Ka Nupepa Kuokoa, Volume XXII, Number 26, 30 June 1883 — Page 1
| This text was transcribed by: | Robyn Nuuhiwa |
| This work is dedicated to: | Kamehameha Schools project |
Ka Nupepa Kuokoa
KE KILOHANA POOKELA NO KA LAHUI HAWAII.
BUKE XXII, HELU 26. POAONO, IUNE 30, 1883. NA HELU A PAU 1126
KA HOOLAHA KUMAU.
MAIKAI KA HOI
KA PAPA, A ME KA LAAU O KOU HALE,
NOHEA LA?
KAI NO HOI NO KAHI O WAILA MA.
Hana aku no hoi ia la ohi ka io o ka laau o Makawao i ka ua mea hoi o ka nani.
NA PAPA! NA PAPA!
A ME Na Pono Kukulu Hale
O na Ano no a Pau.
@A MA KE KIHI O NA ALANUI
Papu me Moiwahine, HONOLULU.
@@ @@@ @@ ai e like me ka makemake no ke
KUMUKUAI MAKEPONO LOA.
PAPA! PAPA! PAPA!
NA PAPA HULUHULU, NA PAPA MANOANOA, NA PAPA I KAHIIA, NA PAPA KEPA, PAPA HOLE KEOKEO, PAPA HOLE ULAULA.
Na Laau, Na Laau,
NA KUA, NA KAOLA, NA AAHO, NA MOLINA, NA PEAPEA, PINE HULUHULU,
PINE I KAHIIA.
NA PAPA A ME NA LAAU ULAULA.
PILI ULAULA, PILI KEOKEO, PANI PUKA, PUKA ANIANI, PANI PUKA ANIANI,
PUKA OLEPELEPE
PENA
O NA AO A PAU,
@@@ Pena mai ka liilii a ke nui, Aila Pena, Aila Hoomaloo, Waniti, Pate,
Na Lako o kela a me keia Ano.
NA AMI PUKA HALE, NA AMI PUKA PA, ANIANI
PEPA HALE A ME NA LIHILIHI.
E loaa no malaila!
PAAKAI HELU I,
O KAKAAKO ME PUULOA.
No ke Dala Kuike e loaa no na mea a pau i @@@ ae ia no he Kamakuai Emi Loa. O na Kanoha mai Hawaii a Niihau, e loaa aku no @@@ ka hooko pololiia. E kipa nui ilaila i ike @@ oiaio.
905 tf
NA HOOLAHA KUMAU.
PAPA! PAPA!
NO
ALLEN & ROBINSON
Ua wehe ae no maua
PA KUAI PAPA,
MA
Ka Uwapo o Pakaka.
Na Papa Ulaula o na ano a pau, Na papa Paina o na ano a pau, Na Pili Hale Ulaula, Na Pili Hale Keokeo, Na Pepa Molina, Na Pepa Hoonani Hale.
Na Pena a me na Aila Pena!
Na kui o na ano a pau.
Na Pani Puka a me Na Pani Puka Aniani, Na Pani Puka a me Na Olepelepe.
NA LAKO KUKULU HALE
O NA ANO A PAU!
E kuaiia ma
KE KUMUKUAI HAAHAA LOA
O keia Makeke.
PAPA! PAPA!
AIA MA KAHI O
LEWERS & COOKE,
(O LUI MA)
ma ke kahua kahiko ma alanui Papu a me Moi.
E loaa ai na PAPA NOU A IKI.
o kela a me keia ano.
Na Pani Puka, Na Puka Aniani, Na olepelepel, Na Pou, Na O@a, Na Papa Hele, Na Papa Ku, A me na Papa Moe nui loa
Na Pili o na Hale o na Ano a Pau.
Na Pepa Hoonani, Na Pena o na Wai e pau, Na kui mai ke Nui a ka Makalii, Na Ami Puka, Na ami Puka Aniani, Na Ami o na ano a pau, Na Aila Pena, o kela me keia ano Na Aila Hoomaloo, he lehulehu wale, Na Aila e ae o na ano a pau.
NA WAI VANIKI
A ME NA
WAI HOOHINUHINU NANI!
O NA ANO A PAU LOA.
NA BALAKI ANO NUI WALE.
A ke hai ia aku nei ka lono i na Makamaka a pau, ua makaukau keia mau Makamaka oukou e hoolawa aku ma na mea a pau e pili ana ma ka laua oihana
NO KA
UKU HAAHAA LOA.
E like me ka mea e holo ana mawaena o LAUA a me ka MEA KUAI.
E Hele mai! E na Makamaka!!
A e lawa no hoi ko oukou makemake me ka oluolu a me ka maikai.
NA WAIWAI HOU LOA
O NA ANO A PAU.
E LOAA NO MA NA HALEKUAI O
WALAKAHAUKI MA!
MA ALANUI
Papu, Moi a me Moiwahine
OIA HOI:
Na Noho Lio hou loa o na ano a pau, Na Palule Keokeo, Huluhulu, o na ano a pau, Na Pio Ahinahina Pelekane hou loa o na ano a pau. Na Pena Kukaepele.
Na Kopa Bulu. Na Lole o na Wahine o na ano a pau. Na Pahu Aila Mahu maikai loa.
Na Silika, Pahoehoe, o na ano a pau. Kihei o na ano a pau.
HAINAKA LAU NUNUI SILIKA O NA ANO A PAU.
He nui aku no i koe, he piha pono na Koluma o ka pepa, ina e kuai pau ia aku nei.
Eia hou ae a hoaa mai i keia mau la iho he Lako Waiwai hou loa o na ano a pau, a he lako hou loa i wae pono ia e J.T. WATERHOUSE, JR., ma Enelani, a he mau waiwai hoi i kupono loa no ko kakou mau kaiaulu. Nolaila, e eleu mai e na makamaka a me na hoa'loha e hoonuu i keia mau lako waiwai hou loa.
1076-3m
KA MOOLELO O NA LA
O NA ADIMARALA BERITANIA
OIA HOI MA KAHI OLELO ANA.
Na Liona Au-moana O ENELANI.
KE KAUA ANA O NA AUMOKU KAUA BERITANIA,--
A ME KO ENELANI MAU PAPU LAAU, &c., &c.
Kahi Rula maikai kahiko,
Nana i hoolawa mai na kuhikuhi,
Na ka mea OI O KA IKAIKA,--
Nana e Noho Alii ka Moana.
A owai la ka mea hiki ke aa mai?
OWAI LA?
--Makia o na Aumoku Beritania.
KA HAKU KOKERANA.
I ka wa a ke aliimoku Paniolo e kamailio nei i ka Haku Kokerana no ko lakou haawi pio mai, huli mai la oia imua o ua aliimoku la, a pane mai la iaia me ke kuoo, ina oia ke aliimoku kiekie hookahi iluna o ua moku la, a malalo hoi o kana olelo na kauoha e hookoia ai. O ke aliimoku Paniolo i kona lohe ana i keia, hoole aku la oia, me ka hai ana mai, aia no ilalo o ka moku ka ukali ekahi o ke kapena, nolaila,huli hou ae la ka Haku Kokerana a pane aku la iaia penei:
"E kii aku iaia," wahi ana, "a oia ke hele mai a haawi pio imua o'u."
Iho aku la ke aliimoku ilalo, a hoouna aku la ka Haku Kokerana i kekahi o kona mau koa, e holo aku iluna o ka moku, a e hoouna hou mai i mau koa hou, a e hoomakaukau hoi kona moku i ke kaua me ka @@@a o ka moku Paniolo i ka wa e haawiia aku ai o kekahi kauoha maloko o kekahi pu panapana.
He mau minute pokole mahope mai o ia manawa, ua pii mai la ke aliimoku Paniolo iluna o ka oneki, a i kona wa i hiki mai ai imua o ka Haku Kokerana, kukuli iho la oia ilalo, a haawi mai la i ke kumu o kana pahikaua imua ona, me ka olelo ana mai--he mau pio lakou na ke kaua.
"O kau kauoha anei ka mana hookahi e hookoia i keia manawa?" wahi a ka Haku Kokerana me @@ nana pololei ana aku i ke aliimoku.
"Ae," wahi a ke aliimoku i pane aku ai. "Ina pela," wahi a ka Haku Kokerana, "iloko o keia mau minute pokole oukou i ae ia ai e haalele koke mai i ka moku, a e kau iluna o na waapa a holo aku no ka lua o ko oukou moku."
O keia kauoha, ua hooko kokeia aku la ia mea e na koa Sepania, a iloko o na minute pokole mahope mai o ia manawa, ua pili mai la ka waapa a ka Haku Kokerana i hoouna aku ai, a pii mai la na koa he kanalima a oi, ku laina iho la lakou ma ke ala kahi a na koa Sepania e iho la iluna o ka waapa, a i ka hala ana o ka hapaha hora mahope iki iho, ua piha aku la he ekolu mau waapa nunui o lakou, a hoopaaia mai la ke kaula o na waapa mahope o ka moku, me ka makaala loa ia o ko lakou kulana.
O ke ano kolonahe loa o ka makani, aole e hiki ia lakou nei ke holo awiwi aku i ka lua o ka moku, a o ka lakou nei wale no e ike nei iloko o keia pouli o ka po, o ke uwiuwiki koliuliu mai o ke kukui. Lana malie iho la na moku elua ma keia wahi a hiki i ke ao ana ae o kekahi la.
O ke kauoha a ka Haku Kokerana i haawi aku ai i kona mau koa, e hana hou ia na wahi hemahema e ae o ka moku o ka enenu i lawe pio ia mai. Iloko o ia manawa i hookoia ai ke kauoha hana, a hiki wale i ka wa i hala ae ai o ka hora 9 o ke kakahiaka, selo ia ae la, eia ae ke hooiho mai nei he ekolu mau moku me ko lakou mau pea a pau ua piha pono i ka makani. O na aliimoku o ke kialua Beritania, pinana ae la lakou iluna o na kia, a nana aku la lakou i keia mau moku ekolu e hooiho mai nei, a me he mea la ma ka lakou nana aku, ke holo nei keia mau moku ekolu, he eono a ehiku paha mile i ka hora.
He ekolu hapaha mile mahope iho o ia manawa, ua ano maopopo loa aku la ia lakou nei ke ano o keia poe moku e hooiho mai nei, he mau moku Sepania e alualu mai ana i ka moku kialua lawe olelo, i kumu e hiki ole ai i ka Alihikaua Haku Kita ke kamailio leta me Adimarala Samereza ma na kahakai o Aigupita. O keia poe moku Paniolo, ua haawiia mai na kauoha ia lakou e hele e huli a loaa keia kialua, @ alualu aku iaia a hiki i kona wahi e p@@ ai.
I ka wa i hoomaopopoia ai e ka Haku Kokerana, he mau moku keia no ka enemi, ua haawi ae la oia i ke kauoha i kona mau koa e lawe i na pahu pauda ma na wahi a pau o ka moku i lawe pio ia, a e ho-a aku hoi i ke ahi ma na paia o ua moku la, me ka hae aupuni Sepania e kau ana ma kona mau kia, ua hoohuliia ke poo malalo.
Iloko o ka wa pokole, puKa ae la ke ahi ma na puka pu o ua moku la e lalapa ana hoi ma na rigini a me na pea, e holo ana ke ahi ma o a maanei o ka oneki me ka hikiwawae, a i ke kokoke ana ae o ka manawa kuhikuhi i ka hora 11, ano kokoke loa mai la na moku ekolu e hooiho mai nei; iloko o ia wa i loheia aku ai kekahi mau uwauwa ano e ana mai o luna o ua moku la, a iloko o na sekona pokole, ua hiki aku la ke ahi ma kahi e ku ana na pahu pauda, a iloko o ia wa i puhiia ae ai ka moku Paniolo i ka lewa, ua nahaha ae la kona mau palekai e hoopuni ana, o kona papahele oneki a me na lako kaua iho o luna, ua lele liilii ae la lakou i o a ianei me he mau opala la, a me he mea la, o ke kino holookoa o ka moku ua hapaiia ae iluna o ka ilikai a haule hou iho ilalo, ua weluwelu liilii haalele loa, a o keia iho la ka hopena o keia moku o ka enemi, a na keia mau hana koa hoi a keia Kokerana i hookaulana ae i kona inoa, oia aku ana ka oi ma keia mua iho, o ka puuwai wiwo ole imua o ka enemi ma ka inoa ka Adimarala Powa.
O ka Haku Kokerana, ike iho la oia ua hookoia kona makemake hope loa, haawi ae la oia i ke kauoha e hukiia na pea a pau o kona moku kial@@@ @holo, a i ka makaukau ana, hiki pono mai ia na moku ekolu ma kahi o ka moku poino, a holo aku la hookahi o lakou e ohi i na koa Paniolo e lana ana iluna o na waapa; a o kekahi ma@ moku elua, holo loa mai la laua i kahi a ke kialua Beritania e hoolana@@@@.
Ua ike ka Haku Kokerana, he mea hiki ole iaia ke ku aku imua o keia mau moku ekolu i oi paumi ae ka ikaika mamua o kona, nolaila, i mea e hoohokaia ai ka manaolana kaua o kela mau moku, hoohuli ae la oia i kona moku kialua holo mama a piha pono aku la kona mau pea i ka makani, he hookahi wale no ana ihu e holo la, he hooiho wale no i ka ale.
He hapalua mile ka mamao mamua o ke awakea, oia ke kaawale i ka wa i alualuia ai ka Haku Kokerana e na enemi, a me keia kawa oia i hoomau ai i ka hooiho ana a hiki i ka napoo ana o ka la, alaila, ua kohoia aku ke kaawale o na enemi mai iaia aku mawaena o ekolu a me elima mile. A o ko lakou hopohopo no ka loaa i na enemi, ua pau ae la ia mau manao ana pela, a i ka poelelele loa ana iho, kia pololei aku la lakou nei i ka ihu o ka moku i ka hikina a i ka hala ana o na la ekolu, ma ke kakahiaka o ka ha o ka la, kalewa ae la lakou nei he 25 mile iwaho pono o na kahakai o Aigupita, a he 15 mile hoi ka loihi mai na aumoku Beritania e kalewa ana mawaho o na kahakai malalo o na kauoha a Adimarala Samereza.
(Aole i pau.)
NA MEA HOU O KALAWAO.
Ua hookuuia iho nei kekahi poe mai lepera e Kauka Pika, he 6 ko lakou nui: aole no keia he poe mai lawe ia mai, aka, he poe kokua no; i ka hiki ana mai i anei, ua hookomoia i ka halemai. Ua loihi no na makahiki o ka ai ana i ka loaa o ka Papa Ola. E kali ana lakou no ka moku, i na e ku mai, o ka hoi@@@ui no ia i Kakaako.
Aohe he makahiki i ike ia ai ka la ma Kalawao nei e like me keia makahiki; oiai, ke ike aku nei makou, ua haalele mai na ao kialelewa i ka piko o Moaula, a ke noho pono iho la ka wela o ka la ma keia wahi.
Ua hoao ae ka Luna Nui o na mai lepera, oia o Straun e hao wale i ka waiwai o W. H. Kala, me ka manao e kudala aku ma ke akea, a o na pomaikai e loaa mai ana ma ia kudala ana, e hookaa aku ka i @@@aie o Albert Kalani Hao i make, a no ka hoole ana o Kala i ke noi, ua hoopaa kuleana ole ia aku la, o Kala iloko o ka halepaahao.
Kupanaha keia hana a ka Luna Nui, he kanawai hao wale ka paha ma Kalawao ne?
KAOMEA.
HE MOOLELO EEHIA
NO NA
HANA HOOWELIWELI
O KE
TOWERA O LADANA.
(Mai ka pani a ka mea unuhi moolelo o "Beriana ka Wiwo Ole, a me Mahope ke Koa.")
MOKUNA V.
(E na makamaka heluhelu o ke Towera, ua haalele kakou ma ka helu hope i puka aku, ma ka luakini o Sana Petero ke aliiwahine Iane e pule ana; a o na hoakaka ana no ka malama pono ia ana o ka luakini me ka maemae, i hana aelike ia i ke au o ka nohoalii ana o Edewada I, aole i komo ma ia puka ana e like me na olelo ma ka pauku hope; aka, e hoomanao o ka mea heluhelu, ma keia helu e ike ia ai ia mau hoakaka me ka moakaka pono o ka heluhelu ana. O ke kumu i komo ole ai o keia hoakaka ana ma ia puka ana, ua keakea ia ka mea kakau e ka pilikia o ke kino; a ma keia mau keakea ka mea kakau e hoike mua aku nei i na makamaka e kaana pu nei i na hiona weliweli o ke Towera, mai haohao a kaniuhu ke puka ole aku ke Towera no kekahi manawa; e hoomanao iho ua hoalii iho ka nawaliwali i kona mea kakau; i ka wa o na kipona o ka maha e hekau iho ai iluna o'u, e hoolawa ia aku no ko oukou mau iini a pau. Kakau moolelo.)
"Na ke alii ka Moi i na kiai o ke Towera, ke hoouna nei, aloha: Ke kauoha aku nei makou ia oe e hoomaemae a hamo pono i ka puna me ka maikai a me ka nani i kahi o Sana Mere iloko o ka luakini o Sana Petero maloko o na palena i noho mana ia e ko makou Towera nei o Ladana, a me kahi o Sana Petero iloko o keia luakini hookahi; a mai ka ipuka mai o Sana Petero, nona ke akea eha kapuai ke kaawale mai kahi i hana ia nona a me ko makou moiwahine iloko o keia luakini hookahi; a e pena ia keia wahi me ka maikai. A o na kii o Maria a me kana kamalei, Sana Petero, Sana Nicolasa, a me Katarine; a o ke kua e moe ana i ke kuahu o Sana Petero, a me na kea liilii i hoopaa ia me na kii, e hoonani ia me na waihooluu hou i ku i ka maeamae. A e hana pu ia no hoi ke kii o Sana Christopher e paa ana me ka hali ana ia Iesu, i hanaia me ka maemae a pena ia ma ka luakini i olelo ia. A e hana pu ia no hoi i elua mau pakaukau nani me ke pena ia @@a waihooluu nani loa, e hoike ana i ka moolelo o na mea i hoopomaikai ia Nicolasa a me Katarine, ma ke alo iho o na kuahu o na lunaolelo maloko o keia luakini i olelo ia. A e hana pu ia no hoi i elua mau kerubima, a ku ana ma ka akau a me ka hema o ke kea nui maloko o keia luakini; a pela no hoi, i hookahi ipu mabela bapetizo me na kia pohaku mabela i kalai hoomaikia ia."
O keia iho la na hoohiwahiwa mahalo ana i ka luakini kahiko. A o ka luakini hou, he wahi hale pohaku uuku ia, i hookaawale ia mawaenakonu o na pio oioi, a i hoopaa ia mai e na kia pohaku nani nui. O ka hana ano nui nona, oia ka piha kui ana o kona mau paia me ka poe make.
Ma keia wahi i waiho ai ke kino kupapau o ka Bihopa o Rochester, o Ioane Lawaia kona inoa, nona ke poo i oki ia i ka 1535 no ka hoole ana i ka leo kauoha alii: he kanaka naauao oia a me ke kiekie. Ua koho aku ka Pope iaia o kekahi o ko@@ mau Kadinela, me ka hoouna ana aku i kona papale o ka oihana hoomana e loaa aku ia Ioane, aka, mamua o ka hiki ana aku o ka papale, ua apahu e ia kona poo mai kona kino ae, a nolaila, ua halawai ole laua. Mahope iho o Ioane, o Sir Thomas More kekahi i hoopaa ia ma keia heiau hookahi o kona mua i waiho ai, ka mea i keha ae iaia iho maluna o ka amana a paepae oki poo i kona mau hora hope loa; ma keia wahi no hoi i hoopaa ia ai ke Cauna wahine Magareta, ka mea i hoole paa aole e ae i kona poo e hoomoe ia maluna o ka paepae oki poo, me ka puana ana ae, "ua kupono no ka poe kipi, aka, aole no'u."
He eha mau luakupapau e waiho mai ana mawaho ae o keia wahi, a oia mau he, nona na kino lehu e moe ana iloko, kekahi i komo ma keia moolelo, oia o Edewada Seymour, Katarine Howard, Ane Bolena a me Kamaki Seymour, i hoikeike mua ia ae nei ma kekahi mau mokuna o ka moolelo i hala. Mawaena o ko Ane Bolena he a me ko Kamaki Seymour, kekahi he waiho wale i hoomakaukau mua ia, a ma keia lua i waiho ai ka apahu kino poo ole o ke Duke Northumberland, a eono pule mahope mai o kona make ana i kakau ia ai keia moolelo a kakou e ike nei.
I ka pau ana o ka pule a ke aliiwawahine a e makaukau ana oia e hoi, hele aku la o Simona Renada e halawai me ia; a iaia i haawi aku ai i ka hoomaikai i ke aliiwahine, ua kukai pu ia mai no hoi me ka pumehana, aka nae, ua hookahaha loa ia o Iane no ka ike ana mai iaia, a ninau mai la oia i ke kumu o kana huakai.
"Malia ua loaa ia'u ka manawa a me kahi kupono no kekahi anaina kukakuka me oe oe e ke 'lii," wahi a Renada me ka leo nahenahe a waipahe. "Aka, he mea pono ia'u e hoike mua mai i ka lohe ia oe, nolaila au i imi mai nei i kou wahi e loaa ai ia'u.
"E hoike koke ia mai ano," wahi a ke aliiwahine.
Kaulona pono aku la ka nanaina ana a Renada imua o Iane, a hoomaopopo koke mai la oia i kona manao, nolaila, kauoha aku la o Iane i kona mau hoahele e hoookaawale iki aku ma kahi mamao, a pela laua i hooko koke ai. Ma keia manawa kekahi o na ukali o Iane, oia ka Lede Hastings, i hoouna koke aku ai i kekahi elele imua o kona makua, e hoike aku ana iaia no keia halawai kuka pu ana o ko laua haku alii, e like me ia maluna ae.
Ia Renada me Iane ma keia wahi, hoomaikeike aku la oia i ke ano o kana huakai imua o ke aliiwahine me na olelo hoanoano o ka eehia a me ka wiwo ole, e hoike ana i ka hopena manaonao a weliweli no kona ola, e hoohalua ia ana o ka mea ana i manao ai he kokua nona i ka wa o ke pilikia: a no keia mau olelo a ke kanaka i weli ia, ua lilo ia i mea e welenia ai ka manao o ke 'lii; aole hoi oia wale, aka, ua hoano e koke ia ka nanaina ohelohelo ula o ke aliiwahine me ka hoike ana mai o kona helehelena a pau i ka haikea lena o ka hopohopo. Ia Renade e ike nei i keia mau ouli ano e o Iane, ua kokolo mai la ka lia iluna ona i ke aloha nona, no ia mea i keehi iho ai oia i kona wawae me ka ikaika iluna o kahi ana e ku ana, oia hoi ka he i hoomakaukau ia, a pane aku la me ka leo nui moakaka lea e lohe ia ai e na mea a pau.
"Aole loa oe e ke 'lii e papahi iho i kou leialii me ka maluhia, ke ole ke Duke Nouthumberland e waiho ia malalo o keia wahi a'u e ku nei."
Mamua nae o ka wa kupono e pau pono aku ai keia mau olelo, aia hoi, ua hamama koke mai la ka ipuka o ka luakini, a komo mai la ke Duke ia wa. Ua oki pu ia ae la keia mau kukai olelo ana, a halii iho la he nanaina ano e maluna o Renada; aka, ua hoopau koke ae la nae oia ia mau ouli a hoi ae la no i kona kulana mua, me ka pukui malie ana i kona mau lima lawakua ma kona umauma me ke kali ana i ka hopena.
No ka hiki ole i ka uhu hae a@@ o ko ke Duke manao ke uumi iho, ua hele pololei aku la oia imua o laua me ka paki ana aku i kona wahi papale hooluolu i kinohinohiia i ka papahele, a unuhi ae la i kana pahikaua.
"E Simona Renada," wahi ana i pane aku ai, "he kipi maopopo oe!"
"Ia wai, e kuu haku?" i pane aku ai o Renada me ka oluolu.
"Ia'u a i ke aliiwahine," wahi a ke Duke.
"Ina o ka enemi a kou kiekie, he mea ia e lilo ai i kipi, alaila, ke ae nei au o kekahi oia poe," i pane aku ai o Renada me ka hopo ole. "Aka, aole loa au he kipi i ke aliiwahine."
"He hoopunipuni oe!" i pane aku ai ke Duke me ka huhu nui. "He enemi inio loa oe me ka maka welawela i ke aliiwahine. A mamuli o kou komo ana maloko o ka malumalu o keia wahi laahia, nana i ka ua mai ia'u i ka hookau ana aku i ka hopena manaonao maluna ou."
"Na kou manao pihoihoi wale i hoopakele i kou kiekie," wahi a Renada i pane hooluolu aku ai.
"He mau olelo hookano keia!" wahi a ke Duke i pane aku ai me ka inaina wela e hiki ole ai ke hoomaalili. E unuhi i kau pahikaua a e pale nou iho a i ole, e waiho make no oe ma ko'u mau kap@@.
E hoihoi i kau pahikaua e kuu haku," wahi a Iane, @@@ @ uwao ana ma waena o lana. "Ua palaka ia paha oe, imua la owai oe e k@ @@@.
"Aole i wahi a Nouthumberland, "aole au i palaka. Aia no au i ke alo o ka mea nona ka mana i @@@ mai ia'u, a e paa nei hoi i ka poho o kona lima ma o'u nei wale no. A oia mana hookahi ka mea i hoolilo aku ia oe i moiwahine, ke hiki e hoopaa ae ia oe mai ia wahi ae."
"E hiki i kou kiekie e ke 'lii ke hoomaopopo lea, owai la o maua ke kipi," i pane aku ai o Renada.
"Ua hoomaopopo au," wahi a Iane. "Ke kauoha nei au i kou kiekie, wahi a Iane i pane aku ai i ke Duke. "e haalele koke oe i ka luakini nei ano."
"A pehea ke hoole au i ke kauoha," i pane aku ai ke Duke.
"O ka mea maikai wale no i kou kiekie o ka hooko, aole o ka hoonaukiuki mai ia'u," wahi a Iane. "E hoolohe mai ia'u, a i ole, e loaa no ia oe kekahi mau haawina kupono ole."
"Heaha la ia mau haawina?" i ninau aku ai ke Duke me ka hookano.
"O kou hopu ia a paa," wahi a Pemeberoke, iaia i hele mai ai imua me kona lima iluna o kana pahikaua. "Ina aole ke Duke e haawi iaia iho malalo o ka mana o kau kauoha e ke 'lii, alaila, na makou auanei e hookikina iaia e hana aku pela."
Pane aku la ke Duke, "e Iane, e hoomaopopo koke oe mamua o ka hala ana o ka manawa kupono. Eia oe iloko o na lima o ka poe nana oe e kumakaia."
Pane aku la o Renada, "eia ke aliiwahine iloko o na lima o ka poe nana ia e kiai a kokua me ka hookau ana i ka hoopai maluna ou."
"E hoopau i keia mau kamailio ana," wahi a ke aliiwahine. "Ina olua he mau makaainana oiaio no'u e like me ka @@@@ i hooiaio mai ai, alaila, e hiki ia olua ke hoopau i keia mau kuee ana."
"Aole loa!" wahi a ke Duke. "E nana mua o Renada iaia iho."
"A i hoea hou mai he olelo pakike, e kuu haku," wahi a Iane, "alaila, e haawi no au ia oe i ka lima o ke kanawai."
"O ke kanaka hoolohe, he ola loihi kona," wahi a Renada. "Ke nonoi aku nei au ia oe e ke l@@@@@ e hookau aku i kekahi alina o ka maewaewa maluna o kona kiekie."
"E oluolu anei kou kiekie e ke 'lii e kuka pu aku au me oe?" wahi a ke Duke Northumberland i pane aku ai me ka hoihoi ana iho i kana pahikaua iloko o ka wa-hi.
"Aole i keia wa e kuu haku," wahi a Iane. "Ma ka la apopo, imua o ka aha kuka e hoolohe piha ia ai kou mau manao. A ke kanoha nei au ia oe malalo o ka hanohano o kou kulana, e hoopau loa i na manao @@@@ kue. E lohe anei au i kau huaolelo pane o ke kulana naita no keia mea?"
"Ae," wahi a ke Duke i pane aku ai mahope iho o kona kali iki ana.
"A pela pu anei me oe e Simona Renada?" wahi a Iane i ui ai iaia.
"I ka a kona kiekie i haawi aku ai i kana huaolelo, aole loa e hiki ia'u ke kaohi iho i ka'u," wahi a Renada. "Aka, ke haawi nei au i ka'u pane me ka manao haahaa o ka hauoli."
Pane aku la o Iane, "aole kou kiekie e haule i ka hui pu ana me ka aha kukakuka i ka la apopo."
"Ina o kou makemake ia e @@ 'lii, aole au e hoole," wahi a ke Duke. "Aka, mamuli o kou lawe ana e hooko i ka'u mau kauoha, he mea makehewa paha no'u ka hui pu ana aku me ia anaina."
"O ko'u mau makemake a me ka @ mau kauoha, oia kou hui pu ae me @@ anaina," i pane hou aku ai o Iane.
"O kou mau makemake he mau kauoha ia, a e hiki aku ana au ilaila," wahi a ke Duke.
"Ua lawa keia," wahi a Iane. E Mr. Renada, e kaukoopu mai oe me a'u no ka halealii."
Ia Renada e liuliu ana no ka ukali aku ia Iane, ike iho la oia e waiho ana no ka papale o ke Duke i ka papahele.
Pane aku la o Renada i ke Duke, "e ka mea kiekie, eia ko papale," iaia i kuhikuhi aku ai i kona lima. A huli ae la oia ia Iane hawanawana aku la. "Ina no hoi o ke poo kekahi ona iloko."
"Ha!" i hooho ae ai ke Duke, me ke kalele ana iho o kona lima iluna o ke kuau o kana pahi, "ua pakele oe ano a hiki i ka la apopo."
Aole o Renada i pane aku, aka, mino aka ae la me ka ukali ana no i ke aliiwahine ia lakou e haalele ana i ka luakini.
(Aole i pau.)