Ka Nupepa Kuokoa, Volume XXII, Number 23, 9 June 1883 — KA DIABOLO ILOKO O KE KANAKA. [ARTICLE]

KA DIABOLO ILOKO O KE KANAKA.

(Hanese ke Kumeka.) Aka, he kanaka makua kou makuakane, a hiki paha iaia ke noi ia lesu nona iho. Aoie i manao Rekena he kanaka ona kona makuakane. Aka, ma kona manao, aole e noi ana oia nona iho. Kuu ] iini nui, e noi aku oia ia lesu. Pono j ole loa keia ano ona. A e mahuahua j ana ke ino, olelo Rebeka. [ Aole olelo hou o Ani. Honi no ia j Rekena, a paani pu laua me kahi bebe ; lole (doll.) I ke kii ia ana o Ani e hele e paina, hawanawana oia ia Rekena, e noi aku nae kaua ia lesu. Ma ia po, kukuli na kaikamahine liilii elua ma na wahi moeliiliielua, e pule no ke kanaka iloko ona ke diabolo, no ka mea, o ke kuko rama, he diabolo io no ia maioko 0 ke kanaka, a hiki ole ke mahiki ia ke kokua ole lesu. Hiki no ia lesu ke kokua. Ua hoolohe lesu i ka pule a keia mau kaikamahine liilii. Noonoo no o Ani i ka hana e ko ai ka pule. Ma ke kakahiaka ae, olelo Ani, e nana, ua nele kahi bebe lole i ke kamaa ole. E ae anei oe e hele au ike kumeka o Hanese, e hana oia i paa kamaa maikai no kahi bebe lole ? Ae, o hele oe, he ala pokole no. Ka holo no ia o Ani, a ku ma ka puka oka hale oke kumeka. Kapalili kona puuwai iaia e kikeke ana. Wehe no ke kumeka i ka puka a nana ia Ani me ka maka oluolu, a akaaka i ka ninau o Ani; hiki anei ia oe ke hana i paa kamaa no kuu wahi bebe lole ? Ae; a kulou oia.e ana i ke kapuai, me ka olelo, e hana au i paa kamaaa no kau bebe lole, ano ka bebe lole o ka'u kaikamahine. Ua olelo huhu au iaia i nehinei. O ! o kela diabolo ia iloko ou, nana i hoala ia huhu a hana ino, wahi a Ani. Np ke aha kou noi ole aku ia lesu e kipaku ia iwaho ou ? Nana ke kumeka ia Ani me he la e huhu ana. Aka, he ano maikai ko Ani, oluolu ka olelo. Aole pane ke kume ka. Ninau hou Ani me ka ikaika. No ka aha kou noi ole ia lesu ? E noi aku oe, a e noi aku kau kaikamahine. Nui kona aloha ia oe, a olelo oia, he makuakane maikai oe ke loohia ole ia oe ia mea ino. Ua ike oe ike keiki a keIa makuakane. He diabolo iloko ona, a hoolauwili a hoohina iaia iloko oka wai, a iloko oke ahi. Aka, ua hoola lesu iaia. Pau ia olelo, hoi aku Ani i kona home me ke kanalua, ua pono paha kana hana, pono ole paha. Aka, paa kela mau olelo a Ani i ke kumeka. No ke aha kou noi ole ia lesu e kipaku i ke diabolo iwaho ou ? Oiaio no, he diabolo no ke kuko i ka bia. He mea ona no ka bia elike me ka wiseke ke inu a nui. A ina hoomaka au e inu, ala mai ka makemake e inu hou, a inu hou ae. Hiki ole ia'u ke oki. Ua hoao no e haalele, a hoi hou no nae. No ke aha kou noi ole ia lesu ? kani pinepine ia ninau iloko o kona pepeiao. Hiki ole ke moe oiuolu. A mahope, hoohaahaa oia iaia iho, kulou, a noi ia lesu. "E lesu e kokua mai ia ? u ike kue ana aku ike diabolo." Hoolohe lesu i ka pule, a uā haalele keia uhane ino ia Hanese ke kumeka. Ua ko na pule a na kaikamahine. Auhea ke kaikamahine Hawaii e aa e hoohalike me Ani liiiii ? j Sabbath Reading. j ( Unuhiia e Hawaii.) . '