Ka Nupepa Kuokoa, Volume XXII, Number 43, 27 October 1883 — EIA MAI KA OIAIO E KALUNA. [ARTICLE]

EIA MAI KA OIAIO E KALUNA.

Ua ike au i ke noi maikai a kuu hoa'loha P. Kalima (kalolika) ma ka Elele Helu 42 oot 17, e hoike aku i na wehewehe o na ninau i hoikeia ma ia pepa ma ka la'29 o Augate Melu 35, penei: "No ka hemaliema anei a ike ole paha a hawawa hoi 0 keia Epikoko kaulaha, (Augutino) a ka moolelo ekalesia Kalavina, a Gerina o Makawao e kuhikuhi nei ma ka aoao 55 mokuna 4, i olelo ai oia (Augutino) aole au e manaoio i ka Euanelio, ke ao ole mai ka ekalesia ia'u ? 2 "0 ka ekalesia hea la ia ana e olelo nei e ao niai iaia ?" Ma keia mau ninau au e ka makamaka, ua hoike aku au i ka haina ma keia pepa ma ka la 15 o ka mahina o Sepatemaba, a no kou noi hou ana mai i na wehewehe, nolaila eia mai ia. Haina 1. Ua hemahema a ua hawawa keia Augutino au e hoike nei, no ka mea, he Augutino makanl keia, aole ona kino. He Agutino aihue keia, a he lawe wale. - He Augutino keia i noho iloko o ka puahiohio, aole ma Hipo i Aferika. Haina 2. 0 ka ekalesia makani, no ka mea elike me ka hiki mua, pela no kona ukali. Eaj e ka makamaka, e makawelawela mai ana anei oe ia'll ma keia mau hoakaka ana ? Aole, e hoolohe iki mai a na'u no e kuu aku i ka : nahe, malia o pau no ka uilani o loko. I O keia Augutino au e hoike nei, aole loa e loaa kona inoa ma ka moolelo ekalesia Kalavina mokuna 4 aoao 55, elike me kau hoike ana ma 'ka Elele helu 35 ame 42. Nolaila au i hoike ae nei, he Augutino hemahema keia, no ka mea, he makani wale no aole he mea kino oiaio. He Auguti»o aihue, no ka mea o na olelo au i hoike mai nei, oia keia, " Aole au e nianaoio i ka Euanelio, ke ao ole mai ka ekalesia ia'u, " aole ia na keia Augutino makani i oleloia eoe ma ka moolelo ekalesia Kalavina mokuna 4 aoao 55, aka, 0 ka mea nana ia mau olelo oia no o Augusetine ke kahu ekalesia o Hipo e noho ana i ke kenetuna 4a oi ma Aferika. A e loaa no keia wehewehe ia oe a me ka lehulehu a pau, ke nana i>ono ma ka moolelo ekalesia Kalavina mokuna 4 aoao 61 nie 65 helu io malalo. Aole hoi na kela Augutino makani au e hoike nei ma ka aoao 55 moolelo ekalesia Kalavina, nolaila au e hoike nei he Au gutino aihue a lawe wale keia, Ke hoopau nei au i keia mau hoakaka ana me ka aloha nui ia oe. 'L S, K. IJAAI.UHI.l J AAl.UHI. Puuokauai, Haiku.