Ka Nupepa Kuokoa, Volume XXII, Number 38, 22 September 1883 — MAI KUHIHEWA, A ALAKAI HEWA AKU IA HAI. [ARTICLE]

MAI KUHIHEWA, A ALAKAI HEWA AKU IA HAI.

Alia, mai wikiwiki e hoonoa i ka la Sabati. He la kahiko loa ia, ua hana ia mamua loa o ka hoea ana mai o na, luelaio. Mai kuhi kahi poe he la pili keia ina iuelaio wale no. He mau ludaio anei Adamu laua o Eva? Ua hana e ia anei Mose mamua o Adamu ma ? Ia Mose anei ko ke Akua haawi mua ana i ka la Sabati ? Eao o kuhihewa kekahi. Eia ia kakou ka haihala ua paiia ma ka olelo i maopopo ia kakou. E wehe a nana a heluhelu Kin. 2 ; 2 3. "Ai ka hiku oka la, hooki iho la ke Akua i kana ana i hana'i; a hoomaha iho la oia i kana hana a pau ana i hana'i. Hoomaikai mai la ke Akua i ka hiku o kala, a hoano iho la. " Ma ka mala o Edena, aole ma ka mauna o Sinai ko ke Akua kukulu ana ika la Sabati. Ia Adamu me Eva ko ke Akua haawi mua ana i ka la Sabati, aole ia Mose. Kuhi anei kekaki, aole he la Sabati mamua aku 0 Mose ? He kuhihewa ia. He hoailona ia no kou heluhelu ole ika baibala. He Sabati no mai a Adamu a Noa 1556 makahiki. Maopopo ole anei ia Noa ma ka la ehiku, oia hoi ka Ia Sabati ? Nana hou a heluhelu Kin. 7; 4. Ehia la e koe ? p. 10. Noho iho la ia ina la hou aku i ehiku. Aole anei i maopopo ua maiama Noa i ka hiku "0 ka la, ka la a ke Akua i hoano ai nona iho, he la e hoomanao ai, a hoomana'i ia lehova ? Mahope loa mai o Mose. Aole anei i akaka ia Mose he la Sabati no mamua o kona pii ana'e i ka mauna o Sinai ? Nana hou a heluhelu Puk, 16; 22 —30. Ma ia mau pauku ua akaka lea he Sabati no ma ia wa, oia ka Sabati i haawiia ai ia Adamu ma, ia Noa ma, ia lapeta ma, ia Aberahama ma, ia lakoba ma. Aua laweia ja la i Aigupita, a mai Aigupita a iloko oka waonahel"e o Arabia. Ua malamaia ia la e kekahi poe, e Mose me kekahi poe e.ae. A ua malama oleia e kekahi poe, ka poe hoomaloka. Mamua keia o ko Mose pii ana'e i ka rnauna o Sinai. A pehea la i manao ai kekahi poe aole he la Sabati mamua ? A ma ka mauna o Sinai ka haawi mua ana i-ka la Sabati, he la e pili .ana i na ludaio wale no ? E nana a heluhelu ina hua mua 0 ke kanawai no ka la Sabati. " E hoomanao ika la Sabati. " Hiki anei ke hoomanao i ka mea e loaa ole mai mamua ? E hoomanao oe i ka'u leta ia oe. Aole anei i maopopo ma keia kauoha, ua leta e aku au ia oe ? Ae. A ina ua kauohaia ka poe Iseraēla e hoomanao i ka la Sabati, aole anei 1 maopopo, ua loaa e ka la Sabati ia lakou mamua ? (Aole ipau.)