Ka Nupepa Kuokoa, Volume XXI, Number 51, 23 December 1882 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KUOKOA ME KE AU OKOA.

[1 Huiia.]

 

No ka Makahiki                      $2.00

Eono Mahina               $1.00

Dala Kuike ka Rula.

 

POAONO, DEKEMABA 23,1882.

 

Paiia e This. G. Thrum, ma ka halepai o ka nupepa Saturday "Press"

 

HIMENI HOOLE WAIONA.

 

1

He rama ka wai e ona ʻ i.

Na kini opio o onei,

Mai ponihei aku ia wai,

O lilo a poino e.

 

Hui: - Hoolei ae, hoolei ae,

Hoolei i na waiona nei,

Hoolei ae, hoolei ae,

Hoolei i na waiona nei.

 

2.

He rama ka wai e ona ʻ i,

Hehena, ulala, lalau,

Poina na noonoo maikai,

Poino na Kino pa nei.

A.P KALAUKOA.

 

HAAWINA KULA SABATI

 

HAPAHA MUA O KA MAKAHIKI 1883.

HELU 1, SABATI, IAN. 7.

 

Kumuhana-Ka pii ana aku o ka Haku. Pauku Baibala-Oih. 1:1-14.

            Ua hoonoho aku au, e Teopilo, i ka moolelo mua, no na mea a pau a Iesu i hoomaka ʻ i e hana a e ao mai no hoi.

            2 A hiki i ka wa i laweia ku ai ia iluna, mahope o kana kauoha ana mai ma ka Uhane Hemolele i na lunaolelo ana i wae mai ai.

            3 Hoike ola mai no oia iaia iho ia lakou mahope o kona make ana, ma na hoailona hoike he nui loa, me ka ikeia e lakou i na la he kanaha, a olelo mai no ia i na mea o ke aupuni o ke Akua:

            4 A i kona halawai ana me lakou, kauoha mai la oia ia lakou, aole e haalele ia Ierusalema, aka, e kali i ka ka Makua olelo hoopomaikai, a oukou i lohe ai ia ʻ u.

            5. No ka mea, ua bapetizo io no o Ioane me ka wai; aka, e bapetizo ia no hoi oukou i ka Uhane Hemolele, mahope iho o na la aohe nui.

            6. No ia mea, i ko lakou akoakoa ana, ninau aku la lakou iaia, i aku la. E ka Haku, e hoihoi mai anei oe i ke aupuni no ka Iseraela i keia wa?

            7 I mai la oia ia lakou, Aole ia oukou ke ike i na wa, a me na kau a ka Makua i waiho ai i kona mana iho.

            8 Aka, e loaa no ia oukou ka mana, ke hiki mai ka Uhane Hemolele maluna iho o oukou; a e lilo auanei oukou i poe hoike no ʻ u ma Ierusalema, a ma Iudea a pau, a ma Samaria, a hiki wale aku i ke kihi o ka honua.

            9 A oki ae la kana olelo ana ia mau mea, e nana aku ana lakou, a laweia ʻ ku la ia iluna; a na ke ao no ia i apo mai, mai ko lakou mau maka aku.

            10 A i ko lakou haka pono aku i ka lani, i kona pii ana, aia hoi, ku kokoke mai la me lakou na kanaka elua, me ka aahu keokeo;

            11 I mai la hoi laua, E na kanaka o Galilaia, no ke aha la oukou e ku nei e nana aku ana i ka lani? O Iesu nei, ka mea i laweia ʻ ku nei i ka lani, mai o oukou aku nei, pela no ia e hoi hou mai ai e like me ka oukou ike ana aku iaia e pii ana i ka lani.

            12 Alaila, hoi aku la lakou i Ierusalema, mai ka mauna aku i kapaia o Oliveta, ua kokoke no ia i Ierusalema, o ko ka la Sabati hele ana.

            13 A komo lakou iloko, pii aku la a iloko o kekahi keena maluna, malaila lakou i noho ai, o Petero a me Iakobo, a me Ioane, a me Anederea, a me Pilipo, a me Toma, a me Baretolomaio, a me Mataio, a me Iakobo a Alepaio, a me Simona Zelota, a me Iuda ka hoahanau no Iakobo.

            14 Hoomau iho la lakou nei a pau i ka pule ana, a me ka nonoi aku, me ka lokahi o ka manao , o na wahine hoi kekahi, ame Maria, ka makuahine o Iesu,  a me kone poe hoahanau.

            Pauku Baibala.-P 8.

            Ka manawa. Mei 18 A.D 33.

            Kahi i hanaia ʻ i. Mauna Oliveta.

            Na Lii. Tiberio Kaisara, ka Emepera o Roma, ka makahiki 17 o kona alii ana. Ponetio Pilato, ke Kiaaina o Iudea. Herode Aketipasa, Kiaaina o Galilaia. Herode Pilipo, ke Kiaaina o na aina ma ka hikina o Ioredane. Kaiapa ke Kahuna Nui ka makahiki 6 o kona kahuna nui ana.

            Na wahi like. Mt. 28:16-20. Mar. 16:8-29. Luke 24:36-53. Io. 21:1--22.

            Mele. "Koho no ke Akua," Hoku Ao Nani, p 50.

            Pule i koho ke kula a pau no ke Akua.

KA WEHEWHEE ME KA NINAU ANA.

Eha Mahele.

 

            1. Ka hoakaka mua ana. P 1-3.

            Owai keia mea nana i hoonoho i kekahi mau mea? Heaha ke ano o ka hoonoho? Ua like ia me ke kakau, kakau moolelo. Heaha na mea i kakau mua ia? Nowai ke kakau ana? Luke 1:3, Teopilo, he haumana ia na Iesu. Ua kaulana paha oia no kana hana maikai. Ma ka nana ana ia Luka 1:1-4, ua akaka, o ka mea i kakau ia Luka, oia ka i kakau i keia buke, oia hoi owai? Owai hoi ka inoa o keia bube hope? Ua kakau Luka i ka moolelo o Iesu mai kona hanau ana a hiki i ka la hea? Luka 25:51. O ua laweia iana, mahope a o ke aha? Mat. 28:19. Ehia na la a Iesu i hoike ai iaia iho mahope o kona ala hou? Ma ke aha? No ke aha kana mau olelo? Ua kakau Luka i ka moolelo a Iesu mai kona hanau ana a hiki i ka wa i pii aku ai oia i ka lani ma ka buke o Luka. A ma keia buke hou ana, e hoomau ana i kona moolelo ma o na haumana ana, Petero ma. Ua hoi aku no Iesu i ka lani, aka, o kona pani, ka Uhane Hemolele, oia ka i noho pu me lakou, a kokua i ke kukulu ana i ka ekalesia Karisetiano.

            II. Na olelo a Iesu mamua o kona pii ana ʻ e. P4-8

            I kona halawai ana me lakou; nana Luka 24:43-49. heaha kana kauoha? No ke aha e kali ai ma Ierusalema? No ka bapetizo hou ana. heaha ka bapetizo hou? Ahea? Ma ka la Penetekota, moku 2. He mau la he 10 wale no i koe.

            P 6-8. I ko lakou akoakoa ana. Mahea ia akoakoa ana? Luka 24:50. Ma ka Mauna Oliveta i ka pau ana o na la he 40 mahope o ko Iesu ala hou ana. Heaha keia ninau a na haumana ? Mau no ka naaupo ana o na haumana. Kuhi lakou e kukulu ana Iesu i kona nohoalii ma Ierusalema. E hemo ana ka auamo o Roma. A hoihoi ia ka Iseraela a pau malalo ae o ka hae o Iesu. A alii no Iesu e like me na alii o keia ao. A pane aku Iesu pehea? Aole akaka ia mea ia oukou i keia wa. Aka , aia a loaa mai ka mana, ka Ukane Hemolele, alaila maopopo. E lilo ana lakou i poe aha? Maopopo, aole no ka poe Iudaio wale no-ko Iesu aupuni, aka, no kanaka e kekahi.

            III. Ka pii ana ʻ e o Iesu. P 9-11.

            P.9 A oki ae la ka Iesu olelo ana, heaha ka mea kupanaha i hanaia? E nana ana lakou ia Iesu, i kona ano olino paha, a e hoolohe ana i kana mau olelo hoomaikai; aia hoi, ua laweia, ua kaili koke ia aku oia iluna. Ua ike maka lakou ia Iesu e pii aku ana me he manu la. A na ke aha i apo aku iaia mai ko lakoumaka aku? He aoaha keia? ka Sekina paha. Kona kino io anei ka i pii aku? Malia paha, ua hoomalule ia kona kino i kino lani. Nana I Kor. 15:51, 52. Hiki anei ke komo ke kino io iloko o ka lani? I Kor. 15:50.

            P 10,11. I ka haka pono ana o na haumana i ko Iesu pii ana aku, owai ka i ku kokoke mai? me ka aahu aha? Heaha ka laua olelo i na haumana? Kuhi paha lakou ua hele loa aku Iesu, aole e hoi hou ana mai o Iesu? He hoi kino mai anei? He hoi uhane mai paha? Pohihihi anei? Nana I Tes. 4:16, II Tes. 1:7, Mat. 24:30,31.

            IV. Ka halawai haipule mua. P 11-14.

            P 12. Hoi na haumana mai hea mai a i hea? Pehea ka loihi o ko ka la Sabati hele ana? 2000 kubita Jos. 3:4. Hookahi paha mile.

            P 13.14. A hiki lakou i Ierusalema komo lakou ihea? He keena haipule paha ia. Kela keena paha a haiaina hope ai Iesu me me na haumana. Elua halawai pu ana o Iesu me lakou malaila, mahope o kana ala hou ana.Io. 20:19-26. Owai ka i komo ilaila? Na haumanu he 11, he mau wahine kekahi. Ehia ka nui o lakou a pau? Heaha ka lakou hana? Oia anei ka Iesu kauoha? I uka 24:49. E pule ana me ke kali no ka hiki ana mai o ka Uhane Hemolele.

 

HE MAU NINAU MAWAHO.

1. He Lunaolelo anei Luka?

2. He hoahele anei oia me Iesu?

3 Nohea kona ike?

4 Ma ka olelo hea kona kakau ana i kana mau buke elua?

5 Heaha kekahi oihana ana?

6 He hoahele oia no ka Lunaolelo hea?

7 Mahea oia i hanau ai?

8 mahea i make ai?

9 Pehea ke ano o kona make ana?

10 Pehea ka nui o ke Aupuni o Roma ia wa? Ka loihi, ka laula, ka nui, o na kanaka? Heaha ko lakou hoomana?

11 Heaha ka Iesu hana ma ka lani?

 

KA HOOPILI ANA.

            1.Elua mea pili i ke kumu, ka hana, ae ao ana. E hana maikai oe mamua, ilaila hiki ke ao aku ia hai.

            2 Nui na hoailona e maopopo ai he oiaio ka oihana karisetiano. Ke ano hou ana o na aupuni, na kanaka, a pela aku.

            3 Pono ke bapetizo ia i ka Uhane Hemolele, aole i ka wai wale no.

            4 Aia a lilo oukou i poe haumana a Iesu, e hoomanao ia hai, i na hoa, i o na aina e ,a pela aku.

            5 Ua hala Iesu i ka lani. Ua hele oia e hoomakaukau i wahi e hoho ai na haumana . A mahope, e kii mai ana oia i lakou e lawe i ka hale maluna, ka home mau. E noho makaukau.

            6 E hoomau i na halawai haipule E hui ma kane, na wahine, e pule, i hiki mai ka uhane. Ua make paha na halawai haipule ma ke kau wahi. E hoala hou ia. E wiki i ka hoala hou ana, o hele mai ka Haku a lawe aku i ka ipukukui, me ka malamalama, a komohia iloko o ka pouli.

            Mele. "Eia ae ke Kane Mare." Hoku Ao Nani. p 88.

            Pule i ala a noho makaukau ke hiki mai ke Kane Mare.

            Haawina no Ian 14, Oih. 2:1-16.

 

PAPA KUHIKUHI NO KA HEBEDOMA HAIPULE

KA MAKAHIKI KANAKOLU KUMAMAONO MAI KA MUA MAI.

 

            La Sabati, Jan 7.-"No ka mea hookahi no Akua, hookahi no mea uwao iwaena o ke Akua a me na kanaka, o ke kanaka Kristo Iesu. Ka mea i haawi mai iaia iho i Kalahala no na mea a pau, e hoikeia nei i ka manawa pono." Tim. 1,2:5-6

            Poakahi, Jan 8-Ka hoonani ana i ke Akua no Kona lokomaikai i hoikeia ma ka hoolako ana i ke ola no na kanakaa pau loa.

            Io 25:1-9. Tes 2,2:2-17.

            Poalua, Jan 9.-Ka mihi a me ka uwe no na mokuahana iwaena o na hoahanau, no na manao ino, no ka uuku o ke aloha, no ka hoomaloka a me ka palaka, no ka nui o na hewa i ae ia.

            Hai, 1 30; 1-8 Iak, 4: 1-10.

            Poakolu, Jan 10.-Pule no na ohana, no na makua, no na keiki, no na kula a me na kumuao, i mea e alakai ponoia ka poe opio a i hoopakeleia lakou mai na hoowalewale mai, a i hoomakaukauia hoi no na hana maikai o na makahiki e hiki mai ana.

            Kan 6: 1-18. Ep 5:22,-6:4

            Poaha, Jan 11.-Pule no ka ekalesia, no ka launa ana mai o ka Uhane Hemolele, no ka hooikaika ana o na Kahunapule, no ka hoeueu ana i na hoahanau, i mea e hooluolu ia ai ka poe kaumaha, e hoihoi hou ia ai ka poe hewa a me ka poe auwana i o Iesu la ka Hoola.

            Is 55: I-II. IO 15:1-12.

            Poalima, Jan 12.-Pule no na lahui e hoomaluia na aina e malamaia ka Sabati, e hoopauia na kanawai e kokua ana i ka on a, e hoolaaia na waiwai o ke ao nei no ka hooholo ana i ko Iesu aupuni o ka pono, ka oiaio a me ke aloha.

            IS 28:1-7/ Rom 13:1-14.

            Poaono, Jan 13-Pule no na Misionari, e hoopihaia lakou i ka Uhane Hemolele, e hoopauia lakou i ka Uhane Hemolele, e hoopauia na hoomana wahahee a me ka lokoino, e hoomahuahuaia ke aloha o ka poe manaoio no ka poe lalau; e holopono ka hana a ka Haku "ma ka manao aku a me ka makemake loa i ka hiki ana mai o ka la o ke Akua."

            Io 6:1-13.

            La Sabati, Jan 14.-"E kiai ana hoi i ka manaolana e pomaikai ai a me ke ikea nana ana mai o ke Akua nui a o ko kakou ola o Iesu Kristo.

            Tito 2:13.

 

MA KE KAUOHA A KA PAPA HAWAII

 

KOKUA LUAKINI O KAUMAKAPILI.

 

            O na kokua ana malalo, ua hoounaia mai e na apana o Kohala no ka luakini o Kaumakapili, penei:

No Makapala   $73

No Pololu        120

No Makapala   450

No Pakolea      100

No Halawai     150

No Halaula      130

No Kapaau      212

No Honomakau100

No Kahei         250

Rev S.C Luhiau          12

 

            A e hoomau ana lakou a piha ka elua tausani dala no Kaumakapili. Ua koho nae lakou me ka aelike ana o kekahi hale pele ka lakou.

            Ke mahalo aku nei ke Komite ohi dala o Kaumakapili i ko Kohala mai kela pea a keia pea o Kohala. Me ka malu o ke aloha o ke Akua.

            S. WAIWAIOLE, Komite.

 

 

HU KA AKA I KA AHAHUI OPIOPIO KRISTIANO O HOLUALOA.

 

            E KE KUOKOA, Aloha oe:-Ma ka la 2 o DEC ua koho ka aha Luna Ekalesia o na Ekalesia Hui, Helani a me Kailua, ia W N Lono i Komite e hai aku ia Alawa, aole lawelawe hou in a hana pili Ekalesia. Oiai ua okiia oia mai ka Ekalesia aku. I ke Komite i hiki aku ai i ka hale halawai, E akoakoa ana na lala o ka Hui, elike hoi me kana hana i hoouna ia ai ua hai aku la ia imua o ke anaina. O ko Alawa eu ae la no ia a hemo ana iwaho. Ua uluaoa koke iho la no ia, a lilo ka hana i mea ole, ua haawi aku ke Komite in a olelo ao maikai, he ole ka maliu mai o na lala o ka hui.

            O kahi no o keia poe, ua hoomahie e no i ka wai hoomalule kino. Kupanaha kai no hoi paha, he kanaka makua ka hana, eia ka he kamalii loa. Mahalo au hana a ka Aha Luna Ekalesia, no ko lakou hana, E S Ikeole, e hana i ka hana a ka Haku me ke kaniuhu ole, e G N Meemii, e ku iluna e hana nou iho a mai kali oe ia hai. E hooikaika a kauka lei o ke ola.

DK WAIPUNAKEA.

 

HE NINAU I KA LEHULEHU.

 

            1.  Nawai la i haawi ka mana i ka Luna Helu o Kona Akau e koho i ka waiwai io o na kuleana mahi oleia a me na pahale waiho wale no ka 350 dala o ka Eka?

            2 No hea mai hoi ka mana i loaa ai i ka Luna Auhau o Kona Akau e ana i na palapala hoohalahala la i ka manawa i noi ia aku ai?

            He elua mau kanaka i hiki aku imua o ka Luna Auhau no ka hookaa ana i ko laua mau auhau ike iho la laua ua oi loa aku ka auhau i ko na makahiki i hala nolaila nonoi aku la laua ua oi loa aku ka auhau i ko na makahiki i hala nolaila nonoi aku ia laua i Palapala hoohalahlaa ua hoole loa ia mai a hoi mai me ka nele. E wiki oe e ka NUPEPA KUOKOA, e hoolaha koke ae ana ka lehulehu e pane mai, malia paha na ua mau Kuhina nei no i ao mai nei pela.

I. KAHOALII.

 

            Aia ma ka hale waihona ukana o H Walakahauki na aniania kilohi o ka hale alii hou. Ekolu aniani ku hale he mau haneri dala ka lilo mai a Hanale Walakhanki i hoouna mai kela mau mea o ko lakou mau kiekie ua pau pono ke kanaka iloko mai lalo a luna.

            Iloko keia wa e nee nei, ke hoa ia mai nei no ke ahi o keia hana hoopilikia i ka lehulehu he ono ole mai ka ai ke ai ae, a puhiia mai ka oihana ma ho, pula no e ka makai i ka la Sabati nei a a uku ke kane hemo ka wahine, ke hana mai nei no me ka poai lehulehu o lakou ke ao me ka po. Aia ma uka pou o o ka Luakini o Kaumakapili, kahi i-a mai ai ke ahi o keia hana e lawe mai e na lima o ke Aupuni i keia mea i pau koke ai.

 

PANE IA SAM P KEANIANI.

 

E KA NUPEPA KUOKOA,Aloha oe;

            Ua ike au i ka pane a Sam . P. Keaniani ma ka Elele Poakolu o ka la 29 o Novemaba, e pili ana ia E. Lililehua, no ka nana in a makai aole e hele i ka pule a me ka punalua wiliki. E Sam. P Keaniani, huna inoa o Manowainui e?

            Aole a ʻ u punalua wiliki, aole no hoi au i papa aku ia Geo. kekipi makai a me Heneri Burua makai hele pule a hiki ikeia la. Ina he makemake kou e ike ka oiaio mai huna i kou  inoa ponoi, i maa i ka lehulehu e hoike ae elike me ke kanaka kuokoa aole e like me keia inoa au epuka hee nei no ka mea ua kamaaina au ma Manowainui a me Molokai holookoa a pau aole kanaka aole haole aole pake aole kilibati i kapaia i keia inoa o Sam.P Keanani. Owai la oe.

            Ke ole au e kuhihewa o ka mea nana keia hoolaha oia no kahi makai o Ulapue au i hoopau iho nei. I hoopauia la hoi ia makai no keaha? Hoopauia no ka hewa heaha la ua hewa la he inu rama. Mahalo anei ka lehulehu i ka mea inu rama aole, he hanaia na ke diapolo a he makua ia o ka Mooomokoko

Owau iho no me ka oiaio.

E. LILILEHUA.

Kaluaaha, Molokai DEC. 14,1882.

 

KA MEA HOU O KA UA KIPUUPUU

E KA NUPEPA KUOKOA E, ALoha Oe.

            E hoike aku ana au imua o ka lehulehu i na hana pono ole a ka Luna Helu J Nakookoo, ma S Kohala Hawaii nei. Ma ka la 11 o Dekemaba 1882 ua noho iho ka Papa Hoopii auhau o S Kohala ma ka Hale Hookolokolo o ka nui o ua hoopii auhana he 24

            I waena o keia huina he wahine kekahi o Kahila kona inoa no Kawaihae uka 1 auhau kino kula ame alanui a he ka aka. I ke komo ana mai o keia wahine a o kekahi poe iho he kanaka aole lio ua lio aku la aohe aina ua aina aku la a iwaena o keia poe Hoopii auhau he 22 i hookuuia hookahi mea aole i hiki mai hookahi mea wale no i paa. Nolaila e nana mai oukou i ka hana paewaewa a kela luna hinuhinu o Wailuku i mahaoi mai nei ia nei.lapuwale o na lapuwale pau na mea i ka lapuwale.

            Haukae on a haukae pau na mea i ka papaaku. Ke haule mau nei na Paka ua koikoi ma ka aina mauna nei, me ke aloha i na keiki ulele hua kepau.

James Bright

Waimea S Kohala Hawaii Dec. 15, ʻ 82.

 

PAPA! PAPA!

NO

ALLEN & ROBINSON

Ua wehe ae he maua

PA KUAI PAPA.

MA

Ka Uwapo o Pakaka.

Na Papa Ulaula o na ano a pau,

Na Papa Paina o na ano a pau,

Na Pili hale Ulaula,

Na Pili hale Keokeo,

Na Pepa Molina,

Na Pepa Hoonani Hale.

 

Na Pena a me na Aila Pena!

Na kui o na ano a pau.

Na Pani Puka a me

Na Pani Puka Aniani,

Na Pani Puka a me

Na olepelepe.

 

NA LAKO KUKULU HALE

O NA ANO A PAU!

E kuaiia ma

KE KUMUKUAI HAAHAA LOA

O keia Makeke.

 

F.S PRATT.                            L.J LEVEY

F S PRATT & CO.

Luna Kudala a he Komisina Kalepa.

BEAVER BLOCK, ALANUI MOIWAHINE,

HONOLULU

 

            E haawiia na makaala kupono no na kauoha kuai aina, waiwai paa, a me na waiwai pilikino e ae. E uku koke ia aku na dala i ka poe mea waiwai kudala.                                                                            1095-tf

 

NA HOOLAHA

CALIFORNIA

FURNITURE CO.

O KEIA HUI A HALEKUAI O

Na Lako Hoonani o na Hale!

I ike mua ia iho nei ma kona kahua mua iho nei ma ke Alanui Papu, makai iho o ka

Halekuai o na Mea Kani o Geo F Wells

Ua Hooneeia ai Nei a i na

Helu 56 me 58 Alanui Moiwahine.

He Hookahi Ipuka ka manao mai ka Hale Ma.

A malaila e loaa ai na Lako hale Emi Loa.

Eia iho ka inoa o ia mau Lako Hale.

Na Moe maikai loa,

Noho o na ano a pau,

Noho koki, Pakaukau,

Noho huleilua.

A HE NUI AKU.

 

EIA PU NO HOI ME MAKOU,

Na Uluna,

Na Bela Moe,

Na Kihei Moe,

A me na Pale Uluna.

A oiai na makou iho no e hana keia mau mea maluna ae nolaila e kuaiia aku ana me ke

Kumukuai Haahaa Loa!

E.P ADAMU, Agena

 

PAPA! PAPA!

AIA MA KAHI O

LEWERS & COOKE,

(O LUI MA)

ma ke kahua kahiko ma alanui Papu a me Moi.

E loaa ai na

PAPA NOU AIKI.

o kela a me keia ano.

 

Na Pani Puka, Na Puka Aniani, Na Olepelepe, Na Pou, Na O-a, Na Papa Hele, Na Papu Ku, A me na Papa Moe nui loa

Na Pili o na Hale o na Ano a Pau.

 

Na Pepa Hoonani, Na Pena o na Wai e pau,

Na Kui mai ke Nui a ka Makalii, Na Ami

Puka, Na Ami Puka Aniani, Na Ami

o na ano a pau, Na Aila Pena, o kela me keia ano Na Aila Hoomaloo, he lehulehu wale,

Na Aila e ae o na ano a pau.

NA WAI VANIKI

A ME NA

WAI HOOHINUHINU NANI!

O NA ANO A PAU LOA.

NA BALAKI ANO NUI WALE.

A ke hai ia aku nei ka lono i na Makamaka a pau, ua makaukau keia mau Makamaka o oukou e hoolawa aku ma na mea a pau e pili ana ma ka laua oihana.

NO KA

UKU HAAHAA LOA.

E like me ka mea e holo ana mawaena o LAUA a me ka MEA KUAI.

E Hele mai! E na Makamaka!!

A e lawa no hoi ko oukou makemake me ka oluolu a me ka maikai.

 

LOLE MAKEPONO

Ke Kuike e loaa no ia ma kahi o

Kakela me Kuke.

E laa na

 

AHINAHINA, KALAKOA. KEOKEO, LEPONALO. PENA, AILA, AILA HONUA, ANIANI,

NA MEA PIULA,

Kopa, AIla Hoomaloo, Kui Kakia, Pakeke, Tabu Kaula, Noho Lio , Hulu Palahi, na Palumi, ahe agena no na mokupuni o Hawaii neino na Lainakini-nao.

Lainakini Maoli, Ki-lika, Palule Kalakoa, Alapia,Kelepa, Na Lole kupono i ka Wawae, Palule Huluhulu,

Na Lole Huluhulu, Na ka hoohelo ana, Li Lole no pini, Lihilihi, etc.

A ME NA

Mikini Humuhumu

MAKEPONO LOA.

A he mau

MEA AI KAHI:

KA PALAOA, KOPAA RAIKI, PIA, HOOHU PAAKAI, HUAALA,  PIA KULINA, KOPE,

A HE

Laau Lapaau Kaulana Loa

A DR. JAYNE,

LAAU HOOMAEMAE KOKO LAAU HOOPAU NAIO , PENIKILA, HUAALE,  LAAU KUNU,

Me na Laau Hamo, a Pela ʻ ku.

840-tf

 

PAPA KUIKAHI MANAWA HOLO

O KA

Mokumahi Hawaii.

"LIKELIKE,"

Kapena King.

AOLE AIE NO NA UKU OHUA.

            Ke hooleia aku nei ka aie no ka uku ohua, a ke hoikeia aku nei i ke akea, in a he mau paiki, ukana a puolo hooili ko lakou, e pono e hoailonaia me ka moakaka lea. Aole no e ae ia ka lawe ana i na ukana, paiki a puolo i hoailona ole ia ke ole e kakauia ka loaa ana mai.

HE KUIKE KA UKU UKANA.

            Ma na ukana a pau o na makamaka, e pono e uku mua ia. A e hookoia no na kauoha no ka lawe a hiki i kahi i makemakeia. A e malamaia no me ka makaala na ukana, paiki a me na puolo, lio, pipi a me ka hoki.

 

E HOAILONAIA ME KA MOAKAKA NA PAHU RAMA A ME WAINA.

            O ka põe no lakou na ukana o kela ano, e hoailonaia me ka moakaka, a i ole e kakauia me ka moakaka ka loaa ana mai o ka poe no lakou keia mau waiwai.

            O na koina no na pilikia a me na poho, e pono e hoike kokeia mai iloko o ka malama hookahi.

            Aole e aeia na hookele kaa, na keiki a me na mea like e pii iluna o ka mokuahi i ka wa e pili mai ai i ka uapo, aia wale no a pau na ohua pepakeke i ka lele.

            No ke ake nui e hoopomaikaiia ka lehulehu kaahele, ua hoololi ae nei na Ona o Likelike i ka Papa Hoike Manawa oia Mokuahi e like me maluna.

Ma Hale Oihana e loaa ai na Pulupulu.

            Aole Keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo, pahu, ka nele ke kakauia ka loaa ana mai E hookaaia ka uku ukana a oi aku.                         WAILA MA.

 

HOOLAHA HOU.

KA MIKINI

HUMUHUMU LOLE

MAIKAI

ST. JOHN

 

E LOAA NO MA KA HALEKUAI O

MR. GEO. F. WELLS.

 

O ka Mikini Humuhumu Lole Maikai loa keia, i hiki ke huila imua a i hope, a i ikeia ma ka Pae Aina Hawaii nei. He Mikini maikai loa no na kanaka Hawaii, he mikini luhi ole.

 

KUMUKUAI $55.00 me Hookahi Gita (Kika) hookani maikai loa makana.

 

            O ka põe ma na kuaaina e ake ana e loaa keia ano mikini humuhumu, e hoouna mai lakou i ke dala ia

 

GEO F WELLS

 

ma Honolulu, a nana no e hoouna aku ma kahi i makemakeia, me na mea a pau e pili ana i ka mikini, a nana e hookau aku maluna o ka moku, me ke kaki ole ia o ka mea nona ua mekini la.

            O ka põe a pau e holo mai ana no Honolulu nei, mai poina lakou i ke kipa ana ae i ka halekuai o

GEO F WELLS

Ma Alanui Papu, a e kilohi iho i ua mikini humuhumu la, oia ka

 Royal St John.

Eia pu no me ia na pila hookahi o na ano a pau, o ka loaa koke ana mai nei no ia mai Amerika a me Europa mai, oia

 

Na Pila Guitar (Kika), he 150 ka nui, mai ka $5 a hiki i ka $125 ke kumukuai o ka pila hookahi.

200 Koliana mai ka $2 a hiki i ka $20 ke kumukuai o ka pila hookahi.

100 Ohe Puluka, $2.50 a hiki i ka $15 ke kumukuai o ka ohe hookahi.

12 Pahu hookani nunui, a me 25 Pahu hookani liilii, a me na ano mea kani keleawe a pau, e loaa no ma keia halekuai i hoikeia maluna me ke

KUMUKUAI EMI WAIPAHE.

Na Piano nunui maikai, e loaa no me ke Kumukuai Emi Loa i ike ole ia ma Hawaii nei.

            He nui aku no na mea i koe, na kela a me keia e kilohi nona iho, ke naue ae ma ko ʻ u halekuai ma Alanui Papu.

            E hookoia ka makemake o kela a me keia ka eleu.

            GEO F WELLS.

1094 tf                                                                                                Alanui Papu.

 

NA HOOLAHA.

NA WAIWAI HOU LOA

O NA ANO A PAU

 

E LOAA NO MA NA HALEKUAI

 

WALAKAHAUKI MA!

MA ALANUI

 

Papu, Moi a me Moiwahine

OIA HOI

 

Na Noho Lio hou loa o na ano a pau,

Na Palule Keokeo,

Huluhulu, o na ano a pau, Na Lio Ahinahina Palekane hou la o na ano a pau,

Na P@@@ K@@@

Na Kopa Bulu, Na Lole o na Wahine o na ano a pau.

Na Pahu Aila Maka maikai loa. Na Silika, Pahoehoe, o na ano a pau.

Kihei o na ano pau.

HAINAKA LAU NUNUI SILIKA O NA ANO A PAU.

 

He nui aku no i koe, he piha pono ua Koluma o ka pepa, in a e kuai pau ia aku nei.

 

Eia hou ae a hoea mai i keia mau la iho he Lako Waiwai hou loa o na ano a pau, a he lako hou loa i wae pono ia e J T WATERHOUSE, Jr. no Enelani, a he mau waiwai hoi i kupono loa no ko kakou mau kaiaule. Nolaila, e eleu mai e na makanaka a me na hoa ʻ loha e hoonuu i keia mau lako waiwai hou loa.                                 1276                                       

 

NU HOU! NU HOU!

Na Waiwai Hou Loa!

NA PAIKINI O KEIA AU

 

E Loaa no ma ka hu Halekuai o

DILLINGHAM MA.

 

Ma Alanui Papu.

 

Oia na waiwai malalo iho nei

 

Na Palau, Kaa Huilapalala, Kopala,, Piki, Oo, Koi, Koilipi, na Hamare Kamana o na ano a  pau.

Na mea Hana a na Kamana, Poe Hamo, Puna na Amara a me na mea hana o ka Poe Akeakamai a pau. Pena Aila. Vaniki a me na Palaki,

Pauda, Poka a me na Kukaepele, Palaki Hamo Puna, Pulumi, Pakeke, Kapu Holoi lole a me na Papa

Holoi Lole, na Iputi,

na Pa Palai, na Makau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

 

I KUPONO NO KA HOOHIWAHIWA ANA!

NA HALE.

 

I hiki ole ia makou ke huai pau aku, aka, na oukou no e hele mai a e hoonuu iho. O keia maluna ae, e loaa no ma ka halekuai o

Dilinahama Ma,

1036-3m] Ma ka helu 37, Alanui Papu.

]end][t