Ka Nupepa Kuokoa, Volume XXII, Number 30, 28 July 1883 — HEAHA KUU HOOPUNIPUNI? [ARTICLE]

HEAHA KUU HOOPUNIPUNI?

E ka Nupkpa Kuokoa, Aloha oe;~— Heaha Ia kuu hoopunipuni, a me kuu wahahee, a Puaa i pane mai nei ? Eia ka'u ia oe e Puaa, e noho malie oe; oiai, o oukou pu no ka i ona i ka rama, a hakaka: a heaha hoi ka mea o ka pee ana iho ? O Solomona D. Helela anei ka mea i kaa pu me Kahema i ka pali o Hakalau, i ka la 170 lune ? Ke kuailo mai nei o Kahema; o Puaa no, heaha ka mea o olua i kaa ai i ka pali ? No ka ona o maua i ka rama. E Puaa, mai kukulu i kou hale maluna o ke one, o hiolo auanei: oia hoi, mai kakau ma ka mea ole, he mea pau wale. O ka ona ana o oukou, ua nui ka poe i ike maka, aole e like me ka olua e olelo nei o Kuokoa ka mea i ona; nohea mai keia hoopunipuni nui c olua ? Eia ko'u inanao ia olua e na makamaka, e waiho aku i ka rama; elike me a'u nei. Solomoxa. D. Hf.lei.\.