Ka Nupepa Kuokoa, Volume XXII, Number 30, 28 July 1883 — MAKE I ALOHA NUIIA. [ARTICLE]

MAKE I ALOHA NUIIA.

Ma ka la 23 o keia mahina ua make 0 Mrs. Pakeke Keliipio i ke kanaha a 01 o kona mau makahiki, no kona kaa mai loihi ana mai Kauai mai, a ekolu pule >vale no kona lualai ana ma kona home ponoi ma Kaumakapili. Ua haalele mai oia i keia ao luhi, a hoi aku oia i kahi maha mau. Oia no kekahi lioa oka papa himeni kahiko o Kaumakapili a he hoahanau oiaio oia 110 ia Ekalesia, a ua aloha nuiia hoi e kona puali oia Betela eehia. Ua noho iho kona kaikaina mahope nei me ke aloha luuluu no koha kuaana i hala aku la ma ke alanui mau ona kanaka. "Aloha oe e Pakeke kuu mua, hoolono i ka leo walohia auhea iho nei oe ?" Ua noho iho ka ohana ma keia ao mauleule. Ua lawe aku no ke Akua i kana, a e hoomaikai ia Kona inoa ihiihi. W. S. L. Hoea hou ka Alalauwa i keia wa, piha muimuia na pali uwapo i keia mau po.