Ka Nupepa Kuokoa, Volume XXII, Number 27, 7 July 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

(I Hulia)

No ka Makahiki………………$2 00

Eono Mahina…………….@ 00

Dala Koike ka Rula

POANO, IULAI, 7, 1883

 

MEMORIES OF GALILEE

Same Monach & Songs of Love.

1

Hawaii e, Hawaii hou!

Kani lea'e na mauna ou

Ua oi kuu halia'e

Ia Galilaia, aina lai.

Cho. E Galilaia, aina lai,

A Iesu i kaahele ai;

E Galalaia aina lai,

Aia e a mele maikai mai

2

Hawaii e, Hawaii mau

Ua nani no kou kou mau laau

Ua oi nae a kamahao

Ko Galilaia mau laau

Cho. @Galilai, &c.

3

Hawaii e, aala no

Na pua ou, na mala ko.

A@ e na pua maikai

O Galilaia, aina lai

Co. @ E Galilaia, &c.

4

Hawaii e, ua kaulana'e

No kou mau mauna a pele ai

Mahalo nuiia nae

Ko Galilaia aina lai.

Cho. E Galilaia, & c.

5

Hawaii e, Hawaii hou

O Iesu no ka Lama ou,

Lohea mamua na ku maikai

Ma Galilaia, aina lai.

Cho. E Galilaia, &c.

6

Makena kou mau halawai.

Na Kula Sabati maikai

E hoomanao aloha nae

Ia Galilaia, aina lai

Cho. E Galilaia, &c.

HAWAII.

 

HAAWINA KULA SABATI

 

HELU4. SABATI IULAI 22.

 

Kumuhana, Ka pilikia o ka Iseraela.  Pauku Baibala, IOS. 7; 10-26.

            Olelo mai la o Iehova ia Iosua, e ku mai oe iluna. Heaha a kau e moe nei ilalo o ka honua?

            11 Ua lawehala ka Iseraela, ua a-e lakou maluna o ka'u berita, a'u i kauoha aku ai ia lakou, a ua lawe hoi lakou i ka mea laa, a ua aihue a ua hoopunipuni hoi, a ua waiho pu ia mea me ko lakou mea iho.

            12 Nolaila, aole hiki i na mamo a Iseraela, ke ku imua o ko lakou enemi, au hili lakou i ko lakou kua i na enemi o lakou, no ka mea, ua laa lakou; aole loa hoi au e noho pu hou me oukou, ke hoopau ole oukou ia mea laa mai o oukou aku.

            13 E ku iluna a e hoomaemae i kanaka, a e olelo aku : e hoomaemae oukou ia oukou iho, no ka la apopo; no ka mea, ke i mai nei o Iehova, ke Akua o ka Iseraela penei: He mea laa iwaena pono o oukou, e ka Iseraela; aole oukou e hiki ke ku imua o ko oukou enemi, a kipaku oukou i kela mea laa, mai o oukou aku.

            14 I ke kakahiaka, e nee mai oukou ma ko oukou ohana; a o ka ohana a Iehova e lawe ai, e neenee mai lakou ma ko lakon  hale; a o ka hale a Iehova e lawe ai, e nee mai lakou ma kou lakou ohua; a o ko ka ohua a Iehova e lawe ai, e nee pakai mai na kanaka.

            15 Eia hoi ka hope: O ka mea e loaa me ka mea laa, e puhiia oia i ke ahi, oia a me kona mea a pau ; no ka mea, ua ae oia maluna o ka berita o Iehova, a ua hana i ka mea lapuwale mawaena o ka Iseraela.

            16 Ala mai la o Iosua i ke kakahiaka, a alakai mai la i ka Israela ma ka lakou ohana, a ua laweia ka ohana a Iuda.

            17 Alakai mai la ia i ka ohana a Iuda, a laweia iho la ka hale a Zara.  A alakai mai la ia i ka hale a Zara, pakahi ke kanaka, a ua laweia o Zabedi.

            18 Alakai pakahi mai la ia i ko kana ohana, a au laweia o Akana, ke keiki a Karemi, ke keiki a Zabedi, ke keiki a Zera, no ka ohana a Iuda.

            19 Olelo mai la o Iosua ia Akana, e kuu keiki, e hoomaikai aku oe ia Iehove, i ke Akua o ka Iseraela, a e hai maopopo aku iaia, a e hoike mai ia'u i ka mea au i hana ai.  Mai huna ia'u.

            20 Pane aku la o Akana ia Iosua, i aku la, oiaio no, ua hana hewa au ia Iehove ke Akua o ka Iseraela, a penei no hoi ka'u i hana aku ai :

            21 I ko'u ike ana aku maloko o ka waiwai pio, he aahu maikai no Babulona, a elua haneri paha sekela dala, a me kekai auka gula, he kanalima sekela, kuko iho la au, a lawe no : a ua hunaia ma ka lepo maloko o ko'u halelewa, a aia ke dala malalo iho o ia mea.

            22 hoouna aku la o Iosua i mau elele, a holo kiki lakou i ka halelewa ; aia hoi ua hunaia, maloko o ka halelewa, a o ke dala hoi malalo iho.

            23 A lawe lakou i ka ua mau mea la mawaho o ka halelewa, a lawe mai la i o Iosua la, a i na mamo a pau o Iseraela, a halii iho la lakou ia mau mea imua o Iehova

            24 Lalau akula o Iosua, a me ka Iseraela a pau ia Akana, i ke keiki a Zara, a me ke dala, a me ka aahu, a me ka auka gula, a me kana mau keikikane, a me kana mau kaikamahine, a me kona mau bipi, a me kona mau hoki, a me kona mau hipa, a me kona lelewa, a me kona mau mea a pau, a laweia aku la lakou i ke awawa o Akota

            25 Olelo aku ia o Iosua, no ke aha la oe i hana ino mai ai ia makou? E hana ino mai ana o Iehova ia oe i keia la.  A o ka Iseraela a pau, hailuku aku la lakou iaia i ka pohaku, a pau ko lakou hailuku ana i ka pohaku.  pupuhi ia iho la lakou i ke ahi

            26 Hoopuu iho la lakou i ahu pohaku maluna on a, a hiki mai i neia la.  Alaika hula mai la o Iehove, mai ka wela mai o kona huhu.  No ia mea, ua kapaiaku ka inoa o ia wahi, o ke awawa o Akora a hiki i keia la.

            Pauku Gula.  Nah. 32; 23-

            Manao Nu @ Ka hewa kekahi kumu o ka poino.

            Na Heluhelu La. 1, Ios. 8; 1-15, 2, Ios. 7; 16-26, 3, Ios. 8; 1-29, 4, 1 Tim. 6; 6-21, 5, Ia. 1; 1-15. 6, 1 Na Lii. 18; 1-20, 7, Mat. 6; 19-34.

            Kahi i hanaia 'i.  Ai, he kulanakauhale 15, 20 paha mile komohana akau mai Galegala aku.

            Betela ma ke komohana, 12, 000 kanaka.  Ios. 8;25.

            Mele. "Naue aku," Hoku Ao Nani p. 80.

            Pule i ku a naue aku i o.

            KA WEHEWEHE A NINAU ANA.

            Ma ka Helu 3, ua haalele kakou ia Iosua ma e hoomakaukau ana e poai ia Ieriko.

            Ua poai no lakou elike me ke kauoha, a ua hiolo no na pa on a elike me ka Iehova olelo.

            Ua hoomaluia o Rahaba, me kona ohana, ka poe e ae ua pau i ka pepehiia.  Ua hookapu loa ia ke gula me ka dala, &c., aole loa e lawe kekahi kanaka i kekahi hapa nona iho.  No Iehove wale no ke gula, &c.  A ua hoikeia ka poino o ka mea nana e aa e kukulu hou ia Ieriko, mok. 6; 6-27.

            Mat. 7; 1-9. Ka hewa o Akana, ka hoouna ana o Iosua i na kiu e makaimai i ka aina o Ai, a ma ko lakou nana ana, hiki no ke lawe ia Ai me na kaukani koa akolu paha.  I ka hoouka mua ana nae, au make kekahi poe Iseraela, ka makau no ia a hee aku na koa i koe.  Maule ka naau, uwe na Iseraela, haehae Iosua i kona aahu.  A uwe nui imua o Iehove, pule iaia a ninau aku, a loihi, me na lunakahiko pu. Ma ka puku 10 ka hoomaka ana i keia Haawina.

NA MAHELE.          

            I Ke kumu o ka pilikia. P 10-12.

            10 No Iosua paha kekahi kumu.  Aole oia i ninau e ia Iehova no keika kaua elua.  Aole hoi oia i hai aku ia Iehova, ua hewa au, no ka ninau ole aku ia oe.  Iehova paha ka hewa.  Hoala o Iehova iaia, e ku mai oe iluna.  Ua lawa kou uwe me ka pule ana.  No ke aha e hoomau ai?  Ka hana i koe.

            11 He hewa no, aole ko'u, no ka Iseraela no.  Ua aha ka Iseraela?  Heaha ko lakou hewa? Heaha ka i aihueia?

            12 No ia hewa, aole hiki ia oukou ke aha?  Ua aha ke Akua? A pehea ke Akua ke hoopau oleia ia hewa? Hookahi mea i hewa? A pehea? Ua hewa anei ka lahui a pau? Ae. Eha kekahi lala o ke kino, haki kekahi iwi, pilikia ke kino a pau.  He barela wai maemae, komo kekahi mea ino, ino ka wai a pau.

            II Ka huli me ka hoopau ana i ka hewa. P 13-26.

            13 Heaha ka hana mua? Hoomaemae. Nana Puk. 19; 10; mok. 3; 5. Heaha i waena o lakou? He mea laa, laa no Iehova, he mea e poino ai ke laweia. A i hoopau oleia aole hiki ke lanakila.

            14-15 Heaha ka hana e loaa'i ka mea i hewa? Heaha hoi ka hoopai maluna o ka mea hewa? No ke aha keia hana loihi, oiai ua hiki i ke Akua ke hai koke mai i ka inoa i ka mea nona ka hewa? E hana ke Akua i kake Akua. E hana ke kanaka i ka ke kanaka. I ke Akua ke kuhikuhi. I ke kanaka ka hooko i ke kuhikuhi. I kau hoi ka weliweli maluna o lakou a pau, a ninau, owau anei? &c.

            16-18 I ka hana ana elike me ke kauoha, kau ka hewa maluna owai? Loaa pono, ea.

            19-21 He aha na olelo a Iosua ia Akana? A pehea Akana i pane aku ai? Hai pololei, ea, i kona hewa a pau. Heaha kana mau mea i lawe malu ai? A hunaia mahea? Ua lohe oia i ka hoopai weliweli e kau mai ana maluna a ka mea i hewa. Ua hai pololei nae oia i kona hewa.

            III Ka hoopai ana. P 22-26

            22 I ka hele ana e huli ma ka halelewa o Akana, heaha ka i loaa? Mahea? Oiaio, ea, ka hoike ana a Akana.

            23 Ua ahaia ia mau mea? A haliia mahea? Imua paha o ka pahu berita.

            24 Heaha na mea i laweia ma ke awawa o Akora? Pau loa ea na mea a pau e pili ana ia Akana, kana keiki na holoholona, &c., ua haumia lakou a pau. A ua hoohaumia lakou i na Iseraela a pau. Haumia ka lahui a pau i ka mea mai lepera hookai.

            25 Ka ninau weliweli me ka hoopai, e hai mai.  No ke aha ia oe i hana ino mai ai ia makou? E hana mai ana aia ia oe i keia la. Lua ole ka weliweli. Heaha ka hoopai? Pela ma Kan. 17; 5.

            No ke aha ka hoopai pu ia o ka wahine, na keiki, no kauwa me Akana? Ua hewa pu paha lakou, au kokua paha ma ka hana ana. Ua ike paha i ka hana ana, aole nae i hai aku.

            26 Heaha ka i hanaia maluna o ia wahi? A ua kapaia owai? Akora Hana ino, ka hope ia o ka poe hana ino. A pehea ko Iehova huhu? Ua maalili, ua oluolu. A hele hou Iosua ma e kaua aku ia Ai a lanakila no; mok. 8; 1-26.

            KA HOOPILI ANA.

            1 He wanana ma ka mok. 9 no Ieriko i hookoia mahope loa. Heaha ia wanana? I ke au ia wai ka hookoia ana?

            2 Mamua o ka hoomaka ana i kekahi hana nui, e ninau e i ko ke Akua manao.

            3 A hoomaka e hana, aole nae i ko, a hoomaka ka enemi e lanakila, pono no ke ehaeha a kaumaha a pule me ka waimaka, aole nae oia wale no.

            4 E ninau i ke kumu o ka lanakila ole. Nowai ka hewa? No ke Akua anei? No ke kanaka paha.

            5 Aole hiki i ke Akua ke hana i ka hewa. Ina hewa ke Akua, haule na lani. Nolaila, no ke kanaka no ka hewa. No ke kanaka hookahi paha, no ka ohana okoa paha, no ka lahui paha.

            6 E huli a loaa ka mea nona ka hewa alaila, e hoopau aku ia mea.

            7 E hoomaemae nae ka poe e huli ana, e hoopau ana.

            8 Nui na Ai i pono ke lawe pio ia, a hoopauia, a i ole e hoopauia, e lawe ia no Iesu. Na aina hoomana kii me na lehulehu hoomana lalau. Nui na aupuni hoole i ke Akua, hoomaau i ka poe hai pule. Nui na kauhale hewa, nui na hale hewa, hale inu bia, hale lealea, kuai rama, &c. Nui ka poe hewa, ka poe hoomaloka, uhauha. He mau Ai keia.

            9 Ua kauohaia na Iosua me ko lakou mau koa, oia hoi na kahunapule, na hoahanau, nah kahu, e kaua aku i keia mau Ai, a e hoopau, a i ole, e lawe lakou no Iesu, no kona aupuni.

            10 Nui nae na Akana, na mea e keakea ana. Nui ka poe i lawe malu, a hana i na mea laa, laa no ke Akua, laa no ka make.

            Aole hiolo, aole lawe pio ia na Ai. Makehewa na pule, na olelo paipai. Mau nae na Ai, mau na hale inu rama, na hale kuai rama, na hale lealea, mau ka hoomaloka, mau ka huli ole, mau ka holo ole o na hana a ke Akua.

            E huli i na Akana, a e hoopau aku. Ina iloko o ka ekalesia, o ke Kula Sabati, o ka Aha Opiopio, o ka ohana, o ke kauhale, o ke taona, o ka aina, o ka naau, e alu a kipaku aku. Ua hana ino lakou i ka Iseraela o ke Akua, a e hana ino ana ke Akua ia lakou. He mea ole ke ae ua hewa. A i mihi ole, e pau no i ka make.

            Mele. "e huli, e huli," Hoku Ao Nani p. 143.

            Pule i hoopauia na Akana.

            Haawina no Iulai 26, Ios 8; 30-35.

 

MOOLELO O KA HALAWAI MAKAHIKI O KA AHAHUI EUANELIO O KO HAWAII PAE AINA, IUNE 5-11, 1883.

LA HANA I.

            Halawai ka Ahahui Euanelio o ko Hawaii Pae Aina, ma ke keena halawai malalo o Kawaiahao, e like me ka hoopanee ana.

            Hoomaopopoia na lala i hiki mai.

            NO KA AHAHUI O HAWAII HIKINA.

Ekalesia. Kahu.

Haili    Rev. J.S. Kalana, (kahu kiai.)

Puula   Rev. J.N. Kamoku.

Kalapana & Opihikao             Rev. S.P. Kaaia.

Rev. A.O. Polepe, (Lala mau.)

NA ELELE

J. Paakaula, J. Hanai.

NO HAWAII KOMOHANA

Kailua & Helani          Rev. J. Waiamau.

Pukaana          Rev. G.W. Waiau

Kekaha           Rev. G.B. Kaonohimaka.

NA ELELE.

J. Nakea, Kanui,

M. Kaholowaa. J. Kaumelelau

AHAHUI LUNAKAHIKO O MAUI.

Olo walu         Rev. S. Makahiki.

Waikapu         Rev. S. Kaili.

Wailuku          Rev. D. Keaweamahi.

Waihee            Rev. O. Nawahine.

Kaanapali        Rev. J. Hihio.

NA ELELE.

D. Kapoi, Haoikawaimaka.

NO KA AHAHUI O OAHU.

Kawaiahao      Rev. H. H. Perka.

Kalihi & Moanalua     Rev. S. Paalahi.

Waianae          Rev. J. Kakahuna.

Waialua           Rev. E. S. Timoteo.

Hauula            Rev. J. W. Kaapu

Waikane          Rev. J. N. Paikuli.

Waimanalo      Rev. S. Waiwaiole.

NA ELELE.

Hairama,         S.P.K. Nawaa,

G.M. Keone,   H.N. Kahulu

NO KA AHAHUI O KAUAI.

Lihue   Rev. J.B. Hanaike.

Koloa  Rev. S. U. Kapahi.

Kilauea            Rev. J.H. Mahoe.

Waioli  Rev. D. Nuuhiwa.

NA ELELE.

Puni, J.W. Alapai, Kahele.

NA MAKUA.

Rev. L. Kamika, Rev. H. Binamu.

NO MAIKONISIA.

Rev. B.W. Kapu, Rev. W.N. Lono.

S.K. Maunaloa, Rev. S. Kekuewa.

Rev. D. Kapali.

            Kohoia o Rev. J.S. Kalana i Luna Hoomalu, a o E.S. Timoteo i Kakauolelo. Hoomaka ponoi na hana me ka pule a ka Luna Hoomalu. Kohoia na Komite mau.

Komite Imi Hana Rev. A. O. Polepe, " S. Waiwaiole, " J. Waiamau.

Komite Hawalai Rev. L. Kamika, " H. Binau, " S. Paaluhi.

Komite o na Aha Rev.J. N. Paikuli, " J.N. Kamoku, " I. H. Mahoe.

Komite Papa Helu Rev. J. B. Hanaike, " S.U. Kapahi, " J.W. Kaapu.

Komite Pai REv. E.S. Timoteo, " S.P. Kaaia, " J. Hihio.

            Heluhelu mai o Polepe i na kumuhana:

            1 Hapalua hora haipule.

            2 Heluhelu Papa Helu.

            3 Hoike o na Ahahui.

            4 Hoike Kihapai o na Ahahui.

            5 Hoike makahiki o ka Puuku a me ke Kakauleta o ka Papa Hawaii.

            6 Koho ana i ka Puuku, Kakauleta a me na lala o ka Papa Hawaii.

            7 Na Olelo Hoalohaloha.

            8 Na Ahahui Opio Karistiano.

            9 Na hana Kula Sabati.

            10 Na Oihana Euanelio kuloko.

            11 Na Oihana Euanelio kuwaho.

            12 Ke ola o na Kahu Ekalesia elemakule pilikia. Aponoia ka hoie a ke komite.

            I ka wa e noonooia ana na kumuhana, ua malamaia ka hapalua hora haipule.

            Hapaiia ke kumuhana 2. Na ke Kakauolelo i heluhelu i ka Papa Helu o Onomea, na Kamoku a me Kaaia i ko laua kihapai, na ke Kakauolelo i ko Hamakua-waena me Komohana, Waimea, Kohala Akau, Hema, Komohana, me Kona-waena, Na Waiau no Pukaana. Kamailio ka Aha no ka Papa Helu o Kaohe me Milolii, a kauohaia o Waiau e hoomakaukau a hoike mai i ka la apopo. Na ke Kakauolelo i ko Waiohinu me Lahaina, na Hihio i ko Kaanapali. Noi mai o Waiamau e lilo o Kalama a me Kalua i mau hoa kuka. Aponoia a hoopanee ka aha a halawai hou i ka hora 1.

            Halawai hou ka aha i ka hora 1. Na ke Kakauolelo i heluhelu i ko Waihee, na Keaweamahi a me Kaili i ko laua kihapai, na ke Kakauolelo i ko Paia, na Paaluhi i ko Haiku, na ke Kakauolelo no Hana, Kipahulu, me Kaupo, na Makahiki no Olowalu, na ke Kakauolelo no Kaluaaha, Halawa, na Kalana no Haili, na ke Kakauolelo no Kaumakapili, na S. Paaluhi, Kekahuna, Timoteo, Kaapu, Paikuli, Waiwaiole, Nuuhiwa, Mahoe, no ko lakou mau ekalesia, na ke Kakauolelo no Kapaa, Hanaike no Lihue.

            Noi mai o Hairama e hoopanee ka aha apopo hofa 9, aponoia a pule o Pareka.

LA HANA 2.

            Halawai ka aha e like me ka mau. Noi mai o Waiwaiole e lilo o Naukana i hoa kuka, aponoia.

            Hapaiia ke koena o na Papa Helu. Na Pareka a me Kapahi no ko laua ekalesia, na ke Kakauolelo no Ewa, na Waiau no Kaohe me Milolii. Kamailio ka aha no ka Papa Helu o Kaanapali, a ua hooholoia, e mau no ka huaolelo, "na hoahanau hihia ole," ma na Papa Helu

            Hapaiia ke kumuhana 3. Na Kamoku no ka Ahahui o Hawaii Hikina, na Waiwaiole no ka Ahahui o Oahu.

            Noi mai o Polepe e lilo o Hon. A. F. Judd, o Keaweamahi ia Alapai, o Waiamau ia J.G. Hoapili, i mau hoa kuka, aponoia.

            Hapaiia ke kumuhana 4. Na ke Kakauolelo i heluhelu i ka hoike o na ekalesia o ka Ahahui o Hawaii Hikina, na Waiamau no na ekalesia o ka Ahahui o Hawaii Komohana, na Keawamahi no na ekalesia o ka aha Lunakahiko o Maui, na ke Kakauolelo no na ekalesia o ka Ahahui o Oahu.

            Kamailio mai ka Hon. A.F. Judd, no ka manao o na hoahanu karistiano haole, ua makemakeia i halawai haipule hui no na haole me na Hawaii. Noi mai o Kalua e lawe ka hale a noonoo. Ma ka noonoo ana ua hooholoia, e malamaia i halawai haipule ma ka hora 3 auina la Sabati, Iune 10 ma ka hale o ka Ahahui o na Opio haole. Noi mai o Waiwaiole e hoopanee ka halawai a ka hora 1.

            Halawai hou ka aha ma ka hora 1, Noi mai o Polepe e hoopanee ka hoike a ka Puuku a me ke Kakauleta a apopo hora 9, aponoia. Na Polepe i helu helu mai i ka hoike o ke Kula Kahunapule. Hoopaneeia na kumuhana 5 me 6, a apopo hora 9 me ka hapa. Na Hanaike i heluhelu mai no na ekalesia o ka Ahahui o Kauai, na Kaili no na ekalesia o ka Aha Lunakahiko o Maui. Waihoia ke kumuhana 7 ma ka lima o ke komite, Waiamau, Keaweamahi, S. Paaluhi.

            Hapaiia ke kumuhana 8. Wehewehe mai o Polepe i ka manao o keia kumuhana, a noi pu mai e lilo na lala o muhana, a noi pu mai e lilo na lala o na Ahahui Opio Karistiano i mau hoa kuka, aponoia. Noi mai o Waiwaiole e waihoia keia kumuhanaa ma ka lima o kekai komite kamailio mai o Waiamau a noi pu mai, e ae ia ka Hon. A.F. Judd, ka Peresidena o ka Ahahui Opio o na haole, e hoakaka, mai no na mea a pau e pili aua i keia kumuhana.

            Kamailio loihi ka aha no keia mea, a noi mai o Kalama e waiho i keia ma ka lima o ke komite, Judd, Waiamau, Kalama, a hoike mai i ka Poalima. Heluhelu mai o Polepe he leta noi na na wahine haole Karistiano o Honolulu nei, i na lala a pau o keia aha e hui pu aku me lakou ma ka lakou wahi paina ti ma ka hora 4 0 ka auina la o ka Poaha, aponoia.

A hoea hou aku

KA MOOLELO

 

PILIPO KEKOA!

Ka Makai Kiua Ilikini

 

AMERIKA HUIPUIA!

A O KA

NANE HUNA O KA 1776.

MOKUNA XI.

(Mai ka peni a ka mea unuhi moolelo o "Onila Maka, ka Makai Kiu Kaulana o Enelani.")

            HE ANO LIKE NA HELEHELENA ME KONA.

            Ia wa no, haule like iho la laua maluna o ko laua mau lima a me na kuli, a kolo hele aku la iloko o na opu nahelehele, me ka waiho iho i ke kino make ma kahi i loaa aku ai ia laua.

            Ia laua e pee ana ma keia wahi, ua ike ia aku la kekahi kanaka e nihi hele mai ana i kahi o ke kino make e waiho ana.

            I ua kanaka la i hookoke mai ai i kahi o ke kino make e waiho ana, nana iho la oia iluna o kona mau helehelena, a puana maile ae la:

            Auwe oe e Kanale!o ko'u hoa hui pilipaa loa oe, aka, ua make e nae oie i ka hoomaka ana o ka kaua hana.

            Noho malie iho la oia no kekahi wa, a mahope puana hou ae la oia:

            Heaha la hoi ko lakou me i kanu ole iho nei. Aole e hiki ia'u ke huna aku i kou mau iwi e kuu makamaka.

            A noho malie hou iho la oia me ke kukuli iho ma kona aoao. A mahope iho, ku ae la oia iluna, a hele aku la ma kahi ana i hele mai ai.

            Iaia e hele ana mawaena o na mauu loloa, ua puana ae la oia:

            Malie paha oia (ke kaikamahine) pu no kekahi i komo iloko o keia pepehi Kanaka.

            I ka wa i nalowale aku ai ua kanaka la ku ae la ka Ilikini iluna a pane aku la i kona hoa me ka haahaa:

            E hoi oe. A hiki mai ka wa kupono, alaila hiki hou aku i ou la; aka e malama nae oe mai hoike aku i kekai hea okoa i na mea i hana ia i keia po.

            Aka, paa aku la nae o Wekila Pika i ka lima o ka Ilikini a pane aku la:

            Ua olelo aku nei au ia oe he ano malihini na helehelena o ka mea make ia'u.

            Ae.

            Ma kekahi aoao hoi, he ano kamaaina iki no hoi au me na helehelena o ka mea e ola nei.

            Ahe.

            Ae, aka, aole nae e hiki ia'u ke hoomaopopo loa, aka, me he mea la, ua ike lihi no au i na helehelena o kela kanaka mamua.

            E hoao oe e noonoo i kou wahi i ike ai ia ia.

            Aohe e hiki ia'u.

            Aole anei ma ka like o ke aka o na helehelena kau e olelo mai nei?

            Oia no, wahi a WEkila. Ua maopoloa ia'u aole loa au i ike iki i kela kanaka mamua, aka, ma kona mau hiohiona a pau ua kamaaina ia'u.

            A owai ke kanaka i like me kona mau hiona?

            Aole e hiki ia'u ke hai aku.

            E hoomahala pono oe i kou noonoo, alaila, e  loaa no auanei ia oe.

            Noho malie iho la laua no kekahi mau sekona, a puana ae la o Wekila Pika:

            Auwe e na lani, he mea kaumaha keia.

            Heaha ia?

            Akahi no a loaa ia'u ke kanaka i li ke na helehalena.

            Owai kau e hoomaopopo la?

            O kuu makuakane.

            Aha, alaila o na hiona ua like me ko makuakane ea?

            E like me ka malamalama o na hoku oiaio loa, ke hoomanao nei au ua like loa oia me ko'u makuakane i make.

            Ua maopopo no ia'u e puka mai ana ka haina @ wahi a ka Ilikini.

            O keaha ke puka mai?

            O ka haina o keia hana mainoino pohihihi.

            Heaha kau e olelo nei?

            Aole keia he manawa e hai aku ai ia oe; a ua lawa hoi oe ma ko'u hai ana aku ia oe i ka lohe eia no o Mariona ke ola nei, a eia au ma kona mau meheu kahi i hookolo ai. O hoi, a hoike aku au ia oe i kekahi me kamahao mahope.

            I ka pau ana ae o ka ka Ilikini kamailio ana, hele aku la oia ma kahi a ke kanaka a laua i ike aku ai.

            Aole i loihi loa kana wahi i hele aku ai, loaa aku la iaia ka meheu a hoomau aku la oia i ka ukali ana mahope ona.

            A ma ke aumoe ponoi paha o ua pola, ku iho la ua kanaka nei ma kekahi kumu laau nui, a puhi ae la i kekahi hoailona ano e.

            Ia wa moe iho la ka Makai Kiu ilalo iwaena o ka mauu lolo a kali iho la me ke kiai ana iaia.

            He mau sekona paha i hala ae, a puhi hou ae la no ua kanaka la i ka hoailona mua.

            Ia wa no i ike aku ai ka Makai Kiu i kekahi kino wahine e hele mai ana i ona la.

            Halawai iho la laua me ke kuka ana, a mahope iho hele aku la ua wahine la.

            I ka wa a ua qahine la i hele aku ai, hahai aku la ka Makai Kiu mahope ona.

            I ka nana aku, ua ake loa oia e loaa ka wahine mamua o ke kanaka.

            He mau anana paha ka loihi mai kahi ana i hele mai ai, ike aku la oia i ka wahine a hele pololei ana no ka hale noho o Beramila.

            Ia wa no, kalele iho la ka lima o kekahi mea ma kona poohiwi, a kau ia mai la ka waha o ka pu panapana imua o kona lae, a pae mai la kekahi leo okalakala:

            E hele ana oe i hea?

            Aole nae i pane aku ka Ilikini, aka, me ka eleu lua ole, ua emi iho la oia ilalo, a ia wa no i hoao mai ai ua kanaka la e lalau iaia, aka, ua kupou mai la oia a waiho ana ilalo ke alo.

            I ka wa o ua kanaka la i haule aku al ilalo, ua kau koke mai la ka Ilikini maluna ona.

            Aole laua i hakoko a kuikui, no ka mea, ua hahau iho la ua Ilikini la i ua kanaka la ma ke poo a waiho aku la oia me ka oni ole.

            Aia wa no nee hou aku la ua Ilikini nei mahope a oka wahine.

            Ike aku la oia iaia i ke komo ana aku iloko o ka hale o Beramile ma ka puka aoao o ka hale.

            Aole i hahai aku o Pilipo Kekoa mahope ona, aka, hele ae la oia ma kahi e ike pono ia aku ai ka puka anianu o ko Lu Lavonia rumi.

            Aole nae he ike ia aku he maamaama ma kona rumi. He pouli pu wale no.

            Iawa, pii ae la oia a hiki iluna o ka aleo, moe iho la malaila, me ke kali ana, aka, aole nae i ko kana mea i li'a ai.

            Alaila, ku hou ae la oia, a wehe ae la i ka puka aniani a komo aku la iloko o ka rumi.

            Ia wa hoolele hou aku la oia i ka malamalama o kana ipu kukui a ike aku la ia Lu Laviona e hiolani malie ana no iluna o kona moe.

            Kokolo hele ae la oia a puni ka rumi me ka nana pono ana i na wahi kamaa liilii, a mahope io olelo ae la:

            Ke hohonu loa aku nei ka pohihi o keia hana.

(Aole i pau.)

 

NA HOOLAHA KUMAU.

Jno. Lota Kaulukou,

LOIO A HE KOKUA.

@@@

W.O. SMITH,

LOIO! LOIO!

Helu 36 Alanui Kalepa, Honolulu.

 

W.R. KAKELA,

He Loio a he Kokua ma ke Kanawai.

He Luna Hooiaio Palapala.

 

W.L. HOLOKAHIKI.

He Loio a he Luna Hooiaio Palapala.

Keena Wehekealaula Alanui Betera. 1101 tf

 

SAM. L. KAWELO.

LOIO! LOIO!

KEENA HANA, Puakalehua, alanui Maunakea, Honolulu, tf.

 

SML. K. KAEO

LOIO!LOIO!!

1195 tyr.

 

A. ROSA,

(AKONI.)

He Loio a he Kokua ma ke Kanawai.

A he Luna Hooiaio Palapala. Keena hana, aia ma ke Keena o ka Loio Kuhina.

1101 tyr.

 

S.B. DOLE,

He Loio a he Luna Hooiaio Palapala.

KEENA HANA- Ma Alanui Kaahumanu.

 

CECIL BROWN.

Loio a he Kokua ma ke Kanawai.

A he Agena no ka Hooiaio ana i na Palapala no na Mokupuni o Oahu.

Helu 8 Kaahumanu, Honoulu, H.P.A. 2-ty

 

Richard F. Bickerton,

@@@

Loio a he Kokua ma ke Kanawai.

Keena hana Helu 23 Alanui Kalepa.

Elua puka ma o aku o ka hale kauka o Kanaka Minateole.

 

JAMES M. MONSARRAT,

(MAUNAKEA)

Loio o ke Kokua ma ke Kanawai.

 

A HE LUNA HOOIAIO PALAPALA

Keena hana alanui Kalepa.

Jan. 3, 1883. 944-18

 

NA HOOLAHA KUMAU.

KA MIKINI

HUMUHUMU LOLE

MAIKAI

ST.JOHN

E LOAA NO MA KA @@@

 

O ka Mikini Humuhumu Lole Maikai loa keia, i hiki ke huila @@@ hope, a i ikeia ma ka Pae Aina Hawaii nei.  He Mikini maikai loa no na kanaka Hawaii, he mikini luhi ole.

 

KUMUKUAI $55.00 me Hookahi Gita (Kika) hookani maikai loa makana.

 

O ka poe ma na kuaaina e ake @@ keia ano mikini humuhumu e hoo@@ kou i ke dala ia

 

GEO F. WELLS

ma Honolulu, a nana no e hoouna @@ hi i makemakeia, me na mea a pau e @ ka mikini, a nana e hookau aku ma@@ moku, me ke kaki ole ia o ka mea @ mekini la.

            O ka poe a pau e holo mai ana no H@ nei, mai poina lakou i ke kipa ana @ halekuai o

GEO. F. WELLS

Ma Alanui Papu, a e kilohi iola @ humuhumu la, oia ka

Royal St. John.

Eia pu no me ia na pila hookani o na @ pau, o ka loaa koke ana mai nei no ia mai Amerika a me Europa mai, oia

 

Na Pila Guitar (Kika), he 15- ka nui mai ka $5 a hiki i ka $125 ke @ mukuai o ka pila hookahi.

200 Koliana mai ka $2 a hiki @ $20 ke kumukuai o ka pila hookahi.

100 Ohe Puluka, $2.50 a hiki i ka $15 ke kumukuai o ka ohe hookahi.

12 Pahu Hookani nunui, a me 25 Pahu Hookani liilii, a me na ano mea ka@ keleawe a pau, e loaa no ma keia halekuai i hoikeia maluna me ke

 

KUMUKUAI EMI WAIPAHE.

Na Piano nunui maikai, e loaa @ me ke Kumukuai Emi Loa i ike ole ia ma Hawaii nei.

 

            He nui aku no na mea i koe, na kela a me keia e kilohi nona iho, ke @ ae ma ko'u halekuai ma Alanui Papa.

            E hookoia ka makemake o kela a me keia me ka eleu.

            GEO. F. WELLS

1094 tf Alanui Papa.