Ka Nupepa Kuokoa, Volume XXII, Number 16, 21 April 1883 — LETA MAI KA PAEAINA NUUHIWA. [ARTICLE]

LETA MAI KA PAEAINA NUUHIWA.

0 keia mau manao malalo iho, ua laweia mai e makou ma na mea ano nui mai ka leta a Rev. J. Kekela o Puamau Paeaina o Nuuhiwa, i ka Rev. C. M. Hyde o keia kulanakauhale, a penei kana: "C. M. Hyde, "Aloha nui oe a me kou ohana. "Ua hauoli nui makou ika ike ana ma kau leta i na mea a pau i hanaia ma ka paeaina Hawaii, i ka hoohuli nuiia 0 kekahi }x>e opiopio e lilo i mau koa no ka Haku, a me kau hoike no hoi no ka hoolaaia ana o kekahi o kau poe haumana 0 kau kula; he ola ahe nani ia no ka paeaina Hawaii. A he kaumaha no hoi makou i ko ke alii ka Moi hoonoa ana i ka rama iwaena o kona lahui kanaka. Ke kiola ala ke alii iaia iho me kona lahui iloko o ka make mau loa. E aho no o Kamehameha I, ka mea i ao oleia i ka olelo ake Akua mamua o keia Moi, ka mea i hoonaauao ponoia—aole nae he malama pono; aloha ino ka poe iloko o ka hoomaloka. "Ma ko makou Ahaolelo i malamaia ma Uapou ma ka mahina 0 Mei o kela makahiki aku nei, ua loaa mai ia makou he leta mai na misionari haole pope o Tahiti, e noi mai ana, ina he mea pono i na ekalesia o ka paeaina Nuuhiwa ke hoohui pu ia me na ekalesia o Tahiti a lilo i hookahi. Ua paneia aku e ko makou komite, aole he maopopo ka hoohui aku me lakou. Ina ua ae ka Papa Hawaii na ko Tahiti poe makou e malama, alaila, ua maopopo e haalele ana lakou ia makou. "Ma ka mahina o Novemaba 0 kela makahiki, ua hele mai 0 Kauwealoha e kokua ia makou i ke kukulu ana i halepule no makou; he 40 kapuai ka loa o keia luakini, a he 20 ka laula, a he 12 kapuai ke kiekie o na pou; ua j hoopuniia na aoao me na papa a ua hahau papa ia ka papahele—aole i pau pono na hemahema. ,4 Ke hooholomua nei na luna Farani i na hana maanei; ke hanaia nei na alanui, ke kanuia nei na pulupulu, a ke makaala loa ia nei ka hoouna ana o na makua i na keiki ma na kula; o ka poe hana ole ma ke kanu pulupulu, e hoopaahao a hoohana ooleaia lakou, a pela no me na makua e hoouna ole ana i na keiki i ke kula, e hoopaahaoia no me ke keiki pu. "Ke ola maikai nei ka ohana nnsionari a pau. Ua make maule ka wahinfe aZ. Hapuku no hapalua hora, ua ola no nae oia."