Ka Nupepa Kuokoa, Volume XXII, Number 11, 17 March 1883 — KA HALANAIA E KA WAI MA EUROPA. [ARTICLE]

KA HALANAIA E KA WAI MA EUROPA.

Oiai ka ua4 me Su haiana ana o ka muliwai ma kekahi mau aina o Europa, na ia mea i hoolilo iho i kekahi mau eka aina vraiwai loa no ka hooulu ana i na mea ulu, i mau ainapohopoho a kupono ole no lu hooulu aoa Ina raea ka~ nu, a ua ike ia no hoi he ahulau poino ia a pum na aupuni nui o Europa. Iloko o keia kau ma oa aina o Euro» pa, ua nui ioa na anoano huika i kanu ia, a Iloko o ka haule nui ana mai o na pakaua a me ka pii hīkiwawe ana 6ka wai o na muliwai a haiana aku maluna o keia mau aina hooulu mea kanu, na ia mea i uhi pu iho i na anoano huika a hiki i ka wa i palaho ai a lilo i mea ole; no keia nrea ua nui ka hopohopo 0 na aupuni nui o Europa, no ka mea, ua koho wale lakou o keia kekahi o na makahiki e wi nui ana a puni o Europa; a aole ma Europa wale no, aka, ma kekahi mau wahi eae no kekahL I hui pu aku me keia pilikia i ike niaka La a e manaolana ia nei e kau iho ana maluna o na aina o Europa, ua puka ae la kekahi mai ano ahulau mawaena o na holoholona, a he nui loa na huina i pau 1 ka make iloko o ka manawa pokole. I keia wa, aia no kekahi heluna nui 0 na eka.aina o naaina hooulu mea kanu o Europa malalo oka wai, a ona aina a pau o Enelani e pili kokoke ana 1 na muliwai, aia no malalo o na wai, ua pii ae ka wai o na muliwai a ua halana aku maluna oka aina. He nui na lono e puai mai nei mai kela a me keia poai o Europa, e hoike ana no keia poino hookahL