Ka Nupepa Kuokoa, Volume XXII, Number 2, 13 January 1883 — KE KALAIA AUPUNI E PONO AI. [ARTICLE]

KE KALAIA AUPUNI E PONO AI.

( Unukiia.) O ka mea i makemakeia e pono ai ma keia aina, a e ikeia ana no ke hala ae he mau makahiki, oia ka aoao hooponopono aupuni e hoomaopopo ana, o ka pono o ke Akua Mana Loa ka mea e pono ai na hana o na kanaka a me na aupunl Eia ko kakou pilikia, aole i ae ia ke Akua e komo iloko o na kalai aupuni ana. Ua loaa ia kakou he dial>olo, he lehulehu o na uhane ino. Ka diabolo o ka makee oihana aupuni, ke diabolo o ka uhauha wale, aka, aole o kakou Akua. Ua loaa ia kakou a nui loa ke gini, ua nui loa ka rama kahiko, a ua nui loa ka lapuwale o na Ahaolelo, aka, aole ke Akua. Aole au e ake ana e ike i ka hoohuiia oka pono hoomana me ke aupuni. Ahe ake ko'u e ike he aoao hooponopono aupuni ma keia aina e hooiaio ana ma ke akea i ke Akua iloko o na hana aupuni, aole ma ke ano hoopilimeai hoomana, aka, e like me Wasinetona i hooiaio ai, a ma ona la i loaa mai ai na pomaikai o ko kakou kuokoa ana. Talmagf..