Ka Nupepa Kuokoa, Volume XXII, Number 43, 27 October 1883 — KE ANO O KE AUPUNI, [ARTICLE]

KE ANO O KE AUPUNI,

Ke ano o ka huaolelo aupuni, he hookahi no ia a ua maheleia keia huaolelo e na mahele ekolu, e hookaawale ana i kahi mahele me kekahi, a e hookaokoa ana i ka hana a kahi mahele a me kahi mahele, aole lakou huikau iki ma na mea a pau a oiai kela mahele ame keia mahele e noho mana ana maluna o kona kuleana iho, i mea e kue ole ai kekahi mahele i kekahi mahele. O ke kumu kanawai ka mea nana i hoakaka ua maheleia ke aupuni i keia mau mahele ekolu a nana no i hoakaka i>akahi i ka lakou hana, a me ko lakou mau palena a pau e hana ai, me ke kae'ole 0 kahi nie kahi. Penei: Ika Moi ka mana hooko, i ka Ahaolelo ka mana kau kanawai, a i na Lunakanawai ka mana hookolokolo. 0 ka hui ana o keia mau mahele a lilo 1 hookahi, oia no ka hooko pololei ana 0 kela mahele keia mahele i kana hana 1 kauohaia ai e ke kumu kanawai e hoike ana i kona paulele ana īnalnna o kana apana hana, hooko pololei, paewaewa ole, kekee ole, lele ole mawaho o kona palena, kii ole a lawe i ke kuleana o kahi mahele, a malama i ka malu ka hanohano, ka ihiihi o ka lakou mau oihana pakahi, a ua kapaia he kuikahi, he lokahi, he hookahi, a he ikaika hoi.. A mailoko mai olaila kapaia he aupuni, he hookahi "kona ano no ka mea na hooko pololei kela a me keia i kana iho, a ua kapaia ia hookahi he ikaika, he mana, he hana i na hana e pauleleia al Iloko 0 keia mau mahele ekolu i hoikeia, a ma ka lakou mau hana i hoike pakahiia aku nei, iluna o kahi o keia mau mahele ka nui oka hana i kau ai a ua hookaukoloia ko lakou mau noonoo a pau i kela a me keia manawa. No ka mea, maluna o lakou pakahi a pau i ikeia ai ke kulana onipaa ana 0 ke aupuni, ka naue ole, kuihe ole, kanalua ole a pela aku. Ma ka lokahi o keia mau- mahele ekolu i ikeia ai ka noho kuokoa ana o ke aupuni, ka hiki i ke aupuni ke malama iaia iho ma na mea a pau, ka holo ana ma na oihana kuloko a kuwaho, ka launa aloha ana mawaena o na«aupuni a pau, oia ke kulana o ke aupuni e hoike ana iaia iho ua ku maluna o ke kahua o ke kumu kanawai. O keia mau mahale ekolu oke aupuni oia na mahele e naueue nei iloko o kahi mau aupuni nui, ala mai ka haunaele kuloko a kuwaho, ke kaua a me ke kauaia mai, oiai keia mau mahele e kue ana kahi i kekahi, e kaili ana kahi mahele i ke kuleana o kahi mahele, a e uhai ana kekahi mahele i ke kumu kanawai a lilo ia mea e paonioni ai lakou, a o ka hopena o ia mea o ka mokuahaoa o ke aupuhi, a lilo ka noho maluhia o ke aupuni i mea ole, ala mai na kipikipi ka uluaoa o ke aupuni mai 0 a 0. O ko kakou aupuni ke ku nei oia maluna o kona kumu kanawai a me kona mau mahele pakahi eku nei. Aka, he mea kahaha nui nae ka ike ana iloko o keia mau la e hele nei ka hoao ana o kahi mahele o ke aupuni e lele mawaho akū o kona palena i kauohaia e ke kumu kanawai; haohao no, heaha la ke kumu aole i maopopo pono loa keia ano hana. Aka he wahi hiona iki ke ikeia nei oia ke ake ana o kahi mahele i na pomaikai nona iho me ka nana ole i ka pono o kahi mahele a me ko laua pomaikai. Ina pela iho.la ke ano o ka aupuni e hanaia ai "alaila ua kukuluia ke aupuni ma ke ano huli pomaikai no ka mea hookahi, a no kahi mea paha i manao ie alaila aole ia he aupuni aka pe hoonuanua pomaikai wale iho no hai.