Ka Nupepa Kuokoa, Volume XXII, Number 31, 4 August 1883 — NO KALAWAO. [ARTICLE]

NO KALAWAO.

O ka wa hea la a me ka palena hea ia e pau ai na hana a Kipikona ka hoo una ana mai i ke kamano na na mai lepela o Kalawao nei ? He mea hiiahila keia i ka noonoo o kekahi poe naauao eae o Kalawao nei ka lawe hele la o ka ino ma o a maanei a puni ko kakou mau Paemoku. Ika wa ina Papa Ola mamua, aole i ai iki na mai i ke kamano e like me keia waj me ka ike mai no hoi o keia Kipikona ke huliamahi nei na mai i ka laau a Kauka Pika malalo ka ia kauka hoomanawanui ana i pono no keia lahui e noho nei iloko o ka pilikia, a pehea la hoi e ola ai i haina ia e ai i ka io kamano awaawa a Kipikona ma e hoouna mai nei ? I ola no paha ka mai i ka hanai ia i ka ai a me ka ia maikai holopono aku ai hoi ka inu ana i ka laau a ke kauka; he lohe pepeiao wale no ko Kalawao nei i ke ola koe nae ka ikemaka ana i ka oiaio. O ka inoa ka i laulaha ma o a maanei 0 ka aina, o mea ma ua hoi aku la, e mea mai i hookuuia aku la e hoi i ko lakou mau home, a pehea hoi lakou i ola ai a hoi aku la i ko lakou ' aina ? Ea ua huna ka paha o kauka Pika i kona ike lapaau ia makou na inai e noho 1 Kalawao nei ? Aloha ino no ka hoi makou. Owau iho no me ke aloha nui i na niakamaka e noho ana mai Hawaii a Niihau. \V. K. Maunai o.a. Kalawao, Molokai.