Ka Nupepa Kuokoa, Volume XXII, Number 24, 16 June 1883 — KA LA O KAMEHAMEHA. [ARTICLE]

KA LA O KAMEHAMEHA.

Aole i hoomanaoia ka la 11 o Iune nei, ua hoopaneeia a keia Poakahi ae, oia ka la 18, no ka make ana o Aiii Keelikolani. E malamaia ana he heihei ma Kapiolani Paka, a he mau wahi ahaaina kahi ma ke kulanakauhale nei. Ke menemene nei makou no ia la. Me he la e nui ana ka ona me ka haunaele ma kahi o ka heihei. Aka, he mea maopopo e makaala ana ka poe ia lakou ka malama ana i ka maluhia, a e makaukau e ana no lakou no ka hooko ana i ka hana ma ko lakou aoao.