Ka Nupepa Kuokoa, Volume XXII, Number 3, 20 January 1883 — NA PUKAUA. [ARTICLE]

NA PUKAUA.

He nui na ninau i lohe ia no na pu a me na lako kaua i kuai ia iho nei e ke aupuni ma Europa. No ke aha keia mau mea? E hoomakaukau ana anei ko keikou aupuni na ke kaua ? Ua hopohopo anei ke aupuni no kekahi haunaele kuloko ? Ua makau ia anei o ala mai he poe kipi i ka Nohoalii? He mau ninau kupono no keia; no ka mea, i ka wa e hoomakaukau ai ke aupuni no ke kaua, pono loa ke ninau ia, heaha ke kumu o ke kaua? Makemake na makaainana noho jx>no a |wu e ike i ke kumu o na hoolakolako ana no ke kaua, ina ke hoolakolako io nei ma ia ana O ke ano o na pu i kuai ia e ke aupuni, oia no na ano pu i lawelawe ia iloko o na kaua weliweli me ka hookahe koko nui, aohe hana e ae a ia ano pu. lna i 'iuai ia na pu o kekahi mau ano e ae, i pu no na hana hoohanohano, e like me ke ki pu ana i na la nui, a {>eb aku, ina ua hiki ke manaoia he hana lealea H*ale no keia a ke aupuni, ma kona hoolilo ana i ko kakou da)a no na pu; aka, aole pela. O ka waiwai o keia ano pu, a o ka lako hana ma na wahi a pau, he hookahe koko, pela ka haiia mai Ina pela, ua kupono loa ka ninau o na makaainana aloha aupuni: Heaha ke ano o keia hana a ke aupuni? Ua hiki mai anei ka wa kupono a ko kakou aupuni e hoomakaukau ai no na hana hookahe koko ? Ua loaa anei he mau kumu kupono iwaena o kakou, a mawaho mai paha, e kono aku i ko kakou aupuni e pale aku i na enemi ma ka oihana kaua? Maloko o ka haiolelo a ka Moi, i ka la i weheia ai ke kau Ahaolelo i pau iho nei, ua haiia mai he maikai wale no kakou me na aupuni o ko na aina e, he maluhia a he kuikahi wale no. Pehea hoi mawaena o kakou nei ? Heaha la na ino iwaena o kakou e kono nei i ke aupuni e hoomakaukau nui iaia iho me na lako kaua ? He lahui hoohaunaele anei ko kakou? Ua maa anei kakou i ke kipi? Pehea ka poe o ko na aina e noho nei, aole anei o lakou e noho pu nei me kakou malalo o na kanawai o ka aina ? Ke noho pu nei no me ke kuikahi a me ka maluhia. He oiaio, ua kue ikaika ia ke aupuni ma kekahi o kana mau hana lehulehu e na makaainana noonoo naauao; no ka mea, ua ike pono lakou, he poino no ka aina a

me ka iehulehu ka hopena o ia mau | hana. Aka, ua haia anei ia mau kue j ana mawaho oke kaha o ka oiaio, a j me ke kupono, a me na mea i ae ia e j ke Kumukanawai? O kapono kamallio • kukakuka a me ke kalaimanao ana, ua: ae ia no na mea a pau; no na makaainana a pau ia pono: ua kuleana na mea a pau iloko oia pono. O ka poe naauao, e kamaiiio ana lakou me ka noonoo; a o ka poe naaupo, he hooopilimeaai wale iho no ka lakou. Alaila. nowai auanei keia mau pu a me na iako kaua i hoomakaukau b ? I mea aha ? Heaha ka hana ?