Ka Nupepa Kuokoa, Volume XXII, Number 33, 17 August 1883 — KO LANAI MAU ANO AI. [ARTICLE]

KO LANAI MAU ANO AI.

Ua hoolaha ae o M. Kealakoa ma kona palapala kakau lima, e papa a e hookapu ana i na mokolohe aole e hookipa maloko o kona hale e ku nei ma Kealia. Oia ka hale e noho ia nei e kaua kaikamahine Mrs. Awili. Ma kona ano he kiai ma ka aoao o ke aupuni. He oiaio; oia ka makai aku mahina o keia apana. He kanaka kupono loa oia, no ka mea, he kapu loa oia i na mai ona, a me na hewa e ae a pau. Oia no hoi kona rula paa mai kona wa opio mai. Ma ka la i hoikeia iho nei o kahi kula aupuni ma Kahalapalaoa, ua kukala ae oia, e mare ka poe e noho manuahi nei, o ka poe noho hihia ana, i noho lakou a hiki mai ka mahina o Dekemaba, alaila, oia ke kau Kiure, e hele i ke oki mare. No ka mea he 50 wale no dala, alaila, moku. Luliluli ae la ka ke poo o kekahi wahi ano holoholona. W. N. P. Kauhi. Palawai, Lanai, Augate 4 1883.