Ka Nupepa Kuokoa, Volume XXII, Number 29, 21 July 1883 — AHA HOOKOLOKO JF-KIEKIE. [ARTICLE]

AHA HOOKOLOKO JF-KIEKIE.

| Kau O īf A i. i, UN'AKANAWAI KIEKIE J - ~ MA KA N'OHO. Poaono lulai 14 —Kauka Pika kue ia T. G. Taramu, no ka laipila. Ua hoolohe ia keia hihia imua 0 ke Jiure haole no elua la, a ua piha ke keena hookolokolo me na makaikai. Oka hihia nui keia o ke kau, a me he la, o ka hihia nui hookahi i ulu ae maloko o keia aupuni no ka hoomaopopo ana i ka mana a me ka ole 0 na wahaolelo o ka lehulehu, oia hoi na nupepa o kakou nei. Ua oleloia, he kanakolu a oi hoike i kukulu ia no kekahi aoao, a pela no hoi me kahi aoao. Ua noho ke Jiure a hiki i ka hora 9 a oi o ka po Poaono maloko o ke keena hookolokolo, a i ko lakou hoi ana iloko o ka rumi, ua emoole loa, a puka mai la me ka lakou olelo hooholo e hookuu ana i mea i hoopiiia. He hoopii ano nui keia, aole wale wale no ka hoomaopopo ana i ka mana o ka Papa Pai, aka, no ka hoomaopopo pu ana kekahi i ko Kauka Pika ike lapaau i ka mai lepera, a me kona kulana a me kana mau hana mawaena oka lahui Hawaii. E pai aku ana makou i ka moolelo piha o keia mea no ka pomaikai p ka lehulehu a pau. - ;t - ■ - Ma keia hihia, o ka Hope Loio Kuhina no ke aupuni; o J. Kukela no ka mea hoopii, a o S. B. Dole ma ka aoao pale. Poakahi, lulai 16 —imua o ke Jiure haole —Chow Hee Nam (Pake) kue ia Lai Sin Moi (Pake.) He hoopii keia no kekahi aie o ka mfca hoopiia i ka mea hoopii, a i ka waiho ia ana imua o ke Jiure, ua hooholo lakou e haawi ana i ka pono 110 ka mea hoopii, no $1,375, a me na uku panee i ae ia ma ke kana' wai. F. M. Haki no ka mea hoopii: W. R. Kakela 110 ka mea i hoopiiia. Kikila Baraunu, kue ia C. R. Biho Ipa ma; hoopii no kekahi aie. Ma keia hoopii, ua hoopuka ka aha ika olelo ao imua o ke Jiure, e kauoha ana e haawi ia ka olelo hooholo no ka pone o na mea i hoopiiia, a ua hooko ia. Ua waiho aku ka aoao hoopii he mau kumu hoohalahala. F. M. Haki no ka mea hoopii; a o W. O. Kamika me L. A. Kakina no ka aoao pale. Poalua lulai 17 —F. W. Malaihi kue ia Junius Kaae. He hoopii kipaku keia. Ua kapae ia ke Jure, aua hoolohe ia imua 0 ka aha; a ua haawi ia ka po< no no ka mea hoopii no na aina o Koloa me Waimea; a o na aina o Wailua no ka mea hoopii ia. Ahimoku kue ia Aki (Pake) a me Kamall Hoopii kipaku. Ua wehewehe ia na aoao a elua, a waiho no ka hoopuka ana i ka olelo hooholo a ka aha i kahi manawa okoa. W. R. Kakela no ka mea hoopii; W. L. Holokahiki no ka aoao pale. Poakolu lulai 18—imua oke Jure haole—A. Marquts kue ia Ah In me kahi poe e okoa aku. Hoopii kipaku mai kekahi mau aina aku e waiho la ma Punahou. Hooholoia ka pono no ka mea hoopii. Ua waiho ia he mau kumu hoohalahala. S. B. Do!e no ka mea hoopii; F. M. Haki no ka aoao pale. Poaha lulai 19 —G. Macfariane & Ca, kue ia H. Hackfeld & Ca Imua oke Jure haole. He hoopii koi keia no kekahi huina dala, he $3,000 rae na uku panee; oia hoi ke kumukuai o kekahi £negini me na pono, i lilo i na mea hoopii ia mai ka aoao hoopii aku. Ma ke ao ana aka aha ina Jiure, ua hooholoia ka pono no na mea hoopil E. Presto» me F. M. Haki no ka aoao hoopii; Mr. Pekekona no ka mea i hoopiiia.