Ka Nupepa Kuokoa, Volume XXII, Number 23, 9 June 1883 — NA MEA HOU O KE KAIAULU. [ARTICLE]

NA MEA HOU O KE KAIAULU.

I — O na hiona o ka makani Kaiaulu i keia wa e noho nei, ua ano loli ae mai kona ano mua iloko o na kau makahiki i kaalo ae a he ano taona ka olelo ana. Aole no he pilikia na kanaka o keia apana ma ka pono o ka noho ana, oiai, ua lawa i ka ai me ka ia. Ua noho ka Aha apana o Waianae nei, e hoolohe no ka hoopii a Punohu . vs Hasting & Co, Keawekane vs Hasting & Co, ame kekahi poe e iho, no ke kumu Hoopiiia. Ua lawe ka mea i hoopiiia i ka pono wai a pau loa oka Ahupuaa o Makaha a nele na kanaka e noho ana maluna o ua aina la, a mamuli o keia hana ana ua maloo na loi > ai ana kanaka, ua hoopuiia ka mea i hoopiiia e uku i na poho o ka po£ hoopii na koina oka Aha, a ua hoohalahala aku ka mea i hoopaiia no ka Aha kaapuni e noho ana i keia kau ae, J. A. Mawa no ka poe i hoopiiia, I). B. Ma--1 hoe no ka mea i hoopaiia. Ke ao kanawai nei na opio ake naanao ma ia inea no keia hana kaulana malalo o ke ae noeau ana a D. B. Mahoe, a ua ikeia ko lakou holomua. Ua wehe ae nei o Wallas Pae he kanaka Hawaii oiaio i hale kuai nona, a o na kumu kuai o na mea a pau he! waiolu wale no, a e hoouna aku ana oia i kope olelo hoolaha, e kono ana i na kanaka a pau o ke aupuni Hawaii e holo mai i kona hale kuai e hoopakika ai. Ke wili nei no ke ko a ka Hui Mahiko o Waianae. aole he wa e hao ai he oia mau.