Ka Nupepa Kuokoa, Volume XXII, Number 38, 22 September 1883 — KA AHA KUHINA. [ARTICLE]

KA AHA KUHINA.

O ka Aha Kuhina i kukului ai e Kipikona i ka wa i lilo ai ke'aupuni iloko o kona lima, ua pau, ua neo ia aha. Ao ka aha kuhina oke aupuni e ku nei i keia la, he poe okoa. Oka poe a Kipikona i wae ai no kona aupuni, e noho pu me ia ma ka lawelawe ana i na hana o ke aupuni, oia o E. Preston, S. K. Kaai, ame Bush. I ke'ia la auhea lakou ? Oka Loio Kuhina, E. Preston ka i waiho mua aku i ka hana no ka ike i ka pono ole o na mea a kona mau hoa e hana ana, pela ka lohe iwaena oka lehulehu. A mahoj)e iho hoohemoia o Simona Kaai, a paniia kona wahi e Kapena, mahope iho hoohemoia o Bush, a paniia kona makalua e Kale Kulika. Ao ka hakahaka nae oka oihana Loio Kuhina, aole i paniia a hiki i keia la. A o ka mea maopopo, o ka aha kuhina o ke aupuni a Kipikona e ku nei,- he apana wale no ia 1 pohoia e ka mea nana i hana mua, a aole nae i paa na puku a pau, ke koe

nei kekahi hakahaka nui, oia ke keena oka oihana I.oio Kuhina. He buke kahiko ka i olelo mai, he mea pono ole ke paniia aku na apana hou iluna o na apana kahiko, no ka mea e nahae auanei ka apana kahiko, a e oi aku ka poino. O ka mea maopopo loa no ko Kipikona aupuni e ku nei, aole ia he aupuni piha, no ka mea, aole i piha pono ka huinaha o ka mana hooko o ke aupuni. Ua like me ke kaa nona na huila eha, aka, ua hemo aku kekahi o na huila a ekolu wale no e kauo nei, a o ke kano kahi e paa ai ka eha o na huila ke kauo nei iloko oka lepo, pela ke kauo o ka Oihana Loio Kuhina e kauo nei ma ka lepo, a ua pupu ka holo o ke kaa aupuni. Eia wale no ka pono, e pani koke ia keia hakahaka, e hoopaa hou ia ka huila i hemo mamua oka nahaha loa ana o ko kakou kaa aupuni.