Ka Nupepa Kuokoa, Volume XXII, Number 37, 15 September 1883 — Page 4

This text was transcribed by:	Lawrence Gersaba
This work is dedicated to:	Judith Nalani Kahoano Gersaba

Ka Nupepa Kuokoa

KE KILOHANA POOKELA NO KA LAHUI HAWAII.

KA NUPEPA

KUOKOA ME KE AU OKOA.

(I Huiia.)

No ka Makahiki..............................................$2 00

Eono Mahina....................................................1 00

Dala Kuike ka Rula.

POAONO. SEPATEMABA 15, 1883.

TELL ME THE OLD OLD STORY.

Gospel Hymn No. 27.

H@ mai ia @ laia

I @ mai

N@ k@ nani.

N @ a aloha @

Ha@ mai a kuhikuhi

Moku@ aina kamalii.

H@ aloha.

Cho. H@ ma@ la@

Kan@ naio.

H@ ia lo@ lani.

K @ Iesu.

H@ akah@ ia'u la,

I paa@ maikai.

I @ mea komohao ia,

Ke @ la'i

H@ lani.

I @ mau,

I @

Cho. Hai mai ia lono lani, &c.

H@ mai ia lona lani

Ka nohou maikai nei.

Iesu me kona nani,

Me kona aloha e.

A pa ma kou uhane

Ka @ lona'e.

Ha@ mai ia lono lani.

Iesu kou Ola e.

Cho. Ha mai ia lono lani, &c.

HAWAII.

HAAWINA KULA SABATI.

Helu 14 Sabati, Sept. 30.

Kumuhana, Ka hoi hope.

Pauku Baibala mai Iosua mok. I a i Sam mok. III.

Pauka Geta. Hebera 4L 9. hoopaa.

Manao Nui, ma ka hooikaika nui a mau e loaa'i ke Kanaana hou, ka maha ma ka lani.

Na Heluhelu La. 1, Ios. 1; 1- 9, 3; 5 - 17, 2. Ios 5: 10 - 15, 6: 1 - 25, 3. Ios, 7; 1- 26, 8: 1 - 35, 4, Ios. 20: 1 9. 24: 1 - 33 5, Lunk. 1: 1 - 36, 2: 1 - 23. 6, Lk. 7: 1 - 25, 16; 1 - 31, 7. Rota 1: 27. 1Sam. 1: 1 - 28, 2: 27 - 36, 3. 1 -21.

Ka Manawa, P. C. 1451 - 1134, 317 mak. ka loihi.

Kahi i hanaia'i, ma ka hikina o Ioredane a ma ke komohana o Ioredane a mawaena o Ioredane.

Mele. "Hoomaikai'e," Hoku Ao Nani p. 162.

Pule hoomaikai i ke Akua no na pono, no na pomaikai, &c., i loaa iloko o keia hapaha i hala.

Ku ke kula a pau a heluhelu like Hal. 78: 54 - 62. Noho ilalo.

(Na ke Kahu e hoopuka i na ninau)

Papa 1. Mahea ka hoike ma ka pule hope o Iune? Mai ka Oihana a ka buke hea ka hele ana ma ka pule mua o Iulai? Nawai ia buke i kakau? Owai ke alakai mua o ka poe Iseraela? A waiho Mose ia lakou mahea? Owai ko Mose hope? Heluhelu i ke kauoha ia Iosua. Mok, 1: 6 - 8. Owai na Iosua i keia wa? Pili anei keia mau kauona ia lakou?

Papa II. Heaha ka hana mua a Iosua? Ehia kiu i hoounaia'ku i Ieriko? Nawai laua i hookipa a hoopakele i na enemi? Heaha ko Rahaba uku? Hai mai i na uku elua. Heaha ka pono ke manao na misionari e hele i na aina e? Owai na Rahaba i keia wa? Heaha ka inea keakea i ke komo ana i Kanaana? Pehea ka hana i hiki ai ke komo? Owai ke kai hoomalooia mamua aku? Ma ka mana owai? Hai like mai Isa. 43: 2.

Papa III. Heaha ka hana maloko o Ioredane? He mau pohaku aha ia? A hiki na Iseraela ma ka aoao komohana o Ioredane, heaha ka mea keakea i ka lawe koke ana i ka aina? Heaha ka mea i hiolo ai na pa o Ieriko? Hai mai i ka hana me ka pauku gula, Heb. 11: 30. Owai na Ieriko ma keia wa? Make aha e hiolo ai lakou? Hai mai i na mea elua.

Mele. "Mele Manaoio," Hoku ao Nani p. 93.

Papa IV. Ua hiolo Ieriko, a hele na Iseraela e kaua i Ai, lanakila koke anei? Heaha ka mea keakea? Heaha ka mea i lanakila ai mahope? Owai na Akana i keia wa e keakea ana i ka pono? E aha e aku ke makemake e lanakila ka pono? Hai like 1 Kor. 5: 7, 8. 2 Kor. 7: 1, Heb. 12:1. Heaha ka hana mahope o ka hoopau ana ia Ai? Hele Iosua ma. ehia la lakou? Owai hoi? Na keiki anei kekahi? A hiki lakou ihea? Owai na mauna elua? Owai ke awawa mawaena? He wahi kahiko anei Sekema? Owai malaila mamua? Heaha na mea i heluheluia?

Papa V. Heaha ko kakou mau Sekema? Heaha ka hana ma na luakini, ma na Kula Sabati, ma na ohana? Owai ke hana? Na keiki anei kakahi? Heluhelu haibala anei oukou na keiki ma ka pule ohana? Owai ka poe e poino ana? Heluhelu Mat. 5; 2- 11. No ka poe hea oukou?

Papa IV. He kaua nui mahope iho o ka heluhelu ana i ke kanawai heaha ia kaua? Nana Ios mok. 10 Ko@ Iosua i ke aoao o ko Gibeona, no me aha? Ikaika lou kaua ua aui kala, a e napoo e ana paha mamua o ko Iosua lanakila ana. Heaha ka Iosua kauoha i ka la a me ka mahina? Ua hookoia anei? Nohea ka mana i ko ai? Ka aoao hea ka i ianakila? Hai mai i ka mea kupanaha i hanaia mamua o ko Iesu make ana? Mat. 27L 45.

Mele. "Ku ku a paio." Hoku Ao Nani p. 234.

Papa VII. Ehia makahiki i kaua aku ai Iosua ma a lilo ka aina ia lakou? A hoomaha, heaha ka hana? Ehia mahele aina? Hai mai i na mahele he 12? Owai ma ka akua, ma ka hikina, ma ka hema, ma ke komohana? Owai ka ohana i loaa ole ka mahele okoa? Heaha la ke kuleana o ka ohana o Levi? Owai ka ohana i maheleia i elua mahele? Hai mai i na kulanakauhale puuhonua me ko lakou ano? Ios. mok 20.

Owai ko kakon puuhonua? Heb. 6; 18. Pehea e hiki ai ke ola ma o Iesu la?

Papa VIII. Mahea i hoakoakoaia'i ka poe Israela ma ke kauoha a Iosua e hoolohe i kana mau kauoha hope? Ios.mok. 24. Hai like mai Ios. 24; 14, 15. Pehea ko lakou hoohiki ana? Pehea ka loihi o ko Iosua hooponopono ana i na Iseraela? Ehia ona mau makahiki a pau? Mahea i kanuia'i? Owai ko kakou Iosua nui? Iosua, Iesu, hookahi no ia inoa. Aia mahea ke Kanaana hou? Owai ke alakai nui mai nei aku a hiki ilaila? Heaha na mea keakea? Pehea e pau ai na mea keakea?

Papa IX. Owai ka buke e pili ana ia Iosua? Nohea ka inoa Lunakanawai? Mahope o Iosua, owai ka i hooponopono ai na Iseraela? Ehia makahiki i hooponopono ai na Lunakahiko? Owai ka i hooponopono mahope o na Lunakahiko? Ehia Lunakanawai? Owai ka mua? Owai ka hope? Ehia makahiki i hooponopono ai lakou? 350 paha. Iloko o ia mau makahiki heaha ke ano o na Iseraela? A pilikia loa lakou i na enemi, aha lakou? A nawai i kokua? Owai kekahi wahine Lunahooponopono? Owai ka inoa o ka Lunakanawai i lanakila me na kaa he 300? Hai mai i ke ano o ia lanakila ana, me ka pauku gula Lk. 7; 20 me i Sam. 14: 6.

Owai ka Lunahooponopono ikaika lua ole? Mahea ka ikaika o Samesona? Ma ka lauoho kekahi, ma ka inu ole i ka waina, i ka wai awaawa, a ai ole i ka mea haumia a ka makuahine, Lk. 13: 4, 5. Mai inu oe ia mau mea, mai ai oe i ka baka, i ka opiuma, ke makemake e lilo i mea ikaika. Heaha ka mea i pau ai ka ikaika o Samesona? E makau i na Delila, na mea hoowale wale. Heaha ka hana hope a Samesona? He make aha kona? Owai ka i make no kakou? Ma ke aha ka like ole o ko lakou make ana?

Mele. "Mai Hoopa," Hoku Ao Nani p. 89.

Papa X. Hai mai i ka moolelo o Naomi laua o Ruta? Owai na Naomi, na Ruta, na Osepa, na Boaza, i keia manawa? Owai kekahi mamo nui a Ruta? E hoohalike me Ruta i hoopomaikaiia.

Owai ka buke e pili ana ia Ruta? Nohea ka inoa Samuela? Owai kona mau mauka? Ma ke aha i loaa ai keia keiki? Ihea oia i laweia ai a hoolaa na Iehova? a na ka oihana kahuna? Owai ke kahuna nui ia wa? Ehia oihana ia Eli? Ehia oihana ia Samuela? Heaha kana hana mua ma ka oihana kahuna? Iaia'e hana ana ia hana haahaa, owai ka i kahea iaia? Ehia kahea, a ekemu Samuela? Ehia ona makahiki ia wa? Heaha kana hana mua ma kona ano kaula? Heaha ka hana a Eli i hoopaiia'i oia me ko kona hale? E makau na makua malama pono ole i na keiki. E makau na keiki hookuli o hoopai pu ia me Eli me kana mau keiki. E hoohalike na ui me Samuela.

Na Manao Paipai

Mele. "Mele Lai," Hoku Ao Nani p. 198.

Pule no ka hapaha e hiki mai ana. Haawina no Okatoba 7, 1 Sam. 4; 10 - 18.

KU I KE ALOHA.

WAILUPE, Sepatemaba, 1 1883.

Ua hiki mai ma ko makou apana nei kekahi mea haiolelo, o R. D. Honua kona inoa, he haumana ia no ke kula kuhunapule a Rev. C. M. Hyde, D. D. Ua hiki malihini mai ia ma ko makou apana ma Wailupe nei, ua noho ia ma ka hale o Mrs. Kekea, he wahine ia na kekahi puuku i make, o S. W. Kawai kona inoa. Ua hele malihini ae ia ma Waialae e hoohulihuli ai, a ma kekahi la ae ma Niu, o ka la pule, oia ka la i akoakoa ae ai na hoahanau e hoopiha i ka luakini o Wailupe. Aole o makou hilinai iki iaia, me ko'u manao ua like no me na kahu mua o keia apana i noho mua mai ai. Ia'u e hoomaloka ana, ku ae la ua wahi haiolelo nei o makou, hoike mai la i ke pooolelo ma ka leta mua a Ioane 4:8, hoike mai i ke kumu hana a me na manao nui, me na manao pili. I wehewehe mai ka hana. ua like loa me ka muliwai kaulana o Amerika Akau. Ia wa no, lu aku la au i ko'u hoomaloka, aole hoomaloka i koe. Eia kahi i ku ai i ke aloha, aole o na mea nana e kokua aku aiai, ua hai pololei mai oia ia makou, ma ka ahaluna makua o Kawaiahao ia e kokua. Eia nae, o ka pule mau wale no ka i hookaa ia mai i ola nona, ekolu pule aole ia i uku ia mai, ua hoomanawanui iho nei ia a pau keia mahina, a hoi aku al i Hilo a i Honolulu iho no paha, nui ko makou aloha iaia me ka mahalo piha i kana hana pono.

Eia kekahi mea a makou i aloha ai o kona launa pinepine mau me makou me ka oluolu, he akamai ma ke pahele ana ma ka olelo, ua hoao pinepine makou e pakike a e hoohoka aku iaia, eia nae, aole e hiki, no ka mea ua pakika loa aku ka iala i ka makou a pilipili aina ole aku, ma keia mea. ua ola o Wailupe i keia mau la, ua koe iki na momona i koe, o na katolika ua huli mai no kahi poe, a koe aku no kekahi poe, me he mea la he hapakolu o lakou i huli mai a elua hapakolu aku i koe, ina paha i loihi loa aku aole e ike hou ia, he momona malaila a me ke katolika. Eia kekahi, i ka pule mua alole i hoala mai ia i kekahi wahi lulu no ko makou luakini, ekolu hapai ia ana o ka lulu dala a ua loaa na dala he $15 ma Waialae, koe ka apana ma Niu. I ka eha ae o ka pule, koho ia i komite ma ia apana nana e paipai, a ka pule elima alaila lulu, eia mae, ua haalele mai kela ia makou, ua hoi aku nei, nolaila, nui ko makou aloha iaia. O ka mare wale ana no a hemo koke no, ke noi ia aku nei na haipule a pau e pule aku oukou i ke Akua i hoihoi hou ia mai ia me makou, oiai, ehiku makahiki a oi o ko makou noho ana me ka lohe ole i ka ke Akua olelo, ma ka la 5 o Augate, oia ke kani mua ana o ko makou bele, oia no hoi ko makou

lohe mua ana i ka ai o ka uhane, oluolu no hoi ka lohe ana me ka iini i ka olelo a ke Akua, me he lei nani la i papahi ia e ka mea nana e lei ke nana aku, me he wai pii la ke ka huai mai a ono ka pepeiao i ka hoolohe aku, eia kahi i ku ai i ke aloha, i ka pule hope iho nei ua hana aku oia i ka hana a hai, ma ka lawelawe lima ana i mea e kokua ai i ke ola no kona ohana, oiai, aole paha o kahi hana ia ana o ka imi i hana ma ka hana lima no nei mau mahina pokole loa, pau no ia hana o ka hoi aku nei no ia.

S. K. KALUA.

KA OMOKE WISEKE O KUU MAKUAHINE.

Kupaianaha ! He makuahine ona ole au. He oiaio no, aole au i hoole loa i ka inu i ka mea ona. Aole au he tito tala.

Inu liilii no au. Aole nae au i inu a ona. Aole loa. A ua papa loa aku au i ka'u mau keiki Iuda, me Natana, mai lilo olua i ka ona. He mea ino loa ka ona. I na inu olua i ka rama, inu liilii, mai inu a ona.

Ua make ka makuakane, koe ka makuahine me keia mau keiki elua.

Maikai ka hana a na keiki mamua. Malama pono i na mala ai. Hoopaa i na pa ke hanee, a ke hina. Aka, i kekahi manawa, nana ka makuahine, ua hoopapaleha na keiki.

Ua hanee na pa pohaku. Ua hina na pa laau. A ua waiho wale ia pela. Aole hana houia.

Heaha ke kumu? Aole pela na keiki mamua. He mea hou keia. A lohe oia, ua lilo na keiki i ka ona, Kahala loa oia.

Ua lilo auanei ka'u mau keiki i ka ona? Ua papa aku au i ka ona. E hana maikai olua.

E pale aku i ka ona. Ua pule au i ke Akua e malama i ka'u mau keiki, i ole laua e lilo i ka ona. Ua lilo nae laua i ka ona. Heaha la ke kumu?

Komo mai ke kahunapule i ka hale o ua makuahine nei. E noho ana o Natana maloko o ke keena hookipa. A o ka makuahine ma kekahi e e pili pu ana.

E Natana he makuakane maikai kou mamua. A he makuahine maikai kou i keia wa. Ua ao maikai laua ia oe. Ua lilo nae oe i keiki ona. No ke aha la?

Hakilo ka makuahine i lohe i ka haina a ke keiki. Nana Natana me ke ano huhu, i ke kahuna, a pane; makemake ka oe e ike i ke kumu? Well, hiki ia'u ke hai pokole no. Aka, mai hoao oe e hoohuli ia'u. He mea ole ia; makehewa. Ka mea ona ka'u makemake. Aole hiki ia'u ke haalele i ka rama. Ko'u hoapiliia a make au.

Ke kumu anei no keia? Eia ke kumu, keia kumu hookahi wale no. Ka omole wiseke o kuu makuahine.

I ka lohe ama o ka makuahine i keia mau olelo, maule oia, a hina ilalo. Komo ua keiki la iloko o kona keena, a lalau a hapai a waiho oluolu iaia na kona wahi moe.

Aole laua i hoahewa iaia mamua. He makuahine waiwai oia. O kela omole wiseke, he omole laau lapaau ia nona. Ua lilo nae ia i mea hoohihia i na keiki, a huki liilii ia laua iloko o ka mimilo o ka ona.

Pohala no ka makuahine. Ala, noho oia iloko o ke kaumaha. Aole liuliu, a make oia a kanu ia ma ka aoao o kana kane.

Mau nae ka ona o na keiki. Noho auwana, a home ola kaua me ka manao ole ia e na hoalauna.

E na kakua me ka poe e ae, e lawelawe liilii ana i na mea ona hoohihia, e unu liilii ana i ka waina, me na waiona e ae, i mea lapaau, mea hooikaika kino, hoopumehana kino, a nau baka, a puhi baka no ka eha o na niho, a no ka hano paha, a hula liilii a pepa liilii (play cards) i mea hoopau manawa, a pela aku, e hoomanao i ka hope ino o ka omole wiseke o keia makuahine.

HAWAII.

AUWE ! PAU KA BAIBALA I KE AHI !

Aole. Pau paha ka pepa. Aka, na olelo, aole pau. Lilo e ka lani me ka honua. paa mau no nae ka olelo a ke Akua.

He kahuna Katorika ma Irelani. Halawai pu oia i kekahi la me kekahi keiki e hoi mai ana mai ke kula mai me ka baibala ma kona lima.

Ke hele nei anei oe e ka keiki i kela wahi ma o ike kula Protesetani?

Ae. kuu Rebasena. A pela kuu kuhi ana, wahi a ke kahuna, ma ka ike ana ia buke iloko o kou lima. He buke ino ia. Ho mai ia ia buke ia'u.

Pane ke keiki. O keia buke ka olelo ia a ke Akua. Ke ao mai nei ia i ke ala o ka pono, i ke ano o ke aloha, i ka hana e hiki ai i ka lani, mahope o ka make ana. Kena ke kahuna, e hoi pu kawa i ka hale.

Ka hoi no ia o ke keiki i ka hale o ke kahuna. Lalau koke ke kahuna i ka baibala a ke keiki, a hooleiia iloko o ka lapalapa ahi, me ka olelo, aole loa oe e heluhelu ia buke, he buke ino ia. Aole hoi au e ae hou e hele hou oe ia kula.

Wela koke ka baibala, e pau ana i ke ahi. Nana ke keiki me ke kaumaha mamua. Mahuahua ka huhu o ke kahuna, a olelo, ka pau no keia o kau baibala, pau Ioa. Hoomaka ke keiki e aka iki.

No keaha kou aka iki ana? Ninau ke kahuna. Pane ke keiki. No ka hiki ole ke pale i ka aka.

Hai pololei mai oe i ke kumu o kou aka ana. Pane ke keiki, akaaka au, no ka'u ike ana, aole hiki ia oe, e ke kahuna Rovesena ke puhi i ke ahi i kela mau mokuna he umi i paanaau ia'u.

Pomaikai ua keiki nei! Ua huna oia me Davida i ka olelo a ke Akua iloko o kona naau i ole oia e hana hewa aku i ke Akua.

E na keiki, he mea pono keia ia oukou e hoopaanaau i ka ke Akua olelo ma ko oukou wa opiopio.

UNUHIIA E HAWAII.

KE LU IA NEI KE DALA O KA LAHUI I KA MAKANI

HE PUAHIOHIO KA LOAA.

Ke hanaia nei kakahi hana hoomaunauna dala maopopo loa i keia mau la, oia hoi, ke hoomaamaa ia nei na puali koa ma ke ki pololei ana, mai ka puali ku mau o ka Moi a i na puali e ae, a ua hole wale ia e uniki ana ko lakou ike ma ke ki pololei ana ma ka la 28 o Novemaba, o keia makahiki.

He mea nui keia a ka lahui e nana mai ai, ua hookaawale ka Ahaolelo i puu dala no ka oihana koa, no na mea e pili ana i ko ke aupuni mau pono, aole no keia mau hana hoomaunauna, aole keia he aupuni kaua, e hiki ai ke ao ia a ike i ke ki pololei, no ke kii ia mai o keia aupuni e kaua, alaila, ohi ia ka poe ike i ke ki pololei, i mea e pale aku ai i ka enemi a e mau ai hoi ka maluhia o ke aupuni, alaila, manao ia ua pono ka hoomaunauna, oiai ua loaa like i ka lahui ka pomaikai ma keia hana.

Ke hana ia nei keia hana no ka pomaikai o ka mea hookahi, a no ka poe uuku wale iho no aole no ka lahui, ka poe nona ke dala i hoolilo ia ma keia, aole he mea maikai i na poo aupuni ke hoolilo wale i ke dala o ka lahui ma kahi hana waiwai ole, o ka lahui ke hoahu i ke dala ma ka waihona, o ka lu nae ka na poo oihana, aole no i hookaawale ka Ahaolelo i puu dala no ke ao ana i na puali koa ma ke ki pololei ana, me he mea la, he hana hoaikola maoli no keia i ka lahui a me ko lakou dala.

I na mau keia hana a hiki i ka la 28 o Novemaba, he mea maopopo, he mau tausani ka lilo malalo o keia hana waiwai ole. I na o na dala e hoolilo ia nei ma keia hana ole loa a e uku ia no ka aie lahui, i na ua oi loa aku ka pono, aohe mea a la lahui e ahewaai.

I na e nele ana ka oihana koa i ke dala ole, mamuli o ka pau o ke dala i keia hana uhauha, eia ka mea maopopo loa, e aie ana nei ke aupuni i mea e loaa mai ai ke dala, a hiki mai ka wa e noho ai ka Ahaolelo, e noi ia mai ana i puu dala nui i mea e uku ai i keia aie, alaila, i ili pono iho iluna o ka lahui ke pai kaumaha o keia hana hoomaunauna dala o ka lahui.

Alaila, he au holo mua iho la paha iala o ka pomaikai a ke Eleele e olelo nei, a he naauao hoi na hana o keia ano wahi a ka Eleele, he Kalaiaina hawawa maopopo keia o ka Eleele, o ka hoonui o na lilo ma na hana waiwai ole.

Ma na aupuni naauao, e hoolilo ia ke dala o ka lahui ma na mea e pomaikai ai ka lahui, a e noho aie ole ai hoi ia aupuni i ka hai dala, pela e palekana ai ka lahui a me ke aupuni i na po pilikia he nui, pela i olelo ai o Solomona o ke dala ka mea e hiki ai na mea a pau, aole hoi o ka nele a ilihune i ke dala ole.

I na paha e hoala ia ana na hale mai a Kipikona i ku kaliki ai ma na mokupuni o Hawaii nei, a hooliloia ke dala ma ia hana, he hana ia e pomaikai ai ka lahui, i wahi e lapaau ia ai ko lakou mau palapu a ke kanawai, a noho aie paha ka lahui ma ia hana, he aie pololei ana ia i ka pono o ka lahui.

EHIKU PULE. - ELUA.

1 Ka pule a ka Parisaio, Luk. 18: 11, 12. He pule hookano ia, e hoapono ana ka mea pule iaia iho. He pule i hoole ia.

Mai pule me ia Parisaio. Mai ka ena oe imua o Iehova no kou pono iho.

2 Ka pule a ka Kunaauhau, Luk. 18; 13, 14. He pule hoohaahaa ia hoahewa ka mea pule iaia iho. E aloha mai oe ia'u ka mea i hewa. Ua hoaponoia ia pule. Mailoko ae ia o ka naau haahaa, naau mihi. Me ia oe e pule ai.

3 Ka pula a ka powa e make ana ma ke kea. Luk. 23; 42, 43. He pule pono ia, ua ike oia i kona hewa loa, a noi ia Iesu hoomanao oia iaia. A ua hoomanao Iesu iaia, a ua hoola i kona uhane. E ka mea pepehi kanaka, e mihi a e pule e like me keia powa. a e hoola ia oe.

4 Ka pule a ke kanaka waiwai. Luk. 16; 23 - 26.

Iloko o ke ahi o Gehena ia pule ana

Ua hala ka manawa. Ua paa mau oia iloko o Gehena.

he awawa nui mawaena o ka lani me ka lua ahi. Aole hiki i kekahi ke iho ilalo iloko o ka lua ahi me kahi kulu wai e hoomaalili i ke elelo o ke kanaka waiwai i eha loa iloko o ke ahi.

Mai kali a hiki i ka lua ahi alaila pule. Makehewa ka pule ana malaila.

5 Ka pule a ka poe malama ole ia Iesu. Luk. 13: 24, 27. Ua hala ka manawa, ua pani ia ka puka. Makehewa ke ku ana mawaho a kikeke ma ka puka, i weheia. Aole lohe ia.

Mai kali oe a hala ka manawa a pani ia ka puka alaila pule. E pule ano.

E wiki, mai kali.

6 Ka pule a ko Gadara poe. Luk. 8, 37, me Ioba 21; 14. E hele aku oe mai a makou aku, aole o makou makemake ia oe.

A hele aku Iesu mai ia oe aku, heaha ka hope? Aohe kalahala e. He pule make ia. Mai pule hou oe pela, o ko ia a make mau loa oe.

7 Ka pule i loaa ka make. Hoik. 9; 6. Aole nae i loaa ka pule ia iloko o ka lua ahi, i make ka uhane no ka nui o ka eha. Makehewa nae ia noi ana. He mau pule makehewa elua.

Sol. 1; 27 - 32. Heluhelu a hoopaa a makau, e ka poe hoowahawaha, a hoopanee i ka mihi ole. E pule e mihi ano, o kii ia e ka luna nui, a kahea makehewa oe i na kuahiwi me na pohaku e haule mai a huna ia oe mai kona maka aku.

HAWAII.

KE KI HOU.

E kuu Aneti (Aunt) ua loaa paha ia'u ke ki hou e wehe ai i ka naau o kanaka a ae lakou e haawi mai i ka mea a'u e noi aku ai.

Heaha ia ki? Ninau Aneti. Pane ke kaikamahine, e koho oe, Aole au i akamai i ke koho, pane Aneti.

Hookahi wale no hua. A eia ia; "oluolu." He hua kahiko ia. Aka, aole; lawe keia kaikamahine ia hua i ki e wehe ai i ka naau o na hoa, a ae koke lakou i kana noi ana. Mamau, olelo oia penei; e Ana e kokua mai ia'u, kukuhi mai i ka hana; e haawi mai i kou buke. Me he alii la kana noi ana. Aole ka pela e loaa koke ai ka mea i noi ia 'ku.

Ua loaa nae ke ki e hiki ai. E Ana, e e oluolu oe kokua mai, e oluolu oe e kuhikuhi mai i ka hana e loaa'i ka haina o keia pauku. A ae koke mai no e kokua.

Ina pilikia Sara i ke kopa lole ana, a olelo au, e Sara, e oluolu oe hele pu me a'u. Haalele koke oia i ke kopa lole a hele pu no. A pela no me kuu papa. Ina olelo au e papa, e oluolu oe e lawe ia'u ma ke kaa i ke taona, ae oluno oia. Ae Miss Pup (popoki.) E hooko au i kou makemake ke hiki.

A pela kuu mama. E oluolu oe kuu mama e humuhumu i holoku no'u.

Ae my dia. A lele au maluna ona, a puliki a honi iaia, a helelei kona wai maka maluna o'u.

HAWAII.

Mai a J. B. Kaleihopu o Waipio, Hamakua, Hawaii, ua loaa mai ia makou keia lono malala iho e pili ana no ka make ana o R. P. Kuikahi, kekahi o na kanaka Hawaii kuonoono o Hamakua. Penei kana i hoike mai ai: Ma ke kakahiaka o ka Poaha ka la 5 o keia mahina ua lalau palanehe mai la na lima o ka make ia Robert P. Kuikahi a kaialupe aku la ma kela aoao mau me ka haalele ana iho mahope nei he wahine, na keiki, a he kaoo nui o na makamaka me na hoa'loha. He ekolu pule o kona kaa ana i ka mai oiai oia ma Waipio, Hamakua, nei. He wela a he anu i hui pu ia me ka ikiiki ke ano o kona mai. He kanaka aloha nui ia oia e ka lehulehu a o kekahi no hoi ia o na kanaka kuonoono o Hamakua nei. Aloha ino oia.

Ke upuia aku nei e ku hou mai ana i o kakou nei ka moku kaua Beritania Swiftiure, i ku mua iho nei i o kakou nei.

NA HOOLAHA KUMAU.

ASA KAULIA.

Loio a he kokua ma ke

Kanawai.

rf.

J L. KAULUKOU.

Loio a he kokua ma ke

Kanawai.

KEENA HANA: Ma ke Keena o

W. C.

Akana ma alanui Moi. tf.

W O. SMITH

LOIO, LOIO, LOIO.

KEENA HANA: Helu 30 alanui Kalepa.

tf.

HENRY N. KAHULU

LOIO, LOIO, LOIO.

E loaa no ma Koolauloa a ma Honolulu i

kahi wa. ma ke Keena o W. L. Holokahiki

ma alanui Betela. 1128 1 yr.

W A. KISI.

LOIO, LOIO, LOIO.

KEENA HANA: Helu 15 Alanui

Kaahumamu, Honolulu. tf.

W R. KAKELA.

Loio a he kokua ma ke

Kanawai.

He Luna Hooiaio Palapala.

tf.

W L. HOLOKAHIKI.

Loio a he kokua ma ke

Kanawai.

He Luna Hooiaio Palapala.

KEENA HANA: Wehe kealaula

alanui Betela. tf.

A ROSA. (AKONI.)

Loio a he kokua ma ke

Kanawai.

He Luna Hooiaio Palapala.

KEENA HANA: Ma ke Keena

Loio Kuhina.

tf.

S B. DOLE.

LOIO, LOIO, LOIO.

He Luna Hooiaio Palapala.

KEENA HANA: Ma Alanui

Kaahumanu.

tf.

CECIL BROWN.

Loio a he kokua ma ke

Kanawai.

A he Agena Hooiaio Palapala no ka

Mokupuni o Oahu

KEENA HANA: Helu 8 alanui

Kaahumanu.

tf.

JAMES M. MONSARRAT.

(MAUNAKEA.)

Loio a he kokua ma ke

Kanawai.

He Luna Hooiaio Palapala.

KEENA HANA: alanui Kalepa.

tf.

RICHARD F. BICKERTON.

(PEKEKONA.)

Loio a he kokua ma ke

Kanawai.

KEENA HANA: Helu 27 alanui Kalepa

tf.

SAM'L. L. KAWELO.

LOIO, LOIO, LOIO.

KEENA HANA, Puakalehua, alanui

Maunakea, Honolulu

tf.

SAM'L. K. KAEO.

LOIO, LOIO, LOIO.

KEENA HANA: Me J. K. Kaulukou

ma ke Keena o W. C. Akana.

tf.

KALE KUKIKA.

Luna Hooiaio Palapala Moraki a me na

Palapala o ia ano, Luna Hooiaio Palapala

Aelike mawaena o ka Haku a me ke

Kauwa, Luna haawi Palapala Mare.

KEENA HANA: Kihi o alanui Moiwahine

me Kaahumanu.

tf.

C C. COLEMAN.

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii.

905 tf E kokoke la i ke Alanui Papu.

S H. MEEKAPU.

Tela humuhumu lole.

HALE HANA: Helu 11 alanui Nuuanu.

tf.

F PAHIA. SAM, L. M. KAAUKAI.

Ana aina!! Ana aina!!!

KEENA HANA: Aia ma alanui Moi,

kokoke loa i ka Uwapo o Hooliliamanu.

tf.

C BREWER & CO. (BURUA MA.)

Ua makemake ia ka poe mea ILI KAO

MALOO a me na ILI BIBI, a pela hoi me

na ILI MIKO o na ano a pau, e kuai mai i

ko lakou mau ILI me makou, a e haawo no

makou i ke KUMUKUAI KIEKIE LOA o

lo kakou Makeke.

tf.

JOSEPH E WISEMAN.

LUNAHOOPONOPONO O NA

WAIWAI PAA

A ME

Luna Imi Hana.

Helu 27 Alanui Kalepa, Honolulu

Luna Hoolimalima no na Rumi, na

Hale, a me Luna Kuai me Hoolimalima

o na Waiwai Paa ma na wahi a pau o ka

Pae @ Luna imi Hana no ka poe a pau

i nele i ka hana ole ma na wahi a pau

i makemakeia ma kekahi mokupuni

o ka Paeaina.

N. R. - Na Palapala Hoolimalima e

hanaia me ka eleu; e ohiia na Bila Aie

a me na hana e ae a pau e pili ana i na

hana Oihana Kalepa me ke eleu a me ka

pololei. O na Unahiolelo a me na

Maheleolelo ana, e hookoia me ka

maikai. O na kauoha a me na kamailio

ana maloko o na leta no kekahi o na

hana maluna ae, e hooloia me ka elua

loa.

tf.

NA HOOLAHA KUMAU.

KA MIKINI

HUMUHUMU LOLE

MAIKAI

ST. JOHN .

E LOAA NO MA KA @

MR. GEO. F. WELLS.

O ka Mikini Humuhumu @

loa keia, i hiki ke @

hope, a i ikeia ma ka @

Hawaii nei. He M @

maikai loa @ na kanaka

Hawaii .

he mikini

luhi ole.

KUMUKUAI $55.00

me Hookahi Gita (Kika)

hookani maikai loa

makana

O ka poe ma na kuaaina e ahe @

keia ano mikini humuhumu e h@

kou i ke dala ia

GEO. F. WELLS

ma Honolulu, a nana no e h@

moku, me ke kaki @

halekuai o

GEO. F. WELLS

Ma Alanui Papu, a e k@

humuhumu la, oia ka

Royal St. John.

Eia Pila Guitar (Kika). @

mai ka $5 a hiki i ka @

mukuai oka pila hookala

200 Koliana mai ka $2 a @

ke kumukuai o ka pila h @

100 Ohe Puluka, $2.50 a @

ke kumukuai o ka ohe hook @

12 Pahu Hookani nunui, a me 25 @

Hookani liilii, a me na ano @

keleawe a pau, e loaa au ma ke @

lekuai i hoikeia maluna me ka @

KUMUKUAI EMI WAIPAHE

Na Piano nunui maikai e loaa @

ne ke Kumukuai Emi L @

ike ole ia ma Hawaii nei

He nui aku no ma mea i koe na ke

la a me keia e kikohi nona iho @

ae ma ko'u halekuai ma Alanui Papu

E hookoia ka makemake o keia a we

keia me ka eleu.

GEO F. WELLS.

1094 tf Alanui Papu.