Ka Nupepa Kuokoa, Volume XXII, Number 5, 3 February 1883 — KA LA PONI MOI. [ARTICLE]

KA LA PONI MOI.

Ke liuliu mai nei na apana kuaaina no ka hele mai i ka la Poni Moi, ma o ko lakou mau komite la, aka, o ka apana nae o Honolulu nei kahi e Poni ia ai ka Moi, aole i koho i komite no lakou; he aha Ia ke kumu, o keia koho ole ia ana, he mau Palapala ka ke komite Poni Moi i hoouna aku nei i na apana kuaaina e koho mai i mau komite no lakou. E like me na apana koho Barota, a pehea hoi keia apana koho Barota e koho ole nei i komite no lakou ? Eia keia, he mea pono i ke komite Poni Moi ke hoolaha aku ma ke akea, e hele mai na komite mai na apana mai, a me ka poe i kono pakahi ia, malalo o na lilo i hookaawaleia no ka Poni Moi, a he mea ia e hookaulike ana i ka pono ma na aoao a i elua, ko waho, a me ko loko nei, a i mea hoi e hiki ai ke hilinai ia mai keia koi ana. *