Ka Nupepa Kuokoa, Volume XXII, Number 22, 2 June 1883 — HE OIAIO ANEI? [ARTICLE]

HE OIAIO ANEI?

Ua hai ia mai makou e kekahi mea i hiki ke hilinai ia, eia ka Aha Kuhina e ku nei iloko o na hoaleale okaikai o ke kuee mawaena o lakou iho. Ua oleloia, ke ohumu nei kahi mau lala o ua Aha Kuhina nei i kekahi hoa o lakou, i ke hoao nei e hoala ae i na kumu e hiki ai ke hoopau ia mai ka noho oihana ana. He wahi lono ano e keia; he wahi lono no nae hoi e hiki ke hilinai ia i kahi manawa. Ina he oiaio keia lono, alaila, he hoike ana mai ia i ka

lokahi ole o na poo oihana o ke Aupuni, a he mau kahoaka hikimua hoi no ka hopena e hoea mai ana i ulu ae mamuli o na kekee a me na pono ole i hana malu ia. Aka, malia he ano lili kekahi kumu, e ake ana no ka lima nui e pau no a pau loa iaia, a ko ai na iini makaleho i hoopu ai iloko no na makahiki lehulehu i hala ae nei. Na ke au o ka manawa e hoike mai.