Ka Nupepa Kuokoa, Volume XXII, Number 38, 22 September 1883 — HANA NAAUPO. [ARTICLE]

HANA NAAUPO.

Ma kahi kaawale o keia pepa, e ike auanei'ko makou poe heluhelu he palapala mai Kohala mai, e hoakaka' ana no kekahi hana naaupo ano pili hoomanamana oka wa kahiko, i hanaia e Eli Kekipi a me kona makuakane. Aole makou i manao e nui ana ka poe e puni i keia alakai makapo, oiai ua akaka loa no. ka poeleele oia mau hana. 0 keia Kekipi, he haumana no oia iloko o ke kula kahunapule ma Honolulu nei iloko oka makahiki. i hala aka, mamuli o kekahi mau hana pono ole i hanaia eia maanei, ua hookuuia oia mai loko aku oia kula, aua kauohaia aku oia aole e hoi hou mai. He haumana kahiko no hoi oia na kekahi wahi kanaka, o Halawale ka-inoa, nana i hoao e kukulu i kekahi oihana lapaau ma ke ano hoomanamana. Ua ike ko Hamakua i Hawaii i kana mau hana, a ua oleloia he hoomana hou kana i kukulu ai. Ua hele pu o Kekipi me Halawale, a me kahi poe e ae i Kauai e hoohulihuli i kanaka mamuli o ka laua mau hana, a ua ulu mai kekahi kuee mawaena o laua, no ia mea, ua haalele o Kekipi a hoi mai la, a ma ia> hope iho komo iho la iloko o ke kula kahunapule. Ua hoolaha makou i keia palapala mai Kohala mai, no ka mea, o ke kanaka nana i kakau, he kamaaina oia no Kohala, aua ike pono oia i kana mea i hoolaha ai. Ke lana nei ka manao o ke Kuokoa aole o kona poe heluhelu e komo ana iloko o na. hana pouliuli e like me kela i hoikeikeia ae la; no ka inen, he mau hana hoohilahila ia, a he wahi manawa wale no e ulu ai a neo iho, aohe kumu, aohe mole, pela ka poe i hahai mahope oia mau ha~ na.