Ka Nupepa Kuokoa, Volume XXII, Number 21, 26 May 1883 — KAPEKEPEKE KE AUPUNI. [ARTICLE]

KAPEKEPEKE KE AUPUNI.

Ua nawahwali ka Aha Kuhina o f£ipikona; ke raau nei no kona holo kapakahi ana maluna o na huila lauwili ekolu. Aohe wahi hilinai ia ena Loio naauao o Ha wiii nei. a ua nele loa ia ke kaa o Hawaii me ka «ha o na huila. Ua ike ia ka lauwiii o ka oihana; ua hoomaopoj>o ia ka hpuwale mamuli o ke kaa ana i na iima hawawa o ke Kahuhipa o Lanai; ua paumaele; a nolaila, aohe mea makemake e paumaele i na kipona lepo o ka Aha Kuhina ano ole. Ua hai ia mai makou aohe loio naauao hookahi e ae ana e ku ma ka aoao o ke aupuni ma na hihia he«a imua o kahi aha o keia kulanakauhale. Ea; akahi no a kau keia ulia imua o Hawaii. Alohawale. Heaha la na kaukau ana moi i hala ? na kaukau a na Lunakanawai Kiekie 1-ee, Alani/ Robikana, Davis, Hailaki ma ? Me he la e pane mai ana lakou —"He oiaio, ua hoolapuwale ia oe e Hawaii a makou i hookiekie ai!" ♦ * * * A hiki mai i keia la, ke holo nei no ke aupuni Hawaii me ke kulanalana, e kapekepeke ana maluna o na huila ekolu. Ua hooneleia na manaolana oke kuhikuhipuuone o Palawai; ua hoikeia ka moewaa o kana mau hihio moeuhane; a ke paialewaia nei kona mau noonoo e na ale hanupanupa o ka pihoihoi. Ua kuu iho nei oia i kana makau i hoopaaia me ka maunu o ka maalea, ua nana keeia nae eka ia, aohe ai ia, he ekaeka ka maunu. Ua kuu iho nei no Hoi oia i kana upena olohaka, a ua hoike mai ka nele i kona hoowahawahaia. Owai la auanei ka loio e lou ana i kana makau ? Ua nele ae nei oia ma kana mau hooikaika ana e maliuia aku e ko ke kulanakauhale nei poe loea kanawai; hoikeia aku nei kona hilinai ole ia; akaka ae nei ka hoowahawahaia o ka oihana oiai oia kekahi e hokae pu ae; alaila, heaha aku auanei ka hopena? Ua lohe mahui wale mai nae hoi makou, ua hanu aku nei ua lawaia nei ma na kuaaina. Ua kii aku la ka i kona hoa e kohu ai, ka manu aeko hoi e noho mai la ika ua kanilehua. Pehea la auanei ia manu ? E pau ana paha kona mau hulu eheu ika akom e ke kiu kapili manu o Palawai ? A i ole, e kiko mai ana-paha keia me ke pek.u mai a kaawale ka maalea. Heaha la auanei ka hoj)ena ? Mawaena oka poe naauao i minamina i ko lakou mau inoa maikai, ke hoike kaokoa ia me ka moakaka ka hoowahawaha ia e ka poai naauao o ka aina, oia koke no ka wa e haalele aku ai i ka oihana ; aka, o ka poe i nele me na noonoo maikai, ka poe i nele i na inoa maikai, aohe a lakou manao ana ae, hookahi wale iho no, o ka noho mana maluna o ka oihana; ka hoolilo ana i na dala i o a ianei; ame ka hahao ana i na opihi maloko o ko lakou mau ekeeke. Ano la i lohe ia mai la, ua hookohu ia o Mr. \Vard, he haole no Kikane mai, i loio kuhina. Kahuhu ! Heaha ka hopena ina he oiaio keia lono ?