Ka Nupepa Kuokoa, Volume XXII, Number 7, 17 February 1883 — HE HANA ALOHA. [ARTICLE]

HE HANA ALOHA.

Ma ka la 25 o lanuari i hala iho nei i piha ai ka iwakaluakumamalima o na makahiki o ka mare ia ana o ka Hooiiina Alii o ke aupuni o Geremania me ke kaikamahine mua o ka Moiwahine o Enelani. Ua manao ia no hoi e hoalaia ana kekahi mau hana ano nui, ana ia laua, oiai oia no ka piha ana o ka makahiki i maa mau i na haole ma ka inoa he Silver \Vedding. He mea maopopo, ina i hookoia kela manao, i na la ua ike ia he mau hoohanohano kiekie loa, a me na makana waiwai kiekie no hoi; no ka mea, he mau mamo laua no ka Ohana Alii kiekie a elua o Enelani a me ko Geremania. Aka, ua hooleia ua mau hana hoohiwahiwa nei a me na hookupu ana a pau; a na laua ponoi no i hoole. Ua lohe mua na hoa heluhelu 0 ke K'uokoa no na uliapoino ma kemaiuu= li o ka halana ia o ka aina eka wai, ame na wai kahe. Nuina ola i poino, ahe oi loa aku ka waiwai i poho. Ma kekahi kulanakauhale, he umi tausani kanaka i hooneleia i na home, a aohe wahi koena o na pono kino i koe mai ? ua pau loa i ka lilo i ka wai. Nui loa ka pilikia, ka ilihune a me ka pololi. Eia ka mea hilu loa, o ua man alii nei i olelo ia, nona na hana hoohiwahiwa no ko laua mare ia i manao ia e hana, a me na hookupu ana i manao ia-no laua, ua hoole laua ia mau mea, me ke kauoha aku o ta waiwai a jxiu i manao ia e hoolilo no ia hana, 1 haawi ia ika poe i poino ika wai. A mamuli o ko lauamakemake ua hoopanee loa ia ua mau hana nei. Oke kaikamahine mua loa keia a Victoria, a e ike no ko makou poe heluhelu i kona mau helehelena ke nana iho i ke kii makana a ke Kuokoa no ka makahiki i hala, a o kana kane, oia ka hooilina Alii o Geremania.