Ka Nupepa Kuokoa, Volume XXII, Number 38, 22 September 1883 — HOOLAHA AKEA. [ARTICLE]

HOOLAHA AKEA.

Ma ka hora 12 o ke awakea o keia la Sepatemaba 12, e kukalaia ai na noho kahiko a me na papa hele 0 ka Lua kini o Kawaiahao ; ma Kawaiahao no e kukala ai. Nolaila e hele ae na mea a pau i makemake e koho i ka mea i makemakeia. Hoia 12 ponoi ma Kawaiahao. „ Ua hoao kekahi poe kolohe e hoohaunaele i ka halawai ma Kawaiahao i ka po Poakolu nei. Ua hele ae he puulu kanaka me na kamalii, a mawaho o ke keena halawai kahi i hooluana ai me na " gita " a lakou 5 he himeni ka hana a me ka walaau, a me ke kahea okoa aku ma na olelo pelapela i ka poe iloko oke anaina halawai. Hookahi keiki i hopuia, aua haawiia oia me kana " gita " ma na lima 0 ka makai. Ma na kanawai o ka aina e waiho nei, ua maluhia na anaina halawai a pau, a na ke kanawai e hoopai ka poe hoohaunaele.