Ka Nupepa Kuokoa, Volume XXII, Number 38, 22 September 1883 — Page 4
| This text was transcribed by: | Paka Westin |
| This work is dedicated to: | Awaiaulu |
KA NUPEPA
KUOKOHA ME KE AU OKEA
[1 Huiia]
No ka Makahiki...........................$2.00
Eono Mahina...............................$1.00
Dala Kuiku ka Rula
POAONO, SEPATEMABA 22, 1883
HAAWINA KULA SABATI
_________
Hapaha eha, 1883
Helu 1, Sabati, Oct 7.
Kumuhana, Ka make ana o Eli. Pau ku Baibala, I Sam. 4; 10-18
A KAUA aku la ko Pilisetia, a lukaia o ko Iseraela, a holo kela kanaka keia kanaka i kona halelewa i a he nui loa na mea i make, no ka mea, haule iho la o ko Isseraela, he kanakolu musani koa hele wawae.
11 A ua haoia ka ahu o ke Akua; a make na keiki elua a Ei: o Hopeni a o Pinehasa.
12 Holo aku la kekahi kanaka no Benjamina mai ke kaua aku, a hiki ma Silo, ia la hookahi, me kona kapa i haehaeia, me ka lepo maluna o kona poo.
13 A hiki aku la ia, aia hoi, e noho ana o Eli maluna o ka noho ma kaa alanui e kiai ana: no ka mea, pihoihoi kona naau no ka pahu o ke Akua. A hiki aku la ke kanaka ma ke kulanakauhale, a hai aku, auwe nui iho la ko ke kulanakauhale a pau.
14 A lohe ae la o Eli i ka keo o ka uwe ana, i iho la ia, no ke aha la kaa leo o keia haunaele? A hele koke mai ke kanaka, a hai ia Eli.
15 Ke kanaiwakumamawalu ko Eli mai makahiki, ua ku paa kona mau maka, aole ia i ike.
16 I mai la ke kanaka ia Eli, owau no ka mea i hele mai, mai ke kaua mai i keia la wau i holo mai nei mai ke kaua mai. Ninau aku la ia, heaha ka olelo e kuu keiki?
17 Olelo mai la ka elele, i ma la, ua hee ka Iseraela imua o ko Pilisetia: a ua nui loa ka poe kanaka i pepehiia; a o kau mau keiki elua, o Hopeni o Pinehasa, ua make laua, a u haoia ka ahu o ka pahu o ke Akua.
18 A i kona hai ana mai i ka pahu o ke Akua, haule iho la o Eli mahope o kona nooho ma ka aoao o ka ipuka, hai kona a i a make iho la ia; a ua kaumaha hoi. A ua hooponpono aku ia i ka Iseraela i na makahiki he kanaha.
Pauku Gula. I Sam. 3; 13.
Manao Nui. He mea ino loa ka hewa.
Na Heluhelu La. I, 1 Sam. 3; 11, 21, 2, o Sam. 4; 1-22, 3, Ios. 7; 3--13, 4, Hal. 75; 1--22, 5, Hal. 78; 23 50, 6, Heb. 12; 1--13, 7, Hal, 78: 56--64.
Ka Manawa, B.C. 1114 20 mak, mahope o ka Helu 14.
Kahi i hanaia'i, Elenezera ma ke komohana akau o Ierusalema 15 mile komohana hema o Silo. Silo ke kapitala 17 mile akau o Ierusalema.
Samuela ke kaula me ka lunahooponopono 30 paha ona mau makahiki.
Eli Lunk, me ke kahuna nui 40 mak, o kona hooponopono ana, 98 ona mau makahiki.
Mele. "Eia no makou e Iesu,"
Hoku Ao Nani p. 136
Pule i lilo loa no Iesu
KA WEHEWEHE ME KA NINAU ANA.
Ma ka Haawina o kela Saaati ua lohe kakou ua maopopo loa he kaula io no Samuela, Ua hoike ma ke Akua i kana olelo iaia, ua ike Samuela i ka hewa o nak keiki a Eli, a ka hwa o na Iseraela a pau. Ua paipai paha o Samuela ia lakou e haalele i ko lakou hewa mai kona mak. he 12 a hiki kona ma. he 30 paha. Aole nae lakou i hoolohe i kona leo.
aia no lakou malalo iho o ka auamo o na Pilisetia. Aole nae i kaua hou na Pilisetia i na Iseraela mahope o ka make ana o Samesona no ka nui o ka poe i make iaia, ma ka hina ana o ko lakou heiau nui. Noho malie lakou me ka makau paha i ke kaua ana'ku.
No ia noho malie ana ala mai ka manao o na Iseraela e kaua aku i na Pilisetia i hemo mai lakou mailoko ae o ke lakou auamo. Ua ae paha, alole paha. Ua hele nae lakou e kaua aku i ko Pilisetia.
Hoouka na aoao a elua, ma ke kaua ana ua lukuia na Iseraela, 4000 ka i make. Uwe lakou, a ninau, no ke aha keia make nui ana? Heaha ka pono? Na ke aha e hoolanakila? E kii i ka pau berita. E halihaliia mai Silo kona wahi paa i kahi i hoomoana'i. ka laweia no ia o ka pau e na keiki a Eli Hopeni me Pinehasa.
I ka ike ana o na Iseraela i ka pahu berita, hooho hauoli lakou. Aka, makau a weliweli na Pilisetia, ke Akua keia o na Iseraela ka mea e lanakila ai, wahi a lakou. Aka, e ikaika kakou, e hookanaka, i lilo ole ai kakou i poe kauwa na na Iseraela; mok. 4; 1--9.
Ma ka pauka 10 ka hoomaka ana o ka Haawina o keia la.
NA MAHELE
I Ka hope o ke kaua elua, p. 10, 11.
He hope weliweli no. Hewa loa na Iseraela ka lawe ana i ka pahu berita i kahi o ka enemi. Nolaila ala ko Iehova huhu, a kokua i ko Pilisetia poe kaua, a luku hou ia na Iseraela. Ehia na make? Ua ahaia na keiki a Eli? Ua ahaia ka pahu berita? ka hoomaka ana keia e hookoia ka wanana a wai? mok, 3; 11--14.
11 ka holo ana o kekahi e hai ia Eli, p. 12--17.
12 He kanaka aha ka i holo i Silo e aha? Me ke ano aha?
13 Aia mahea Eli? E aha ana? E kali ana e lohe i ke aha? Me ke aha hoi? A lhe ke kulanakauhale i ka nu kaumaha, pehea ia?
14 A lohe Eli i ka uwe nui ana, heaha kana ninau?
15 ehia mak. o Eli? Pehea kona maau maka? Paa ka pono, aole kupaa.
16 Pehea i olelo ai ua elele nei ia Eli? A ninau Eli pehea?
17 A pane aku ka elele pehea? Ehia mea i haiia?
____
KA HOOPILI ANA.
1 Hiamoe ka enemi i kekahi manawa me ko Pilisetia.
2 Kuhihewa na haipule no ka hiamoe o na enemi, he hiki ke lawe pio ia lakou.
3 Ma ka hohoao ana e lawe pio, hiki ole. ala ikaika na enemi, a hooweliweli i na kahunapule a hooomaka e lanakila.
4 Ke kumu o ka lanakila ole o na haipule, aole lakou i alo io. Paulele oi i ko lakou ikaika iho. Hewa hoi kekahi mau alakai ana.
5 Kuhihewa hou na kahunapule. Aia i ka pahu berita e lanakila'i. Aia i ka pahu berita ka mana e lanakila ai. Aia i ka olelo a ke Akua ka mana e ola'i. Aole nae lakou i malama ia olelo. aole i manaoio, aole i wehewehe pono aku. Hewa ka poe i hai aku elike me na keiki a Eli.
6 F. hoopaia ana ke Akua i na keiki hoolohe ole i ke ao a ka makua.
7 E hoopai ana ke Akua i na makua i malama pono ole i na keiki elike me kona hoopai ana ia Eli. Auwe! oukou na makua Hawaii he nui wale. E makau i ka pahikaua a Iehova.
8 Pakele mahunehune kekahi mau makua i ka make o na uhane. Ua ao no lakou i na keiki, ua paipai no, ua papa no i ka hana hewa Aka, aole i kaohi, aole i hana ikaika ii ole e lalau na keiki. Aloha nae na makua i ke Akua, i ka pahu berita, i ka baibala, i ka luakini, i ke kula Sabati. malaila paha ko lakou pakele ana i ka make o ka uhane.
Mele. "Bana lai," Holu Ao Nani p. 124.
Pule i kau ka bana a naue i ke kaua.
Haawina no Oct. 14, 1 Sam. 7; 3--17
_______________
MAI KUHIHEWA, A ALAKAI HEWA AKU IA HAI.
Alia, mai wikiwiki e hoonoa i ka la Sabati. he la kahiko loa ia, ua hana ia mamua loa o ka hoea ana mai o no Iudaio. Mai kuhi kahi poe he la pili keia i na Iudaio wale no. He mau Iudaio anei Amanu laua o Eva? Ua hana e ia anei Mose mamua o Adamu ma? Ia Mose anei ko ke Akua haawi mua ana i ka la Sabati? E ao o kuhihewa kekahi. Eia ia kakou ka baibala ua paiia ma ka olelo i maopopo ia kakou.
E wehe a nana a heluhelu Kin. 2; 2 3. " A i ka hiku o ka la, hooki iho la ke Akua i kana nana ana i hana'i; a hoomaka iho la oia i kana hana a pau ana i hana'i. Hoomaikai mai la ke Akua i ka hiku o ka lan, a hoano iho la."
ma ka mala o Edena, aole ma ka mauna o Sinai ko ke Akua kukulu ana i ka la Sabati. Ia Adamu me Eva ko ke Akua haawi mua ana i ka la Sabati, aole ia Mose.
Kuhi anei kekahi, aole he la Sabati mamua aku o Mose? He kuhihewa ia. He hoailona ia no kou heluhelu ole i ka baibala. He Sabati no mai a Adamu a Noa 1556 makahiki.
Maopopo ole anei ia Noa ma ka la ehiku, oia hoi ka la Sabati> Nana hou a heluhelu Kin. 7; 4. Ehia la e koe? p. 10. Noho iho la ia i na la hou aku i ehiku. Aole anei i maopopo ua malama Noa i ka hiku o ka la, ka la a ke Akua i hoano ai nona iho, he la ae hoomanao ai, a hoomana'i ia Iehova? Mahope loa mai o Mose.
Aole anei i akaka ia Mose he la Sabati no mamua o kona ii ana'e i ka mauna o Sinai? Nana hou a heluhelu Puk, 16; 22-30. Ma ia mau pauku ua akaka lea he Saabati no ma ia wa, oia ka Sabati i haawiia ai ia Adamu ma, ia Noa ma, ia Iapeta ma, ia Aberahama ma, ia Iakoba ma. A ua laweia ia la i Aigupita, a mai Aigupita a iloko o ka waonahele o Arabia. Ua malamaia ia la e kekai poe hoomaloka. Mamua keia o ko Mose pii ana'e i ka mauna o Sinai.
A pehea la i manao ai kekahi poe aole he la Sabati mamua? A ma ka mauna o Sinai ka haawi mua ana i ka la Sabati, he la e pili ana i na Iudaio wale no? E nana a heluhelu i na hua mua o ke kanawai no ka la Sabati. "E hoomanao i ka la Sabati." Hiki anei ke hoomanao i ka mea e loaa ole mai mamua? E hoomanao oe i ka'u leta ia oe. Aole anei i maopopo ma keia kauoha, ua leta e aku au ia oe? Ae. A ina ua kauohaia ke poe Iseraela ehoomanao i ka la Sabati, aole anei i maopopo, ua loaa e ka la Sabati ia lakou mamua? (Aole i pau.)
NA APOLUONA O KEIA WA.
He alihikaua o Apoluona, o Abedona kekahi inoa, nana: Hokeana 9; 11 ka anela ka ia o ka lua hohonu. Ka lua hohonu, ka lua ahi paha ia; ka anela, o Satana paha ia. Oia no ka enemi mua o ka pono.
He mea nui oia mamaua, he anela maikai ma ka lani. Hookeikei mae oia a makemake e lawe i ka noho alii nona iho. Nui ka poe ma kona aoao. Kipi lakou a manao e kaua aku ia. Iehova me ka poe e pili ana iaia. Aka, alole emo, a wehe wale ia ka puka o ka lani, a haule kalou iwaho, a pani koke ia ka puka i ole lakou e hoi hou iloko. Ka huhu loa no ia Satana me kan mau legeona.
Hookihi paa lakou, alole lakou e hoomaka i ke kaua a loaa hou ko lakou noho mua ma ka lani. A i ole ia e keakea ikaika lakou i ke komo ana o kekahi poe hou iloko o ka lani.
Nana o Satana i ka honua, ua haoaia a maikai. Ua haaia na meaa elua, he kane, he wahine: ua maikai a ua lohe oia ma ka waha o Iehova, e piha ana ka honua i ko alua mau mamo.
Ke kukakuka pu no ia ona me kona mau legeona, a olelo, eia ka kakou hana, ua nele kakou i ke kuleana ole ma ka lani, e hooikaika kakou el lilo ka honua me na kanaka ona no kakou. E koho kakou i na agena me ka maalea.
Owai na agena? Nana, noonoo, kuka, a hooholo; ka hahesa ka agena mua. Me i agena ka hana mua ana, a haule na makua mua, ma ka wahahee mae, aole ma ka hana oiaio.
No ka lanakila ana o ka nahesa ma ka hoopunipuni a wahahee ana, loaa ia Satana kekahi agena nui.
2 Ka wahahee, oia ka lua o na agena, mai a Kaina a hiki i keia wa ka hana a keia agena. He keiki ka wahahee na Satana, oia ka makua o na kanaka wahahee; mahope iho hookomo Satana i ka wahahee iloko o ka maau me ka waha o na agena he nui wale oia hoi na kahuna wahahee na kaula wahahee, na kumu wahahee i pau ole i ka helu ia. A lehulehu wale ka poe i puni a hahai ia lakou; na haneri miliona pegana, na miliona Mahomeda, na miliona Katolika Roma, na tausani Moremona, na miliona Iudaio, na miliona kanaka hoomana lalau e ae, ke alakai ia 'ku e Satana ilalo i kana lua hohonu, me kona kaena ana, nona ponoi lakou; aole loa e ae ana e komo lakou iloko o ka lani; pehea e lilo ai ia kaena ana i mea ole? Aole e lilo ana i mea ole no ka manawa i hala. Nui na bilona Satana i huki aku ai i ka lua o Gehena i na makahiki i hala, mai hiki aku lakou i ka lani ina aole i keakea ia e Satana.
No ka manawa ano, a e hiki mai ana ka ninau; pehea a pau ai ka mana o Satana a lilo kona kaena ana i mea ole?
Ua lohe no Satana i kela manawa ma Kin; 3: 15. Ua lohe hoi i kela oolelo ma 1 Io, 3; 8 "O ka mea e hana ana i ka hewa, no ka diabolo no ia; no ka mea, ua hana hewa mau ka diabolo mai kinohi mai. No ia mea ua hoike ia mai ke keiki a ke Akua i hokae aku ai oia i ka ka diabolo hana ana.
(Aole i pau)
___________________________
EHIKU MEA HOOKAHI KA BAIBALA
1 Ka mea hookai o ka make. Kekahuna 3; 19. Hebera 9: 27. Make na holoholona; make na kanaka. Mahea ka like ole? Aole hope o ka holoholona mahope o kona make ana. Aole ona uhane. He uhane holoholoan no.
He mea make pu nae ia me ke kino. Ina he uhane ko na holoholona e like me ko ke kanaka, auwe na haku hana ino i na holoholona ma ka la hookolokolo nui! Aka, ua maopopo he uhane ko ke kanaka, he mea aole i mkae pu me ke kino, he mea nona ka hoopai ana. Ua hoomaopopoia ka make hookahi ana o na kanaka, a ma ia hope aku ka hoopai ana. Ina e make ana kakou pakahi, pono ke hoomakaukau no ia mea. Ano ka wa pono. No ka mea, aole akaka ka hora e hiki mai ai ka make.
2 Ka hookahi la hookolookolo 2 Pet. 3; 8. "E na pokii, mai hoonaaupo oukou i keia mea hookai." Oia ka la hookoiokolo. A i ka Haku, ua like ka la hookahi me na makahiki he hookahi tausani; a o ke tausani makahiki, me ka la hookahi. He la lohi paha ka la hookolokolo. Ua hoomakaia kona kakahiaka mua loa. Ka hora awakea paha keia. Lehulehu ka poe i pau i ka hookolokolo mua ia. Ua hoaponoia kekahi poe. Aia lakou ma ka lani. Ua hoahewaia kekahi poe. Aia lakou iloko o Gehena. E kii ia ana kekahi i kela minute, i kea minute e lawe imua o ka Aha Hookolokolo.
E ala kakou a pua. Aole akaka ka minute e kiiia mai ai kela me keia o kakou. Enoho makaukau mau.
3 Ka hemahema hookai i koe Mareko 10; 21. Hookai mea hemahema. He kanaka ui a waiwai a hanohano. Nui na mea maikai i loaa iaia. Nui kona waiwai. Ua hoomanao hoi oia i ke Akua. Ua malama i na kanawai he 10. Pela kona manao. Aka, he hemahema no i koe.
Ina mau ia hemahema, aole e loaa ana ke ola. Oia ka hoole iaia iho, a hapai i ke kea, a hahai mamuli o Ieusu ma kahi akea.
Koe anei keia hemahema ia kakou? Minamina anei i na mea o keia ao? Kiki ole anei ke haalele i na mea a pau no Iesu? Loaa ole ke ola ke hiki ole.
4 Hookai no mea e pono ai. Luk. 10: 42. Ua pihoihoi Mareta i na mea he nui e pili ana i ke kino. f. mareta, no ke aha keia pihoihoi ou? Ua lawa paha na amea ai. Mai manao nui oe ma ia mau mea. Hookahi no mea e pono ai. Ua lawa ia mea hookai ia Maria kou kaikaina. Oia ka hoopili nui ana ia Iesu.
E hahai iaia ma kana mau wahi e hele ai, i kahi mehameha, i ka luakini, i ke kula Sabat, i ka halawai haipule. Alaila, e loaa ke kuleana paa ma ka lani, i hiki ole ke laweia aku.
5 Hookai mea i makemake nui ia. Halelu. 24; 4. "Hookahi no mea a'u i noi aku ai ia Iehova------e noho au maloko o ka hale o Iehova, i na la a pau o ko'u ola ana." Ko Davida noi ia. Pela anei ko kakou noi ana? E hooiaio i ka makemake ma ka hele mau ana i na hale o Iehova i na manawa kupono a pau, ma na la Sabati, ma na la noa. A pela kakou e komo aku ai i ka hale paa mau o Iehova ma ka lani.
6 Ka hookahi ike Ioane 9; 25. "Hookahi mea a'u i ike, mamua, he makapo ko'u, ano la, ua ike." Pela ka olelo a ke kanaka makapo a Iesu i hoola ai. Ua makapo kakou mamua. Aole ike ua hewa, e make ana, aole ike i ke ala o ke ola ma o Iesu la. Aole ike i ka maikai o ka Iesu olelo, i ka maikai o ka malama ana iaia. A pehea la i keia wa? Ua ike anei? E hoike i ka ike ma ka hele ana ma ia ala, a ma k malama ana ia olelo.
7 Ka hookahi hana e hana ia nei. Pilipi 3; 13. "O keia hookahi ka'u e hana nei, e hoopoina ana au i na mea i hala mahope, a e kikoo aku ana au i na mea mamua." Ua pau na hana i hala, na hana pono, na hana hewa. Mai noho a uwe mau no na hewa i hala. Mai noho a olelo, ua lawana hana pono i hala. Na hana hewa e waihoia; a o na hana pono e hoomahuahua ia a mau aku no. Mai hoemi iho. E hoonui ka pono. O ka mea e hooma ana a hiki i ka hopena, oia ke ola.
HAWAII.
___________________
MOOLELO O KA AHA EUANAELIO O HAWAII KIKINA
Halawai ka Aha ma Haili, Hilo, i ka la 7 o Sept 1883 hora 9, A.M.
Na hoa i hiki mai.
Ekalesia Kahu Elele.
Laupahoehoe _____ ____
Hakalau _____ ____
Onomea _____ ____
Haili J.S. Kalana, J.Makaena.
Puula J. Kamoku S.Kawahaku
Kalapana S. Kaaia ____
Opihikao " ____
Lala mau Rev. D.B. Lyman Rev. A.O. Forbes.
Keki a ka Aha M. Napela, J. Niau.
Kohoia o S. P. Kaaia i Lunahoomalu, a o J.N. Kamoku i Kakauolelo.
O polepe, Kalana na komite imi hana. Noho ka Aha e haipule. Hoike mai o Polepe i na kumuhana. I. Hapalua hora. Haipule. I ka hoomaka ana o ka halawai i kela a me keia la. II hoike Kihapai. III. Na Palapala Hoopii. IV. Heluhelu Haawina. V. Na hana Euanelio ma na Kihapai, oia na hana kula Sabati, me na Ahahui Opiopio. VI. Na kokua kuloko. VII. na oihana kuwaho. VIII. Kula Kahunapule. IX. Komite Imi Haawina. X. Kahi a me ka manawa e hiu hou ai ka Aha.
Kumuhana. II Hoike o na Kihapai.
Na Kalana i heluhelu mai i na hoike Kihapai o Laupahoehoe, Hakalau, Onomea a me Haili.
Na Kamoku me Kaaia no ko laua maua ekalesia. Koho ka aha i mau hoa kuka, uaa, Punini, Palau, Poohiwi, a me Hanai.
Na Olekona i hoike mai no ke kula Hanai, he maikai ke kula i keia wa. Ua lako i na kumu eha, nolaila, e pili aloha na hoa o keia aha me ko kakou kula. E hoouna nui mai i na keiki a ina piha pono loa ia.
Heluhelu mai o Kamoku he Palalapala Hoopii na na hoahanau o ka ekalesia o Haili, e kahea ana ia H.S. Kalana i kau no lakou. Ua waiho ia ma ka lima o ke komite.
(Kamoku
Na komite. (Kaaia
( Laimana
Hoopanee ka halawai a ka hora 1 P.M. PUle o Polepe.
Hiu hou ka Aha. Pule ka Luna hoomalu.
Heluhelu Haawina. Na Kaaia i heluhelu mai i kana. He mea pono anei i ke Kahunapule e holo balota, e lilo i Lunamakaainana. Ua kauohaia e pai ma ka nupepa.
Heluhelu mai o Kalana i kana Io 18; 36.
Hoopanee ka halawai, apopo hora 9. Heluheluia ka moolelo a aponoia. Pule ka Luna- hoomalu.
LA HANA ELUA SEPT. 8.
Hui hou ka Aha ma ke keena mau. Malamaia ka hapalua hora haipule. Kaheaia na inoa.
Na hana euanelio, oia na kula Sabati, me na Ahahui Opiopio. Ma ke kuka ana, ua kauohaia ke kahu kula Sabati, eholaha aku i ka wa e hui ai ka
Aha kula Sabati, ma kahi e hui ai ka Aha euanelio o Hawaii Hikina.
Ua haawiia mai na dala he $750 no ke kokua aku i na maea e holo ai ka oihana a ko kakou Haku mawaena o keia lahui aloha, nnolaila, ua kohoia o Kaomoku, Kaaia, Kalana, Makaena, me Kawahaku, e puunaue i kea mau dala iwaena o na ekalesia o keia Aha.
E hoomahuahua aku na ekalesia o keia Aha i ke kokua no ka oihana misiona kuwaho i lanakila ke aupuni o ko kakou Haku Iesu ma na aina e.
Ua kohoia o Polepe, Kamoku, i mau komite e ninaninau i kakahi keiki a ka Aha.
Na Kamoku i hoike mai ka palaplala kaea a ka ekalesia o Haili ia Kalana, i kahu no lakou. Ua nana ko oukou komite i kiea palapala, a ua loaa ka mea e apono ai. Ua apono ka Aha.
J.N. Kamoku, S.P. Kaaia, D.B. Laimana.
Ua kohoia o Polepe, Laimana, Kamoku i mau komite hoonohonoho kana no ka hoonoho ana ia J.S. Kalana i kahu no ka ekalesia o Haili, ma ke ahiahi o ka la apopo hora 6 1/2 P.M.
Hoike mai o Polepe i ka papa hoonohonoho hana.
1 Pule ia S.P. Kaaia.
2 Himeni J.N. Kamoku.
3. Haiolelo " "
4 Himeni " "
5 Ninau ke kahu hou a me ka ekalesia A.O. Polepe.
6 Lima Akau S.P. Kaaia.
7 Oleloao i ka ekalesia Olekona.
8 Oleloao i ke kahu hou Baker.
9 Himeni Hope A.O. Polepe.
10 Pule hookuu i ke kahu hou J.S. Kalana.
A.O. Polepe, D.B. Laimana, J.N. Kamoku.
Ma ke ahiahi Sabati ae, ua hookoia na hana i hoakakaia ae nei maluna. Ua akoakoa mai na hoahanau o ka ekalesia haole, me ko Haili, a ua puha ka luakini.
LA HANA EKOLU SEPT, 10.
halawai ka Aha ma ke keena mau. ka Lunahoomalu ma ka noho. Malamaia ka hapalua hora haipule.
Hoike mai o Polepe ke komite ninaninau ia J. Niau, kekahi o na keiki a ka Aha. Ua hui pu ko oukou komite e ninau ia H. Niau, a ua loaa ka manao e hoopanee i ka hoouna ana iaia i ke kula Kahuna, a ka wa e maopopo ai kona kupono. Ua aponoia.
A.O. Polepe. J.N. Kamoku
Hoike mai o Kamoku no na dala he $750 i maheleia ai mawaena o na ekalesia o keia Aha.
Laupahoehoe a me Hakalau, $250, Onomea, $120, Haili, $250, Puula, $80, Kalapana a me Opihikao $150.
J.N. Kamoku, J.S. Kalana, S.P. Kaaia, J/ Makaena, S.W. Kawahaku.
Hoike a ke Komite Imi Haawina. Whewheia, Iakobo 5: 20, J.S. Kalanak. Weheweheia II Petero 3: 7, S. P. Kaaia.
O na mea e ae e mau no ko lakou mau haawina mua.
A.O. Polepe, J.S. Kalana.
E hoopanee ka halwai a hui hou ma Haili, i ka Poalima hope o Dekemaba 28, 1883, hora 10 A.M. Na ka Lunahoomalu na manao paipai, a hookuuia ka halawai me ka pule a Polepe.
J.N. KAMOKU.
Kakauolelo.
Punahoa, Hilo, Hawaii, Sept. 13, '83.
___________________
HAINA NANE O KA AINA MAUNA
Ua ike au ma kou helu 36 i ka nane a ka makua Laiaina o ka aina maauna, a eia ka haina: Ierusalmea" penei ka hoonohonoho ana:
1 Ka hua mua o kekahi alihikaua o na Iseraela. Haina, I oia hoi Iosua.
2. Ka hua mua o kekahi moopuna a Adamui. Haina. E oia hoi Enoka.
3 Ka hua mua o kekahi hunona wahine maikai. Haina R oia hoi Ruta.
4. Ka hua mua o kekahi kanaka i pepehi ino ia ma ke kaua. Haina, U oia Uria ka Heta.
5 Ka hua mua o kekahi keiki a Adamu. Haina S oia hoi Seta.
6 La hua mua o ke kanaka mua. Haina A oia o Adamu.
7 Ka hua mua o ke kanaka i pakele mahunehune i ke ahi. Haina, L Lota.
8 Ka hua mua o ke kaula mua. Haina, E Elia.
9 Ka hua mua o ke alakai mua o na Iseraela. Haina, M Mose.
10 Ka hua mua o kekahi kaikaina i pepehiia no ka hana maikai. Haina, A Abela.
S. KAMAKAHUKILANI
Anahola, Kauai.
____________
HE NU HOU
Ma ka wanaao o ka la 9 o Sept. nei ua make loa o Limaloa (w) a ma ka la 10 ae no ua ola hou mai oia mai ka make mai a eia oia ke ola nei a hiki i keia la 14 o Sept. nei.
Eia ma ka apana o Kaunakakai nei ke pahola nui nei ka maka ulaula i na keiki a me kekahi hapa o na kanaka makua. He lihilihi pau i ke akua hele i kai o piheka.
Ke liuliu ne na keiki o ka mokupuni o Molokai nei he Hui hale kuai lole a e hoomaka aku ana paha keia hui mahope aku ma ka elima dala olao aole i pani ia o luna ua lono wale ia no he hui ha keonimana i ulele iho ma ka $200. a lakou Jos. N. UAHINUI.
NA HOOLAHA KUMAU.
ASA KAULIA
Loio a he kokua ma ke Kanawai.
tf.
J. L. KAULUKOU.
Loio a he kokua ma ke Kanawai
KEENA HANA: Ma ke Keena o W.C. Akana ma alanui Moi. tf
W. O. SMITH
LOIO, LOIO, LOIO
KEENA HANA: Helu 36 alanui Kalepa
tf.
HENRY N. KAHULU.
LOIO, LOIO, LOIO.
E loaa no ma Koolauloa a ma Honolulu i kahi wa, ma ke Keena o W.L. Holokahiki ma alanui Betela 1128 I VI
W. A. KINI
LOIO, LOIO, LOIO.
KEENA HANA: Helu 15 Alanui Kaahumanu, Honolulu tf
W. R. KAKELA.
Loio a he kokua ma ke Kanawai
He Luna Hooiaio Palapala.
tf.
W.L. HOLOKAHIKI
Loio a he kokua ma ke Kanawai
He Luna Hooiaio Palapala.
KEENA HANA: Wehekealaula alanui Betela
tf.
A ROSA. (AKONI.)
Loio a he kokua ma ke Kanawai
He Luna Hooiaio Palapala.
KEENA HANA: Ma ke Keena Loio Kuhina
tf.
S.B. DOLE.
LOIO, LOIO, LOIO.
He Luna Hooiaio Palapala
KEENA HANA: Ma Alanui Kaaahumanu.
tf.
CECIL BROWN.
Loio a he kokua ma ke Kanawai.
A he Agena Hooiaio Palapala no ka Mokupuni o Oahu
KEENA HANA: Helu 8 alanui Kaahumanu
tf.
JAMES M. MONSARRAT.
(MAUNAKEA.)
Loio a he koka ma ke Kanawai.
He Luna Hooiaio Palapala.
KEENA HANA: alanui Kalepa tf.
RICHARD F. BICKERTON.
(PEKEKONA.)
Loio a he kokua ma ke Kanawai.
KEENA HANA : Helu 27 alanui Kalepa
tf.
SAM'L L. KAWELO.
LOIO, LOIO, LOIO.
KEENA HANA, Puakelehua, alanui Maunakea, Honolulu tf.
SAM'L K. KAEO
LOIO, LOIO, LOIO.
KEENA HANA: Me J.L. Kaulukou ma ke Heena o W.C. Akana tf.
KALE KULIKA.
Luna Hooiaio Palapala Moraki a me na Palapala o ia ano, Luna Hooiaio Palapala Aelike mawaena o ka Haku a me ke Kauwa, Luna haniei Palapala Mare.
KEENA HANA: Kihi o alanui Moiwahine me Kaahumanu tf.
C C. COLEMAN
Amara a he mea hana Mekina
A ME KA
Hana ana Kaa Lio, etc.,
Hale Hana ma Alanui Alii,
905-tf E kokoke la i ke Alanui Papa
S H. MEEKAPU
Tela humuhumu lole.
HALE HANA: Helu 11 alanui Nuuanu tf.
F PAHIA, SAM,L. M. KAAUKAI.
Ana aina!! Ana aina !!!
KEENA HANA: Aia ma alanui Moi, kokoke loa i ka Uwapo o Hooliliamanu. tf.
C BREWER & CO. (BURUA MA.)
Ua makemake ia ka poe mea ILI KAO MALOO a me na ILI BIBI, a pela hoi me na ILI MIKO o na ano a pau, e kuai mai i ko lakou mau ILI me makou, a e haawi no makou i ke KUMUKUAI KIEKIE LOA o ko kakou Makeke. tf.
JOSEPH E WISEMAN
LUNAHOOPONOPONO O NA WAIWAI PAA
---A ME---
Luna Imi Hana,
Helu 27 alanui Kalepa, Honolulu
____
Luna Hoolimalima no na Rumi, na Hale, a me Luna Kuai me Hoolimalima o na Waiwai Paa ma na wahi a pau o ka Paemoku. Luna imi hana no ka poe a pau i nele i ka hana ole ma na wahi a pau i makemakeia na kekahi mokupuni o ka Paeaina.
N.B.--Na Palapala Hoolimalima e hanaia me ka eleu; e ohiia na Bila Aie a me na hana e ae a pau e pili ana i na hana Oihana. Kalepa me ke eleu a me ka pololei. O na Unuhiolelo a me na Maheleolelo ana, e hookoia me ka maikai. O na kauoha a me ua kamailio ana maloko o na leta no kekahi o na hana maluna ae, e hookoia me@aeleu loa.@@@
NA HOOLAHA KUMAU
KA MIKINI
HUMUHUMU LOLE
MAIKAI
ST. JOHN.
(PIC OF WOMAN AT SEWING MACHINE)
E LOAA NO MA NA MIKINI O
MR. GEO. F. WELLS
______
O ka Mikini humuhumu Loie Maikai
loa keia, i hiki ke huila imua a
hope, a i ikeia ma ka Pae Ana
Hawaii nei. He Mikini
maikai loa no na kanaka
Hawaii
he mikini
luki
ole.
______
KUMUKUAI $55.00
me Hookahi Gita (Kika) hookani maikai loa makana.
O ka poe ma na kuaaina e ake @@@@ e keia ano mikini humuhumu, e hoouna @ kou i ke dala ia
GEO. F. WELLS
Ma Honolulu, a nana no e ho@@@@@ 222222 hi i makemakeia, me na mea a pau e @@@@ ka mikini, a nana e hookau ak@ malama moku, me ke kaki ole ia o ka mea a @@@@ mekini la.
O ka poe a pau e holo mai ana he H@@ ia nei, mai poina lakou i ke kipa ana @@
halekuai o
GEO. F. WELLS
Ma Alanui Papu, a e kilohi iho @@@@@@ humuhumu la oia ka
Royal St. John.
Eia pu no me ia na pila hookani o na @@@ pau, o ka loaa koke ana mai nei no ia mai Amerika a me Europa mai, oia.
Na Pila Guitar (Kika), he 150 ka @@ mai ka $5 a hhiki i ka $125 @@ @@ mukuai o ka pila hookahi.
200 Koliana mai ka #2 a hiki i ka $2. ke kumukuai o ka pila hookahi
100 Ohe Puluka, $2.50 a hiki i ka $@ ke kumukuai o ka hoe hookahi
12 Pahu Hookani nunui, a me 25 @@@@ Hookani liilii, a me na ano mea @@@@ keleawe a pau, e loaa no ma keia lekuai i hikeia maluna me ke
KUMUKUAI EMI WAIPAHE
Na Piano nunui maikai, e loaa ne
me ke Kumukuai Emi Loa
ike ole ia ma Hawaii nei.
_______
He nui aku no na mea i koe na @@ la a me keia a kilohi nona io, ke @@@ ae ma ko'u halekuai ma Alanui @@@
E hookoia ka makemake o keia @@@@@ keia me ka eleu.
GEO. F. WELLS
1094 @@ Alanui Papa