Ka Nupepa Kuokoa, Volume XXII, Number 9, 3 March 1883 — NA HEIHEI WAAPA A ME LIO O KA LA PONI. [ARTICLE]

NA HEIHEI WAAPA A ME LIO O KA LA PONI.

Ma ka auina la o kela Poaha aku nei i malamaia ai na lealea heihei waapa o ka la poni alii. He ua ko ia 3uina la, aka, aole nae ia he mea e akakuu ai na manao lealea o kekahi poe no na heihei waapa. Mat ka hora 2 ua hoomaka ia na heihei. O ka heihei waapa holo pea ka mua ua eo i ka waapa hou o ke alii oia o Kahealani. O ka heihei waapa lana iho ua eo ia Kauaheahe na na luina 0 ka moku kaua Beritania Mutine i hoe. O ka heihei waapa. eono hoe ihoua eo ia Malia aka ua nui ka hoopaapaa mawaena 0 na kulu a no ia kumu ua heihei hou a ua eo aku la ia Malia. Heihei waa, ua eo ia Anaehle. Ma ka auina la oka Poakahi nei i malamaia ai na heihei lio ma Kapiolani Paka a o kekahi no hoi ia o na hana e pili ana no ka la poni alii. O ka heihei mua oia no ka heihei kiau mawaena 0 na lio Taiehu a me Teaser. Ua eo i ka lio mua ma na puni elua. He heihei holo iho ua eo i ka lio Poni Moi. He heihei holo iho no mawaena no o Poni Moi me kekahi lio e iho a ua eo hou no iaia. He mau heihei okoa iho no kekahi aole nae maloko o ka papa kuhikuhi. Malaila ka Moi me kona mau ukali. He nui no ka poe i akoakoa ae malaila.