Ka Nupepa Kuokoa, Volume XXII, Number 27, 7 July 1883 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

 

HOOLAHA MAU

@ Dala o ka N@ W. S. Loka@ ma @ ma ke kihi o ke alanui @ Nuuanu a aole e aeia @ kekahi mea e ae.

 

NUHOU KULOKO

            @ ka noho ana o ke @ Honolulu nei.

            @a Huki Moku ka @ Hope i lilo iho nei ia L@.

            @ ku mai ai he moku @ Kaho ma@ iloko o na @.

            @ mau luina mai o ka mo@ ka i laweia i ka Hauka @ nei.

            @ae hooloheia ai na hi@ na nupepa laipila o ke ku @ nei.

            @oku kaua e ku nei ma ke@ moku kaua Amerika. @ Malamala u. (Japana@

            @ mokuahi lawe Pake @ Poakolu nei, @ iloko o ke awa @ ole.

            @ na makamaka i na @ Lunakanawai o ka @ Kaapuni Apana @.

            @ ia ka nupepa pu @ Hoku o ke Kai. @  nuhou o na aina e, @.

            @ no Kapalakiko a mai Kikako ma ka mokuahi @ nei, ka haole paa @

            @ kauoha aku nei ke a@ o Queensland i @ moku kaua, no ke @ kapakai.

            @ ke kahaia ke kii @ o Wailuku, i kahaia e @ He kii palapala @ ke nana iho o Wai@

            @ makou mau maka @ ma kahi o ka makani @ anei i ke ano mai fiva @ malama pono no hoi i @.

            @iki aku @ ka Emepera i @ o Sana Petereboro @ la @ o Iune, ua @ na makaainana ma o @ lehulehu.

            @ aha mele ka i ko@ Amerika i ka po Po@ ka wanaao Poakolu nei, @ hui mele, ka hui @ o kahu alanui olowi o @  .       

            @ nei ke ku ana mai o @ a me na Kona mai. @ la ku mau aka, ku @ he 24 hora mamua ae o @ ku mau.  He holo io no @.

            @ holo aku ka mokua @ Kulanakauhale o Kika @ mai i ka Poakahi nei; @ hehina nui o na @ awa aku; malaila @ohe.

            @ makou ma na poai o ke @ na helehelena oha @ mau makamaka. Hon. @ J. W. Kalua, Mr. J. @ Rev. D. Keaweamahi. @ aloha o ke Kuokoa.

            @ ka hauoli a me ka @ o na Amerika ma @ nei, e ka hapanui o @ noho nei ma na poai @ nei, koe ka hoo@ o na lahui Pake.

            @ e ke ahi kekahi hale @ o kekahi laina hooho@ Kikane i ka la 13 o @ nei, a iloko o hookahi @ ka a puu lehu nui ua @ waiwai i pakele.  Ua @ ka ukana i ka wa i pau @ dala ka poho.

            @ na lealea Pokiulai i @ He kipu me ke kaka@ paele hoakaaka @ a me ka poe hoo@ mau haiolelo, puhi @ ke awakea, he kipu @ Europa ma ke ahiahi. @ M@ Hou, i pakui pu ia @a holo ke ana maluna @

            @ kekahi haole @olele @ wahine hana keaka, @ ka baluna mai kekahi ao@ Waena a i kekahi aoao. @ no ka mea ua hoi hou @ a haule iloko o ke kai, @ mau mea hoonana, i @ loaa ana i kekahi moku a @ .

            Aole i emi iho malalo o 20,000 dala ka i hoihoiia ae i ka Waihona dala mai ka hale Dute ae.

 

            Mai Kapalakiko mai ka mokuahi Gleneig, a e holo loa aku ana oia no Kina. Maluna mai ona i loaa mai ai he mau eke leta.

 

            Ua nohaha loa ka moku kuna M@ i ili ai mawaho aku o Niu i kekahi la o kela pule aku nei, a ua kuaiia oia no 200 a oi. He 2,000 dala ka waiwai io o keia moku kuna a ua panihakahakaia no 1,000 dala.

 

            Ke honolonoia nei e holo hoomaha aku ana no na aina e ka Lunakanawai o ka Aha Hoomalu, Bekekona, a e hala ana iaia he mau mahina ma keia huakai hoomaha. Na Wilikoki e lawelawe i kana hana ke kaawale aku oia, pela e oleho waleia nei.

 

            Ma ka Poaono ka la 23 o kela mahina aku nei, i ku ai ka moku manuwa Farani i ku iho nei i o kakou nei, i Hilo, a ma ia la no oia i haalele ai ia laila no Kapalakiko, me kona hoihoi pu ana aku i ka hui kilo la o kona aupuni, a me ka lawe pu aku he eke leta. 

 

            Ma ka la 14 o kela mahina aku nei, ua ku aku ma ke awa o Aukalana, ka mokuahi Austral, ua poino ia oia, a ma ka la 25 ae, ua holo hou oia no kekahi wahi i ike oleia, a ma ia holo koke ana, ua kahaha nuiia e ko laila poe.

 

            He hookuku kinipopo mawaena o eiwa mau keiki hana o ka hale hana hao o Ulakoheo, me eiwa mau keiki i waeia o na hui kinipopo like ole o ke kulanakauhale nei, i ke kakahiaka o ka Poakolu nei, me Kulaokahua, a ma ia hookuku ana, ua lilo ka hanohano o ke kahua kinipopo i na keiki i waeia. Nui no ka poe i akoakoa malaila.

 

            Ma ka Poalima ka la 28 o kela pule i holo ai ka mokuahi Sueza no Kina me kona lawe pu aku he elua haneri Pake ohua. O kona huakai hope loa iho la ia e ku ai ma Honolulu nei, a ma keia mua iho e holoholo ana oia mawaena o Kina me Kapalakiko; ma kona makalua e paniia ana he mokuahi hou.

 

            Ua aneane e hiki aku i ka 22,500 dala ka poho o na waiwai ma kela pauahi o ka wanaao Poaha ka la 28 o kela pule aku nei. He 9,000 dala ko Way poko, 2,500 ko Rowe, 8,000 ko Kulika, he 2,000 ko Wolfe. Ko Way me ko Rowe mau waiwai, aole i panihakahakaia, a o ko Kulika me Wolfe, ua panihakahakaia.

 

            Ua lohe mai makou, eia ma ke Keena Kalaiaina he palapala hoopii mai ko Hilo poe he palapala hoopii e noi ana i ke Kuhina Kalaiaina, aole e ae ia kekahi laikini kuai rama ma ka apana o Hilo. He  hana maikai keia a ko Hilo poe i hana mai nei, a o kahi o ka apiki, e hookoia ana anei ia hoopii? He ua ka hookoia, a o ka mea maopopo, e hoooko oleia ana ka makemake o ko Hilo poe.

 

            Ke kuai nui nei ke aupuni o Kina i na lako kaua he lehulehu wale ma Amerika i keia wa, ke hoopuuluulu la no hoi he heluna nui o na mahele koa ma ke kulanakauhale o Kanahai, Kina, a he pioloke ka noho ana o na lahui e noho ana malila no keia mau hana. O ke ano o keia mau hana a pau a Kina, oia no kona hoomakaukau kaua me Farani, a ma keia mau la koke iho e lohe ana kakou i ke kaua mawaena o laua.

 

KA KUIKEAU WANANA.

 

            Ua olelo o Kuikeau mamua ae o kona ahewaia ana e make, o ka poe kiure a pau a me ka poe no a pau e lawelawe ana i kona hihia a e manao ana e hoahewa iaia, he haawina maewaewa like ole ke kau ana maluna o lakou pakahi a pau. He kilokilo ano wanana keia a ua wahi Kuikeau nei, a ua loheia keia manao ona ma o kekahi kiure i lohe pono ia mau olelo ana a ua wahi Kuikeau nei. O keia kiure, ua loaa ia oia i ka mai pupule a nana i hoike i keia mau mea i kekahi mea kakau moolelo a nuhou o kekahi nupepa o Amerika, a na ia mea hoi i hookomo a hoolaha ma kana nupepa e noho lawelawe hana ana; penei na manao e hooia io ana no ke ko ana o ka wanana o ua wahi Kuikeau nei:

            O ka make ana o ka wahine a ka loio Corkhill, ka loio kuhina nana i lawelawe ka hihia o Kuikeau ma ka aoao o ke aupuni, oia ka mua a me ka hookoia ana no ka wa mua loa ka olelo wanana a Kuikeau. O ka lua, make ka wahine a kekahi kiure i noho ma ka hihia o Kuikeau, o ke kolu, make kekahi kauka, a he hoike nui oia ma ka aoao o ke aupuni, o ka ha, onawaliwali loa ke ola kino o ka lunakanawai Porter, ka lunakanawai imua ona i hooloheia ai ua hihia la o ua ino o Kuikeau, o ka lima, hoopauia mai ka oihana ae ka ilamuku, ka lunapaahao, ka makai nana i hopu o Kuikeau, ka luna nui o na kaa o ka halepaahao, a me ke kalaiwa o na mau kaa la, o ke ono, make o kauka Noble Young, kekahi o na kauka hoike ma ka aoao o ke aupuni, o ka hiku, hoopiiia o kauka Hick, kekahi o na hoike o ke aupuni, no ka laipila, o ka walu, ki ia i ka pu o kauka Grey, kekahi no o na hoike ma ka aoao o ke aupuni, i ka pu, o ka iwa a me ka umi, hookolokoloia o kauka McDonald, kekahi no o na kauka hoike ma ka aoao o ke aupuni, no ka pono ole o kana mau hooponopono ana no kekahi mau waiwai malalo o kana hooponopono ana, a me ka loaa ana i ka mai pupule kekahi o na kiure, a o ke kiure no hoi ia nana i hoike ae i keia mau mea a pau maluna ae. O ke koena aku i koe o na kamailio ana a me na hoohalikelike ana, na oukou no ia e kaana a e kaupaona.

 

KAHIKO AE MAMUA AE O KO LAKOU AINA MAKUA

HINE

 

            He ekolu wahine i pau ka lakou mau kane i ka make, e ola nei ma Amerika Hui i keia wa.  O ka inoa o ka wahine mua oia no o Mrs. Lahela Steven, ua hanauia oia i ka mahina o Feberuari o ka makahiki 1786, o ka lua, o Mrs. Mere Gilbert, ua hanauia oia i ka mahina o Sepatemaba o ia makahiki no, o ke kolu, o Mrs. Mackey, ua hanauia oia i ka manahiki 1889.  He mau wahine kupa kamaaina wale no keia ke kulanakauhale o Glouscester, mokuaina o Masekuseta. Ua oi ae ko lakou kahiko mamua o ka hookumuia ana o ke kumukanawai a me na kanawai o ko lakou aina makuahine, a he elua o laua i ike a paanaau na hooponopono aupuni ana a kela a me keia Peresidena o lakou i hala kahiko i ka make.

 

KUAI O NA MOKU KAUA AMERIKA POPOPO.

 

            I kulike ai me kekahi kanawai i hooholoia e ke ahaolelo o Amerika no ke kuai kudala ana i na moku kaua popopo a kupono ole no ka hui pu ana iloko o ka heluna o kona mau aumoku kaua holookoa, nolaila ua hoolahaia ae e ke kakauolelo o ka oihana kaua na inoa o na moku kaua e kudalaia ana ma ke akea.  He mau moku keia ua popopo, a he ekolu a eha paha o keia mau moku ua ku no i o kakou nei iloko o na makahiki i hale hope aku nei, a iloko no hoi o kela mau makahiki pokole aku nei, a ua ike no kekahi o ko makou makamaka i kekahi o lakou. O ka moku kahiko loa o keia poe moku ua kapiliia iloko o ka makahiki 1814.  Eia ka lakou mau inoa:

            Alaska, Blue Light, Burlington, Congress, Dictator, Florida, Frohe, Guard, Glance, Iowa, Kansas, Niagara, Narragansette, Nyach, New Orlean, Ohio, Pawnee, Relief, Roanoke, Susquehana, Saco, Shawmut, Savannah, Sabine, Supply, Tuscarorora, Worchester, Monadneck, a me Wyoming.  He kanakolu ka nui o keia mau moku e kudalaia ma ke akea.

 

KA MAKUA ALOHA KEIKI.

 

            I ka wa e noho ana kekahi alii ma kekahi aina ma ka hikina. He alii i aloha ia e na makaainana, a i hilinai ia e ka poe hanohano o kona aupuni.

            Kau aku la oia i kekahi kanewai e hookapu ana i ka hewa moe kolohe, a o ka mea a mau mea e kue ana i keia kanawai, he oiaio e poalo ia kona mau maka. O ke kanaka i kue mua loa i keia kanawai, oia no kana keiki ponoi a hooilina o kona aupuni.

            Pehea la oia i hana ai? Hookuu anei oia? No ka mea, o kana punahele hoi ia. Aole. Noonoo oia ina e hookuu ana oia i kana keiki, alaila, e lilo ana kona kanawai i mea ole. A ina hoi e poalo ana i na maka o kana keiki e pilikia ana a makapo. Ua noonoo nei oia, a hooholo i kona manao, e poalo hookahi maka o kana keiki a i hookahi ona maka: alaila, ua lawa ke kanawai he elua maka. Ua poalo ia kolana mau maka, a koe maka kahi like laua.  A i ka ike ana o na makaainana i keia hana a ko lakou alii, ua lilo ia i mea makau nuiia e kona lahuikanaka. A o kana keiki ua lilo oia i keiki hooko pololei i na kanawai nahoa o kona makuakane.  Aia he mea i oi aku mamua o keia makuakane, he mea i haawi i kona mau maka e kuha ia, a i kona mau lima a me na wawae e kakia ia i ke kui no na hewa kini, lehu, mano, o kanaka: a ua make maoli no kona kino i uku panai no na kanaka, i pakele ai lakou i ke kanawai o kona makua: a o kona inoa o Iesu Kristo ka hiwahiwa a ke Akua ka makua: nolaila, e lilo kakou i mau keiki hoolohe i kona mau kanawai a me na kauoha.

 

NA WAIWAI O KE AO NEI.

 

            He nui wale na poe a hoopapau nei ma na waiwai o keia ao: ke haawi nei lakou i ko lakou kino, ko lakou ikaika, no ia mau mea pau wale ia mu ma, aihue ma, powa ma, a o ka hoao ana hoi e hookomo iloko o na kuaau nalu o ka hoole Akua; me ka manao paha he mea e pomaikai pu ai ko ke kino a me ko ka uhane, me ka noonoo ole e hiki mai ana ka manawa e lilo ai ia mau waiwai i opala, mea puehu i ka makani. Ua ike mua ko kakou Haku lesu he mea e poino ai no ke kanaka ka hoopapau ana ma ka huli waiwai ana; nolaila, kauoha oia i kana mau haumana, e hoahu i ko lakou waiwai ma ka lani, kahi e pau ole i ka mu a me ka popo, ka pahu hao loaa ole o ke ki i ka poe akamai i ke kamana ki a me na kilamu, powa, o ko ka honua holookoa. A o ka poe karistiano oiaio a pau, ke hoouna aku nei lakou i ko lakou mau waiwai, ma ua pahu la ma ka lani me ka lana o ka manao e hiki mai ana he manawa e hele aku ai e ohi i ka puka o na pomaikai i hoahu ia.

 

“NA IESU E KII MAI IA'U”

 

            I ka wa e kokoke ana kekahi wahi kaikamahine Karistiano e make, oiai kona makuakane a me kona makuahine e uwe ana no ke kaumaha no ka laua wahi keiki aloha, huli mai la oia a kamailio mai la me ka leo nawaliwali: “E kua makua aloha, ua nui ko'u aloha no olua, no ko olua malama maikai ana ia'u a me ko olua ao ana ia'u no ka pono o ka uhane, aka, mai kaumaha olua no ko'u hele ana'ku me ka mea i oi ke aloha ia'u, ka mea nana ka waiwai i haawi mai ia olua e malama, a ua makemake oia e kii mai: nolaila, mai kaumaha olua, e hui ana no kakou ma o i kela home nani a Iesu i hoomakaukau ai no kakou kana mau keiki.  E kuu mau makua aloha, ke hele e nei au e ike i ka nani o ko kakou Haku aloha, e hoolana i ko olua manao mai kaumaha.  Hamau! Ei ae Iesu ke kii mai nei ia’u. Aloha! Aloha! Na Iesu e kii mai ia’u. A make aku la ua wahi kaikamahine haipule nei.

 

NAWAI I HANA NA MEA A PAU,

(Ke Koena)

 

            Olelo mai ka baibala.  "I kinohi, hana ke Akua i ka lani me ka honua."

            Nawai i hana na mea a pau o ke ao nei? Na ka Akua. Owai ke Akua? He Uhane ke Akua: he mea mana, he mea ike, he mea mau loa, a ua hana Oia i ke kanaka ma kona ano iho, a malama mau no iaia, a helu i na hoku, a hana i na mea a pau, e like me kona makemake. He ninau ka'u i koe. Nohea mai oe?  Pane paha oe, ina he kakanaka mahiai oe, aole au i ike.  He mea aha ia ia'u? Eia au maanei.

            Ka'u hana nui, ka imi ana i ka mea e pono ai ko'u ola kino. Ina he kanaka akeakamai oe, pane mai paha oe, No hea mai au?  Kainoa, no Bioplacema, Protoplacema, (Bioplasm, Protoplasm) mai. Well: Heaha Bioplasm, Protoplasm? Kanoa he lua ola ia.  Ae, aka, nohea mai Bioplasm? Well, nohea mai la hoi? Oia ka makou (ka poe akeakamai) e imi nei. O mea Electricity (Uila hana) paha, pane kekahi: a olelo kekahi. He mau miliona kau mamua loa aku nei, he hoku e aa ana, hoopa aku oia i kekahi hoku iloko ona ke ola, a lele mai ke ola i keia hoku, (Honua) e like me ka mai hepela, lele aku lele mai. Ae, aka. nohea ke ola iloko o kela hoku? Nohea ke ola mua? O, pane hou Kekahi, ma ka hui mau ana o na lua ola, loaa he mea ia heehee, he Olepe (Oyster) he moolele, he Taelepole, he ia okoa. A ma kekahi la ua ike ka ia ua hemahema, ua hoopaeia ma uka. Aole ka ona wawae e hele ai. He mau halo e halo ai. Lawe oia i kekahi halo a hana i mau wawae nona. Mahope iho ua lilo ka ia i keko me ona huelo. Moku ka huelo o kekahi keko a lilo ia i kanaka. No laila mai na haole, na kanaka Hawaii, na lahui kanaka a pau. He molekule (molecule) mamua, he alama, he Bioplasm, he Protoplasm, he Olepe, (Oyster) he ia, he keko, he kanaka. Noloko mai o ka ia ke kanaka. Ke keko ka makua, ka ia ke kupuna. Auwe! I ka ai ana i ka ia ke ai nei oe i kou kupunawahine: Ke ano ka keia o ke kanaka! Makaukau anei kakou e moni i kumu o ke kanaka? He molekule mamua loa. Alaila he ia, mahope iho ke keko. Hanau mai ke keko he kanaka, he wahine!!! Kei ka lapuwale o ka noonoo ana o kekahi poe akeaka mai. Oiaio ka olelo ma Halelu. Ua olelo ka aia (ka mea naaupo) ma kona naau, (a ma kona waha hoi) aohe Akua.

            Maopopo ka baibala. I kinohi hana ke Akua i na lani me ka honua. Hana ke Akua i ke kanaka ma kona ano iho: ma ke ano o ke Akua Oia i hana'i iaia.

            A ha iho la ia i ka hanu ola iloko o na puka iha ona: a lilo ae la ke kanaka i mea ola. Maopopo lea keia. Aole pohihihi. Akaka no i na keiki. Owai ke kumu o na mea a pau? Ke Akua.

            Owai ke Akua? He Uhane ia, ka mea i hana oleia. Ka mea i ike maka oleia. Ua ikeia nae oia ma na mea i hanaia. Aole hiki i ka ole ke hana i kekahi mea. Ke Akua wale no ka mea i hiki ke hana i kekahi mea noloko mai o ka ole. Oia wale no ke hiki e kau i ka honua maluna o ka ole. A e hoolilo ana ke Akua i ke akamai o ke kanaka i mea ole.

REV. C. M. PENTECORT.

UNUHIIA E HAWAII.

 

I NA UI.

 

Heaha ka wai i oi aku ka ikaika? Ka wai maoli no. Oia ka mea e kaa ai na huila nui o na hale olo papa, wili ai, wili palaoa. Oia ka wai e inu o na lio a me na liona. Oia ka wai inu o Samesona, ke kanaka i oi kona ikaika i ko na kanaka e ae a pau. Aohe mea e ae ana i inu ai. E lilo na keiki me na ui i poe hoole loa i na waiona a pau loa.

 

Oia ka mea e ko@ a@ ka @aiwai @ kou. Ka inu bia, he mea mooi dala ia.  Ina i malama ia ke dala i lilo i ka bia, ua lawa ia no ke kukulu ana i wahi hale noho maikai. Ilihune ka poe inu bia. Ino ke kino, me ka maka. Kuai aku anei oe i ka bia i mea e waiwai ai oe? E pii ae auanei oe i ka laau ni@ i loaa ka ia? Naaupo ea. Ina he mau hana naauao elua ka@ e waiho i ka inu bia me ke kuai ana i ka bia.

REV. C. H. SPURGEON.

UNUHIIA E HAWAII.

 

KE KEIKI UHAUHA.

 

            I ka wa o ko kakou Haku i ke ao nei, ua ao nui oia i na kanaka ma na olelo nane, a o ka pookela o kana mau olelo nane, oia no ka olelo nane no ke Keiki Uhauha. Ma ia olelo nane i hoikeike ai oia i ke kulana o ke kahaka i kinohi. Oia hoi, i ka wa me ka makua, he lako, he pomaikai he hemolele, a he mea aloha na kona makua, a i ka haule ana i ka hewa, ua uhauha ke keiki i na pono a ka makua i haawi nona, ua hookaawale loa mai ka home aloha mai a mai ke kuka aloha ana me ka makua, a i ka ike ana i ka poino, ua hoomanao i ka oluolu o kona makua a me ka oluolu o ia home, a ua ku iluna a ua hoi aku me ka nele a me ka popilikia. Aka nae, ua hookipaia me ke aloha e ka makua, ua hanaiia, ua loaa na kahiko nani, a ua ahaaina me ka olioli. E hoike ana ko kakou Haku aloha i ka lokomaikai palena ole o ka kakou makua ma ka lani i kona hoomanawanui ia kakou iloko o na uhauha ana, iloko o na hana hewa ana, a ua hoike mai no ia no ko kakou uhane e hoomaopopo i ka poino a ka hewa a me ka hoopai weliweli e kau mai ana maluna o kakou, a i ko kakou wa e huli aku ai a mihi aku i ko kakou mau hewa, ua makaukau loa oia e kala mai, oiai ua piha oia i ke aloha a me ka lokomaikai.

            He nui na keiki uhauha o Kawaiahao, eia paha lakou ma na aina mamao kahi i uhauha ai, kahi i kuulala ai i ko lakou mau kino iloko o na lealea pau wale o ke ao nei. Ea, e ku mai iluna a e hoi mai i ka home aloha o ka makua, e hoi i kona poli aloha, mai kali a mai hoopanee, o make auanei i ka pololi a poino mau loa. E hoohalike me ke keiki uhauha ka mea i ike i ka pilikia a hoi no ka home aloha o kona makua.

 

KALE KULIKA,

Luna hooiaio

PALAPALA KUAI, MOLAKI

A ME NA PALAPALA OIA ANO.

 

Luna Hooiaio Palapala Aelike mawaena o na

Haku a me na Kauwa, Luna Haawi

Palapala Mare.

Ma ke kihi o ke Alanui Moiwahine me Kaahumanu.

kulanakaauhale o Honolulu, ko Hawaii Pae Aina.

1@-tf

 

ASA KAULIA,

LOIO A KOKUA MA KE KANAWAI

 

C.C. COLEMAN,

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii.

@ ke Alanui Papu

 

HALA TELA HOU!

KAUIKAIWA

Helu 11, Alanui Nuuanu,

KOKOKE I KA UWAPO.

S. HAMEEKAPU.

June 22, 1882       107511

 

ANA AINA! ANA AINA!!

Frank Pahia a me Samuel M. Kaaukai.

KEENA HANA – Aia ma Alanui Moi, kokoke loa ka Uwapo o Hoolil@ana.

1096 @

 

MAKEMAKEIA.

Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke.

C. BREWER & CO. (B@a Ma.)

 

Joseph E. Wiseman,

LUNAHOOPONOPONO O NA WAIWAI PAA

A ME

Luna Imi Hana.

Helu 27 Alanui Kalepa, Honolulu

 

Luna Hoolimalima no na Rumi, na Hale, a me Luna Kuai me Hoolimalima o na Waiwai Paa ma na wahi a pau o ka Paemoku. Luna imi Hana no ka poe a pau i nele i ka hana ole ma na wahi a pau i makemakeia ma kekahi mokupuni o ia Paeaina.

 

            N. B. – Na Palapala Hoolimalima e hanaia me ka eleu: e ohiia na Bila Aie a me na hana e ae a pau e pili ana i na hana Oihana Kalepa me ke eleu a me ka pololei. O na Unuhiolelo a me na Maheleolelo ana, e hookoia me ka maikai. O na kauoha a me na kamailio ana maloko o na leta no kekahi o na hana maluna ae, e hookoia me ka eleu loa.

10@6@

 

UA MAKEMAKE IA 
 NA ILI BIPI, NA KIWI BIPI, NA IWI BIPI,

E haawi ia no ke kumukuai kiekie o ko ka kakou makeke nei e

B. HACKFELD & Co.

 

NA HOOLAHA HOU.

 

OLELO HOOLAHA.

            Ua lawe @ Kaneohe @ i ka po Po@ ka la @ hoihoi mai i ka hale o ka mea nona ka @ no ka $5. @

Kaneohe, Koolaupoko, M@

 

MAKEMAKE IA

            Ke hoike ia aku nei na mea a pau e makemake ana e @ na   PAI AI ma ka PAKEKE a me ka PAHU paha, e kauoha mai @ ma ka @ no ka hoo@ ana aku i na kauoha Ai a puni keia mau Paemoku: o na kauoha no ke kulanakauhale, e lawe ia aku no e like me ka makemake o ka mea kauoha ma ka ipuka o ko oukou mau hale, no ke kumukuai haahaa loa. E waiho ae i ka oukou mau kauoha ma na leta ma ka Hale Leta.

ALBERT K. KUNUIAKEA.

Honolulu, Mei 12, 1883          1119 tf.

 

OLELO HOOLAHA

            Ua makemake o KAUKA ROKEKE e hoike aku imua o kona mau mea mai a me na makamaka pu, ua hoololi ae nei oia i kona wahi noho a me kona hale lapaau, a aia ma ke kihi o na ALANUI BERETANIA a me RIKEKE.

            @ 3 ms.

 

NA HOOLAHA KUMAU.

 

W. A. KINI

LOIO! LOIO!!

Keena Hana Helu 15, Alanui Kaahumanu, Honolulu.

            1@2@

 

KA LAINA HOOHOLO

KAA UKANA A OHUA O

KAUAI.

            E haalele ana i ke Awa o NAWILIWILI no KOLOA me KAPAA ma na POALUA a pau, mahope o ke ku ana aku o ka MOKUAHI, a e hiki hou ana ma kahi i hoikeia maluna no ka halawai ana me ka MOKUAHI ma na POALIMA a pau.

 

UKU AUHAU NO KELA A ME KEIA HUAKAI,

$2.50

A ma na apana mamao iki aku, e like me

ka Aelike.

 

NO NA UKANA, He 10 Paona aole Uku.

 

            E hoolakoia no na Lio ina i Makemakeia.

W. H. RICE, ONA.

1118 3ms.

 

LOLE MAKEPONO

Ke Kuike e loaa no ia ma kahi o

Kakela me Kuke.

E laa na

AHINAHINA, KALAKOA, KEOKEO, LEPONALO, PENA, AILA, AILA HONUA, ANIANI.

NA MEA PIULA,

Kopa, Aila Hoomaloo, Kai Kakia, Pakeke, Tabu Kaula, Noho Lio, Hulu Palahi, na Palumi, ahe agena no na mokupuni o Hawaii neino na Lainakini-nao

Lainakini Maoli, Kilika, Palule Kalakoa, Alapia, Kelepa. Na Lole kupono i ka Wawae. Palule Huluhulu, Na Loie Huluhulu.  Na ka hoohelo ana, Li Lole no pini. Lihilihi, etc.

 

Mikini Humuhumu

MAKEPONO LOA.

A he mau

MEA AI KAHI:

KA PALAOA, KOPAA, RAIKI, PIA, HOOHU, PAAKAI, HUAALA, PIA KULINA, KOPE.

A HE

Laau Lapaau Kaulana Loa.

A DR. JAYNE.

LAAU HOOMAEMAE KOKO, LAAU HOOPAU NAIO, PENIKILA, HUAALE, LAAU KUNU,

Me na Laau Hamo a Pela 'ku.

      

HE NUI ANEI KOU MAKEMAKE I NA

Mikini Humuhumu Lole!

@

Kakela & Kuke!

@

Mekini a Wheeler a me Wilson

mai ke $40 a hiki i ke $50 ke kumukuai

@

NA MIKINI A SINGER

ma ke $@

MIKINI A WILCOX ME GIBBS

ma ke $@ a hiki i ke $@ ke kumukuai

@ o keia mau Mekini, e @ mai no me ke k@ ole, a e ike no oukou @

 

NA HOOLAHA KUMAU.

 

NU HOU! NU HOU!!

             Eia aku nei o Charles J. Fishel i Amerika Huipuia a me Europa, no ke kuai ana i waiwai hou o na lako aahu o na kane me na wahine a me ka oihana humuhumu me ka emi loa.

            Ua loaa mai nei hoi me ke "So@" kekahi mau waiwai, a e kuai ia aku ana i keia Poaono me ke emi loa no ka manawa mua. E hele mai a e wae no oukou iho. Na ka hikimua no ka loaa mua.

1115 tf

 

MAKANA LA KULAIA KUAI!

MA KA

HALEKUAI LOLE NUI O

HONOLULU NEI.

E makana waleia aku ana he mau kii pena i ka mea kuai mai a hiki aku i ka $1.00 a oi aku ka lilo i ka wa hookahi.

EWEHE MUAIA ANA IKEIA LA

MA KA HALEKUAI LOLE NUI

O

HONOLULU

He Kuai Manuahi Launa ole. He Kuai Hoopoho a Hoopakika. E hele nui mai e na makamaka. E wae oukou e like me ko oukou makemae iho i na waiwai o kela a me keia ano he nui wale.

A. M. MELEKI.

HELU 104 ALANUI PAPU.

 

NU HOU! NU HOU!

Na Waiwai Hou Loa!

NA PAIKINI O KEIA AU.

E Loaa no ma ka h@ Halekuai a

DILLINGHAMA MA,

Ma Alanui Papu.

Oia na waiwai malalo iho nei

Na Palau, Kaa Huilapalala, Kopala, Pili, Oo, Koi, Koilipi, Na Hamare Kamana o na ano a pau, Na mea Hana a na Kamana, Poe Hamo Puna, na Amara a me na mea hana o ka Poe Akeakamai a pau. Pena Aila, Vaniki a me na Palaki, Pauda, Poka a me na Kukaepele, Palaki Hamo Puna, Pulumi, Pakeke, Kapa Holoi Lole a me na Papa Holei Lole, na Iputi, na Pa Palai, na Makau Lawaia, Na Aho Lawaia o na ano a pau, na Kaula o na ano a pau, na Pahi, O, a me na Puna, a he nui aku no na mea i koe.

I KUPONO NO KA HOOHIWAHIWA ANA I

NA HALE

I hiki ole ia makou ke huai pau aku aka, na oukou ne e hele mai a e hoo@ iho, O keia maluna ae, e loaa no ma ka halekuai o

Dilinahama Ma,

1030-3m Ma ka helu 37, Alanui Papu.