Ka Nupepa Kuokoa, Volume XXII, Number 15, 14 April 1883 — HE MOKU PILIKIA, [ARTICLE]

HE MOKU PILIKIA,

Ma ka Poalua nei i ku mai ai mawaho o ko kakou nei awa he mokuahi mai Kina mai me ehiku haneii a oi ohua Pake. Ua puka ae ka mai puupuu Hepela i waena o na ohua ia lakou e holo mai ana ma ka moana, a ua make paha kekahi mau mea, aole nae maopopo ia. He wa pokole mamua iho o ke ku ana mai ia nei, ua hoao na Pake e kiola i ko lakou poe mai iloko o ke kai, e ole ka makaala loa ana o ke kapena a me kona poe kokua, ina no ua kiola io ia. Ehiku paha keia poe haole maluna o ia moku, a ehiku haneri aoi Pake a lakou e malama aku ai Ua makemake ke kapena e hookomo iloko o ko kakou awa e hoomaha ai no kona pilikia. Oiai he moku Beritania kona, a ke noho aloha nei ko kakou aupuni me ia aupuni, he manao kupono no ia. Aka, ua hooleia keia manao e ko kakou Papa Ola, a ua kauohaia oia e hele loa ma ka moana me kona pilikia nui, pela ina he oiaio na hoakaka ana o ka nupepa o ke aupuni 1 ka Poakolu nei. Aole no kakou e pilikia, ina i aeia ka moku e komo mai me ka hoomalu pono ia o kona poe a pau ma Kahakaaulana, kahi i hoomakaukau mua ia e keaupuni no na pilikiao iaano, a ina no hoi e hana naauao ko kakou poe kamaaina o uka nei. Aole makou e olelo ana e hookuu ia poe a pau e hele iuka nei elike me ko lakou manao, meka hoopaa ole ia malalo o ka hoomalu ikaika, aole loa pela. Aka, ke koi nei makou e hana pono ia na hoalauna i loohia ika poino. O ka lokomaikai, aole oka lokoino, ka makou e koi nei e hookoia e pono ai. E aloha aku i ka poe i poino, aole o ka hana ino aku ia lakou. Pono iko kakou Papa Ola e heluhelu i ka olelo a ka Haku e pili ana no ke kanaka i hele ma ke alanui a haule iwaena o na powa. Maalo ae la he pua na Levi, a kaalo aku la ma kahi e; hele mai la he kahunapule, a he kunana wale no kana; aka na kahi kanaka o Samaria i wahi i kona mau palapu, hoihoi aku la i ka hale hookipa, ai ka wa i ola ai, hookuu aku la iaia e hele ma kona alanui. 0 ka enemi nui o kanaka nia keia honua, oia no ke kanaka.