ka Wawae, Palule Huluhulu, Na Lole Huluhulu, Na ka hoohelo ana, Li Lole no pini, Lihilihi, etc.

A ME NA

MIKINI HUMUHUMU

MAKEPONO LOA.

A he mau

MEA AI KAHI:

KA PALAOA, KOPAA RAIKI, PIA HOOHU PAAKAI, HUAALA, PIA KULINA, KOPE,

A HE

Laau Lapaau Kaulana Loa

A DR. JAYNE,

LAAU HOOMAEMAE KOKO LAAU HOOPAU NAIO, PENIKILA, HUAALE, LAAU KUN@

Me na Laau Hamo, a Pela 'ku.

840-tf

 

PAPA KUHIKUHI MANAWA HOLO

O KA

Mokumahu Hawaii,

"LIKELIKE,"

Kapena King.

AOLE AIE NO NA UKU OHUA.

            Ke hooleia aku nei ka aie no ka uku @@@ a ke hoikeia aku nei i ke akea ina he @@ paiki, ukana a puolo hooili ko lakou, e p@@@@ hoailonaia me ka moakaka lea. A he @@@@ i ka lawe ana i na ukana, paiki a p@@@ hoailona ole ia ke ole e kakauia ka @@@ @@ mai.

HE KUI8KE KA UKU UKANA

            Ma na ukana a pau o na makamaka @ @@ e uku mua ia. A e hookoia no na @@@@@ ka lawe a hiki i kahi i makemakeia. A e @ lamaia no me ka makaala na ukana, p@@@ me na puolo, lio, pipi a me ka hoki.

E HOAILONAIA ME KA MOAKAKA @@ PAHU RAMA A ME WAINA.

            O ka poe no lakou na ukana o keia @@@ hoailonaia me ka moakaka, a i ole e ka@@@ me ka moakaka ka loaa ana mai o ka p@@ lakou keia mau waiwai.

            O na koina no na pilikia a me na poh@ pono e hoike kokeia mai iloko @@@ @@@@@ hookahi.

            Aole e aeia na hookele ka@, na @@@@ me na mea like e pii iluna o ka m@@@@@@ wa e pili mai ai i ka uapo, aia wale no a p@@ no ohua eepakeke i ka lele.

No ke ake nui e hoopomaikaiia ka leh@@@@ kaahele, ua hoololi ae nei na Ona o Leklike ka Papa Hoike Manawa oia Mokuahi e @@@ me maluna.

Ma Hale Oihana e loaa ai na Palap@@@

            Aole Keena o hope e lilo, aia wale no a @@ mua mai ka uku moku. Aole e ili ka hewa na paiki, ukana a puolo, pahu, ke nele ke kauia ka loaa ana mai. E hookaaia ka ukana a oi aku. WAILA @@