Ka Nupepa Kuokoa, Volume XXII, Number 12, 24 March 1883 — ALOHA, MAHALO, A ME KA HOOMAIKAI [ARTICLE]

ALOHA, MAHALO, A ME KA HOOMAIKAI

E ka Nupepa Kuokoa; Aloha oe: Nau e hai aku ia Mr Sam. K. Kaeo Esq o t% Kamoiliili ka noeau nana i unuhi i ka moolelo o Onila Maka, ka makai kiu nana i okilo na hee kulua i ka pueone o Ulu Paina luiu. Nana i hoonanea i kuu wa heluhelu, mai ka hoomaka ana a'pau ae la me ka walohia. Aole a'u makana me ke dala a me ke gula, aka ua kaikai kuu mahalo iaia a oi aku maluna o kaupoku o Hanalei, a ilaila, kupinai ae la na leo una he oke oli, kani eo na bele mahalo kanike. E nui ke aho, huai hou ia mai na inai ono o ke kilu a Liua, i pau pono ka iini a ka makemake. Ke haawi pu nei ko'u mahalo ia oe kuu milimili, Nupepa Kuokoa, me ke noi pu ia oe, nau e haawi pu mai i na Moolelo i like me Haku Nelesona, ahea ka wa e huai pau mai e hai mai oe, e hoolono aku au, ia wa maikai e hiki mai ana, ka'u ia e kali nei. Owau no. Mea lawe N. Kuokoa.