Ka Nupepa Kuokoa, Volume XXII, Number 21, 26 May 1883 — HOIKE A KA PERESIDENA O KA A. O. I. P. K. O WAILUKU MAUI. [ARTICLE]

HOIKE A KA PERESIDENA O KA A. O. I. P. K. O WAILUKU MAUI.

Mai ka malama mai o Feperuari A D. iSSi, a hiki i keia malama e nee nei, ua piha ka elua makahiki a oi aku, a emi mai paha ke ku ana o keia ahahui malalo o ke kukulu ana o ko kakou mau makamaka, Keoni Kalaina a me D. Keaweamahi; aka, mai ia malama no o ia makahiki a hiki i ka malama o Mei, aole i ku keia ahahui malalo o ke kumukanawai a'me na rula. E like no ine ke ano o ka Keoni Kalama ma alakai ana i na hana, pela no lakou e hana ai he halawai mau mai ka Poakahi a Poalima o kela a me keia j pule; a hiki i ka malama o lune iSSi, ! ua koho hou ia he mau Luna Nui hou ! no keia ahahui i ka wa a Keoni Kalama ma i haalele iho ai ia makou. Poakahi, Poalua, a me Poaha, o kela a me keia pule na wa hoomana o keia ahahui. He elua lala o keia ahahui, a i na laua e malama i ka halawai hoomana iloko o na manawa ekolu i hoike ia ae la maluna; a na ka Peresidena no e i hoolaha i na inea e malama i ka halawai, a ke hooko pono ia nei ia mau hana a hiki i keia wa. Eia kekahi mea a'u e hoike aku ai; na keia ahahui no e malama mau nei i halawai hoomana maloko o ka halepaahao o Wailuku nei, malalo o ke alakai akahele ana a kekahi lala o keiaahahui oia o Hon. J. W. Kalua, a nana hoi e malama i halawai hoomana me ka ]x>e i ahewa ia e na kanawai o ko kakou aina, Kohoia kekahi lala o keia ahahui i komite e hele aku imua o ka Luna Makai T. W. Everett e like me ka mea i hooholoia e keia ahahui, a i kona hele ana, ua ae mai oia; a na ka Hon. J. W. Kalua a me J. Nakookoo i wehe mua i ke anaina hoomana maloko o keia halepaahao; a mai ia wa mai a hiki i keia wa, ke mau nei ia hana; a na ka £eresidena no e koho i kekahi mau mea elua no mailoko oe o keia ahahui e malama i ka halawai i kela a me keia Sabati mahope o ka pau ana o ke anaina hoomana nui o ke kakahiaka. Ua hele keia ahahui ma Waihee, Waikapu a me Paia, malalo no o ko ka | Haku aloha ia poe; aka, ua loaa no he mea e hauoli ai ko ke Akua poe kanaka, i ka loaa ana o kekahi mau uhane e huli nui ana e mihi, a ua nui ka oluolu 0 kela puali anela ma ka lani, a pela io no. He oiaio, ua loaa pono i ke aloha o ke Akua ma o keia ahahui la ka poe auwana, a ua huli lakou e mihi, a e hoike ana i ko lakou mau hewa iho, a ua hoomaopopo iakou i ka nui o ko lakou pilikia, a nolaila ke koho nei au 1 ke Akua i makua no u a hiki i na la hope. A pela io no a hiki i ka ae ana mai o ke Akua ia lakou i poe kanaka nona; a o ko lakou nui i komo i ka hoahanau mailoko aku o keia ahahui he S t Ke lulu mau nei no keia ahahui e like me ko lakou mau rula; a o ka huina dala. maopopo ma ka llma o ka puuku e paa nei, ke iaweia na lilo, he $12. a o na hoolOo no ka aiia kukui, maialo no ia o na daia o keia ahahui—Na ke Akua no e kokua mai ia kakou. M. P. Waiw.uole, Peresidena o ka Ahahui Opiopio Imi Pono Karistiano o Wailuku. Wailuku, Mei 9 1883.