Ka Nupepa Kuokoa, Volume XXII, Number 18, 5 May 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA NUPEPA

KUOKOA ME KE AU OKOA.

[I Huiia.]

 

No ka Makahiki          $3.00

Eono Mahina   @.00

Dala Kuike ka Rula.

 

POAONO, MEI, 5, 1883.

            Paiia e Thos. G. Thrum, ma ka halepai o ka nupepa Saturday "Press."

 

KALI AU LA.

(Waiting) Gospel Hymn.  Book IV  No 80.

1

Kali au la no na aka

I loihi iki ae,

Kali au la no ka lama

I hoonalo ia mai,

A hala ae la ka pouli

Mai kuu uhane aku no,

A hoea na hoku lani

Mai ka uhi o ka po.

2

Kali au no na mea ohi

E iho mai a ohi e.

Ua hala'e ka wa mahana,

Wa makani anu nei.

Ohi e, e ohi koke

 I ka hua oo nei,

Ua mae e ka nani kino,

Wiki au e hele ae.

3

Kali au no na anela

I wehea ka puka lai,

Kahi e kali nei no au la,

Luhi, hune, meha e.

Lohe ia ka hehi ana,

Me na leo mai o mai.

Aia, hea ia au la,

Ku no au a hele.

4

Kali au no kela hale,

Hale nani maluna'e,

Kahi e pua'i na pua,

Pua lani, ala e.

Kali no kuu ola piha

A Iesu e haawi no'u.

Pau ka hewa, pau ka make,

I'au ka uwe, a oli mau.

HAWAII.

 

HAAWINA KULA SABATI.

HELU 8.  SABATI,  MEI 20.

            KUMUHANA—Herode me Petero.—Pauku Baibala Oih. 1@: 1-17.

            1  A ma ia wa, o aku la na lima o Herode o ke alii e hoomainoino aku i kekahi poe o ka ekalesia.

            2  Pepehi aku la oia ia Iakobo ke kaikuaana o Ioane i ka pahikaua.

            3  A ike aku la ia, ua maikai keia i na Iudaio, hana hou aku la no ia, a hopu iho la ia Petero.  (Oia na la o ka berena hu ole.)

            4  A paa, aliala hahao aku la oia iaia iloko o ka halepaahao, a haawi aku la iaia i kekahi poe koa, eha kauna, na lakou e malama.  Manao iho la ia, a pau ka moliaola, alaila e lawe mai iaia imua o na kanaka.

            5  Kiaiia iho la o Petero maloko o ka halepaahao; aka, pule ikaika aku la ka ekalesia i ke Akua nona.

            6  A i ka wa a heroda i manao ai e lawe mai iaia iwaho, ia po, e moe ana no o Petero mawaena o na koa elua, ua nakinakiia i na kaulahao elua; a no na kiai mamua o ka puka, e malama ana no i ka halepaahao.

            7  Aia hoi, he anela o ka Haku i ku mai la, a anapu mai la ka malamalama maloko o ka halepaahao; paipai mai la oia ma ko Petero aoao, hoala mai iaia, i mai la.  E ala koke oe.  A haule iho la na kaulahao mai kona lima iho.

            8  I mai la ka anela iaia, E liki oe ia oe iho, a e hawele i kou kamaa.  Hana iho la no ia pela.  I mai la kela iaia.  E aahu oe i kou kapa, a e hahai mai ia'u.

            9  Hele aku la hoi ia iwaho, a hahai aku la iaia.  Aole ia i ike, he oiaio ka mea i hanaia mai e ka anela; manao iho la ia, he hihio kana i ike ai.

            10  A hala kekahi papa kiai, a me ka lua o ka papa, a oiki aku laua i ka pani hao e hiki aku ai i ke kulanakauhale: wehe wale mai ka puka no laua, a puka aku la laua mawaho, a hele aku la, a hala kekahi alanui; haalele koke iho la ka anela iaia.

            11  A loaa ia Petero@ manao maopopo, i iho la ia, Ua ike maopopo au, he oiaio no; ua hoouna mai ka Haku i kona anela, a ua hoopakele mai nei ia'u, mai ka lima o Herode, a me ka manao a pau o na Iudaio.

            12  I kona hoomaopopo ana ae, hele mai la ia i ka hale o Maria, ka makawahine o Ioane, i kapaia o Mareko; he poe nui hoi ka i akoakoa mai malaila, e pule ana.

            13  I kona kikeke ana ma ka puka, o ka hale, hele mai la kekahi kaikamahine e hoolohe, o Rode kona inoa.

            14  A ike iho la ia i ko Petero leo, aole ia i wehe i ka puka no ka olioli, holo aku la oia iloko, a hai aku la i ke ku ana mai o Petero ma ke alo o ka puka.

            15  I mai la lakou iaia, Ua hehena oe.  Hoopaa loa aku la kela, he oiaio no.  I mai la lakou, O kona anela.

            16  Hoomau aku la o Petero e kikeke ana, a wehe ae la lakou a ike aku la iaia, kahaha iho la ko lakou naau.

            17  Peahi mai la me ka lima ia lakou, e noho malie, a hai mai la oia ia lakou i ka lawe ana mai o ka Haku iaia mailoko mai o ka halepaahao.  I mai la ia, E hai aku i keia mau mea ia Iakobo, a me na hoahanau.  Haalele aku la oia ia wahi, a hele aku la i kahi e.

            Pauku Gula.  Hal.  34:7.

 

            Manao nui.  Mana ka pule.

            Na heluhelu la.  1.  Oih. 12:1—17.  2.  Oih. 12: 18-25.  3.  Dan. 6:5—24.  4.  Oih. 15: 12-33.  5.  Hal. 3: 1—8.  6.  Hai. 91: 1—16.  7.  Hal. 126: 1—6.

            Ka manawa.  Aperila A. D. 44.

            Kahi i hanaia'i.  Ierusalema.  Papu o Anetonia, Hale o Maria.

            Mele.  "O na Bele."  Hoku Ao Nani.  P. 77.

            Pule i ku a mele. &c.

 

KA WEHEWEHE ME KA NIKAU ANA.

            NA MAHELE.

            I Ka make o Iakoba, me ka hoopaahaoia o Petero.  P. 1—5.

            1  Ma ia wa, ua aha ia?  Ka wa ia Paulo ma e hele ana i Ierusalema me ka manawalea.  Mok. 11: 30.  He wa wi.  Owai ke lii?  Herode Ageripa keia, ka moopuna o kela Herode.  Mat. 2: 1.  He alii malama loa i na Kanawai Iudaio.  He alii oia malalo ae o Kelaudio ka Emepera o Roma.  He alii ma ke ano Kiaaina paha.  He alii hana ino keia i na haumana Karistiano.

            2  Aha oia ia Iakobo ke kaikuaana o loane?  No ke aha ka pepehi ana iaia?  He keiki oia na ka hekili, he lunaolelo ikaika me ka wiwo ole i ka hai ana i ka euanelio.  Oia ka lunaolelo mua i pepehiia.  Ua like ia pepehiia 'na me ke aha?

            Nana.  Mat. 20: 21—23.  Laua me Ioane ka i makemake e noho mahea?  Ua make e Iakobo.  A ko koke kona makemake ma ka lima akau paha, lima hema paha o Iesu ma ka lani.

            3  Owai ka poe i oluolu i ka pepehiia 'na o Iakobo e Herode?  Ke ano anei ia o ka haipule io?

            Nolaila, aha oia ia Petero?  Wa aha ia?  Ka ahaaina berena hu ole, ma Aperila ia ma ia makahiki.

            4  A paa a aha ia Petero?  Ehia na kiai?  4 kauna, ehia ia?  Hookahi no lawehala.  Aole ona mea e hana ino aku ai i kekahi.  He 16 koa i hoonohoia e kiai ia Petero!  Ka i noa, ina hookahi kiai, ua lawa ia.  Aka, ina he kiai okoa ka Petero i ike maka ole ia e like me na anela, he mea aha keia mau kauna koa he 16?  Heaha ko Herode manao ke hala ka moliaola?  No ke aha ke kali a hala ka moliaola?  Huhu paha na Iudaio ke hookolokolo a hoahewa a pepehi iaia ma ka moliaola.

            5  Ua ahaia Petero ma ka halepaahao?  Eha wati ma ka po, oia hoi eha mahele o ka po.  Na kekahi kauna e kiai a pau kona mau hora ekolu,. elua koa o na maloko, elua mawaho.  A lilo ka wati elua i ke kauna elua a pela aku.  E aha ana na haipule ma ia po?  Ua ike lakou i ka pilikia o Petero.  Hui lakou e pule nona, i hookuuia paha, i paa kona manao paha aole e hoole hou ia Iesu.  Ina make oia, e like me Iakobo, e hooliloia kona make i mea e pono ai ka ekalesia euanelio.

            II Ko Petero hoopakele ia 'na.  P. 6—11.

            6  Ia Herode i manao ai e kii ia Petero e laweia iwaho o ka halepaahao, e aha ana Petero?  Hiamoe!

            Pihoihoi ole ea, makau ole.  Aia ia Iesu kona manao.  Oia no kona kiai.  Aia oia mawaena o na koa ehia?  E hoopaa ana laua iaia i ole e ala, a hoao e holo.  Elua koa ma ka puka, i ole e hemo Petero iwaho, a i ole e komo na hoa e kii a huki iaia iwaho.  Makehewa nae keia kiai ana.

            7  Owai keia e komo ana iloko o ka hi i paa ai o Petero.  Mahea kona komo ana?  Auhea na kiai?

            He mea kupanaha keia.  He mea ole na kiai, na ki, na laka.  Aole hiki ke hopu, a paa, a pale aku i na anela.  He poe uhane, he kino uhane no.  Ua pouli paha ko loko o ka halepaahao.  Heaha ka malamalama i ike ai Petero?

            Aha ka anela ia Petero?  A kena iaia e aha?  Pehea e hiki ai ke ala, oiai ua paa oia i na kaulahao?  Hemo ia wai?

            8  Heaha na kauoha a ka anela ma keia pauku?  Noonoo pono ka anela.  Aole make e hele Petero iwaho i ke anu me ke kamaa ole, aahu ole.  Owai ke alakai?

            9  Hana anei Petero pela?  Heaha kana i ike ole ai?  He mea oiaio paha, he hihio paha, heaha la?

            10  Elua papa kiai i hala.  Auhea na koa kiai?  Ua pauhia i ka hia moe, i ka makau paha, mai ke Akua mai.  Pehea kela pani hao nui kahi e hiki ai i ke kulanakauhale?  Auwe! ua ike anei oukou i kekahi pani hao, ua paa loa i ke kiia, a paa hoi i na kaola hao, e hemo wale ana, aohe mana kanaka nana e wehe!

            Mana loa ea, ka anela!  Aia mahea keia halepaahao?  Aia paha ma ka papu o Anetonia, ma ke Komohana Akau o Ierusalema.

            Ua puka laua iwaho o ka halepaahao, a ua komo ma ke alanui, a maopopo kahi e hele ai, alaila pehea ka anela ia Petero?  Ua pau na mea pohipohi.  Hiki ia Petero ke noonoo a hana i na mea i koe no kona pakele ana.

            11  Pehea ko Petero manao no keia hana kupanaha?  Akahi no a loaa iaia ka noonoo pono, no ka mea he kuhewa loa keia.

            Ka hana a Petero mahope iho.  P. 12—17.

            12  A mahope, ua puka io no Petero iwaho o ka halepaahao, hele oia i hea?  Owai keia Maria?  Nana hoi Kol. 4:10.

            Ma ka moolelo, aia kona hale ma ka hapa akau o Ziona.  Nana i ka Palapala Aina.  Ma kona hale ka akoakoa ana o na haipule e pule no Petero, Ioane kekahi inoa o Mareko, ka mea i kakau ia Marko.

            13  I ko Petero kikeke ana, owai ka i hele mai?

            14  A pehea Rode?  No ke aha ka wehe koke ole i ka puka?  Pehea oia i ike ai o Petero oia?

            Ua Iohe pinepihe paha oia i kona leo mamua.  Ua hui pu paha ma ia halawai haipule i kekahi manawa, no ka mea he halawai pule hoomauia.

            15  I ka hai ana e o Rode, aia Petero ma ka puka, pehea i pane ai ko loko poe?  E pule ana no lakou no Petero, aka, haohao Iakou i ka lohe, eia oia maanei.  Emo ole ko ke Akua lohe ana i ka lakou pule.  Aole paha o Petero io ia, o kona anela paha.  Ua pihoihoi lakou.  Akaka ole paha ka mea a lakou i pane ai ia Rode.

            16  Aloha ino Petero e ku wale ana mawaho ma ke anu.

            Hoomau nae oia i ke kikeke ana.  A weheia ka puka, pehea ko lakou naau?  Kahaha!  Petero io no oe.  A ane hoopuka i kekahi mau hua e.

            17  Aka, peahi Petero e aha?  E noho malie, o loheia ka walaau e ka poe makai e huli ana iaia.  A hai hawanawana paha i ke aha?  A kauoha ia lakou e aha?  Iakobo elua paha keia ka mea nana i kakau ia Iakobo.  A haalele Petero ia wahi a hele ihea? i kahi e pakele ai ia Herode.

            Aka, he mau la wale no i koe a make mainoino o ua Herode hoomaau nei.  Mok. 12: 21—23.

            Owai ka i make me Herode?  Oih'Lii 21: 18, 19.  Dan. 5: 30.  Anetioka Epipane kekahi.

            He mea makau loa ka hoomaau me ke kaena.

            O ka poe paulele nui ia Iesu, aole o lakou makau.  Ua maluhia.

            Mele.  "Pili ia Iesu."  Hoku Ao Nani.  P. 169.

            Pule i pili mau ia Iesu.

            Haawina no Mei 27, Oih. 13: 1—12.

 

HE MOOLELO EEHIA

--NO NA—

HANA HOOWELIWELI

--O KE—

TOWERA O LADANA.

[Mai ka peni a ka mea unuhi moolelo o "Beriana ka Wiwo Ole, a me Mahone ke Koa."]

            I ka hala ana ae o ka hapaha hora, ua hoea mai la ka Moiwahine me ka Haku Guilafoda Dudele mamuli o ka leo noi.  Ua wehe koke ia ae la ka ipuka komo nui o ke keena e kekahi mau aliikoa elua, e paa ana i ko laua lima he mau laau palau, me ke Duke Northumberland pu me laua; ka mea hoi a ke aliiwahine i pahola aku ai i kona lima, a lalau aku la ke Duke me me ke kui lima pu ana me ia, a iho aku la i kekahi alapii akea a komo aku la iloko o kekahi mau keena hou aku o ka halealii i hookipa ia ai oia.

            Oiai oia e hele ana iwaena o na keena nui a akea a me na alahele, aia hoi, hoea aku la oia i ke kumu o kekahi alapii pohaku akea; a iaia e pii ana, aia hoi, komo ana oia iloko o kekahi keena nui akea a kiekie, me kona kaupoku i olokea ia me na kua nunui a kaumaha me ka hoopaa ia ana me na kaola paa loa.  O keia keena, aia no ia iloko o ke Towera Keokeo, ka mea hoi a Jane i upu wale ai, ua pili pu aku me ke keena kukakuka; ua piha pu i na kanaka i lako i na mea kaua.

            Alakai aku la o Northumberland i ka Moiwahine i kekahi pio e hamama ana i ka paia pohaku ma ka aoao akau, a alakai aku la iaia mawaena o kekahi mau noho'na ololi mai na paia pohaku manoanoa mai o ke keena, a malaila aku, loaa hou aku la no keia ano hookahi ma ka hema; me ka hoomau o laua i ka hele ana imua, hoea aku la laua ma kekahi wahi akea o ka paia pohaku, ia wa, huki ia aku la kekahi uhi manoanoa e elua mau kanaka, a komo aku la o Jane iloko o ke keena kukakuka.

            O ka nanaina o ke keena imua o kona mau kii onohi, he mea e ka nani lua ole, e hiki ole ai iaia ke hoohalike ae—O ke keena akea imua ona ma kona mau ano a pau, me he la, o ke keena ana i luakaha iki iho ai mamua iho a haalele aku ai, koe wale no keia, o ko keia keena akea loa me kona kaupaku i luhiehu me na hae a me na kahiko hoonani o kela a me keia ano, kona mau pou i uhi ia me ka veleveta a molina ia me ka lihilihi kilika me ka piha pu hoi me ka poe koikoi a me ko lakou mau ukali, ua hoonohonohoia lakou ma ko lakou mau kulana pakahi.

            Ma ka welau luna o keia keena, malalo iho o kekahi pulo'ulo'u gula, malaila i kau ia ai ke kalaunu me ka nohoalii; ma ka akau o ka nohoalii, ka aha kuhina, a ma ka hema, na bihopa.  Ma kekahi poo o ke keena, imua aku o ka nohoalii, oa hoopaa ia na paia me ka uhi veleveta eleele manoanoa i omau ia me kekahi papaa wai dala nui, i kau ia ka hoailona aupuni.  Mamua iho o keia uhi, ua kukulu lalani ia he mahele koa me na pu e kikipu ana i ko lakou mau poohiwi.

            I ka Moiwahine Jane a noho iho iluna o ka nohoalii, oiai ke Duke Northumberland e noho ana ilalo ma ka paepae o ka nohoalii, ua ku mai la oia a noi aku ia i kona oluolu, me ka hoakaka ana e waiho aku imua o na'ii a me na haku, i kekahi palapala i loaa mai ka Lede Mere mai; ku ae la oia iluna, haliu aku la imua o ke anaina, wehe ae la i na opi o ka pepa a heluhelu aku la imua o ka aha kanaka me ka leo moakaka penei: "E o'u mau haku," wahi ana, "he mea e kanalua ai no oukou ke hoike ia aku, o mka palapala a'u e paa nei mai ka Lede Mere mai, a i kau inoa ia e ia, i kakau ia ma Kenninghall i Norfolk, ke koi mai nei oia i kona kuleana i ke kalaunu o keia aupuni, me ka hoakaka a hoike pu mai i ka hanohano i loaa ia kakou, a i aie nui ai kakou iaia, aole i kekahi mea e aku—ua palapala ia no, e o'u mau haku—e haawi ia kakou iho e malama i koua hanohano a me kona kino wale no; a ua hioike hou ia no hoi, e hooko e malama i kona mau pono a me ka ihiihi o ke kalaunu a me ke aupuni holookoa, ma ke kuahaua ia ana maloko o ke kulanakauhale o Ladana a me kekahi mau wahi e ae, e like me ka mea i holo i ko oukou noonoo maikai ana.  Nolaila, e o'u mau haku, pehea ko oukou manao?  Heaha ka oukou pane no keia manao hookiekie—no keia manao kohu ole a hookano loa e koi mai nei i kona kuleana?"

            "Aole he panea," wahi a ka Earl Pemeberoke i pane ae ai; "e hui pu aku no makou me lakou ma ka mea a lakou i manao ai."

            "Aole loa he pono o keia, ko oukou noho hamau ana, e o'u mau haku," wahi a Jane; "o keia noho mumule ana, he alakai hewa loa ana ia."

            "Ea, e hui pu anei," i pane aku ai o Northumberland, me ka leha ana aku me ka huhu ia Pemeberoke; "o kou manao, e kuu Haku e Pemeberoke, no ka hoole ana aku i kona kuleana, he mea oiaio ia.  Aka, e hoike aku au i ke ano e pane aku ai oukou i keia lede i alakai hewa ia.  E hoike mua aku oukou iaia, i ka wa i make ai o ko kakou haku alii, oia o Edewada Eono, ua kau koke ia aku ka apono a me ka makemake ia o ka Moiwahine Jane, a ua kuleana pono oia i ka nohoalii o ke aupuni, aole wale no ma na kumu kupono o na kanawai o ke au kahiko, aka, ma ka palapala a ko kakou haku alii i hooiaio ai, a i kakau ia me kona pulima ponoi, me ke sila ia i ke sila nui o Enelani, imua o ka ohana alii, ka poe kiekie, na lunakanawai, ka poe kakaolelo a me kela a me keia.  E hoike pu aku no hoi iaia, ua hoohiki ae no ka Moiwahine Jane, aole no kekahi mea e, koe wale no kou komohia ana iloko o ka pilikia ano nui.  E hoomanao pu aku no hoi oe iaia, mamuli o kekahi hookaawale ana mawaena o ka Moi Heneri Ewalu a me ka Lede Katarine, kona makuahine hoi, a i apono ia e na kanawai i hooholoia e ka ahaolelo, ua nele oia i ke kuleana i ka leialii o ke aupuni nei.  A o ka hopena, e hoike aku oe iaia e hoopau i na koi ana, he mea hoonaukiuki ia i ko kakou haku alii wahine la Moiwahine Jane, a i kona mau makaainana.  "E o'u mau haku, o keia ka pane a kakou e hoike aku ai iaia."

            "E noonoo makou i keia," i hooho mai ai na leo he lehulehu wale.

            "E awiwi i ka oukou olelo hooholo," i pane aku ai ke Duke, "oiai, ke kali nei ka elele no ka lawe ana aku i ka oukou pane i ka Lede Mere.  A i mea e hooluhi ole ia ai oukou e o'u mau haku i ke kakau ana iho i ka pane, ua hoomakaukau mua au ia mea."

            "Ua hoomakaukau mua ia!" i pane kikoola ae ai o Kikila.

            "Ae, ua hoomakaukau mua ia," i pane mai ai ke Duke.  "Eia no ia," wahi ana, me ka hoike ana mai i kekahi owili pepa i kakau ia a piha i na manao; "i hakalia wale no i ke kakau mai o ko oukou mau inoa e o'u mau haku.  He mea anei i oluolu ia e oe e Sir Williama Kikila, a me oe e kuu Haku e Pemeberoke, a me oe e Shrewsbury, e nana iho oukou, a e ike iho ina ua ano e ae ia mai ka mea a'u i manao ai, oia ka haina kupono e pane aku ai no ka Mere elele hookiekie i loaa mai ia kakou?  Ua hamau oukou: alaila, o ka'u e hoike aku nei, ua apono oukou."

            "Ke hoike nei kou kiekie a oi aku mamua o ka mea i hooiaio ia e oe," i pane aku ai ka Earl Pemeberoke; "aole loa au i apono, aole loa, no hoi au e kau inoa i kela pepa."

            "Owau pu kekahi," i hui pu mai ai o Kikila.  "A pela pu me a'u," i pane mai ai na leo he nui wale.

            "E ike koke kakou," i pane aku ai o Northumberland; "e lawe mai i peni a me ona inika," wahi ana, me ke kena ana aku i kekahi o kona mau ukali, a ua hooko koke ia.  "O kou Kiekie e Cranmer ke kau inoa mua mai.  Ua pono.  A ano, kou mai e ka Haku Makuisa o Winchester, kou mai eka Haku Bedford, kou e Northampton, kou e kuu Haku o ke Kaulike, a o kou inoa aku mahope: kou mai e ka hoahanau Sofoloka.  Ke ike nei oukou e o'u mau haku, e hiipoi ia auanei oukou." wahi ana, me ka mino aka hoopalaimaka ana.

            Oiai e lawe ia ana ka pepa no ke kakau inoa ana, e ku ana o Simona Renada iwaena o ka puukiuki o na hoa o ka aha kukamalu, hawanawana aku la oia i ka poe e ku pu ana me ia—"Ina e piha ana keia pepa i ke kau inoa ia a hoouna ia aku imua o Mere, e hoomake loa ia ana kona mau manaola.  E manao koke ana ia, ua apuhi kona mau houaloha iaia, a e haalele koke iho ana oia ianei no Farani: a oia hoi ka mea a ke Duke Northumberland i manao ai e hooko ia ana."

            "Alaila e hoohoka ia ana kona manao, aole loa e piha i ke kakau inoa ia:" i pane ae ai o Pemeberoke.

            "Mai paulele loa oe pela," i pane aku ai o Renada me ke ano hoomaauea.

            "A nolaila, ano, e kuu Haku Aruna, dela," wahi a Northumberland, me ka lawe ana mai i ka pepa mai ia Sotoloka, "ke kali hou nei makkou no kou kau inoa mai."

            "Alaila, e kali hou aku kou kiekie i wa loihi hou aku;" wahi a Arunadela i pane aku ai me ke ano pakike.  "No ka mea, aole au i komohia aku iloko o na lawelawe ana o keia mea."

            "Ea!" i puana ae ai o Northumberland me ka leo okalakala, akaa, ia wa koke no, uumi hou iho la oia ia mau manao, a haliu aku la me ke kamailio ana i kekahi, me ka pepa i ka lima, a hoomau aku la e like me mamua:  "O oe hoi e ka Haku Shrewsbury, na maopopo lea ia'u kou kulana hanohano, pehea oe i kou pulima?  Ea! o oe anei kekahi i haina aku i kou Aliiwahine?  E o'u mau haku, ua piha ia au i ke kuhihewa no oukou.  E hiki ia oe ke hooiaio e Pemeberoke i keia kuhihewa o'u.  Ke kau-li mai nei la hoi oe, pupuu na lima kalele ia Kau—ua hiki!  Ua maopopo oe ia'u.  E o'u mau haku!  Ua palaka oukou i ka mea a oukou i aie ai i ka hanohano.  O oe hoi e Sir Thomas Cheney—aole anei ou lohe i ko'u kamailio aku ia oe?  E Kikila, kuu Kikila akahai a maalea—o kou kahakaha iho me ka peni oia wale no ka'u noi.  Aole anei mea o oukou e hele mai a kakau inoa?"

            "Aole hookahi," i pane aku ai o Pemeberoke.

            "He hana lapuwale keia," wahi a Northumberland, me ke ano hookiekie; "e kakau inoa oukou a pau loa! e ka poe lapuwale, hookano me ke kipi maoli!  E kakau ko oukou pulima i keia pepa e pono ai, a i ole, ma ko ke Akua uhane makamae!  E hoopaa ae no au me ka sila o ko oukou koko.  Nolaila, e hoolohe anei oukou i keia leo?"

            I keia manawa, ua meha iho la ke anaina aole lo ekemu.

            "E hoolohe anei oukou iaia?" i pa, ne aku ai o Renada me ka leo hawanawana henehene.

            "Aole loa," wahi a Pemeberoke me ka inaina.

            "E na koa!" i kauoha ae ai o Northumberland, "e ka-i i ko oukou mau kapuai, a e lalau i ko lakou mau kino."

            Ua hooko koke ia ke kauoha e na koa, ia lakou i hele aku ai imua a hoopuni ae la i na pio.

            Kaulona pono mai la o Jane i kona mau maka maluna o Northumberland, me ka pane leo ole nae.

            "Heaha ka mea i koe?" i ninau aku ai o Pemeberoke me ka leo nui.

            "I ka paepae oki poo," i pane mai ai o Northumberland.

            "I ka paepae oki poo!" i hooho ae ai o Jane me ke ku ana ae iluna, oiai ka ohelohelo o kona papalina, ua haikea koke ae la.  "Aole pono o keia hana! e o'u mau haku, aole loa."

            "Aka, ua olelo au ua pono" wahi a ke Duke me ka piha i ka huhu.  "Mao na lani la! ua manao keia poe haku kipi, ua hopo au i ka hookahe ana i ke koko, e like me lakou i kapae ai i ke kohu eleele o ka inika.  Aka, e ike lakou i ko lakou kuhihewa.  E lawe koke aku ia lakou no kahi oki poo ano."

            "Aole i kupono i kou kiekie ka hana ana penei!" wahi a Jane me ka naau kaumaha.

            "He elima minute wale no no lakou e hoomaha ai" wahi a ke Duke me ke kuoo.  "Mahope aku o ia manawa, aole mea nana e hoopakele ia lakou."

            Ua noho koke iho la ke anaina e kuka, a i ka hala ana ae o na minute ekolu, kauoha aku la ke Duke i kekahi kakiana e hele mai imua ona.

            "E pono oe e kakau ino," i hawanawana aku ai o Simona Renada; "a e imi ae au i ka mea pono e launa aku ai me ke Aliiwahine Jane."

            "Ua hoopau wale makou i ko makou manao," wahi a Pemeberoke, "a e hana ia kou kiekie a me kou makemake."

            "Ua pono," wahi a Northumberland.  "E hookuu ae ia lakou."

            I ka hookuu ana ae o na koa ia lakou, ua hele koke mai la lakou imua, o kekahi mahope o kekahi, e like me kona kulana, a kakau inoa mai la i ka pepa pane ia Mere.  I ka pau ana o keia, ua waiho koke aku la o Northumberland ma ka lima o kekahi Aliikoa, me ke kaaoha iaia e haawi koke aku i ka elele, me kona kauoha pu ia aku, e hookuu i ka holo o kona lio a pau me ke kaohi ole a hiki oia i Kenninghall.

(Aole i pau.)

 

NA HOOLAHA KUMAU.

ASA KAULIA,

LOIO A KOKUA MA KEKANAWAI

 

Jno. Lota Kaulukou,

LOIO A HE KOKUA.

@

 

W. O. SMITH,

LOIO! LOIO!

Helu @6 Alanui Kalena, Honolulu.

 

W. L. HOLOKAHIKI.

He Loio a he Luna Hooiaio Palapala.

Keena Wehek@alaula Alanui Petera. 1101 tf

 

SAM. L. KAWELO.

LOIO@

            E noho mau ana ma ke kulanakauhale:

Honolulu Oahu.          1104 tf

 

SAML. K. KAEO.

LOIO! LOIO!

E loaa no ia ma ke Keena Loio o J. L. Kau lukou mauka iho o ka Halewai, Honolulu.

1195 1yr.

 

A. ROSA,

(AKONI.)

He Loio a he Kokua ma ke Kanawai.

A he Luna Hooiaio Palapula.  Keena hana, aia ma ke Keena o ka L@la Kuhina.

1101 1yr.

 

S. B. DOLE,

He Loio a he Luna Heeiaio Palapala.

KEENA HANA—Ma Alanui Kaahumanu.

 

CECIL BROWN.

Loio a he Kokua ma ke Kanawai.

A he Agena no ka Hooiaio ana i na Palapala no ka Mokupuni o Oahu.

Helu 8 Kaahumanu, Honolulu, H. P. A.         2-1y

 

Richrd F. Bickerton,

[PEKETONA.]

Loio a he Kokua ma ke Kanawai.

Keena hana Helu 23 Alanui Kalepa,

Elua puka ma o aku o ka hale kauka o Kauka Minuteole.

 

JAMES M. MONSARRAT,

[MAUNAKEA]

Loio o he Kokua ma ke Kanawai.

A HE LUNA HOOIAIO PALAPALA

Keena hana alanui Kalepa.

Jan. 3, 1880.    944-1y

 

KALE KULIKA,

Luna hooiaio

PALAPALA KUAI, MOLAKI

A ME NA PALAPALA OIA ANO.

Luna Hooiaio Palapala Aelike mawaena o na

Haku a me na Kauwa.  Luna Haawi

Palapala Mare.

Ma ke kihi o ke Alanui Moiwahine me Kaahumanu,

kulanakaauhale o Honolulu, @ Hawaii Pae Aina.

159-tf

 

C. C. COLEMAN,

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii,

905-tf  E kokoke la i ke Alanui Papu.

 

HALA TELA HOU!

KAUKAIWA

Helu 11, Alanui Nuuanu,

KOKOKE I KA UWAIO.

S. HAMEEKAPU.

Iune 22 1832.  1025tf

 

ANA AINA!  ANA AINA!!

Frank Pahia a me

Samuel M. Kaaukai.

            KEENA HANA—Aia ma Alanui Moi, kokoke l@a ka Uwapo o Hooliliamanu.

1096 tf

 

MAKEMAKEIA.

            Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

C. BREWER & CO. (Burua Ma.)

 

Joseph E. Wiseman,

LUNAHOOPONOPONO O NA WAIWAI PAA

--A ME—

Luna Imi Hana,

Helu 27 Alanui Kalepa, Honolulu

Luna Hoolimalima no na Rumi, na Hale, a me Luna Kuai me Hoolimalima o na Waiwai Paa ma na wahi a pau o ka Paemoku.  Luna imi Hana no ka poe a pau i nele i ka hana ole ma na wahi a paa i makemakeia ma kekahi mokupuni o ka Paeaina.

            N. B.—Na Palapala Hoolimalima e hanaia me ka eleu; e ohiia na Bila Aie a me na hana e ae a pau e pili ana i na hana Oihana Kalepa me ke eleu a me ka pololei.  O na Unuhiolelo a me na Maheleolelo ana, e hookoia me ka maikai.  O na kauoha a me na kamailio ana maloko o na leta no kekahi o na hana maluna ae, e hookoia me ka eleu loa.

1076-1y

 

UA MAKEMAKE IA

            NA ILI BIPI,

                        NA KIWI BIPI,

                                    NA IWI BIPI,

            E haawi ia no ke kumukuai kiekie o ko kakou makeke nei e

H. HACKFELD & CO.

 

NA HOOLAHA KUMAU@

KA @

HUMUHUMU@

MAIKAI

ST. JOHN

F@

MR. GEO. F. WEL@

O ka Mikini H@

lea keia, @

hope, ai @

Hawaii nei.  H M.

maikai @

naka Ha@

ke mik@

luhi

@

 

KUMUKUAI $55.@

me Hookahi Gita (Kika) hookani maikai loa makana.

 

            O ka poe ma na kuaaina @ keia ano mikini humuhumu@ kou i ke dala ia

 

GEO. F. WELL@

ma Honolulu, a nana @ hi i makemakeia, me @ ka mikini, a nana e h@ moku, me ke kaki@ mekini la.

            O ka poe a pau e h@ lu nei, mai poina lakou i k@ halekuai o

 

GEO. F. WELLS

            Ma Alanui Papu, a e k@ humuhumu la, oia k@

 

Royal St. John.

Eia pu no me ia na pila h@

            pa, o ka loaa koke @

                        no ia ma@ A@

                                    a me Europa

                                                mai. @

 

No Pila Guitar (Kika @ mai ka $5 a hiki i k@ mukuai o ka pila hooka@

200 Koliana mai ka $2 @ ke kumukuai o ka piia @

100 Ohe Puluka, $2.50 a @ ke kumukuai o ka ohe h@

12 Pahu Hookani nunui a @ Hookani liilii, a me na a@ keleawe a pau, e loaa n@ lekuai i hoikeia maluna @

 

KUMUKUAI EMI WAIPAH@

Na Piano nunui ma@u, @ me ke Kumukuai Emi @ ike ole ia ma Ha@

 

            He nui aku no na mea @ la a me keia e kilohi n@ ae ma ko'u halekuai ma A@

            E hookoia ka makemake @ keia me ka eleu.

GEO. F. WELLS.

1094 tf            Alanui Papa