Ka Nupepa Kuokoa, Volume XXII, Number 34, 25 August 1883 — KA HAKU KOKERANA [ARTICLE]

KA HAKU KOKERANA

ONA moku Paniolo ekolu i lawe pio ia mai, ua lawe ae la ka Haku Kokerana malalo ona a kau aku la i ka hae o kona aupuni maluna o lakou. Hoonoho pakahi aku la oia ia lakou ma na kahakai o Peru a me Kili, e paniku aku i na awakumoku o na kulanakauhale nui, a hiki i ka manawa e loaa mai ai o na kauoha inai ka Adimarala Nui e holoholo ana ma ka moana Atelanika. īloko o na la pokole o Kokerana ma keia mau kahakai, ua loaa mai la iaia kekahi kauoha mai ka Alihikaua Nui mai o na aumoku e holoholo ana ina ka moana Atelanika, a e olelo mai ana e holo oia ma ke awa o Bosetona, ; a e imi aku 1 na kumu i nalowale ' honua ai o kekahi mau koa aia iluna o kekahi manuwa Farani e holoholo ana ma na kahakai o Amerika. 0 ka Haku Kokerana, i kona wa i ike ai i keia kauoha, ua haalele koke iho la oia i na aumoku ma na kahakai 0 Peru, a holo aku la oia i ka hema malalo ae o ka Lae no kahi o kana hana hou. Iloko o na pule ekolu o keia holo nna, hiki aku la oia i Berazila, a hoouna aku la oia i kona elele iuka i ke kanikela, a o ke kanikela hoi, hoouna mai la oia i na hoomaikai a ka Emepera Don Pedro o Berazila, me kona haawi ana mai i kekahi inoa hanohano iaia he Makuisa o Morenehama, no ka hoopioia ana o kela mana nui e ka Haku Kokerana iloko o na la pokole wale no. Ma ke ahiahi no o ia la, ua haalele iho la ka Haku Kokerana ia Berazila, a iloko o na pule ekolu o keia hoopii ana, kuu aku la ko lakou heleuma ma ke kaikuono Lynhaven, a e km ana na mokukaua Beritania Belona me ka Melampus iloko o ke awa. 0 ka hana mua a ka Haku Kokerana i hana ai, oia hoi kona kahea nna 1 kekahi halawai kaua moana o na moku ekolu, e kuka a e hoikeia na kumu kupono no ka ahewa ana i kela moku Farani, ina ua lawe maoli oia i kekahi o na koa Beritania iluna o kona oneki me ke kumu olē. O na hoike a na kapena o keia mau moku elua, ua olelo laua, ua lawe malu maoli ia no o Lufcjjiela Wata me kekahi mau koa marina eono, ma ke ano he pio na na moku Sepania i hoouka ai i ke kaua ma na kathakai o Henretona, a ua hookau ia iluna o kela mokukaua Farani, malalo o na kauoha a Komodoa Bailona. 1 ka pau ana o keia mau hoike, hooholo iho la ka Haku Kokerana i kana olelo, e hele ana oia e huli a loaa ka mokukaua Farani Armide, e lawe ana i ka hae o Komodoa Bailona, alaila, e noi aku ana oia iaia, ua makemake oia e huliia oluna o kona moku no na pio i nalowale honua i ke kaua ana o na aumoku Beritania me na moku Paniolo. ; Ua ike mua ka Haku Kokerana, o j na kauona a ka Alihikaua Nui iaia e ! hele e huli i na kanaka i lawe pio ia malalo o ka hae o kekahi aupuni e aole i kukalaia ke kaua, o kekahi ia o na hana uhaki kanawai kiekie loa o na aupuni naauao o Europa. A e hoomanao hoi oe e ka mea e heluhelu nei, 0 keia mau hana a ka Haku Kokerana 1 hana ai o ka hooko kauoha, oia kekahi mea nana i pai hou ae i kona inoa ma ke koa a me ka makau ole. Ma ke ahiahi o ua la nei, loaa mai

la kekahi leta malu i ka Haku Kokerana, e hai mai ana i kahi a keia moku Farani e ku nei, *ia ma ke awa o Hametonar Ma ka hora 7 ponoi oua ahiahi nei, hoopuka mai la oia iwaho o ke kaikuono o Lynhaven, a koe aku la no kela mau moku elua e ku ana iloko o ke kaikuono. Ia lakou i hoopuka mai ai iwaho, kau pololei aku la ka ihu o ka moku ma ke panana he hikina-hema, me kekahi makani maikai e pa ana iloko o ia manawa. Ma ke kakahiakanui, ike ia aku la ka moku Farani e hoopii malie ana i ka hikina, a kauoha pu ae la hoi ka Haku Kokeranar i kona moku, e hookele pololei ia aku ko lakou moku ma ke alanui hookahi a kela moku Farani e holo malie la. Ua piha ka umi mile a oi kekaaw r ale 0 na moku elua i ka wa kakahiakanui, a no ka maikai o ka makani e pa ana, haawi hou ae la ka Haku Kokerana i ke kauohā e huki ia na pea a pau, a iloko oia manawa ua pau pono ae la na mea a pau i ka huki ia, na pukuniahi, ua makaukau ma ko lakou mau wahi, a ua piha hoi i ka poka e like me ka makemake o ka hooko kauoha. O ka hooko kauoha, o ke ano oia huaolelo, —e kaua aku, a o ke kanaka e hana ana ia apana hana, oia ke kanaka hiki ke hilinai ia. Oka mea hooko kauoha ole, o ke ano o ia,—he i uhaki kanawai ia, a oia ke kanaka hiki ole ke hilinai ia, a aole hoi e loaa iaia ka inoa maikai. Ona aupuni 0 Enelani a me Farani, aole laya i komo iloko o ke kaua i keia wa, aka, e ano okaikai iki ana nae na aoao elua. 0 ke kauoha a ka Alihikaua Nui, oia hoi o Adimarala Bekele, i ka Haku* Kokerana, e hele oia e huli ia luna 0 kela moku Farani, a aole nae i loaa ia ke kuleana palapala ae huli mai ke keena kaua" Farani 'fhai e hele ai e imi maluna 0 kela mokti. He kapu kela a me keia moku o na aupuni kaua, aole he kuleana o kekahi aupuni e huli wale ai no ia luna 0 kona mau oneki, aka, 0 ke kanaka e like me keia Kokerana, lawe mai la oia i na kauoha a kona Alihikaua Nui a olelo iho, aole e hiki ke hookoia keia kauoha a ko'u haku, aia a hoohanaia ke kauoha maluna o ka ikaika o na pukuniahi, alaila ko. Mo ka hora 3 auwina la o ua la nei, kaalo ae la ka moku o ka Haku Kokerana ma ka aoao o ka moku Farani, oia hoi he 50 a oi iki paha anana ke kaawale, huki ae la ka Haku Kokerana i kona hae aupuni iluna, a pulelo ae la ia i ka makani, a huki puae la no hoi ka moku Farani i kbna hae aupuni a me ka hae hoailona o Komodoa Bailona. Ike aku la ka Haku Kokerana i ka huki ia ana ae o kela hae, alaila, he aliimoku kiekie ko - luna o keia moku, nolaila, pinaha ae la oia maluna o ka palekai o kona moku, a kamailio aku la oia ma ka olelo Farani maloko o kekahi o-le i keia mau olelo : " Owai ka inoa o keia moku, a owai ka inoa o ke aliimoku, a mai ke awa hea mai oia i holo mai ai ?" O keia mau olelo a ka Haku Kokerana i pane aku ai, pane ia mai la oia e ka moku Farani me keia mau olelo: . " O ka mokukaua Armide keia 0 Farani, e lawe ana i ka hae o Komodoa Bai\ona ma keia moana, a mai ke awa mai o Hametona, Amerika, a e huli hoi ana no ka hikina." "E Komodoa Bailona," wahi hou a ka Haku Kokeranaj "ua loaa mai nei ia'u na kauoha mai ko'u alihikaua mai, a ua makemake au e hoouna aku ia oe 1 hookoia ai keia kauoha." " E hoouna mai i keia manawa," wahi a ka pane, ''ae laiku no makou i keia wa no kena mau kauoha." Hoopai ae la na moku elua i ko laua mau pea, a hoouna aku la ua Kokerana nei i kona ukali ponoi, oia hoi o Lutanela Hon. J. Meade, e lawe i kana palapala kauoha mai ka alihikaua mai, no na mea i olelo mua ia, e huli ia luna 0 kela moku Farani. Ua kuu ia iho la ka waapa ilalo, a holo aku la ka lutānela opio a hiki iluna o ka moku Farani, hoike aku la oia i ka palapala kauoha a Adimarala Bekele, a i kona ike ana iho i na olelo oioko, e olelo ana e huli ia luna o keia moku, luliluli iho la oia i kona poo, me kona olelo ana, aole he aupuni nana e kuē i na rula o na aumoku no ka huli . wale ana, koe wale iho no, aia a loaa na kauoha iaia mai ke keena kaua mai o Farani, alaila, ae oia e huli ia oluna o kona moku. (Aokipau.)