Ka Nupepa Kuokoa, Volume XXII, Number 42, 20 October 1883 — Page 4

Ka Nupepa Kuokoa

KE KILOHANA POOKELA NO KA LAHUI HAWAII.

 

KA  NUPEPA

KUOKOA ME KE AU OKOA.

[ 1 Huiia.]

No ka Makahiki.......................$2 00

Eono Mahina............................ 1 00

Dala Kuike ka Rula.

POAONO, OKATOBA 20, 1883.

 

SOUND THE ALARM.

Gospel Hymns, Book IV. No. 70.

                      1

     Hookani ae e ka mea kiai.

     Kokoke mai la ka la hoopai.

     Owai ke pakeke?  Owai?  Owai?

    Owai la ke ole?  Hai mai, hai mai.

Ref:  Hookani ae, ae la,

         Hookani ae.

         Ua kokoke mai la Iesu ke Lii,

        A ke naue mai la na enemi.

        E maule a haule no nae.

                    2

    Hookani ae, kani nui ae,

    A kupinai mai ka uka a kai.

    Holo i kahi e malu ai,

    Holo ia Iesu i ola e.

Ref:  Hookani ae, &c.

                   3

   Hookani ae ma na mauna e/

   Imi i ka poe auwana e,

   Paipai e ala a hoomakaukau,

   Paipai e huli i ola mau.

Ref:  Hookani ae, &c.

                  4

  Hookani ae ma na pepeiao.

  Hookani ae, kani kamahao.

  Hookani ae, eia ae ka pau,

  Ka pau ka pau o ko keia ao.

Ref:  Hookani ae, &c.

                                HAWAII.

 

 

 

 

Haawina  Kula  Sabati.

Helu 5,  Sabati  Nov.  4.

Kumuhana,  Ka  Samuela  haioielo  hope.

Pauku  Baibala,  1  Sam.  12;  13 - 25.

  NO ia mea, e nana oukou i ke alii, i ka mea a oukou i wae ai, a me ka mea a  oukou i wae ai, a me ka mea a oukou i makemake ai, aia hoi, ua hoonoho mai o Iehova i alii maluna o oukou.

  14  Ina paha e makau oukou ia Iehova, a e malama iaia, a e hoolohe i kona leo, aole hoi e hoole i ke kauoha a Iehova; alaila oukou, a me ke alii e alii ana maluna o oukou e hahai mamuli o Iehova ko oukou Akua.

  15  Aka, i hoolohe oke oukou i ka leo o Iehova, a i hoole hoi i ke kauoha a Iehova, alaila, e kue mai ka lima o Iehova ia oukou, elike me ke kue i ko oukou poe kupuna.

  16  No ia hoi, e ku malie oukou, a ike i keia mea nui a Iehova e hana mai ai imua o oukou.

  17  Aole anei keia ka manawa e oki ai i ka palaoa?  E kahea aku au ia Iehova, a e haawi mai oia i ka hekili a me ka ua, i manao ai oukou, a i ike ai hoi, ua nui ko oukou hewa i hana'i oukou imua o Iehova, i ko oukou noi ana i alii no oukou.

  18  Kahea aku la o Samuela ia Iehova, a haawi mai la o Iehova i ka hekili a me ka ua ia la; a makau nui iho la na kanaka a pau ia Iehova a ia Samuela.

  19  Olelo mai la na kanaka a pau ia Samuela, e pule oe ia Iehova i kou Akua no kau poe kauwa, i make ole ai makou; noka mea, me na hewa a pau a makou, ua pakui makou i keia hewa hou, oke noi ana i alii no makou.

  20  Olelo aku la o Samuela i na kanaka, mai makau; ua hana oukou i keia hewa a pau; aka, ami huli ae oukou mai ka hahai ana ia Iehova, e malama oukou ia Iehova me ko oukou naau a pau.

  21  Mai huli ae oukou mamuli o na mea Iapuwale, na mea hiki ole ke kokua mai, no ka mea, ua lapuwale lakou.

  22  No ka mea, aole e haalele mai o Iehova i kona poe kanaka no kona inoa nui; no ka mea, ua oluolu o Iehova e hoolilo oukou i poe kanaka nona.

  23  Owau hoi, aole loa au e hana hewa ia Iehova ma ka hooki ana i ka pule no oukou; aka, e ao aku ana ia oukou i ka aoao maikai a me ka pono.

  24  E makau nae oukou ia Iehova, a e hookauwa aku nana me ka oiaio a me ko oukou naau a pau, no ka mea, e hoomanao oukou i na mea nui ana e hana mai ai no oukou.

  25  Aka, i hana hewa mau oukou, e hoopauia auanei oukou, a me ko oukou alii.

  Pauku Gula, p. 24.

  Manao Nui.  He mea pono ke malama i ke Akua.  He mea ino ke malama ole.

  Na Heluhelu La. 1, 1 Sam. 11; 1 - 15, 2,  1 Sam. 12;  1 - 13, 3,  1 Sam. 12; 13 - 25, 4,  Ios. 24; 14 - 28, 5,  Kan. 10; 12 - 22, 6  1 Na Lii 18; 20 - 40, 7,  Mar. 12; 13 - 17,  28 - 34.

  Ka Manawa, R. C. 1075, mahope iki iho o ka Helu 4.  Kahi i hanaia i, Gilegala.

  Samuela, ua 70 ona mau makahiki.

  Mele.  "Hua Aloha,"  Hoku Ao Nani p. 96.

  Pule i mau ke aloha.

 

KA  WEHEWEHE  ME  KA  NINAU  ANA.

  Hai mai i na mea ma ka mok. 11.  1,  Ka makemake o na kanaka ma Iaheka Gileada e kuikahi me Nahasa ke alii o ka Amona, 2,  ae oia ke poaloia na maka akau o lakou, 3,  olelo lakou e kali i 7 la alaila maopopo, 4,  ka uwe nui o na kanaka, 5,  ka ninau o Saula i ke kumu o ka uwe, 6,  lanakila Saula me ona mau koa, a hoopakeleia ko Iaheka Gileada i ka make, 7,  Paipai kanaka ia Saula e pepehi i kela poe i olelo, hiki anei ia Saula ke hoola ia kakou?  Hoole nae o Saula, 8,  kena Samuela e hele na kanaka i Gilegala e hookupaa i ke aupuni, oia hoi e poni hou ia Saula i alii.  A ua hele no, ua pau ke kanalua ana.

  Mok. 12; 1 - 12.  Heaha na mea malaila?  1,  na olelo a Samuela i na kanaka, kona ae i ko lakou noi ana i alii.  A eia oia imua o oukou.  Owau hoi, eia au, ua hele imua o oukou mai kuu wa kamalii mai.  E hoike mai oukou i kuu hewa, na mea a'u i lawelawe ai, i alunu ai, &c?  2  hoole lakou, aole oia i hewa &c,  3,  lawe o Samuela ia Iehova i mau alakai mai Aikupita.  A hai mai oia i na hana a Iehova i hana'i ia lakou, i na wa pilikia, i ka hoala ana i na lunakanawai ia Gideona, Iapeta, Samuela, e kokua e hoopakele,  5,  a ike oukou e hoopilikia mai ana Nahasa ma &c., alaila hoole oukou ia Iehova, aole oia o ko oukou alii, i alii kanaka no.

  Ma ka pauku 13 ka hoomaka ana o ka Haawina o keia la.

 

NA  MAHELE.

  I  Na olelo ao a Samuela, p. 13 - 19.  Eia ko oukou alii.  Heaha ko lakou pono?  E makau ia wai?  E malama ia wai?  E aha i kona leo?  Ina hoolohe ole lakou ia Iehova, heaha ka hope?  I akaka ko lakou hewa no ka noi ana i alii, heaha ka Samuela i olelo ai?  I  kona kahea ana, heaha ka mea kupaianaha i hanaia?  A aha na kanaka?  A noi aku ia Samuela e aha no lakou?

  II  Ko Samuela pane ana, p. 20 - 25.

  20  Mai aha oukou?  Ua hewa no, a ke mihi nei.  Aka, ua loaa ke alii, ua hookoia ka makemake.  Mai huli ae mai ke aha?   A e aha ia Iehova, me ke aha?  O Iehova no ko oukou poo.

  21  Mai huli mamuli o ke aha?  Na mea lapuwale, na akua kii, akua mana ole hiki ole ke kokua.

  22  Aole e haalele o Iehova ia wai?  No ke aha?  Heaha ko ke Akua oluolu?

  23  Aole Samuela hana hewa ma ke aha?  Ua noi lakou iaia e pule no lakou, ae, e pule no au no oukou, a e ao aku no i ke aha?

  24  E aha nae oukou ia Iehova?  A e aha nana, me ke aha?  A e hoomanao i ke aha?

  25  Aka, pehea lakou me ko lakou alii ke hana hewa?

 

KA  HOOPILI  ANA.

  1  Mai makemake e hana i kuikahi me kekahi enemi.  He enemi ke diabolo, e hana anei i kuikahi me ia?  E ae anei e hookauwa nana?  E poalo oia aole i ka maka akau wale no, aka, i na maka elua.  A huki i ka poe hookauwa nana ilalo i kahi pouli.

  E ka mea haipule, mai hana i ke kuikahi me ka mea hoomaloka.  He enemi pepehi uhane ia.  E ka mea ui, mai hana i kuikahi me ka rama, he enemi pepehi ia i ke kino a me ka uhane, he enemi hana ino i ka maka, a hoopio loa i ka malamalama.  E ka wahine haipule, e ae anei oe e mare me ke kane hoomaloka, hana hewa, inu rama?  He awaawa ka hope.  Mai hana kuikahi na keiki maikai me na keiki kolohe, aihue, hehi Sabati, &c.

  2  Ma ka mana o Iehova e lanakila'i na alii maluna o na enemi ke hele i ke kaua.  Aia a akaka he kaua maikai, alaila e noi aku ia Iehova e kokua mai.

  3  Ina hoowahawahaia kekahi no ke kuhi ana o kekahi poe, aole ona mana, aole naauao, aole akamai, mai huhu oe, a enemi aku aka, e kali no ka manawa e loli ai ka manao o kanaka, a lilo ko lakou hoowahawaha i mahalo no kekahi hana nui.

  4  Lokomaikai ke Akua, aloha, malama, kokua, hoopakele i na ino, haawi mai i ka poe kokua ma na manawa pilikia.  Hana ino nae kanaka, lokoino, hoole i ke Akua, a paulele i ke kanaka, i ke alii.

  5  Aia i ke Akua ka mana, ka hekili, ka uwila, na olai, na pele, na makani, na kai mimiki.  E makau o hoopilikia mai oia ke hookuli.

  6  He mihi pono ole kakahi.  Ua hala ka manawa pono.  Ina loaa na poino, e loaa ana no, aole pakele.

  7  E mau ka pule no ka poe hookuli, oiai e ola ana lakou.  Aia a make alaila pau ka pule.

  8  E hoolohe na kanaka me na 'lii i keia mau olelo ao a Samuela.  Ina hoolohe oukou i ke Akua a malama iaia e pomaikai ana.  Ina hookuli a ha na hewa, e hoopau pu ia oukou me ko oukou mau alii.

  9  E ae oluolu no na luna ke haawiia ko oukou mau oihana ia hai.  Mai huhu, mai ukiuki, mai lili, mai hoomauhala.  E oluolu aku, e hana maikai aku i na hope, kokua no.

  Mele.  "Aloha,"  Hoku Ao Nani p. 55.

  Pule i mau ke aloha, &c.

  Haawina no Nov. 11, 1 Sam. 15; 12 - 26.

 

TOM  TIT.

  Kaumaha.  Nele kekahi kumu kula Sabati no ka hapa o kana mau haumana.

  Aloha no kekahi mau haumana elua i ke kumu, ae e imi i haumana nana.  Ua paa ko kaua manao e imi i kekahi keiki e auwana wale ana ma ke alanui, me ka lole pelapela a weluwelu, Tom Tit (Komo Kite) ka inoa.

  Ma ka hoao mua ana, aole oia i ae e hele i ke kula,  Paakiki i ka hoole.  Holo loa hoi mai ia laua aku.

  Ma ka hoao hou ana, hoowalewale laua iaia ma ka haawi ana i mea ono.  alakai laua iaia i ka hale kula, me ka hooho.  E Miss Mele, eia no ua keiki nei.  Ua loaa, ua paa ia maua.

  Hana ino-oia, hoolewa wale i na wawae, hooho, e kuu mau loa kamailio lapuwale, hookulai i kekahi haumana, e hoao ana e hoomalielie iaia.

  Kuhi Mele, aole paha oia e hele hou mai i ke kula.  Aka ua hele hou mai no oia ia Sabati ae.  Ma kahi hora kaawale, kamailio ke kumu me Tom Tit.  Ua laka iki mai la.

  Ninau oia.  He makuakane maikai anei kou?  Aole, aole hoi o'u makuahine maikai.  Ino wale laua.  Keehi ia'u hoino ia'u, makena ino, aole paha he mau makua eno e ae elike me laua.  Aloha paha oe ia laua.  Aloha ia laua? aloha  no ke aha?  Aole o laua mea kupono ke aloha ia.  Ane pau loa ko laua manawa i ka ona, ona loa.  Inu no, a inu hou, a ma ka inu mai ke ao a po.  Ua eleele a uliuli kuu kino a pau i ka hahauia.  Ina komo wale au iloko o ka hale, hahauia au i na kamaa buti.  Ina loaa au e inu bia ana, ane make au i ka pepehiia e kuu papa.  Kai noa e hiki ia'u ke inu bia me kuu papa.  Ina hiki ia'u ke mahuka; e mahuka nae i hea?  Ko laua makemake paha ia, e hele loa aku au.

  Aole anei laua i hanai ia oe?  Hanai ia'u?  Aole loaa ia'u kahi ai, na hai mai ma ka hoomanawanui.  Hana ino mau ko'u dada ia'u.

  A ninau Mele.  Pehea?  aole anei oe i makemake i wahi e noho ai?  Ae, makemake au e hele aku i kahi e.  E haalele i ko'u lole weluwelu nei, a e loaa ka lole maikai.  Ala, ina e ike ana kuu mau makua he lole maikai ko'u, hahau laua ia'u, a wehe a lawe ia i ka hale rama i mea kuai rama no laua.

  A pehea?   makemake anei oe lilo i keiki maikai?  Ae, makemake au e lilo i mea maikai e like me oe, Miss Mele.  Aka, ina he mau makua ino kou e like me ko'u, he wahine ino oe e like me a'u nei.

  Mahope iho, hele Mele i ka hale o na makua o Tom Tit.  He hale ino, a pelapela loa.  E uwe ana Tom ma ka ipuka.  Ua hahauia, a hookukeia oia iwaho.  Komo Mele iloko.  Ua maopopo ua inu rama laua, aole nae i ona loa.

  Ua hele mai au e ninau ia olua, no ka olua keiki, Tom Tit.  O! he keiki ino, he vamana, he lala no Satana, wahi a laua.

  Ina pela pono ke hoao e hoolilo iaia i keiki maikai?   Aole, aole hiki,  Kai noa ua ao, ao, hahau naua iaia.  Mau nae kona ino.  Aohe mea hiki ke hoano hou iaia.

  Alia, e ae anei olua e lawe ia ka olua keiki i kahi e?  Ae, e laweia aku oia, he keiki lapuwale.  E laweia aku i pau ko maua luhi.

  Ina makemake oe iaia, e lawe no.  E haawi wale aku no maua iaia ia oe. 

  Olelo Tom, ua ike oe e ke kumu, i ke ano o ko'u mau makua, olelo ino, nuku wale.

  Alia, aole make e hoino oe i kou mau makua.  Pane oia, aole paha laua o ko'u mau makua.  Na hai paha au, a lilo hewa na laua i ko'u wa pepe.

  Ano, e Tom Tit, e imi ana au i wahi noho nou.  Makemake anei oe e hana?  Hana?  Ae, e hana au e like me ka Nika ke loaa ka hana.

  Makemake anei oe e hele i kahi loihi?  Ae, i kahi loihi mai na makua aku.  Aole o'u e makemake e ike hou ia laua, aole loa. 

  Makemake anei oe e lilo i keiki maikai?  Ae, e hoao au e hoohalike me oe.

  Ua loaa kahi e noho ai.  Olelo Mele.  Apopo kakahiaka hele mai oe i ko'u hale, i hoomaemae ia oe, i kahiia ka lauoho, i hemo ka lole weluwelu, a hookomo i ka lole maikai.  E haawi i kou aloha i kou mau makua.  A ee ma ke kaaahi a holo i kou home hou.  Olioli loa Tom.  Ua ao e aku Mele iaia no Iesu, a no ke ino o ka inu ana i ka bia me ka rama.

  A pehea ka bia me ka rama?  Aole loa au e hoopa aku ia.  Ua pau loa ko'u inu ana.  He titotala

au e like me oe.

  Ka holo aku no ia o ke kaaahi, a hiki Tom Tit i kona home hou.

  He haku oluolu no kona.  Aka, o na paahana, he poe inu bia no, a henehene lakou iaia.

  E, boy.  Eia ke kiaha bia awaawa, e inu paha oe.  Pela kekahi paahana i hoowalewale ai.  Lawe Tom i ke kiaha a waiho imua o kou alo, a nana pono iloko.  Kahaha ! boy hupo.

  Heaha kau e ike nei iloko o ke kiaha?  Ninau ka luna o na paahana.  Pane Tom.  Ike?  Ke ike nei au he mea ino loa iloko.  He kanaka kiekie, he ano keonimana, e inu ana i ka bia.  Ike?  Ke ike nei au i ua kanaka nei e hele hikaka ana, a hiki i ka hale, lawe ana i ka pahi peni e hoao ana e wehe i ka puka.  Ike?  Ke ike nei au i ua kanaka nei e qude naita ana, a hoomoe iaia iho ma kahi moe me kona kamaa buti lepo.  Ike?  Ke ike nei au i ka inoa o ua kanaka nei, oia o Tomaki ka mea e hoowalewale mai ana ia'u.

  Pela Tom, i hoole ai i na hoowalewale, a kue loa aku i ka inu bia ana, me na waiona a pau.

  A mahope iho, lilo na paahana a pau i poe haalele loa i ka inu rama ana.

  Make na makua o Tom iloko o ka ona, a kanuia a nalo aku.  I ko laua ola ana, ua kokua no Tom ia laua ma na mea e pono ai ke kino.

  A liuliu, hoi Tom i ka hale o na makua.  Nana iloko, aohe mea i ikeia.  Holo mai na kanaka e ike i keia malihini.  Owai la oia?  Heaha kana?  Ku oia maluna o kahi pahu, a olelo owau o Tom Tit.

  He keiki hewa loa mamua.  Ua ano hou au i keia wa.  Ua waiwai.  Ua maikai ka noho ana.  A  eia ke kumu o ko'u ano hou ana.  Ua haalele loa au i ka inu bia ana, me na waiona a pau.  A ua lawe au ia Iesu i Haku no'u, a i Hoola.  A ua mau kona kokua ana mai ia'u.  A eia ka'u olelo ao ia oukou.  E haalele i na waiona a pau, a e hahai mamuli o Iesu i hoopomaikaiia mai.

CHRISTIAN.  HERALD.

                                                                  Unuhiia e Hawaii.

 

 

 

 

HE  KANE HANAINO  AU,  MY DEAR.

  Keoni Pali ka inoa o kekahi kane.  He wahine kana me ona mau keiki.  Ka wahine me na keiki, he poe titotala lakou.  Ua hoohiki e haalele loa i ka waiona.

  O ke kane nae, ua paakiki oia.  Aole oia i lilo loa i ka ona.  Ma ka inu pakiko oia.  Aka, ma ia inu pakiko ana, ane like kana hana i kekahi manawa me ka mea ona loa.  Hana ino no i ka ohana.  Pilikia lakou ilihune.

  A e mahuahua ana ka pilikia.  Ma ka nana aku, e lilo Keoni Pali i ka ona mau.  E ke kahunapule, e kokua oe ia makou.  Nui ka makou pule ana no Keoni Pali.

  Makehewa nae ka pule.  E oluolu oe e hoao e hoohuli iaia ma ka aoao titotala.  He manaolana ko makou, e huli ana auanei oia.

  Hele ke kahuna i ka hale o Keoni.  E ke kaikamahine, mahea kou makuakane?  Eia no maloko, e hoomakaukau ana ko'u mama i wahi ai nana.

  I kona loea ana mai, kamailio ke kahuna me ia no na mea ino e pili ana i ka inu liilii ana i ka rama.  Paakiki nae oia.  Hoole, aole au he kanaka ona.  Inu pakiko no au i ka bia.

  Akaka nae ia'u ka palena.  Aole e ae i ka palena.  A pehea oe ke kiiia e hele e hookolokoloia e ka luna kanawai nui?  Uwe iho la oia.  Uwe wale iho no nae.

  Alaila, ninau ke kahuna, o kou inu liili ana, aole anei ia he mea e pane huhu ai i kau wahine i kekahi manawa?  a e olelo ino ai i kau mau keiki?  Well, pela paha i kekahi manawa.

  A o ke dala hoi i lilo i ka rama, aole anei ia he mea e pono ai kou ohana ke make koke oe?  oia hoi ke hoana e oe ia dala no ka wa pilikia, aole haawi aku no ka bia, a no ka rama?

  Ae, oiaio no ia.

  A pehea kou ola kino?  aole anei e mahuahua ka ikaika o kou kino ke hoemi oe i kou inu bia ana?  Ae, hiki paha ia'u ke hoemi i ko'u inu ana.

  Ma kau hoike ana, aole he wahi pono iki i loaa ia oe ma ka inu liilii, he mau ino nae ka i loaa; aole anei i hiki ia oe ke haalele loa i ka inu ana a pau?

  No Sir, aole loa au e haalele ana.  Ua paa ko'u manao e hoomau i ka inu ana.

  Makehewa ke kamailio hou me Keoni Pali no ka haalele loa i ka waiona.  Ua hoomau ia ka pule nona.  Pule ke kahuna.  Pule ka ohana.  Aole poho ka manaolana.

  A i kekahi la ua loohia Keoni i kekahi pilikia nui.  Ua haule i ka lio.  Ku ka wawae lio ma kona umauma.  Pau ke aho.  Ua make paha.  Alia.  Ua waiho ia oia ma kahi moe.  He ano make no kona no kekahi mau la

  I ka pohola iki ana, hawanawana oia i kana wahine.  He kane hana ino au, kuu makamaka.  Mahope mahuahua ka ikaika o kona leo.  Heluhelu kana wahine i ka he Akua olelo iaia.

  Hoolohe oia, a noi e hoomau oia i ka heluhelu ana.  Komo ka Uhane Hemolele iloko ona.  Ala mai ka mihi e olelo ana, he kanaka ino loa au.  Kei ke aloha o ke Akua ia'u.  Kei ke aloha o Iesu.  Make Iesu no'u.  Pule oia nona iho,  Imi oia ia Iesu.  A loaa no.

  Olelo, nui ko'u hana, hana ino i ka'u wahine, i ka'u mau keiki.  Aka, ua pau.  Aole ao e inu hou ana i ka waiona.  A pela io no.  Ua ano hou Keoni Pali.  Ua lilo i kanaka haipule.  Pule pa me ka ohana.

CHRISTIAN.  HERALD.

 

 

 

 

 

 

NA  HOOLAHA  KUMAU.

 

CHAS.  J.  FISHEL.

CHAS.  J.  FISHEL.

CHAS.  J.  FISHEL.

EIA  AU  IMUA  O  KE  KAHUA

Ke hea mai nei ke Kahuli leo lea,

Eia ianei ko lia.  Ko lia la e

ke hoa, ina iho la-e-o.

A pane mai oe olu iho au, i olu hoi nei

mau la maka pehu.

137 Pahu Iole hou.      137 Pahu Iole hou.

 

ONA Waiwai hou a pau loa o ka

hoea koke ana mai nei no ia, e loaa

no ma ko'u halekuai me na kumukuai

emi.  Eia ua mau kumukuai la:

16 Ia Kalakoa.................................$1.00

86 Kakini paa lole kane...$6.50 o ka paa

23     "        "     Kamalii...$2.75  "  "   "

120 Palemai o na kane..........15 c.  "   "

322 Apa lole huluhulu....    .25 c. o ka ia

72     "    Lihilihi pukaaniani       "   "   "

220 Kakini kihei puu......25 c. o ke kihei

 

O kau mea hoinainau iho la no ka ia

O ka lawelawe malie waleia aku no,

Pau hewa e ka waimaka aohe i eha,

Homai ! Eia no.

Homai ! Eia no.

 

UA makaukau au a ua hiki ki

kuai kukaa a kuai liilii i na waiwai

a pau me ke kumukuai waipahe.

 

O na Kauoha a pau

mai na Mokupuni

e hookoia me ka eleu.

 

"Hooheno mai ana ko aloha ia u,

Me he kui houhou ala i kuu poli,

He halia mau ia no ka mid-night,

No ka po huihui kehau anu."

 

UA HOOHUI pu no hoi

au i mea e holopono ai na

kual hoopakika ana o na

waiwai o kela a me keia

ano, he pakaukau kahi e

kuaiia ai na waiwai like

ole, no ke

KENIKENI  WALE  NO.I

Owau mai kau e hea mai ai,

E hea ke kanaka e komo maloko,

E hanai ai a hewa ae e ka waha,

Eia no ka uku -

NA HAINAKA

KAWELE,

AI KALA,

LEI AI,

No Kenikeni ale no!

A he nui wale aku no na mea i koe i hiki ole

ke huaipauia aku.

EAU !!  EAU !!!

CHAS. J. FISHEL.

Kihi o Alanui Papu me Hotele.          tf.

 

NA HOOLAHA KUMAU.

 

ASA  KAULIA.

Loio a he kokua ma ke Kanawai.

tf.

 

J  L.  KAULUKOU.

Loio a he kokua ma ke Kanawai.

KEENA HANA:  Ma ke Keena o W. C.

Akana ma alanui Moi.                      tf.

 

W  O.  SMITH

LOIO,  LOIO,  LOIO.

KEENA HANA:  Helu 36 alanui Kalepa.

tf.

 

HENRY  N.  KAHULU.

LOIO,  LOIO,  LOIO.

E loaa no ma Koolauloa a ma Honolulu i

kahi wa, ma ke Keena o W. L. Holokahiki

ma alanui Betela.             1028  1 yr.

 

 

 

 

W  A.  KINI.

LOIO,  LOIO,  LOIO.

KEENA HANA:  Helu 15 Alanui

Kaahumanu, Honolulu.         tf.

 

W  R.  KAKELA.

Loio a he kokua ma ke Kanawai.

He Luna Hooiaio Palapala.

tf.

 

W  L.  HOLOKAHIKI.

Loio a he kokua ma ke Kanawai.

He Luna Hooiaio Palapala.

KEENA HANA:  Wehekealaula

alanui Betela.

tf.

 

A  ROSA.  (AKONI.)

Loio a he kokua ma ke Kanawai.

He Luna Hooiaio Palapala.

KEENA HANA:  Ma ke Keena

Loio Kuhina.

tf.

 

S  B.  DOLE.

LOIO,  LOIO,  LOIO.

He Luna Hooiaio Palapala.

KEENA HANA:  Ma ke Keena

Loio Kuhina.

tf.

 

CECIL  BROWN.

Loio a he kokua ma ke Kanawai.

A he Agena Hooiaio Palapala no

ka Mokupuni o Oahu.

KEENA HANA:  Helu 8 alanui

Kaahumanu.

tf.

 

JAMES  M.  MONSARRAT.

(MAUNAKEA.)

Loio a he kokuama ke Kanawai.

He Luna Hooiaio Palapala.

KEENA HANA:  alanui Kalepa.

tf.

 

RICHARD  F.  BICKERTON.

(PEKEKONA.)

Loio a he kokua ma ke Kanawai.

KEENA HANA:  Helu 27 alanui

Kalepa.

tf.

 

SAM'L  L.  KAWELO.

LOIO,  LOIO,  LOIO.

KEENA HANA:  Puakalehua, alanui

Maunakea, Honolulu.

tf.

 

SAM'L  K.  KAEO.

LOIO,  LOIO,  LOIO.

KEENA HANA:  Me J. L. Kaulukou

ma ke Keena o W. C. Akana.

tf.

 

KALE  KULIKA.

Luna Hooiaio Palapala Moraki a me ua

Palapala o ia ano, Luna Hooiaio Palapala

Aelike mawaena o ka Haku a me ke

Kauwa, Luna haawi Palapala Mare.

KEENA HANA:  Kihi o alanui

Moiwahine me Kaahumanu.

tf.

 

C  C.  COLEMAN.

Amara a he mea hana Mekina

Kapili Kapuai hao lio.

A ME KA

Hana ana Kaa Lio, etc.,

Hale Hana ma Alanui Alii,

905-tf   E kokoke la i ke Alanui Papu.

 

S  H.  MEEKAPU.

Tela humuhumu lole.

HALE HANA:  Helu 11 alanui Nuuanu.

tf.

 

F  PAHIA,  SAM.  L.  M.  KAAUKAI.

Ana aina !!  Ana aina !!!

KEENA HANA:  Aia ma alanui Moi,

kokoke loa i ka Uwapo o Hooliliamanu

tf.

 

C  BREWER  &  CO.  (BURUA  MA.)

  Ua makemake ia ka poe mea ILI KAO

MALOO a me na ILI BIBI, a pela hoi me

na ILI MIKO o na ano a pau, e kuai mai

i ko lakou mau ILI me makou, a e haawi

no makou i ke KUMUKUAI KIEKIE

LOA o ko kakou Makeke.

tf.

 

H  HACKFELD  &  CO.

Ua makemakeia

NA ILI BIPI,

NA KIWI BIPI,

NA IWI BIPI,

E haawi ia no ke kumukuai kiekie o ko

kakou makeke nei e

tf.

 

WILLIAM  AULD.

Luna Hooiaio Palapala Kepa Paahana

no ka Apana o Kona.

KEENA HANA:  Ma ke Keena Wai o

Honolulu .

tf.

 

WILLIAM  WOND.

Luna Hooiaio Palapala Kepa.

KEENA HANA    Ma ka Halewai.

tf.

 

NA  HOOLAHA  KUMAU.

 

KA  MIKINI

HUMUHUMU  LOLE

MAIKAI

ST.  JOHN.

E LOAA NO MA KA HALEKUAI

MR.  GEO.  F.  WELLS.

 

O ka Mikini Humuhumu Loke M @

loa keia, i hiki he huila imua @

hope, a i ikeia ma ka Pae Aina

Hawaii nei.  He Mikini

maikai loa no na kanaka Hawaii,

he mikini luhi ole.

KUMUKUAI  $55.00

me Hookahi Gita (Kika)

hookani maikai loa

makana.

O ka poe ma na kuaaina e ake @

keia ano mikini humuhumu, e h @

kou i ke dala ia

GEO.  F.  WELLS

ma Honolulu, a nana no e hoouna aku @

hi i makemakeia, me na mea a pau e @

moku, me ke kaki ole ia o ka mea  @

mekini la.

O ka poe a pau e holo mai ana no H @

ju nei, mai poina lakou i ke kipa ana @

halekuai o

GEO.  F.  WELLS

Ma Alanui Papu, a e kilohi iho @

humuhumu la oia ka

Royal St. John.

Eia pu no me ia na pila hookani o @

pau, o ka loaa koke ana mai @

a me Europa mai, oia

Na Pila Guitar (Kika), he 150 @

mai ka $5 a hiki i ka $125 @

mukuai o ka pila hookahi.

 

200 Koliana mai ka $2 a hiki i @

ke kumukuai o ka pila hookahi

100 Ohe Puluka, $2.50 a hike ika @

ke kumukuai o ka ohe hookahi.

12 Pahu Hookani  nunui , a me 25 Paina

Hookahi liilii, a me na ano mea kani

keleawe a pau, e loaa no ma keia @

lekuai i hoikeia maluna me ke

KUMUKUAI  EMI  WAIPAHE.

Na Piano nunui maikai, e loaa  @

me ke Kumukuai Emi Loa i

ike ole ia ma Hawaii nei.

 

He nui aku no na mea i koe, na kela

a me keia e kilohi nona iho, ke mau

ae ma ko'u halekuai ma Alanui Papu

E hookoia ka makemake o kela a me

keia me ka eleu.

GEO.  F.  WELLS.

1094  tf.                  Alanui Papu.